Post: #1
Title: الفنان صلاح ولي دفع قروش عشان يظهر مع أنو فنان متواضع جدا#
Author: زهير عثمان حمد
Date: 08-29-2013, 09:09 AM
Parent: #0
من أخطاء الفضائيات عندنا ..أن السهرات التي تسجل لا تجد رقيبا أو محاسبا أو مهتما بالمشاهدة والمراجعة بما في ذلك منتج السهرة والذي ينصب جل إهتمامه في بث سهرته مرات يدافع النشاط وأحيانا لأغراض شخصية معروفة لدى الجميع فتأتي أخطاء قاتلة في حوارات الفنانين والضيوف مع علمنا ويقيننا أن أغلب الفنانين الشاب يعدون " فاقد تربوي " . ولذلك نجد أن المهم والضروري جدا مراجعة حديثهم عبر السهرات أو البرامج وأعني هنا السهرات المسجلة لأنها تعطيك مساحة كافية لمعالجة أخطاء في حديث الضيوف .سقت هذه المقدمة لأعلق على حديث " مهرج " أو " أراجوز " استضافته قناة النيل الأزرق قبل فترة في سهرة " تقاسيم " وأظن أن أسمه " صلاح ولي " وكان برفقته أثنين من قامات النقد والغناء عندنا وبكل أسف كان الأستاذ ميرغني البكري حاضرا وكان الدكتور الدرديري " ديكورا " للسهرة عمل بعدها " ككورس " مع صلاح ولي .
وقد شدني حديث الضيفين على الفنان صلاح ولي فأيقنت تماما أنه " قنبلة " فنية جديدة فجرتها قناة النيل الأزرق عبر سهرة " تقاسيم " ولكن سرعان ما غنى الشاب " صلاح ولي " وليته لم يغن !!
ليس من حقه تقييم صوته وأداءه لأنني لست مخصصا وهذا نتركه لأهل الاختصاص ولكن استفزني جدا حديثه عن الإعلام السوداني " صحافه – إذاعة – تلفزيون " وقال أنه " يدفع " للإعلام منذ بداياته لكي يجد فرصته وحظه من الاستضافة وتأتي المصيبة الأكبر حينما قال لأستاذي ميرغني البكري " والله يا أستاذ وأنا عشان أصل هنا دفعت دفع تقيل " وكانت رسالته واضحة للأستاذ حسن فضل المولى والأستاذ الشفيع عبد العزيز مدير البرامج لمراجعة لمراجعة داخلية ومحاسبية سريعة كيف يتم اختيار الفنانين في مثل هذه السهرات ؟ّ! ومن المسئول عن اختيار الضيوف والفنانين ؟!
وكيف مر حديث هذا الشاب مرور الكرام رغم مراجعه ومشاهدة السهرة قبل بثها ؟!
لقد قيم " صلاح ولي " حال الفنانين الشباب في بداياتهم وذكر أن " القروش " هي سر النجاح ومواصلة المشوار .
صحيفة الدار
|
Post: #2
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: وضاح عبدالرحمن جابر
Date: 08-29-2013, 09:19 AM
Parent: #1
سلام زهير
هسع هنا نلوم منو الفنان ؟
ولا الاعلام البدفعوا ليهو عشان يشوف شغلو ؟
|
Post: #3
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: Mahmoud Mustafa Mahmoud
Date: 08-29-2013, 09:35 AM
Parent: #2
عزيزنا أبو الزهراء..
كيفك وحمداً لله على سلامتك والعيد مبارك عليك..وأعفو مننا ياخ..
بالنسبة للشاب دا:
فهو مؤدي دمو خفيف على استعراضي وكدا..
هذا كل ما هنالك..
..
تحياتي وكدا..
.
|
Post: #4
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: زهير عثمان حمد
Date: 08-29-2013, 09:37 AM
Parent: #2
الاخ وضاح
تحياتي
يا خي القصة جاطت شديد جدا بقت أنا ذاتي ما فاهم حاجة!!
|
Post: #5
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: ناذر محمد الخليفة
Date: 08-29-2013, 12:04 PM
Parent: #4
!!!!!!!!
| Quote: وقال أنه " يدفع " للإعلام منذ بداياته لكي يجد فرصته وحظه من الاستضافة وتأتي المصيبة الأكبر حينما قال لأستاذي ميرغني البكري " والله يا أستاذ وأنا عشان أصل هنا دفعت دفع تقيل " |
دي فضيحة والله يا زهير ..!!
برضو نحي شجاعة صلاح ولي !!
هل نأمل في تصريحات اخرى من فنانين شباب أخر تذكر طبيعة التنازلات التي قدموها للوصول للاعلام ؟!
|
Post: #6
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: ملهم كردفان
Date: 08-29-2013, 12:43 PM
الود ليهو كاريزما ...... حلوه
وحيعوض القرشين الدفعهم للميديا عشان يظهر
والعندو قروش قطع شك ......بخش الحوووش
|
Post: #7
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: ناذر محمد الخليفة
Date: 08-31-2013, 09:14 PM
Parent: #6
ناس الفيس بوك .. الرجاء ضبط مصطلحاتكم ..
لو كان زوتنبرج ولا منو داك هو أمين الموقع دا كان لحقكم امات طه ...!! (taha mothers)
يا بكري .. الرجاة التنسيق مع زوتنبرج ولا منو كدة داك بتاع الفيس بوك لضبط الكتابات .!!
|
Post: #8
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: محمد الامين احمد
Date: 08-31-2013, 09:40 PM
Parent: #7
صلاح ولى فنان جميل ، فنان بحق
|
Post: #9
Title: Re: الفنان صلاح ولي دفع قروش عشان يظهر مع أنو فنان متواضع جدا#
Author: حامد بدري
Date: 09-01-2013, 02:11 PM
Parent: #8
| Quote: ميرغني البكري " والله يا أستاذ وأنا عشان أصل هنا دفعت دفع تقيل " وكانت رسالته واضحة للأستاذ حسن فضل المولى والأستاذ الشفيع عبد العزيز مدير البرامج لمراجعة لمراجعة داخلية ومحاسبية سريعة كيف يتم اختيار الفنانين في مثل هذه السهرات ؟ّ! ومن المسئول عن اختيار الضيوف والفنانين ؟! |
غايتو ياابو الزوز عندي بوستي هنا ليوعلى باليمين لابعرفو لابعرفني لادفع لي ولا شئ فانا داير حقي ياولي وماعافي ليك وعايزو بالعملة الصعبة ايو صعبة يورودورار ينطح دورار ورعاية المصلحة ماعيب زمان في فنانين كتار وكبار دفعو عشان يخشو الاذاعه والتلفزيون في بداية المشوار فماتلوم ساي وركزلينا في غناو ولونية فنو والحركات الحلوة القاعد يعملا كسر فيها الروتين وظهر بي حقو وبصمتو الشخصية
|
|