أفادة عاجلة من (الصفوة)

أفادة عاجلة من (الصفوة)


08-25-2013, 06:12 PM


  » http://sudaneseonline.com/cgi-bin/sdb/2bb.cgi?seq=msg&board=440&msg=1377450726&rn=0


Post: #1
Title: أفادة عاجلة من (الصفوة)
Author: حاتم الياس
Date: 08-25-2013, 06:12 PM

فى افادة مقتضبة وسريعة قالوا أنهم يصنفون كل ماكتب عنهم فى اطار (شغب الملاعب)!!

Post: #2
Title: Re: أفادة عاجلة من (الصفوة)
Author: محمد البشرى الخضر
Date: 08-25-2013, 06:18 PM
Parent: #1

يازول ... على بركة الله

Post: #3
Title: Re: أفادة عاجلة من (الصفوة)
Author: محمد إبراهيم علي
Date: 08-25-2013, 07:17 PM
Parent: #2

ازيك يا حاتم
والله انت بس مزمل ابوالقاسم مع (الصفوة) لوووول

Post: #4
Title: Re: أفادة عاجلة من (الصفوة)
Author: أمير محي الدين محمد
Date: 08-25-2013, 07:29 PM
Parent: #3

ها قد بدأت (المألسة)....:)
Quote: فى افادة مقتضبة وسريعة قالوا أنهم يصنفون كل ماكتب عنهم فى اطار (شغب الملاعب)!!

Post: #5
Title: Re: أفادة عاجلة من (الصفوة)
Author: سامى عبد المطلب
Date: 08-25-2013, 07:49 PM
Parent: #4

Quote: ها قد بدأت (المألسة)....:)
فى افادة مقتضبة وسريعة قالوا أنهم يصنفون كل ماكتب عنهم فى اطار (شغب الملاعب)!!


هههه هههه اميرنا خليها التبدأ سمح ...... نحنا متفرجخين قدااااام احجز ليك جمبى ولا جمب الزول الجم طلحه ....؟

Post: #6
Title: Re: أفادة عاجلة من (الصفوة)
Author: أمير محي الدين محمد
Date: 08-25-2013, 08:00 PM
Parent: #5

Quote: نحنا متفرجخين قدااااام احجز ليك جمبى
ههههه ياهندسة قداااام وين مع الكراسي القال ليك بتترص متبلورة دائر مايدور دي...زيها وزي البارتيهات الزمان ديك

Post: #7
Title: Re: أفادة عاجلة من (الصفوة)
Author: Hussein Mallasi
Date: 08-25-2013, 08:09 PM
Parent: #6

عليك أمان الله شغب وفي أرض الخصم وما كان عندهم فيها صليح وآحد :)


________
التقول فريق مصري لاعب في الجزائر!

Post: #8
Title: Re: أفادة عاجلة من (الصفوة)
Author: طلحة عبدالله
Date: 08-25-2013, 08:33 PM
Parent: #7

Quote:
فى افادة مقتضبة وسريعة قالوا أنهم يصنفون كل ماكتب عنهم فى اطار (شغب الملاعب)!!

هههههههههههه
أها و(الافادة المقتضبة) دي أو أيا كان اسمها قالوها بصوت رجل واحد في مكرفون الجامع واللا رفعوها شعار ولفوا
بيهو بالشوارع واللا وقعوا عليها في كوبون ومرروره لى بعض وإللا عملوها كيف الحاجة دي ؟؟
غايتو الرشاشات لما يقوموا لى عدم الموضوع صعبين شديد الله يكفينا شر أقوالم وأفعالم .
............................

ياسامي يا حبيب الزول القاعد جمبي دا يومتا سمع عباس بقول في شعر قام طوالي قال لي أقطع ضراعي وبالضراع
التاني أقطع رأس الهندي بتاع البقالة الجمبنا لو ما كان الزول دا هلالابي ..
قلتا ليهو عرفتو كيف ؟ اتا ساحر واللا شنو ؟
قال لي سيماهم في شلاقتم وشتارتم وعدم موضوعن ...
اها هسع البوست دا دليل على انو الزول دا عندو بعد نظر يكاد يخترق حجب المسافات البعيدة .
واتا عامل ايه يا ملاسي أخوي ؟

Post: #9
Title: Re: أفادة عاجلة من (الصفوة)
Author: طلحة عبدالله
Date: 08-25-2013, 08:54 PM
Parent: #8

طبعا يا حاتم الياس أنا بالمداخلة الفوق دي حبيت أشارك في البوست بس بغض النظر عن موضوع البوست ..
خصوصا وانو سامي عبدالمطلب جاب اسمي ..
من عادتي ك ( صفوة) أنا آكل من وش التبيخ وأقوم أول واحد .
وحكيت القصة دي ليييييييييي ؟؟؟؟؟
عشان أميركم الفوق دا ما يقول سرا أو جهرا انو طلحة دا أوف بوينت .. حكيم أنا عارفو مرات مرات
عندو غتاتة ههههههه .

Post: #10
Title: Re: أفادة عاجلة من (الصفوة)
Author: حاتم الياس
Date: 08-25-2013, 09:08 PM
Parent: #8

طبعاً مفروض أرد عليكم كلكم, لكن من موقع اننى صفوى فبالتأكيد أنتقائى..ومن هنا سيكون ردى مقتصراً على محمد أبراهيم وملاسى أما بقية الأسماء فبصراحة تبدو لى مثل (قرعة الخطة الأسكانية) ضلت طريقها من لوحة وزارة الأسكان لهذا المكان...أها أكضب عليكم

__


يامحمد أبراهيم....مزمل ابوالقاسم أحسن حاجة فيهو انو كاتب معتد بنفسه جداً وماقاعد ينخرط فى دوائر الأداريين كباقى الصحفيين (أخوك هلالابى بالميلاد وجناح الأمين البرير الرئيس الشرعى والمنتخب من جماهير الهلال)

ملاسى....سيفوت عليك الكثير وأنت ترى عبدالله بولا عبدالله بولا.أورغ.....عموماً مبروك عليك مقعد فور أول فى الكوليج دى فرانس

Post: #11
Title: Re: أفادة عاجلة من (الصفوة)
Author: فتح الرحمن حمودي
Date: 08-25-2013, 10:01 PM
Parent: #10

Quote:

أما بقية الأسماء فبصراحة تبدو لى مثل (قرعة الخطة الأسكانية) ضلت طريقها من لوحة وزارة الأسكان لهذا المكان...أها أكضب عليكم

عجبني للمرقوت


















--------

طلحة يا صهيوني .. ختيت البوينت كلو كلو
جيب الزول الجمبك .. ولاقيني محل سبق الحمير بهناك

Post: #12
Title: Re: أفادة عاجلة من (الصفوة)
Author: طلحة عبدالله
Date: 08-25-2013, 10:13 PM
Parent: #11

يا قيقا الراوي
تصدق يا مؤمن أنا شفتا البوست حاتل قلتا أرفعو بس ؟؟ ههههههه
حكيم حاتم الياس دا زول كويس وبوستاتو فيها نكهة التسالي حينما يكون الضجر حاضر في البورد
السبب التاني شفتا سامي وأمير داخلين والاتنين ديل من الناس النادرين البتابع قوالاتم في المنبر البتاع دا .

Post: #13
Title: Re: أفادة عاجلة من (الصفوة)
Author: abas
Date: 08-25-2013, 10:14 PM
Parent: #11

طلحة يا صهيوني .. ختيت البوينت كلو كلو
جيب الزول الجمبك .. ولاقيني محل سبق الحمير بهناك




بقيت تمشي سباق الحمير يا طلحه


بكلم ليك الزول الجنبك الاتكيف من شعري

Post: #14
Title: Re: أفادة عاجلة من (الصفوة)
Author: سامى عبد المطلب
Date: 08-25-2013, 10:16 PM
Parent: #11

هسع انتا فرقك مننا شنو يا حمودى غير انك جيت متأخر ......؟


الاخطبوط طلحه غايتو كان " التلوه " ده ما لحقك بى باقى مداخله يا شماته ود البشرى وامير والزول الجمبك فيك ....!

Post: #15
Title: Re: أفادة عاجلة من (الصفوة)
Author: طلحة عبدالله
Date: 08-25-2013, 10:22 PM
Parent: #14

يا أبو السماسم .. أقول ليك حبيت أرفع البوست وجيت وراك اتا وأمير تقول لي شماتة ..؟
غايتو لو أنا مكان حاتم دا كان زعلت مني والله .
غايتو قادر الذي خلق البتيخ والخيار والقرع ياخ .

Post: #16
Title: Re: أفادة عاجلة من (الصفوة)
Author: سامى عبد المطلب
Date: 08-25-2013, 10:31 PM
Parent: #15

Quote:
يا أبو السماسم .. أقول ليك حبيت أرفع البوست وجيت وراك اتا وأمير تقول لي شماتة ..؟
غايتو لو أنا مكان حاتم دا كان زعلت مني والله .
غايتو قادر الذي خلق البتيخ والخيار والقرع ياخ .


هههه هههه ما تبالغ انتا كمان يا " طلوحى " او كما قالت فى ذات بوست .... كتبت ردى قبل اما شوف مداخلتك وعز على اعدل فيها عشان خاطر" الصفوه"
عشان كده خليها التمشى كده واهو مداخله تفوت ولا حد يموت .....




ياخى خليت المحبين مالك يمين فاقدنك ..... بعدين شايف "التلوه "دى مشت فيك ساكت اكان ماك عريبى زينا ....!

Post: #17
Title: Re: أفادة عاجلة من (الصفوة)
Author: محمد البشرى الخضر
Date: 08-25-2013, 10:39 PM
Parent: #16

يا سمسم شايف Breaking Bad دوّرت


ابو حتوت
مرقوت مقدم في الخطة الاسكانية

Post: #18
Title: Re: أفادة عاجلة من (الصفوة)
Author: طلحة عبدالله
Date: 08-25-2013, 10:52 PM
Parent: #17

يا أبو السماسم أنا من ما مات عبد المجيد بقيت ما متابع
لو امكن شرح المفردات الصعبة .

Post: #19
Title: Re: أفادة عاجلة من (الصفوة)
Author: أمير محي الدين محمد
Date: 08-26-2013, 06:50 AM
Parent: #18

هههههههه مجمجة* من أمها...شنو يا موسوعي ما وسعت بينا...وآها النحدثك ومادام بوستك بوست إفادات
أكتب على لساني الإفادة العاجلة المتجمجة دي من (التشاشة) :ــــ
بأن التبرير ياصفوة سلوك برجوازي صفويّ يعتمد على تفسير السلوكيات الخاطئة ويعزيّها لأسباب شبه منطقية
وأن النفد الذاتي للتجارب المتبلورة سلوك وفعل تربوي واعي وتثقيفي ـ نصحيحي وقيمة ترفع من التجارب .
ــــ
* للناس اللي بتتحسس من مفردة مجمجة دي عادية ..عادية بتحصل في أرقى الحتات
ــــ
طلحة بالله لقيتني كيف في إفادتي المتبلوّرة دي..وخوتك و..جاه النبي من رأسي .
وبالمرة ياعملات أساسي ممكن صورة ياطلحة على الأقل نبل بيّها شوقنا الطوّل دا ليكم.

Post: #20
Title: Re: أفادة عاجلة من (الصفوة)
Author: أمير محي الدين محمد
Date: 08-26-2013, 07:22 AM
Parent: #19

Quote: هسع انتا فرقك مننا شنو يا حمودى غير انك جيت متأخر ......؟
ياسامي أفو... أفو..أفووو الأفكاتو وموثق العقود بحب تكسير التلج زي عيونو...مش حبيبنا قيقا "المرقتنا" دا وبنفس قميص وحيد سيف دا مشى للأفكاتو في مكتبو والأفكاتو سقاهو بستي كولا وركبو تكسي...وجاء أفادنا وخرم رأسنا هنا بأنو كان مع المثقف الموسوعي نمبر ون ..فـقيقا معذور في خضم بحثه الدوؤب لقطعة ناصية في الفورسيزن ركب الصعب
ـــ
بس كمان الفايت على الأفكاتو وفي دعوته لملاسي لسياحة في برج إيفل كوليدج بأن ملاسي ختاها وااااضحة بـــلا يرغب
ـــ
يا أفكاتو في جديد في موضوعك المعنعن عن حسنوف بتاع الخروف اللي قبل مايضبحوه بسقوهو موية داك ولا السلحفائية هناك لحقتو الزينين.

Post: #21
Title: Re: أفادة عاجلة من (الصفوة)
Author: وليد محمد المبارك
Date: 08-26-2013, 07:49 AM
Parent: #20

Quote: عليك أمان الله شغب وفي أرض الخصم وما كان عندهم فيها صليح وآحد :)


ولا حتى حاتم الياس يا ملاسي !!

ولا ما جاء الندوة وبقى حريف جدا ؟

Post: #22
Title: Re: أفادة عاجلة من (الصفوة)
Author: Hussein Mallasi
Date: 08-26-2013, 08:03 AM
Parent: #21

Quote:
ولا حتى حاتم الياس يا ملاسي !!
ولا ما جاء الندوة وبقى حريف جدا ؟

لو كان (جاء) يا وليد لما افترع هذا البوست

Post: #23
Title: Re: أفادة عاجلة من (الصفوة)
Author: وليد محمد المبارك
Date: 08-26-2013, 08:21 AM
Parent: #22

Quote: لو كان (جاء) يا وليد لما افترع هذا البوست




انت متأكد انو ما جا ؟!

ولا انزوى وادس بسبب الهجوم الكاسح على فور اول وادارته واعضائه ( الصفوة ) من قبل الحضور .. وعمل ميت واثر السلامة ..!!

Post: #24
Title: Re: أفادة عاجلة من (الصفوة)
Author: Hussein Mallasi
Date: 08-26-2013, 08:24 AM
Parent: #23

Quote: وعمل ميت واثر السلامة ..!!

الراجح إنو عمل ميت وآثر عدم الحضور .. وكدا

Post: #25
Title: Re: أفادة عاجلة من (الصفوة)
Author: Abureesh
Date: 08-26-2013, 08:25 AM
Parent: #21

مع الأسف
ودا كلو من حكومة الانقاذ.. ضاع جيل كامل، حكومة ومعارضـة.. لا إحترام للكبير
دعك من تلمس الحكمـه والخبرة والمعرفـة عندهم.. يقولوا ليك ديل عجايز.. والعجايز
ديل عبروا البحار والمحيطات من أجل توصيل خبرتهـم للجيل القادم من (الشباب).
ولكن أى شباب؟ ديل ناس موترى أسرع من موترك... وناس قناة أن بى سى
وإنتو ما عنـدكم لاعب غيـر جكسـا.. مسطحين وفى الفكـر والمعرفـة معلـم الله.
ماذا تنتظر من جيل يقفل أنبوب تواصل الأجيال.. حين يتكلم الكبير فعلى الصغيـر
أن يربع يديه وينصت ويستمـع بالأدب الواجب.. أقول يربع يديه ولا يربع عقله أو
فكره، فلا أحد من البشر أهل للتقديس، ولكن إحترام الكبير فيه إحترام النفس فى
المقام الأول. والشباب الذى تتعجرفون به على الكبار سيذهب غدا، ثم لا تجدوا حكمة
ولا معلومـة فكرية ولا منهج للحياة، لأن هـذه القيـم يأخذها الصاغر عن الكابر عبر
الأجيال.

Post: #26
Title: Re: أفادة عاجلة من (الصفوة)
Author: وليد محمد المبارك
Date: 08-26-2013, 08:35 AM
Parent: #25

ما تخرخر يا ابو الريش

صفة الكبر دي ما حكرا على بولا ونجاة

البشير برضو كبير .. والترابي برضو كبير .. ونافع برضو كبير

يعني الكبر ما مقياس قاطع لانه الزول كويس .. بولا ونجاة دكتاتورين زيهم وزي البشير وزمته .. وبولا تحديدا لا يختلف عن نافع في شي

Post: #27
Title: Re: أفادة عاجلة من (الصفوة)
Author: tmbis
Date: 08-26-2013, 09:17 AM
Parent: #26

Quote: لو كان (جاء) يا وليد لما افترع هذا البوست


والله يا حاتم البسمع صوت الفوفزيلا حقتك دي يقول كنت قاعد مقصورة وبتقشر التسالي من فوق ..
امشي ياخ .. على الاقل توضح ليهم وجهة نظرك وتتفاكر معاهم فيما يتعلق بما لا يتعلق من منظور ثقافي وكدا ..

Post: #28
Title: Re: أفادة عاجلة من (الصفوة)
Author: سيف اليزل الماحي
Date: 08-26-2013, 09:28 AM
Parent: #26

.



والإفادة دي وردت وين، كان الله هون؟


.

Post: #29
Title: Re: أفادة عاجلة من (الصفوة)
Author: Hussein Mallasi
Date: 08-26-2013, 10:08 AM
Parent: #28

Quote: والله يا حاتم البسمع صوت الفوفزيلا حقتك
دي يقول كنت قاعد مقصورة وبتقشر التسالي من فوق ..


Post: #30
Title: Re: أفادة عاجلة من (الصفوة)
Author: حاتم الياس
Date: 08-26-2013, 10:10 AM
Parent: #28

ياعلاء...أرجع لى بوستك العامل نفسك فيهو (الجنيد على عمر), جميل ياخ لكن أتمنى أنو يكون خيالى لأنو لو أتضح أنو عندك تجربة مع بيوت الأشباح حاتدخل العمل النضالى فى ورطة عاطفية كبيرة..

ياهندسة..انا ماجيت لظروف خاصة وشخصى لاينظر لفور أول فى شخصيات مؤسسيه بل مكان للحوار الجاد والنوعى ركز مع النوعى دى يمكنك أن ترى النقاشات والحوارات هنا ذهب الى اى مذهب لدرجة المساس بالأمهات والأسر فمازلت مصدوم من من هذا الأمر..لكن أعتقد بأنو المجهود الذى تبذله فى متابعة سودان فور أول لوكنت تفرغت فيه لباب من ابواب المعرفة لنلت درجة الأستاذية عشان كده جبت سيرة (الكولج دى فرانس) فى ناس هنا حايفتكروها (مؤمن بتاع الأكل)

وليد مبارك..الظروف الخاصة التى منعتنى من الذهاب قصة من ................فقد شخصتو بتاعتك ديك..

سيف اليزل الماحى...على الأقل فى سودان فور اول فن الكاركتير لم ينتحر باقلام الهواة والمبتدئين..

سلام للصديق قيقراوى...

--

Post: #31
Title: Re: أفادة عاجلة من (الصفوة)
Author: tmbis
Date: 08-26-2013, 10:19 AM
Parent: #30

Quote: ياعلاء...أرجع لى بوستك العامل نفسك فيهو (الجنيد على عمر), جميل ياخ لكن أتمنى أنو يكون خيالى لأنو لو أتضح أنو عندك تجربة مع بيوت الأشباح حاتدخل العمل النضالى فى ورطة عاطفية كبيرة..
...


والله ما خيالي يا حاتم .. ياخ حتى انت ما عايز تصدقني ..؟
حتى انت يا حاتم ..؟
حتى
انت..؟

Post: #32
Title: Re: أفادة عاجلة من (الصفوة)
Author: سيف اليزل الماحي
Date: 08-26-2013, 10:20 AM
Parent: #30

.


حاتم الياس
أنا سألت: أين وردت الإفادة دي، كان الله هون؟

تجاوبني
Quote: سيف اليزل الماحى...على الأقل فى سودان فور اول فن الكاركتير لم ينتحر باقلام الهواة والمبتدئين..


بعدين بتقصد شنو بعبارتك الفوق دي؟!

.

Post: #33
Title: Re: أفادة عاجلة من (الصفوة)
Author: حاتم الياس
Date: 08-26-2013, 10:30 AM
Parent: #32

الأفادة منى انا شخصياً أنو بشوف نقد فور أول المدور ده هنا زى (شغب الملاعب) , حالة جماعية من السلوك النفسى للمشجعين فى المدرجات...
الكاركتير مجرد نقاش..كنت اتونست معاها مع عماد عبالله وأنت زول رسام فى أنو طالما فتحت نافذة زى دى ليه ماتساهموا فيها...يعنى نقاش ثقافى حبيت اشركك فيهو..مااكتر

Post: #35
Title: Re: أفادة عاجلة من (الصفوة)
Author: سيف اليزل الماحي
Date: 08-26-2013, 10:44 AM
Parent: #33

.

ياحاتم ...
سؤالي جاء بناءا على مداخلتك الأولى في صدر البوست!
Quote: فى افادة مقتضبة وسريعة قالوا أنهم يصنفون كل ماكتب عنهم فى اطار (شغب الملاعب)!!


أما بعد توضيحك أنو الإفادة منك إنت شخصيا، فهادي خشمي!


.

Post: #39
Title: Re: أفادة عاجلة من (الصفوة)
Author: وليد محمد المبارك
Date: 08-26-2013, 11:00 AM
Parent: #33

تم نقل المداخلة لاخر الخيط
حفاظاً على النسق
وتسهيلاً للقراء

Post: #42
Title: Re: أفادة عاجلة من (الصفوة)
Author: سامى عبد المطلب
Date: 08-26-2013, 11:19 AM
Parent: #39



و



ان لابى حنيفه ان يمد قدميه .....!

Post: #43
Title: Re: أفادة عاجلة من (الصفوة)
Author: Mohamed E. Seliaman
Date: 08-26-2013, 12:45 PM
Parent: #39

Quote: تم نقل المداخلة لاخر الخيط
حفاظاً على النسق
وتسهيلاً للقراء

Post: #38
Title: Re: أفادة عاجلة من (الصفوة)
Author: أمير محي الدين محمد
Date: 08-26-2013, 10:58 AM
Parent: #32

يايزل ياخي ما تحكهّا خالص وتلعب ضاغط كدا..وأهو جاوبوا ليك بمخرج واسع تحاشيا" لــ يازول على بركة الله
نحن لينا الله و.....الخطة الإسكانية ...والقاعدة القانونية بتقول المستنّطق له الحق في إلتزام الصمت ...إي إفادة غير كدا بتجيب ليهو هواء يا كمان عبس وتولى و...سيحاسب عليّها في الكوليدج دي فرانس....
و....ميرسي بوكوو... لحسن الإستماع.

Post: #34
Title: Re: أفادة عاجلة من (الصفوة)
Author: سامى عبد المطلب
Date: 08-26-2013, 10:39 AM
Parent: #30

Quote: سلام للصديق قيقراوى...


الله يريحك فى الدارين ياخى ......... الواحد من قبيل ضميرو مأنبو عشان حاسبين معانا قيقاحاوى ده برغوت ضهارى ساكت ......!

Quote: قال لي سيماهم في شلاقتم وشتارتم وعدم موضوعن ...
اها هسع البوست دا دليل على انو الزول دا عندو بعد نظر يكاد يخترق حجب المسافات البعيدة .سلام للصديق قيقراوى...


ياخى دى بعد نظر ما طبيعى عليك الله سلم لى عليهو كتير السلام وقول ليهو ما تحرمنا من رشاتك الجرئيه دى ..... الزول اعترف بعضمه لسانو .....!


اميروف ياخى اعدت البصر كرتين فوجدته ذات القميص ...... فشكراً لقوه الملاحظه وللافكاتو الذى جعل هذا ممكناً , ما عارف الواحد لو ماكان خشه الاستاد للكوره دى كانت المتعه دى كلها فاتتو ...

Post: #36
Title: Re: أفادة عاجلة من (الصفوة)
Author: Hussein Mallasi
Date: 08-26-2013, 10:47 AM
Parent: #34

Quote: الأفادة منى انا شخصياً أنو بشوف نقد فور أول المدور ده هنا زى
(شغب الملاعب) , حالة جماعية من السلوك النفسى للمشجعين فى المدرجات...

لو أنك رأيت الذي دار في دار حق لما أنكرت ضوء الشمس من رمد

Post: #37
Title: Re: أفادة عاجلة من (الصفوة)
Author: Hussein Mallasi
Date: 08-26-2013, 10:54 AM
Parent: #36

Quote: الأفادة منى انا شخصياً أنو بشوف نقد فور أول المدور ده هنا زى
(شغب الملاعب) , حالة جماعية من السلوك النفسى للمشجعين فى المدرجات...

لو أنك رأيت الذي دار في دار حق لما أنكرت ضوء الشمس من رمد


_____
أردت في المداخلة السابقة ارفاق رابط الابتسامة فارفقت الصورة!

Post: #40
Title: Re: أفادة عاجلة من (الصفوة)
Author: osama fadlalla
Date: 08-26-2013, 11:01 AM
Parent: #34

والله ما خيالي يا حاتم .. ياخ حتى انت ما عايز تصدقني ..؟
حتى انت يا حاتم ..؟
حتى
انت..؟
-------------------------------------------


تعتذر للاشباح فورا :)

Post: #41
Title: Re: أفادة عاجلة من (الصفوة)
Author: وليد محمد المبارك
Date: 08-26-2013, 11:07 AM
Parent: #40

Quote: وليد مبارك..الظروف الخاصة التى منعتنى من الذهاب قصة من ................فقد شخصتو بتاعتك ديك..




وحتى لا تذهب بالناس الظنون بعيداً..!
اقوم بدوري بملء النقاط في المقتبس اعلا والجملة كاملة هي :

الباع عربيتو ، فقد شخصيتو