و للمديوندير ايضا نصف ضحكة

بيوت اشعار هذا الزمان
قصيرة كشعري القرقدي
Curly
يسمونه شعر الحداثة
نصيبي فيه كدقيق نثروه
او محاولة التقاط بعض حبيبات الرمل
في سافل بلادنا الشاسعة

فليأتي معاوية بوصلعة ايفون
او
دكتور سيف
ليقولا لي اواصل اشعار المديوندير
او ليقولا لي
دع الشعر في حاله
و اذهب الي شأنك

طبقات ود ضيف الله
اطباق طائرة
شيكات طايرة
ابقار طائرة
جنيات المطر
لونها احمر ملمس حريري
تجيبها المطر
حتي السمك جايبها المطر
اوسار اعصار
هبوب شطان
تقول لو محمد معانا ما تغشانا
تلفك تخمك
تشيل هدومك
بس ما شفناها جابت بقر

لازم يعني
معاوية
وسيف




ما ممكن نطلب وتنتظرهم ضحكة كاملة


تحياتي

Quote: لازم يعني معاوية وسيف

اهلا بيك الهبيب بله

انا دائما بقول اول زول بدخل بوستاتي هو زول مبروك

تعال قريب
بس عايزك تقول لي كلامي الفوق ده شعر و لا نثر؟
لغاية ما يجو ناس الشئ ظاتم

شعر نثر ما بعرف
بس عجبتني


....

سحابة شايلة
شوقارة نايرة
نشوق دار الصعيد
تشلع براريقا
سوا كنا ... سو لا
وقف البندورة
وقف الدرة
Shoot to kill
الحشرة
الما بتسوي العشرة
وقف البلف يا عوض
قوم بالفرض
هز الارض
حت القرض
وووب
الذرة ذاتها وينا
الخريف اتأخر
المطر..
الامطار
و ما ادراك
يقول اهلنا "بوباي وداي"
مهما طالت الازمان
88
13
يعني 25 و الذاكرة قد خربت
25 سنة ... الـ سي اي ايه
تطلق اسرار كتبها بعد
لان ذاكرة البشر خربة
صلاة استسقاء
تقبل الله منا
غضبت الاودية علي احتلال حواكيرها
الزراع صارو احزمة المدن الخاوية من ضمائر البشر
و صارت زراعات الاسمنت تسد عين الشمس
و تحتها تلاليس خلق الله
و صرنا تلاليس من كل شئ.
انقذونا

او انقذو التماسيح
التماسيح صارت ممشوقة الجسد!
من سوء الحال وقلة المال
و باطن الارض كانت تجود بشئ
و لكن مائدة السماء افضل
المعونات تأتي عبر السماء
Money does grow on trees
Fast money
Easy money
تباع في سوق الله اكبر
الابقار لم تصلي استسقاء
كانت تشرب و تأكل قبل المطر
و لا ذنب لها
فكانت اولي بالانقاذ
عبر الاطباق الطائرة
اما انت يا محمد احمد
فقد صليت لاجل المطر
فأصبر صبرا جميلا

المصانع محمية من فوق
Easy Food
Donkey meat
Hot dog
Made from dog
Hot soup or Noodle
Made from Kerry Beagle
خليت اكلك السمح
عصيدتك
قراصتك
مريستك
باسم مصلح
فول مسلح
بقيت تأكل في اللغاويس
ما بتفرز في المتاريس
تخاف من المديدة
تتشتم بالعصيدة
و تموت بالسراطين من البوتاسيوم برميده
و تقول "البديل منو"

محجوب عبد الله

شكراً لك
امتعتنا...
وأدهشتنا


أيمن الفاضل
بلاد الواق واق

تمضي السيول إلى النهر
ويجري النهر إلى مصر
ثم يصبّ الماء في البحر
وتُبحر السُفُنُ في يسر
تأكّد أنها ليلة القدر

هاني

عاطل
الباجة

ايمن الفاضل الذي من بلاد الواق واق
اندهش و خت الكف في الوش
دخل البوست و ابي يخلي الكاش
يومك سعيد مطر الرشاش
عيشتك هنية و اكلك اقاش


_____________
مرحب بيك و شكر علي المرور

الحس كوعك
فوق جزمتي
انت عبء اداري
كتلتك افضل
عايزين تلتك
عايزين بديلك
نجيب جنجويدك
يهجم يبدك
نرتاح منك

هاني متهني
لقضايا الناس الغبش متبني
بالطين متبلي
بالبقشيش ما بخللي
ربنا يحفظك و يخلي

_____________
شكرا لمرورك الكريم اخي هاني

يا مهجوب لك الفيريست اميدمنت و للمديونير تسعة اميدمنتس أخريات
فري اكسبرشن للطيش يا معلم و المافي شنو
كما قال مرة فتى من نواحي القيقر
اختار انتماء آخر
فليكن حمودي أو
المهم

يا خاشقجي جيبها طايرة
اديك دولارا
نشوف تدبيرا
تشيل جنزيرا
و تشرب بيرا
نعيد الكرا
و ديك السفرا
و نجي من برا
يا دوب هي تفك سكرا
ابدا ما ننجرا

Quote: فري اكسبرشن للطيش يا معلم و المافي شنو

اوه سيف النصر
جاء و جاب الشكر
من جده كدر
شايل هم البلد و الناس الخدر


_____________
شكرا يا مان

قالو الفرق بين التمرة و الكباية
الكباية بتتمر
التمرة ما بتتكبكب
كيف الكلام ده؟
التمرة بتتكبكب و نص كمان
عرق الجبين
عرقي ام زين
فخر الصناعة الوطنية
تتنهر
تنقهر
تندثر

يا محجوب مصطلح المديونير ده بالغت فيهو وعندي ليهو ناس كتار بلصقو ليهم ؛)

Quote: يا محجوب مصطلح المديونير ده بالغت فيهو وعندي ليهو ناس كتار بلصقو ليهم ؛)

هبيبنا ياسر
بالله عليك في هذا البلد الفيهو شئ اسمو كريديت كارد هذا مش ممكن يتلصف في اي واحد فينا.
طبعا ما تقصر مع الناس المديونين اخلاق بالذات

شعب مديون اخلاق
مديون عظمة
مديون مليون ميل مربع
مديون ارواح
ثلاثة ملايين رقم وين راح
مديوندير
ملعوندير
عرياندير

محجوب بقيت تخش فى تخصصات عجيبة
أخشى أن "يزدردك" هذا المكان يوما ما

Quote: أخشى أن "يزدردك" هذا المكان يوما ما

الزردية اللولية يا لون الحبشية
يا سيدي الحسن و يا شيخ حسن الحقو سيدي ابوكوفية
ماشي هلمجرا و جاي بالملازمية
يزرد رقبتو بالزردية و العمر ماشي بالوردية
قولو يبقي ضران
كان شاف الغريق ماشي الغريق
يزيد لو الموية بالابريق
خلو يفطس و يفطسو السراريق


______________
الهبيب بله
شكرا علي المرور
يا زول من زمان ادزردنا في هذا المكان

ديل متمردين
ارواحهم شريرة
يروحو في الكركورة
اديهم بالانتنوف
رشهم بالرشاشة
و قشهم بالمكشاشة
اكلم ني
ما تجيبم حي
عبء اداري
في عالم ما حضاري
يوم عرائس
يوم صقيرا حايم فطايس
لحور الجنه كايس

خرجَ من الصباح
يكوس حق الملاح
وديونو خبرها فاح
وسيد البقالة كتّر الإلحاح
والجزّار جابا ليه تاح
وبتاع اللبن قال ليه باح
والمسكين انتحر تح تراح


هاني

عاطل
الباجة

باع الغنيمات
البقيرات
الدهيب،
عند الصاغة
بات في الصفوف..
وتعرض لامات كفوف
جماعة؛
انكسر؛
وانشطر؛
واعتبر نفسه انتصر
فقد اشَّر..
في مية ساعة
وجاء واعتمر؛
وعينه على العمل،
نام في الحصيرة
فقد انتهت التاشيرة،
يا ربي كيف الاوضاعا..
وقبضه العسكري
.نتل ايدو كانه مونتجمري
اواضاف سراعا
انت قايل الجية هنا ساهلة؛
وضاقت عليه الماهلة
ورجع؛
...............
حتى هذا الخيار لم يعد ممكنا الان؛
فتململ،
غايتو اتقفلت علينا تِقِفِلت السوَّاد والرماد

Quote: ** الأخ محجوب .. ** سلام ومساءك خير.. ## ببما أن الخط الذى كتبت به لاينم عن حرفية المديونيرات ولا الملياديرات فى صحوة الأسافير السفرجليه , المُعبقه برئحة الزيزفون , المُترنحه بموسيقى الساكسفون قى أعالى الهضاب السكسونيه وبمقياس الكلكات الإسفيريه للبوستات المُستحميه بماء الورد .. (يابكرى السفرجل بتاعك دا يحير )

فى صحوة الأسافير السفرجليه
و اطلالات الفيسبوكية
او قريتنا العنكبوتية
شكرا لهذا الزمن
الذي جعل التواصل عبر اللاسلكية


شكرا ابو محمد علي المرور

في بوست عندما ضحك المليونير والله يا محجوب دخلت بي القلعة مرقت بي ابنظارات(ديل في سنار)
-----------
وخاولت جاهدا افهم لكن غلبني تب
لكن بوستك بتاع الفقرينير دا وقع لي في جرح وهدفو واضح
وهاك المساهمة الشعيرية دي :-
كان السماء داكن
والطاجن فاحم
والحلة تجقجق
وانا ادشاء عااااااااااااااااااااااع
وفجاءة تظهر في ثوب وريف
والدنيا خريق
وبكرى اللواري بتقيف
لقيتني كيف ؟؟؟؟

---------
على دفع الله من اعلى قمة جبل موية

Quote: اما المديونير يامحجوب فحاشاه أن تكون له ضحكة مجلجلة أو نصف ضحكة يكفيه أن تعبر بخاطرة نصف ضحكة وليس له في كرسي دوار من نصيب ج وأستغفر الله لي ولك

اخي من نواحي الفيس بوك حسن ابوقرون
دوار
دخل الدار
قال دقو الظار
همروش سفار
بين مالطة و سنار
يا ود الباوقة خلي الشمار


__________
شكرا اخي ابوقرون

Quote: والمسكين انتحر تح تراح

تح تراح
راح و استراح
في الجنان ان شاءالله يرتاح
ابدا ما كان في الدنيا مرتاح
لا حول الله
الانتحار ما حق نصاح
بس يسر الحال ما كان متاح
الله يديهو للجنة مفتاح

_____________
صديقنا من نواحي الباجة
شكرا لاثراء المديوندير بهذه الكلمات

Quote: فقد اشَّر.. في مية ساعة وجاء واعتمر؛

عبدالمنعم


مالك جلبت لينا المواجع
كانت قصتي كهذه
ذهبت اليها و في كتفي جلود بعض حيوانات افريقيا
فهي رخيصة مثل ناسها
سألني احدهم
فقلت له جلد الفهد
تلفت يمينه و يساره
من هول ما سمع
احمرت عيناه
تجمدت شفتاه
ايقنت هول المصيبة التي انا فيها
فملكهم يحمل ذات الاسم

Quote: لقيتني كيف ؟؟؟؟

لقيتك في البوادي
و في البنادر
في الخلاوي
و في الاسافير
الارضة جربت الحجر
عادي ممكن كلنا نكتب نثر
او شعر
تحت حد الفقر
او تحت الصفر

سودانير
سودانطير
شيل الراء و خت الزين
سودانيز
سودانيز علي الخط
كيبوردك قلمك
قلمك سلاحك
ممكن شعلة و
ممكن قنبلة
Drones Srike
Behind your dike
Or anywhere you like
Face hide
Masklike
Ladylike
Lionlike
Batman
Spiderman
Superman
Gentleman
تيس لبلب
تيس كبكب
عكاز مضبضب
سلاح كركب
تسب ميتين
و تحمي الدين
وقار من طين

قبلة من فوق القزاز
او في دارجي الحلة
مبوذ بالقدوم بالخشم شلاليف
الشئ بقي بالقزاز
وين الكأس؟
كأس القرع الوناس
زمان الناس كانو ناس بلد
كان بشيلو بالكأس
و بدو بالكأس
يوزنو الرأس
يبدو الدواس
يباركوها احساس

قبلة من خلف الزجاج
شئ اسمو اسميرنوف
فودكا
كريستال
سيادتك هذا عطر يا طويل العمر
من كل الممرات تمر
تحرق في الدواخل
تدردح في المفاصل
تترع في المنافذ
و تينع في الرؤؤس
مرات و مرات
دون ان يحين خطافها

تركب فيلك
حشيش اخدر
جربو زولا منا
كان فنجري و لونو اخدر
جانا صباحا بلون احمر
جلابية و سروال و نظارة
و عصاية و كلو شال احمر
قلنا لو مالك يا زول الله
قال بصرت بما لم تبصرو
فقبضت قبضة من اثر الحشيش
و ها انا كما ترون
و اعلم انكم تواقون الي حالي
و هيهات

لحم أُم فِت فِت ،،،

لم ينل من نصف الضحكة غير شريحةٍ صماء لونها
كستنائي، فأصبح معلقاً فوق حبال صمت الديون ذات
اللون الليلكي. مزامير التنور تفور علي صخب الزمان
المستطيل، ودهليز خيط رفيع يضج بأصوات مكبرات
الصوت في عُمق الفوضى المبعثرة علي رموش جوف
الفتنة. ضحكنا ضحكات مبعثرة في عُباب الهم معلقة
علي رمش الهموم الناعس المطلي بلون قيعان الفضاء
المنغمس في بحر الظلمات، وأرتشفنا فُقاعات الشاي
حيث دخان سيكارة المديوندير يتلولو في فضاء اللآ
شعور كنبض ساعة الزمن الذي يوحي بسيول وفيضانات
في جوف عُباب ذكريات، وبعض دولارات كانت
تُحدق عبر مسامات الألياف في وجه المديوندير
الممسوح بهسيس إرم ذات العماد. في الراس دوار
من دوران الكرسي الدوار داير دربكين يدُر لبن
دريرِ كخذروف الوليد، غنماية دارة.

معاوية المدير،
فاس الماوراها ناس...

Quote: معاوية المدير، فاس الماوراها ناس...

حباب معاوية الوناس
جيب في الويكند وكت ما في ناس
يا زول الويكند حق الناس المفلاس
جارين للرزق من امبده لي تكساس
وين نحنا مع ناس الاناناس

تكتل طالب
نسكت خايب
تضرب بونية
نقول لك غنية
تضرب شلوت
نركع للبوت
تضرب جبخانة
تضرب دانة
نشوف لك خانة

Quote: Hassan Ali Abugroon · الأكثر تعليقا اما المديونير يامحجوب فحاشاه أن تكون له ضحكة مجلجلة أو نصف ضحكة يكفيه أن تعبر بخاطرة نصف ضحكة وليس له في كرسي دوار من نصيب ج وأستغفر الله لي ولك

محجوب و حسن بتاع الفيس بوك

لما هذا التضييق

والله نضحك زي ماعيزين

قومو لفو
ال نصف ضحكة ال

Quote: لما هذا التضييق

ربوع الوطن قد ضن علينا جميعا رغم مليونيته مساحته
صار ابناءه و بناته تسولون شوارع العالم بحثا عن ملجاء
اكلتهم حيتان البحر المتوسط
و اقراش بحور استراليا
علي مراكب الموت
و بين اجشاء الوطن يموتون بالملايين ايضا
خوفا من البديل.
صديقي اتصل علي قبل سنوات
و قال بالحرف الواحد
ان هذا الوطن يسعنا جميعا
عد الينا
قلت له هل هذا اكتشاف اليوم في عبقريتك
ام اعادة انتاج بعد ان ضاقت عليكم

______________
مرحبا احمد خليل و شكرا لمرورك الكريم

القيامة...
علي منضدة مكتبي
كرة بها خريطة العالم
ادرتها دورة كاملة
فتذكرت اوصاف يوم القيامة
و ان الشمس تطلع من المغيب
قلت وجدتها بصوت عال
ادرت الكرة في الاتجاه المعاكس
هكذا ستشقرق الشمس من المغيب
ادرت الكرة مرة اخري حتي وضعت اصبعي حيث اجلس
او تقريبا
و قلت اهكذا انا اعيش في الجانب الاعلي من الكرة
ماذا عن شعب استراليا
انهم يعيشون اسفل الارض
انهم مدلدلين كالخفافيش
هل يرون السماء تحتهم؟

القطران
دهان مصارين الارض
محبوس
حبس بول
قسطرة
مسطرة
نفاطة
زي البيبسي
تهضم لك
تطرش عدوك

رقاصة
ضحاكة
فصالة

Quote: عدنا يامحجوب من تحت فجاج الأرض أفتحوا لنا للأعلى نافذة أو نفاج سئمنا من ظلم السرداب مازال المديونير يحلم من اعطاه الحق في أن يحلم أو يشعر أو يتلذذ فليأتي اذن الطوفان ويقتلع جذور الحلم يضعه في أحشائه ويروح ويجندل كل مافي الأحشاء في البحر اللامتناهي المد

اللامتناهي هو موت الموت فينا
سار حتي سئم بيننا
او اقعده التعب
او ان مداد الدم قد انسكب
او لم يعد قادرا ارتعب

______________
شكرا لمروروك الكريم اخي ابوقرون

يلا عبر الاسافير
من امريكا لابو جنزير
نقد كان وحيدا
خذلته الايادي الخفية
تفضلت عليه بفضل الظهر
ثم جاءو يضحكون
مثل ابي سلول

الشموس تتجلي في الضحي
و في الاصيل
علي خط الاستواء
و هجير الليل او برودة الشتاء
او غزارة النهار في اقطابها
الصحراء في احشائها
الغابات
الزلازل
براكين الغضب
مما تغضب؟
و مما نغضب؟

كان ابن القذافي من قذاف
قذاف الدم
لاعبا للكرة
كرة القدم و في الدوري هداف
كان لابد له ان يحرز و يحرز
اكثر من هدف
كان الاول في كل شئ
و قبله كان ابن صدام
و كان ايضا في احراز الاهداف مقدام
عدي يعدي الكل فهو الهندام
ينبهر الجمهور
و اللاعبون اكثر انبهارا
فهو ابن صدام
كان الاول و كان النشام
اما السيدة الثانية
او صعود السلم
او النزول الي الثالث
في زمان الكرم المباع
و اشرعة السبت
في اسواق الثلاثاء

*