أعتقد أنها تعني ( الذين يُلْقون التحية ) وفي رواية أخرى : الذين يحْيون ذكرى معينة ترقد في الذاكرة والمعنى في بطن الشاعر
Post: #3 Title: Re: ( محيو ) Author: أبو ساندرا Date: 08-28-2013, 09:11 AM Parent: #2
أبوجهينة: والله مشتاقين يا رجل
Quote: أعتقد أنها تعني ( الذين يُلْقون التحية ) وفي رواية أخرى : الذين يحْيون ذكرى معينة ترقد في الذاكرة والمعنى في بطن الشاعر
معقول تفسر لينا الماء بالماء ؟ اها كده جهجهتنا أكثر أفصح ياخ .. وأظن المعنى في بطن ( المسكوت عنه ) كدي في الأول أدينا النماذج وبعدين القصة بتظهر يجوك ناس ود الموج و عاطف عمر و صلاح عبدالله و محمدأبوالعزائم ورهط من الضالعين في الأغنية السودانية و أسرارها
نموذج1 (غنى القمري على الغصون) ------------ (فريد عصرو الما متلو شي قاسي سماع لهجو الحنون عظيم كالمال حلو ك البنون بي للهجو يداوي الجنون شعاع محيو العين تختشيه )
المفتاح : البنون بتؤشر على طبيعة ( محيو ) من حيث النوع كما أن ( عصرو ) دي ذاتها ليست بريئة
Post: #21 Title: Re: ( محيو ) Author: أبو ساندرا Date: 08-29-2013, 08:59 AM Parent: #20
نموذج 2 الحالم سبانا ---------------- (الحالم سبانا احب طرفو الكحيل اكرم لي هوانا يعيش محيو الجميل ) و (تأمل فيهو مرة وشوف دل العذارى تلقى الصورة تحلف يوسف في اطاره)
تفكيك : - محيو الجميل ده فيهو دل العذارى الحالة هنا تشبيه ، عنده خجل زي خجل العذارى لو كان هو من العذارى ، لما كان الوصف على اساس التشبيه بالدارجي كده ، فيهو خجل البنات ماممكن نقول البنت دي فيها خجل البنات ، ما اصلو حقها - المؤشر الأوضح الذي يكشف عن مراد الشاعر أن الجمال المقصود جمال رجل والدليل يوسف سيدنا يوسف مثال جمال الرجال وهو من نوع الجمال الذي يستفز ويغري النساء ومحنة يوسف مع اخوته اساسها الغيرة لإهتمام الأب به من دونهم لكن محنته الأخرى أنه فتن نساء القصر وهذا وضع طبيعي الشاذ هو أن يهتم الرجال / الشاعر بجمال رجل تشبيه محيو ب يوسف
كما تعلم بأن بعض الشعراء يطلقون المعنى القريب وهم يقصدون المراد البعيد ( ودة بيدخل في إطار المعنى في بطن الشاعر )
ثانيا :
سيدنا يوسف ، فاق جماله أي جمال حتى وصل الحد بأن قالت نسوة زوجة فرعون ( ليس هذا ببشر بل مَلَك ) ، إذن جماله يفوق جمال كل بشر بما فيهم الإناث .
ثالثا : دل العذارى ، يختلف عن دل غير العذارى ، لأن دل العذارى لا تكلّف فيه ولا صنعة ، أما باقي الدلال عند غير العذارى فهو مصطنع في مواقف معينة ولأجل غرض معين.
دمتم
Post: #23 Title: Re: ( محيو ) Author: أبو ساندرا Date: 08-29-2013, 09:28 AM Parent: #22
أبوجهينة:
Quote: أما باقي الدلال عند غير العذارى فهو مصطنع في مواقف معينة ولأجل غرض معين
يا أبو غرض إنت
Post: #24 Title: Re: ( محيو ) Author: أبو ساندرا Date: 08-29-2013, 09:34 AM Parent: #23
الكومندنتا فيصل محمد خليل .. شكرآ على وردي سيف اليزل الماحي .. شكرآ على المحاولة ، الدقت في العارضة محي الدين برير حامد .. بمداخلة يتيمة إعتمدناك من ظرفاء المنبر بس بعد ما تفهم حكاية ( محيو ) هذه ما يبقى ليك بمبي
Post: #25 Title: Re: ( محيو ) Author: أبو ساندرا Date: 08-29-2013, 09:38 AM Parent: #24
يحي قباني :
Quote: فإذا استشهد البدر و قسم بي ( محيها ) فهو يقسم بجمال ( وجهها )
كفرك فكا يا صاحب أو عامل زغبير من الموضوع
Post: #26 Title: Re: ( محيو ) Author: محى الدين برير حامد Date: 08-29-2013, 10:20 AM Parent: #25
سلام ابوساندرا وسلام مكعب لى دكتور بلة
ابوجهينة قال معناها من يلقون التحية قلت ليهو الوهلة الاولى دكتور بلة قال دلع محى الدين برضو قلت ليهو الوهلة الاولى عليك الله لمن تجى الوهلات التانية والتالتة ادونا خبر (ههههه) وجيبو لينا اخر وهلة (اخت اخر لحظة الكبيرة) ههههه حاكم نحن لسة عيال صغيرين فى البورد دا وبنقرا بى عيونا بس لسة مرحلة مابين السطور وقراية الاضنين والانف والحنجرة دى ما وصلناها فا شنو ادونا النجيضة على قول ود الصائم فى عزلته المجيده
ودمتم
محيو
Post: #27 Title: Re: ( محيو ) Author: أبو ساندرا Date: 08-29-2013, 10:30 AM Parent: #26
محي الدين برير حامد
Quote: فا شنو ادونا النجيضة على قول ود الصائم فى عزلته المجيده
النجيضة اديناك ليها ولو عايزها طاخ فالشاهد أنه من زمان تحدث العارفين و المجائلين على أن الآمر متعلق بغزل في ولد/ شاب إسمه محي الدين
اها انا عزلة ود الصائم دي ما منتبه ليها يا متابع انت راجعنا فوق شوية
Post: #28 Title: Re: ( محيو ) Author: محى الدين برير حامد Date: 08-29-2013, 10:43 AM Parent: #27
وقيل فى الاصل الحالم سبّانا (بتشديد الباء) احب طرفو الكحيل اكرم لى هوانا يعيش (محيو) الخ الخ الخ
هو انت قلتو منو وأدونى شبشبى دا انا مارق (هههه)
محيو
Post: #29 Title: Re: ( محيو ) Author: محمد حيدر المشرف Date: 08-29-2013, 10:57 AM Parent: #28
هسع ده بوست تكتبو يا كبير .. خليت شنو لي ناس معتز قريش ؟ّّّ!!!