(الجد) كمال سالم .. اختــــشى !

Post: #1
Title: (الجد) كمال سالم .. اختــــشى !
Author: دينا خالد
Date: 08-25-2013, 09:45 PM
Parent: #0

قبل 8 ساعات من الان انقطع لسان كمال سالم
وحشر مع زمرة الجدود فى هذا البورد ,,,
الجميلة د. نسرين كمال سالم
وضعت ولد ذى القمر ..
الف الف مبروك نسرين وحمدلله على سلامتك اولا واخيرا ..
وما تهتمى لتبعات فعلتك هذه ... قو اهييد

ـــــــــــــــــــــــــــــــ
يا كمال ... وكان تعععععب مننننك جناااااح فى السرعة زييييييد !

Post: #2
Title: Re: (الجد) كمال سالم .. اختــــشى !
Author: Muna Khugali
Date: 08-25-2013, 09:52 PM
Parent: #1

ألف مبروك البيبي
وحمدلله علي سلامة نسرين..

مبروك يا جدو ومبروك ياحبوبة..

.........
.........
ومافيش أجمل من رؤية الأحفاد..
إكرام من ربنا عدييييل..
اسألو حبوبة مني..

شكرا دينا..

.................

Post: #3
Title: Re: (الجد) كمال سالم .. اختــــشى !
Author: محمد البشرى الخضر
Date: 08-25-2013, 09:57 PM
Parent: #1

الف مبروك يا كمال مقدم حفيدكم ربنا يبارك لكم فيه و يحفظه, وحمدا لله على سلامة والدته

بتبالغي يا دينا :)

Post: #4
Title: Re: (الجد) كمال سالم .. اختــــشى !
Author: دينا خالد
Date: 08-25-2013, 10:02 PM
Parent: #3

العزيزة حبوبة منى خوجلى

Quote: اسألو حبوبة مني..

ايوة كدا ختو الكورة واطة ....
طمنى كمال دا شوية لعله يفوق من الصدمة ...

ـــــــــــــــــــــــ
لكن بصراحة نسرين بالغت ... كانت تخلى ابوها دا يتجدع
سنتين تلاته ...

Post: #5
Title: Re: (الجد) كمال سالم .. اختــــشى !
Author: دينا خالد
Date: 08-25-2013, 10:04 PM
Parent: #3

ود البشرى مالك ياخ !!!
ما تخلينا نضرى عيشنا ... لوووووب ..
انت طبها حتوته ما ح تعرس ليها ابدا
خايف من اليوم الابيض ....

Post: #6
Title: Re: (الجد) كمال سالم .. اختــــشى !
Author: يحي قباني
Date: 08-25-2013, 10:13 PM
Parent: #5

يا سلاااام يا دينا

من أجمل الأخبار الليلة خبرك ده

مليون مبروك يا صاحب ...

إحنا يا دينا في حتة العمر البنتمني فيها نقيف موقف

صديقي كمال سالم ده الليلة ...

تسلمي علي الخبر البديع ...

Post: #7
Title: Re: (الجد) كمال سالم .. اختــــشى !
Author: Hani Arabi Mohamed
Date: 08-25-2013, 10:14 PM
Parent: #5

عقبالك يا دينا خالد ....

نفرح بيك أول ، وبعد داك نفرح ببنتك وبنت بنت بنت بنت بنتك :)

Post: #8
Title: Re: (الجد) كمال سالم .. اختــــشى !
Author: دينا خالد
Date: 08-26-2013, 02:55 PM
Parent: #7

هانى عربى !
امنع الفوضى ....
بارك وابقى مارق ...

يحي قبانى ..
هم السابقون وانتم اللاحقون ...

Post: #9
Title: Re: (الجد) كمال سالم .. اختــــشى !
Author: معتصم محمد صالح
Date: 08-26-2013, 03:03 PM
Parent: #8

مبروك جدو كمال ,,

____
قبل يومين حسين ملاسي فاتح بوست في الفيس عندو علاقة بقصة جدو وعمو دي .

Post: #10
Title: Re: (الجد) كمال سالم .. اختــــشى !
Author: حمد عبد الغفار عمر
Date: 08-26-2013, 03:14 PM
Parent: #9

مبروك المولود ويربى في عز الجميع

بس مبالغة مشيناها لمنى خوجلي
هسة عمك دا دا برضو عملها

Post: #11
Title: Re: (الجد) كمال سالم .. اختــــشى !
Author: عادل البراري
Date: 08-26-2013, 03:22 PM
Parent: #9

جدو يا جدو حلاتو عنده
ألف ألف ألف مبروك
قبال ما تشوف مولود الحفيد بإذن كريم

Post: #12
Title: Re: (الجد) كمال سالم .. اختــــشى !
Author: محمد الكامل عبد الحليم
Date: 08-26-2013, 03:40 PM
Parent: #11

تحية...

نبارك للكتورة نسرين اطلالة العصفور وهو يفرد جناحيه علي اغصان صديقنا كمال الوارفة.....ومرحبا بكيمو علي دكة البدلاء(لا نقول الاحتياطي) نافضا عن شواربه غبار الزمن وهو يري ولد الولد .....فما اسعده وهو يضيف فلذة من فلذات الاكباد في كتاب اولاد سالم يحفظهم الله...

Post: #13
Title: Re: (الجد) كمال سالم .. اختــــشى !
Author: محمد الكامل عبد الحليم
Date: 08-26-2013, 03:40 PM
Parent: #11

تحية...

نبارك للدكتورة نسرين اطلالة العصفور وهو يفرد جناحيه علي اغصان صديقنا كمال الوارفة.....ومرحبا بكيمو علي دكة البدلاء(لا نقول الاحتياطي) نافضا عن شواربه غبار الزمن وهو يري ولد الولد .....فما اسعده وهو يضيف فلذة من فلذات الاكباد في كتاب اولاد سالم يحفظهم الله...

Post: #14
Title: Re: (الجد) كمال سالم .. اختــــشى !
Author: كمال سالم
Date: 08-26-2013, 03:41 PM
Parent: #11

Quote: لكن بصراحة نسرين بالغت ... كانت تخلى ابوها دا يتجدع
سنتين تلاته ...

أسوى شنو يعنى .. البنيه بهتتنى فى صمة خشمى .
لكن ما تخافى يا دندون نحن لسه فى السوق وبنجدع ونجدع ونجدع .
وهسه إنتى كان ما جيتى داخله المستشفى بالصدفه كان فى زول حيعرف ؟
إن كيدكن عظيم .
شكرا يا جماعه ليكم كلكم وعقبال ما نبارك ليكم السمح .. بس دينا دى ما عارف نبارك ليها شنو ومتين ؟

Post: #15
Title: Re: (الجد) كمال سالم .. اختــــشى !
Author: معتصم محمد صالح
Date: 08-26-2013, 06:31 PM
Parent: #14

Quote: بس دينا دى ما عارف نبارك ليها شنو ومتين ؟

والله يا كيمو ريحتني ..

نو بودي از شنو ما عارف حسن موسى أو كما قال .. كاااالوووب ( دي مزج بين كااااك محمد البشرى وما تقوله دينا )

Post: #16
Title: Re: (الجد) كمال سالم .. اختــــشى !
Author: أمين محمد سليمان
Date: 08-26-2013, 06:39 PM
Parent: #15

تمام والله يا كمال ... خليتو الواحد في نصكم حاسي بميعة الصبا !!

Post: #17
Title: Re: (الجد) كمال سالم .. اختــــشى !
Author: فتح الرحمن حمودي
Date: 08-26-2013, 07:32 PM
Parent: #16

مبروك جداً جدن جداً يا كيمو

Post: #18
Title: Re: (الجد) كمال سالم .. اختــــشى !
Author: أسامة العوض
Date: 08-26-2013, 11:37 PM
Parent: #17

ألف ألف مبروك الجد كمال سالم وأسرته الكريمة , وإن شاء الله يتربى في عزكم , مشكورة أختنا دينا

Post: #19
Title: Re: (الجد) كمال سالم .. اختــــشى !
Author: خالد العبيد
Date: 08-26-2013, 11:42 PM
Parent: #18

الف مبروك لدكتورة نسرين وزوجها
يتربى في العز
ومبروك للاخ كمال

Post: #20
Title: Re: (الجد) كمال سالم .. اختــــشى !
Author: دينا خالد
Date: 08-27-2013, 06:56 AM
Parent: #19

لو البوست دا ما عمل حاجة غير ميعة الصبا دى
لكفى ووفى ... لووووووب
قال ميعة قال ... دى بمناسبة السيول والامطار ؟
انشالله الدكتورة تكون بلغت الصحة يا كمال
وفكرتو فى السماية ...

Post: #21
Title: Re: (الجد) كمال سالم .. اختــــشى !
Author: عثمان دغيس
Date: 08-27-2013, 06:57 AM
Parent: #14

مبرووووك يا كيمو ويتربى في عزكم ...
بس تاني ما أشوفك ( شاكي ) القميص ...
خياط أم درمان عندو عمم وملافح كويسة بالمناسبة ...!

Post: #22
Title: Re: (الجد) كمال سالم .. اختــــشى !
Author: عبدالحفيظ ابوسن
Date: 08-27-2013, 07:07 AM
Parent: #21

مبروك
جدود آخر زمن
سوغار ومسرحين ومتقندفين
و
بخشو الفيس
آلاف التبريكات لوالدي المولودة

Post: #23
Title: Re: (الجد) كمال سالم .. اختــــشى !
Author: Hamid Elsawi
Date: 08-27-2013, 07:22 AM
Parent: #22

اول ما قريت العنوان قلت الليييييييييلة
كمال ده لازم عما حاجة شينة خلاص

خاصه ما توحي به كلمة (الجد) مع كلمة اختشي
قلت دي عملية بتاعة زول غير ناضج (مراهق يعني)
عفصت أو خفجت العنوان و الراس مشي يمين و شمال
لقيتو بريء مما ذهب اليه ذهني بل العملية ممكن أنا أعملها
بعد كم سنه كدة ... قلت حرام عليك يا دينا ... كتاباتك جميلة
و مهمومة بقضايا الوطن ... و نجد فيها متعة و اثارة لكن ما للدرجة دي
و صدق الجد عندما قال في مداخلة سابقة (كيدهن عظيم)

الف مبروك لوالدي المولودة و تتربي في عزكم و الف مبروك أخي كمال (البراءة)
و ان شاء الله من بنات الوطن الصالحات و المساهمات في تقدمة و رفعته
و يا دينا بالطريقة دي بتكتلي ليك زول

Post: #24
Title: Re: (الجد) كمال سالم .. اختــــشى !
Author: محمد عبدالرحمن
Date: 08-27-2013, 07:41 AM
Parent: #23

Quote: دينا يادينا ....الف مبروك لصاحبنا دكتور دفع الله وزوجته نسرين ...والف حمد على الله على السلامه
...ومبروك لعمو كمال سالم كونه اصبح جدا ...باقى ليهو الحج والبروستاتا ....
.محمد عبدالرحمن عن طريق الفيس بوك بعد ان فشل فى الدخول للبوست .....

دى مداخلتى كتبتها تحت وعملتو منها رائحين ...ياكمال مبروك بالباب ..

Post: #25
Title: Re: (الجد) كمال سالم .. اختــــشى !
Author: الرفاعي عبدالعاطي حجر
Date: 08-27-2013, 07:56 AM
Parent: #24

مبروك والله يا ابو الشباب الجد كمال سالم

..............................................حجر.

Post: #26
Title: Re: (الجد) كمال سالم .. اختــــشى !
Author: بله محمد الفاضل
Date: 08-27-2013, 08:39 AM
Parent: #25

وعلام يا دينا
علام يختشي
باقي لي كدا في فرص اكتر يا اخي
مثلن مثلن يعني
يجكس مع ود بتو
كاااااااااااك

حمداً لله على السلامة يا دكتورة
ومبروك للأسرة وأخص الجد العزيز كيمو
ويربى المولود في عزكم

Post: #27
Title: Re: (الجد) كمال سالم .. اختــــشى !
Author: كمال سالم
Date: 08-27-2013, 08:47 AM
Parent: #26

Quote: ومافيش أجمل من رؤية الأحفاد..
إكرام من ربنا عدييييل..
اسألو حبوبة مني..

وأسألوا كمان جدو كمال .
شكرا ليك يا منى وعقبال ما تشوفى كمان أولاد يسن .

Post: #28
Title: Re: (الجد) كمال سالم .. اختــــشى !
Author: كمال سالم
Date: 08-27-2013, 08:52 AM
Parent: #27

Quote: الف مبروك يا كمال مقدم حفيدكم ربنا يبارك لكم فيه و يحفظه, وحمدا لله على سلامة والدته

شكرا ود البشرى .. وزى ما بتقول أمى إن شاء الله نبارك ليك فى جديد وليداتك .

Post: #30
Title: Re: (الجد) كمال سالم .. اختــــشى !
Author: بدر الدين الأمير
Date: 08-27-2013, 09:04 AM
Parent: #28

Quote: .باقى ليهو الحج والبروستاتا ....

اكان على الحج زولك حجة في بداية سبعينات القرن الماضى حين كان احد كبار موظفى الخطوط الجوية السعودية
وكان على البروستاتا جاتو قبل كمين سنة ومشينا زرناهو في مستشفى حمد وقد فتح له بوست كفارة تانى فى شنو

Post: #29
Title: Re: (الجد) كمال سالم .. اختــــشى !
Author: محمد مجيدو
Date: 08-27-2013, 08:56 AM
Parent: #26

يا سلام .. يااخ لمن الواحد يبقى جد .... قمة السعاده ....
بعد دا ... الواحد يمشي الحج ..
وبعدين ....يجر ليهو كرسي ويقعد خشم الباب ويرجى الموت ...

مبروك ... كمال سالم ....
ومبروك .. لكل الاسرة الكريمه .....

انا ... زاتي ... السنة الفاتت بقيت جد ....
جدود اخر زمن ... صغاار .. وسمحين

تحياتي ,,,

محمد عبد المجيد ...

Post: #31
Title: Re: (الجد) كمال سالم .. اختــــشى !
Author: garjah
Date: 08-27-2013, 09:14 AM
Parent: #29

ألف مبروك للزميل الجد كمال سالم

وشكرا للزولة النكدية دينا

مبروك للابنة نسرين

وأفرحك الله وأباه ببره وتقواه وصلاحه ودوام نجاخه

Post: #32
Title: Re: (الجد) كمال سالم .. اختــــشى !
Author: محمد مكى محمد
Date: 08-27-2013, 09:19 AM
Parent: #31

ألف مبروك للمفضال كمال سالم وحمد لله على السلامة ويتربى المولود في عز جدو ووالديه.

عاطر تحياتي للعزيزة دينا وضيوفها

Post: #33
Title: Re: (الجد) كمال سالم .. اختــــشى !
Author: محمد عبدالرحمن
Date: 08-27-2013, 09:35 AM
Parent: #32

Quote: اكان على الحج زولك حجة في بداية سبعينات القرن الماضى حين كان احد كبار موظفى الخطوط الجوية السعودية
وكان على البروستاتا جاتو قبل كمين سنة ومشينا زرناهو في مستشفى حمد وقد فتح له بوست كفارة تانى فى شنو

لا كان كدا باقى ليهو الموت ...انت ياكمال عندى سؤال كل مرة اقول اسالك ليهو ا نسى ....
انت الاقمصة الحمراء والتركوازية والبنفسجية دى بتلقاها وين ؟...و(الكوردرايت ) كمان ....
حاجة عجيبة ..

Post: #34
Title: Re: (الجد) كمال سالم .. اختــــشى !
Author: كمال سالم
Date: 08-27-2013, 10:33 AM
Parent: #33

Quote: من أجمل الأخبار الليلة خبرك ده

مليون مبروك يا صاحب ...

شكرا يا أبو اليا يا جميل ,, وإن شاء الله نشوفك قريب فى نادى الضمنه حفنا ده .

Post: #35
Title: Re: (الجد) كمال سالم .. اختــــشى !
Author: Elmosley
Date: 08-27-2013, 10:50 AM
Parent: #34

مبرووووووووووووووووووووو
الوليد
والجدوديه هيع خشيت ياكما في فريقنا

Post: #36
Title: Re: (الجد) كمال سالم .. اختــــشى !
Author: MOHAMMED ELSHEIKH
Date: 08-27-2013, 10:56 AM
Parent: #35

و يهديها للجد "كمال سالم" والأهل بود عشانا والمرابيع والسعودية

مع التهاني بقدوم المولود الجديد للسيدة نسرين
التهاني والتبركات لكل من : ابو الوليد ونسرين

Post: #37
Title: Re: (الجد) كمال سالم .. اختــــشى !
Author: احمد حمودى
Date: 08-27-2013, 11:08 AM
Parent: #35

Quote: لكن ما تخافى يا دندون نحن لسه فى السوق وبنجدع ونجدع ونجدع .

عفيت منك يا ابو الشباب وتانى وثالت نقول ليك مبرووووك الوليد وحمد لله على سلامة الدكتورة نسرين زمان صدام حسين قال نحنا بنقيف فى عمر الخمسين تانى ما بنزيد الحبة يعنى اتجدع على كيفك وكمان شكرا دندووووون

Post: #38
Title: Re: (الجد) كمال سالم .. اختــــشى !
Author: SHIBKA
Date: 08-27-2013, 11:22 AM
Parent: #35

الف مبروك الجدودية ياجدو

ومبروك يادكتورة

Post: #39
Title: Re: (الجد) كمال سالم .. اختــــشى !
Author: Omar Bob
Date: 08-27-2013, 11:57 AM
Parent: #38

يا دينا عليك دينك كلمي جدو دا ما بيملحني في الخروف وفي تسميه المولود الجديد " بوب"
دي اقل حاجه ممكن يعملها لي

______________
الف حمد لله علي سلامة دكتوره نسرين ويتربي في عز والديه

Post: #40
Title: Re: (الجد) كمال سالم .. اختــــشى !
Author: دينا خالد
Date: 08-27-2013, 10:22 PM
Parent: #39

غايو بعد دا يا جدو كمال
لاوم تعمل كشة للقمصان اياها اللى بالى بالك
وحدقونى بالبرتقالى ...

Post: #41
Title: Re: (الجد) كمال سالم .. اختــــشى !
Author: كمال سالم
Date: 08-28-2013, 06:18 AM
Parent: #35

Quote: مبروك جدو كمال ,,

شكرا يا معتصم ونحن السابقون وأنتم اللاحقون .

Post: #42
Title: Re: (الجد) كمال سالم .. اختــــشى !
Author: Sharif Nasirladeen
Date: 08-28-2013, 07:01 AM
Parent: #41

الف مبروك للأخ كمال سالم..لحصوله على لقب جد
و يتربى في عزكم.
( وما عليك من كلام الحاقد بدرالدين..أنا عارفك زول صامد)

Post: #43
Title: Re: (الجد) كمال سالم .. اختــــشى !
Author: محمد عبدالرحمن
Date: 08-28-2013, 07:15 AM
Parent: #42

Quote: غايو بعد دا يا جدو كمال
لاوم تعمل كشة للقمصان اياها اللى بالى بالك
وحدقونى بالبرتقالى ...

مش كدا ...لازم يكون فى حل للاقمصه (المنجهله) دى ...
بالله ياكمال بنطلون الكوردرايت البنى بر بيهو اخوك ...
فتشت فى السوق مالقيتو ....

Post: #44
Title: Re: (الجد) كمال سالم .. اختــــشى !
Author: بدر الدين الأمير
Date: 08-28-2013, 07:34 AM
Parent: #43

Quote: ( وما عليك من كلام الحاقد بدرالدين..أنا عارفك زول صامد)

ياشريف
اهلنا في غرب السودان عندهم مثل بقول: الموت اكان خلاك الكبر مابخليك

Post: #45
Title: Re: (الجد) كمال سالم .. اختــــشى !
Author: بدر الدين الأمير
Date: 08-28-2013, 07:52 AM
Parent: #44

Quote: وحدقونى بالبرتقالى ...

دنان ياصحبتى
عليك الله تحنسى لى عمو كمال يدينى المخزون بتاع الصبغة العندو
انا عريس وبدت تظهر لى بعض الشيبات

تنهدات: الكلام لعادل سالم الاخ الاصغر من كمال بعشرين سنة
(لم اتمنى شى فى حياتى غير رؤية شيبة واحدة فى راس اوشنب كمال اخوى)

Post: #46
Title: Re: (الجد) كمال سالم .. اختــــشى !
Author: keiga2000
Date: 08-28-2013, 09:18 AM
Parent: #35

الف مبروك اخونا كمال سالم

وحمدلله على سلامتة الدكتوره نسرين ام الوليد

ابومصطفى

Post: #47
Title: Re: (الجد) كمال سالم .. اختــــشى !
Author: كمال سالم
Date: 08-28-2013, 03:48 PM
Parent: #35

Quote: بس مبالغة مشيناها لمنى خوجلي
هسة عمك دا دا برضو عملها[/Q

يا حمد يا أخوى والله عملوها فينا الوليدات
أوعى تقول لى إنت لسه بتجيب البمبرز ؟

Post: #48
Title: Re: (الجد) كمال سالم .. اختــــشى !
Author: كمال سالم
Date: 08-28-2013, 03:52 PM
Parent: #47

Quote: قبال ما تشوف مولود الحفيد بإذن كريم

لا حولا يا عادل البرارى !! يأخ للوقت داك أشوفو كيف ؟؟
شكرا ليك على التهنيئه وهذا الطائر الجميل .

Post: #49
Title: Re: (الجد) كمال سالم .. اختــــشى !
Author: كمال سالم
Date: 08-29-2013, 06:30 AM
Parent: #35

Quote: ..فما اسعده وهو يضيف فلذة من فلذات الاكباد في كتاب اولاد سالم يحفظهم الله...

صديق الأيام الخوالى محمد الكامل .. لك الشكر والتقدير وعقبال مانسمع بيك قريب وقد أصبحت جدا كنديا .

Post: #50
Title: Re: (الجد) كمال سالم .. اختــــشى !
Author: معتصم الطاهر
Date: 08-29-2013, 07:19 AM
Parent: #49

ألف مبارك ..

و تستاهل .. تفرح ..
لقلبك الأبيض .. و أهلك الطيبين و بناتك الأماجد .. و زوجتك الانسانة ..

Post: #51
Title: Re: (الجد) كمال سالم .. اختــــشى !
Author: كمال سالم
Date: 08-29-2013, 05:26 PM
Parent: #50

Quote: تمام والله يا كمال ... خليتو الواحد في نصكم حاسي بميعة الصبا !!

ههههههههههه .. قال معية صبا !! يا أمين يأخ أنا لما طهرونى وجابونى بالسيره لبحر أب روف
إنت كنت سايق الفلوكسواجن بتاعتك ديك ونزلت منها بصلعتك دى ذاااتها قدام بيتكم .
نحنا عرسنا فى أولى سنوات الحلم .. صبا ذاتو ما عشناهو .
شكرا ليك يأخ وإن شاء نبارك ليك فى جديد وليداتك .

Post: #52
Title: Re: (الجد) كمال سالم .. اختــــشى !
Author: Deng
Date: 08-29-2013, 05:29 PM
Parent: #51

الشاب كمال سالم.

لا تلتفت كثيرا الى الحاقدين من أمثال ود الأمير ودينا خالد.
الناس ديل ما شافو جد في شبابك وفي عمرك ده.

Post: #53
Title: Re: (الجد) كمال سالم .. اختــــشى !
Author: معتصم محمد صالح
Date: 08-29-2013, 06:03 PM
Parent: #52

Quote: شكرا يا معتصم ونحن السابقون وأنتم اللاحقون .

يا جدو لغاية شكرا معتصم .. معااك .

لكن باقي الهباب ده شنو ؟ نون الحنون يادوووب 7 سنة .. نحنا بنربي في اولادنا وانتو تلعبو مع احفادكم ... فرق يا جدو فرق ..

Post: #54
Title: Re: (الجد) كمال سالم .. اختــــشى !
Author: كمال سالم
Date: 08-29-2013, 07:36 PM

Quote: مبروك جداً جدن جداً يا كيمو

قيقا يا قيقا .. يأخ رفعت معنوياتى بكيمو دى
ثم إننى ما مقتنع بحكاية فتح وحمودى دى .. فالحب دائما للحبيب الأول
ونحن حبيبنا قيقا .
يأخ تشكر .

Post: #55
Title: Re: (الجد) كمال سالم .. اختــــشى !
Author: Mahjob Abdalla
Date: 08-29-2013, 07:56 PM
Parent: #54

مبروك يا جدو

Post: #56
Title: Re: (الجد) كمال سالم .. اختــــشى !
Author: كمال سالم
Date: 08-29-2013, 09:51 PM
Parent: #55

Quote:
ألف ألف مبروك الجد كمال سالم وأسرته الكريمة , وإن شاء الله يتربى في عزكم , مشكورة أختنا دينا

شكرا ليك يا أسامه العوض ونبارك ليك السمح .
لكن يأخ بدل الجد دى لو كتبت الأخ ما كان تكون ألطف .

Post: #57
Title: Re: (الجد) كمال سالم .. اختــــشى !
Author: دينا خالد
Date: 08-30-2013, 08:10 AM
Parent: #56

Quote: وفي تسميه المولود الجديد " بوب"
دي اقل حاجه ممكن يعملها لي

انت كمان يا عمر ما تصعبها ...
هسه بوب دفع الله دى كيف يعنى ؟ الله ما بوديهم النار !!
اسمح لينا بى بوب مارلى اذن .... !!

Post: #58
Title: Re: (الجد) كمال سالم .. اختــــشى !
Author: عبدالأله زمراوي
Date: 08-30-2013, 11:23 AM
Parent: #1

يا سلااااام على اول جد في دفعته؛ طبعا يا دينا نحن من تلاميذه وإلا فقد كنت جداً مثله الآن.

ألف مبروووووك لك يا جاري العزيز ويتربى في عزكم جميعا.

Post: #59
Title: Re: (الجد) كمال سالم .. اختــــشى !
Author: دينا خالد
Date: 08-30-2013, 08:32 PM
Parent: #58

الجد محمد عبداللرحمن امنع الفوضى ياخ ....

Post: #60
Title: Re: (الجد) كمال سالم .. اختــــشى !
Author: كمال سالم
Date: 08-31-2013, 09:32 AM
Parent: #59

Quote: الف مبروك لدكتورة نسرين وزوجها
يتربى في العز
ومبروك للاخ كمال

شكرا لك الأخ خالد العبيد
والعاقبه لأبنائك إن شاء الله .

Post: #61
Title: Re: (الجد) كمال سالم .. اختــــشى !
Author: saidahmed shami
Date: 08-31-2013, 09:42 AM
Parent: #60

الف مبروك المولود
يتربا في عزكم ياجدو كيمو
جعله الله من أبناء الوطن الصالحين و أقر به عين والديه

شكرا بت خالد

Post: #62
Title: Re: (الجد) كمال سالم .. اختــــشى !
Author: كمال سالم
Date: 09-01-2013, 11:53 AM
Parent: #61

Quote: مبرووووك يا كيمو ويتربى في عزكم ...
بس تاني ما أشوفك ( شاكي ) القميص ...
خياط أم درمان عندو عمم وملافح كويسة بالمناسبة ...!

شكرا عثمان دغيس ..
والعمم والجلاليب دى خليناها ليكم ..
هسى أنا جيت من السوق بعد ما أشتريت لى كميه من التى شيرتات .

Post: #63
Title: Re: (الجد) كمال سالم .. اختــــشى !
Author: كمال سالم
Date: 09-01-2013, 07:30 PM
Parent: #62

Quote: مبروك
جدود آخر زمن
سوغار ومسرحين ومتقندفين
و
بخشو الفيس
آلاف التبريكات لوالدي المولودة

ينصر دينك يا أبو سن يأخ .
أيوه والله صغار ومسرجيين وبنخش الفيس بوك .
شكرا ليك على التهنيئه .

Post: #64
Title: Re: (الجد) كمال سالم .. اختــــشى !
Author: نافع الكوماوي
Date: 09-03-2013, 09:48 AM
Parent: #63

ألف مبروك ياجدو كمال
ربنا يدوم شبابك وتشوف أولادو

Post: #65
Title: Re: (الجد) كمال سالم .. اختــــشى !
Author: دينا خالد
Date: 09-03-2013, 04:22 PM
Parent: #64

ربنا يدوم الشباب دى حلوة يا جدو عجبتنى !!

Post: #66
Title: Re: (الجد) كمال سالم .. اختــــشى !
Author: بدر الدين الأمير
Date: 09-03-2013, 05:50 PM
Parent: #65

Quote: ربنا يدوم الشباب دى حلوة يا جدو عجبتنى !!

وقد يصلح العطار ما افسده الدهر هههههههه

Post: #67
Title: Re: (الجد) كمال سالم .. اختــــشى !
Author: نادر الفضلى
Date: 09-04-2013, 01:21 AM
Parent: #66

كمال مبروك يا شاب وحمد لله على سلامة نسرين
أها نظامكم كيف .. الحفيد حيناديك يا جدو .. أم .. بابا كمال !

Post: #68
Title: Re: (الجد) كمال سالم .. اختــــشى !
Author: دينا خالد
Date: 09-06-2013, 09:58 PM
Parent: #67

ياااااا الفضلى بابا شنو كمان قالو البتبللبل يعوم

Post: #69
Title: Re: (الجد) كمال سالم .. اختــــشى !
Author: دينا خالد
Date: 09-13-2013, 06:52 AM
Parent: #68

اها يا كمال عملت لينا شنو فى القصة دى !!!