كيزان .. كيزان .. في كل مكان !!

(( أيها الواقفون على حافة المذبحة ...
أشهروا الأسلحة ...
سقط الموت، وانفرط القلب كالمسبحة ...
والدم انساب فوق الوشاح ...
المنازل أضرخة ...
والزنازن أضرحة ...
المدى.. أضرحة ...
فارفعوا الأسلحة ..))*

فكلنا كيزان !!
كلنا كيزان !!
---------------

*أمل دنقل !!

نبارك وأد الديمقراطيات ... نناصر العسكر .... ثم لا نتورع نحدث الناس عن اهمية التبادل السلمي للسلطة !!
نبهت أمهات مخالفينا ... نتهمهم في أعراضهم زورا و بهتانا !!
نسرق المقالات ... ثم نحاضر الناس عن الامانة !!
نتخفى - كما العاهرات - لنسئ لبعضنا البعض ... ثم نتحدث عن الفضيلة !!

نحن لا نستحق سوى الانقاذ ... فكلنا كيزان ... نفس الملامح و الشبه !!
و والله لولا بصيص من الضوء جهة (نفير ) ... لمات الأمل في داخلي، كما ماتت كل الاشياء الجميلة في بلادي !!!

امين

العرفتو انا غايتو انه ما بيننا و بين الديمقراطية لا يقل عن ما بين قطبي الكون!

عمري ما سمعت بزول يسبح و يمدح الديمقراطية و يقول لي ياخ الانقلاب دا ما حصل بالليل يعني لو لاقى فيل في كندا حا يسميه كديس؟
و لا سمعت زول يؤمن بحقوق الانسان و بيصدر بيان في اي مناسبة التسوى و الما تسوى و يتكتلوا مئات الناس و لا يمن الله عليه ببنت شفة!
و اكثر من كدة حارقني ما جاء في جريدة الميدان و بتقول فيه بالبنط العريض ان خمستاشر ارهابي هربوا من مصر الي بورتسودان و نست الميدان ان المرحوم التجاني الطيب مشى مصر في ظروف مشابهة!
يعني حتى مروءة الاجارة بقت مافيش؟



--

سلام يا أمين
ما يحدث محزن جدا ومخزي وكشف المستور. أنا غايته اقتنعت إنه معظم المعارضين للإنقاذ مشكلتهم معاها ما مشكلة ديمقراطية وحقوق إنسان والكلام الكتير البنسمعه... ممكن يكونوا زعلانين من الظلم والإجرام الحصل دا لكن ما عندهم تصور حقيقي للبديل ولو أتيحت ليهم فرصة فلن يكونوا أحسن منها أبدا. شخصيا فجعت في شخصين بصورة خاصة.
وزي ما قال بدر الدين حتى القيم الكان الواحد فاكرها بديهية بقت مافيشة يعني زول ينعم بالحياة كلاجيء سياسي يكتب بوست يحذر فيه من لجؤ الذين يطاردهم الانقلاب للسودان... وواحد يكتب هازئا بمن اعتقلهم الانقلابيون. ياخي زول أقسم قسم أبوقراط يصف بشرا بأنهم حشرات ويدعو لقتلهم وإبادتهم أكتر من كدا شنو؟ تعيش كتير تشوف كتير!

Quote: و والله لولا بصيص من الضوء جهة (نفير ) ... لمات الأمل في داخلي، كما ماتت كل الاشياء الجميلة في بلادي !!!

يا عزيزي أمين
السودان دا بقى زي الزول العندو إيدز
لا يرجى شفاءه إلا بمعجزة، ويبدو إن زمن المعجزات قد ولى
مافي أي أمل ، لا نفير ولا غفير
وعذراً على هذا التشاؤم، بس دا الحاصل

صدقت يا أمين
من وجهة نظري
الأمل على المستوى الجماعي صفر كبير
أما على المستوى الفردي فإنه يظل باقياً
ولا تخطئه العين


العشم أن يترجم الفردي إلى جماعي
حتى تنهض البلاد من هذا التعسيم الذي طال أمده
ولا بارقة أمل تلوح



تحياتي واحترامي

صدقت يابروف أمين ...
قمة الاحباط من مواقف من يدعون الديموقراطية
ولا يفتح الله عليهم بكلمة عند انتهاكها ...

غايتو يا بروف كايس ليك مشاكل ساي :)
بديت لي استطلاع و حصر لــ أخلاق الكيزان ... حسب رؤية الزملاء, من التباشير كدااااا لقيت النتيجة بتلوّمنا مع الكثيرين من الأخوان
فا شنو.. زي جلّيت الفكرة وكدا

سلام يا حلوين ... و عذرا على عدم القدرة على المتابعة ... الشفع لاعبين ضاغطين بلا هوادة ... ساعود غدا إن شاء الكريم للرد ...

Quote: نبارك وأد الديمقراطيات ... نناصر العسكر .... ثم لا نتورع نحدث الناس عن اهمية التبادل السلمي للسلطة !

بروف امين تحياتي

انا اقر بأنني أيدت ثورة 30 يونيو في مصر وازاحة الاخوان من المشهد لعدة اسباب لا مجال لذكرها ولكن يمكن تلخيصها في ان اصل داء الوطن من تشرزم وقتل واقصاء ولجؤ وتهجير وفقر وتقزم وانفصال وانعدام ثقة بين المكون الاثني هو من نتاج فكر الاخوان ، فمتى ما قضي على الاصل فمؤكد الدور سوف يأتي على الفروع المشوهة
نرجع للذين ايدوا ثورة 30 يونيو من اهل الوجعة المصريين اللذين انكووا بجبروت نظام مبارك وكان لهم القدح المعلى في قيام ثورة 25 يناير التي اطاحت بمبارك وليس كما الاخوان اللذين ركبوا الثورة بعد ان خاضوا حوارات كانت كفيلة بوأد الثورة مع نائب حسني عمرو سليمان ولكنهم ايدوا ثورة 30 يونيو و من هؤلاء :-
وائل الابراشي
ممدوح حمزة
عبد الرحيم قنديل
ابراهيم عيسى
الشاعر احمد فؤاد نجم
علاء الاسواني
توفيق رشوان
جورج اسحق
وغيرهم
----------
المذكورون اعلاه كان لهم دور كبير في تفجير ثورة 25 يناير
السؤال لماذا ارتضوا بالانقلاب على الديمقراطية التي نادوا بها
لانهم وصلوا لقناعة ان الذي يمارسه الاخوان لا يمت للديمقراطية باي صلة هي سياسة ممنهجة للتمكين والاقصاء وكان يمكن نتاجها ضياع وطن اسمه مصر ،
---------
كل ما ذكرته اعلاه كافي لاي شخص يؤمن بان الفكر الاخواني الاسلاموي الذي يقوم على فقه المرشد والبيعة لايمكن ان يقدم تجربة ديمقراطية بل سيقدم تجربة شكلها العام مرضي عنه خارجيا (صناديق) ولكن ممارستها شيء اخر لا يفقهه الا من غاص في اعماق التفكير الجمعي لهؤلاء
يدخلون وفق المعايير الاساسية للديمقراطية ويقفلون الباب من خلفهم ليمارسوا اقصاؤهم وتمكينهم
----------
لا تكونوا ملكيين اكثر من الملوك
معظم المثقفين المصريين الاشراف المناضلين اصطفوا في صف ثورة 30 يونيو ، وبناء عليه اذا كان الدليل للتاييد امثال هؤلاء فثق اقر انا مع الخط الداعم لثورة 30 يونيو ،
وليس هناك ادني تناقض
دعونا نخرج من القالب النرجسي ونغوص بمعق في الواقع المعاش
(اخوان يعني ضياع اوطان)
---------
مع كامل احترامي

البروف أمين وإدمان الوجع

ان المرحوم التجاني الطيب مشى مصر في ظروف مشابهة!
------------------------------
سلام للجميع
عم تجاني غادر الى مصر عن طريق البر فعلا
بعد وصوله الى احدى قرى الصعيد كتب رسالة صغيرة الى قيادي من الشيوعيين المصريين
وتم نقله سريعا الى القاهرة وبمجرد وصوله اعلن للسلطات المصرية عن وصوله الى مصر واسباب دخوله بهذه الطريقة
وسكن في رابعة في شقة شقيقه في مكان معلوم للامن المصري
وكان هنالك حرس من الامن المصري في باب الشقة
كل زواره تقريبا .. وشخصيا كنت اخضع للتفتيش والمسالة اذا حضرت الى عم تجاني لاي سبب
اخوان مصر لن يعلنوا عن وصولهم الى السودان على الاطلاق
وقبلهم اسامة بن لادن وغيره من قوى التطرف الاسلامي المطلوبة في بلادها

Quote: عم تجاني غادر الى مصر عن طريق البر فعلا بعد وصوله الى احدى قرى الصعيد كتب رسالة صغيرة الى قيادي من الشيوعيين المصريين وتم نقله سريعا الى القاهرة وبمجرد وصوله اعلن للسلطات المصرية عن وصوله الى مصر واسباب دخوله بهذه الطريقة وسكن في رابعة في شقة شقيقه في مكان معلوم للامن المصري وكان هنالك حرس من الامن المصري في باب الشقة كل زواره تقريبا .. وشخصيا كنت اخضع للتفتيش والمسالة اذا حضرت الى عم تجاني لاي سبب اخوان مصر لن يعلنوا عن وصولهم الى السودان على الاطلاق وقبلهم اسامة بن لادن وغيره من قوى التطرف الاسلامي المطلوبة في بلادها

المسألة في فهي انا, ليست فيما وصل بالبر او الجو او البحر!
المسألة في ان هناك ظروف سياسية معادية دفعت بالمرحوم التيجاني الطيب و الالاف من السودانيين للخروج من السودان, و تلقوا المساعدة و الترحيب و الاجارة .
و علينا كسودانيين ان نحترم ما قام به العالم تجاهنا, و عندما يضطر الاخرين للهرب للسودان, يجب ان نتذكر ان علينا واجب تجاه الملهوف و الخائف حتى لو كان "عدوا" لنا.
اما مسألة الاعلان او عدمه فخلينا نخليها مستورة على الاقل "اندينا"! (ما تحك الحتة دي لانها بتجيب الهوا)
هناك اعراف في العالم تخطيها بجيب العيب!

المسألة في فهي انا, ليست فيما وصل بالبر او الجو او البحر!
المسألة في ان هناك ظروف سياسية معادية دفعت بالمرحوم التيجاني الطيب و الالاف من السودانيين للخروج من السودان, و تلقوا المساعدة و الترحيب و الاجارة .
و علينا كسودانيين ان نحترم ما قام به العالم تجاهنا, و عندما يضطر الاخرين للهرب للسودان, يجب ان نتذكر ان علينا واجب تجاه الملهوف و الخائف حتى لو كان "عدوا" لنا.
اما مسألة الاعلان او عدمه فخلينا نخليها مستورة على الاقل "اندينا"! (ما تحك الحتة دي لانها بتجيب الهوا)
هناك اعراف في العالم تخطيها بجيب العيب!
------------------------------------------
سلام يا بدر
في الحزب ومسائلنا الداخلية ماعندنا حاجة اسمها خليها مستورة
يجب كشف الحجب عن تجاوزات اي شيوعي مهما كان تاريخه الحزبي
وانت اكثر العالمين ان لا احد في حزبنا معفي عن المساءلة
التجاني الطيب بابكر لم يدخل متخفيا من السلطات المصرية
خرج متخفيا من السلطات السودانية
في القاهرة اعلن التجاني عن وجوده وكيف دخل مصر واعلن حتى عن موقعه القيادي داخل الحزب
اذا كان في شخشخة في دخول التجاني لمصر فتو هنا ..
وانا جاهز جدا لكل المعلن والمخفي عن سيرة هذا القيادي الشامخ !
تحياتي واحترامي

-----------------
وعذرا للاخ امين ان سار البوست في غير مساره
الشيوعيين نقناقيين !

Quote: نحن لا نستحق سوى الانقاذ ... فكلنا كيزان ... نفس الملامح و الشبه !! و والله لولا بصيص من الضوء جهة (نفير ) ... لمات الأمل في داخلي، كما ماتت كل الاشياء الجميلة في بلادي !!!

الشكر للأخ / امين

ولكل المتداخلين,,
انت كده جبت المفيد..
انا كنت حاسس انو الحاصل في المنبر ده، من ادانة وتنميط للمخالفين والمختلفين في الراي، ودون التفات الي الحجج الدستورية والقانونية ل التي يستند اليها اطياف الأختلاف، كان لخدمة هذا الشعار..
لك مودتي يا امين

خالد العبيد

تحياتي

Quote: في الحزب ومسائلنا الداخلية ماعندنا حاجة اسمها خليها مستورة

خالد العبيد لما انا قلت خليها مستورة اصلا ما كان في بالي الحزب!
انا قلت "اندينا" يعني في امريكا
و طبعا هنا لسع بقايا المكارثية موجودة و الناس بتمشي حالها (ياخ ما تحكها ههههههه)

زماااااااااااااااااااان يا امين
زمن المنبر كان زين والشعر مغطي الاضنين

كان في ولد لهلوبة في المنبر مكني بكبروس

الولد ده قال حكمة انا مستلفها منو حتى الان قال
" تبا لكم كيزان اليمين , وكيزان اليسار .... لا فرق بينكم الا في اختلاق الاماكن "

ودي بتشبه مقولتك دي

Quote: نحن لا نستحق سوى الانقاذ ... فكلنا كيزان ... نفس الملامح و الشبه !!

حاجة تانية

شايف قريبكم الذي بمصر والكاتب المقيم بتلكم الديار .. يقوم بدور محمد طه محمد احمد اول ايام الانقاذ وهو التمكين للانقلاب عن طريق الصحافة ... في احسن احواله يمكن تشبيهه حسين خوجلي ( ككاتب وليس كشخص )

سلام يا حبيبنا أمين وكل المشاركين

أنا غايتو على المستوى الإنساني متعاطف مع الإسلاميين في الضربة القاسية التي تعرضوا لها في مصر، وأنظر بعين الريبة لتصرفات السيسي، ولكن في نفس الوقت أعرف أن السبب في الأزمة هو الإخوان أنفسهم، فهم الذين فرضوا هذا المسار الدامي على الجيش. ولكن دعنا نتفاءل ونرجو أن تكون هذه الأحداث الأليمة بمثابة درس للإسلاميين هناك، ونرجو أيضا أن يستفيد منها إسلاميو السودان.

قرأت هذا المقال لضياء رشوان وأحببت أن أضعه لزوار بوستك:

Quote: ضياء رشوان 23:20 الأحد 25 أغسطس 2013 «المحنة» الأخيرة للإخوان المسلمين تعَوَّد الإخوان المسلمون على العيش دوماً فى الذكريات المرة لتاريخهم الطويل، منذ عام 1928، وأدمنوا، على ما يبدو، إعادة واستعادة اللحظات الأكثر خطئاً وقسوة فى هذا التاريخ. وساد بين الإخوان بأجيالهم المختلفة المتتابعة مصطلح «المحنة» الذى يرون أنها التجارب واللحظات الأكثر تأزماً فى تاريخهم والتى كانت أولاها، حسب رؤيتهم، هى اغتيال مؤسس الجماعة حسن البنا، عام 1949، وثانيتها هى إعدام بعض قياداتهم، واعتقال آلاف منهم، عام 1954، فى صدامهم مع نظام الرئيس جمال عبدالناصر، الجديد حينذاك، وثالثتها هى اعتقال مئات وإعدام بعض القيادات، وعلى رأسهم سيد قطب، عامى 1965 و1966 بعد تشكيلهم تنظيماً سرياً، تطبيقاً لأفكاره الواردة فى كتبه، وأبرزها «معالم فى الطريق». وعندما يتحدث الإخوان فيما بينهم عن كل «محنة» من الثلاث فهم فيها دوماً فى موضع «الضحية» التى تتكالب عليها النظم الحاكمة المستبدة والخارجة عن صحيح الإسلام، لتحظر نشاطها، وتعتقل وتعذب قياداتها وأبناءها وتعدم رموزها، بينما الجماعة لم تفعل شيئاً قط، خلال هذه المحن، يخرج عن صحيح الحق أو القانون. هكذا يتناقل الإخوان عبر أجيالهم كتابة وشفاهة تصوير «المحن» الثلاث، ويستخدمون روايتها، لحفز أعضاء الجماعة، وتأهيلهم دوماً، وفى أى لحظة، للصدام مع أى نظام سياسى، فإذا هزموا كان تبرير «المحنة» هو الجاهز دوماً، لإقناعهم بأنهم «الضحية»، وأنهم قادرون على الاستمرار، والخروج منها كما حدث من قبل فى المرات الثلاث. وهكذا بدت رواية الإخوان لمحنهم الثلاث أحادية من وجهة نظر قيادة الجماعة، ولا تحتمل الخلاف معها من أى خصم سياسى أو حتى مؤرخ محايد، فالحقيقة واحدة، وهى أن الجماعة كانت فيها جميعاً «المجنى عليها والضحية» التى لاشك فى براءتها. وحتى الوقائع التى بدت ثابتة، قبل وأثناء تلك المحن الثلاث، من أعمال عنف وقتل ومحاولات للقيام بها من جانب قيادات وأعضاء الجماعة، مثل قتل النقراشى، فى المحنة الأولى، وما سبقه وتلاه من اغتيالات وتفجيرات أو محاولة اغتيال عبدالناصر، الثابتة بالأدلة والاعترافات فى المحنة الثانية، أو التنظيم، مؤكد التشكيل، وأسلحته وخططه لقلب نظام الحكم، فى المحنة الثالثة، فهى كلها فى رواية الجماعة مجرد «مؤامرات» و«افتراءات» نسجها وروجها خصومهم من السياسيين والأنظمة الطاغية. واستقر بذلك الوعى الجمعى التنظيمى للجماعة على أن تاريخها، منذ المحنة الأولى فى النصف الثانى من أربعينيات القرن الماضى، هو تاريخ صعود كبير نتيجة جهد أبنائها يستمر لفترة طويلة، يتلوه سقوط مفاجئ يستغرق سنوات أقل، بسبب ما يفرضه عليها أعداؤها من «محن»، ثم تعود الجماعة إلى صعودها، المتتابع، أيضاً بفضل جهود أبنائها. هذه الرواية المحبوكة، المصنوعة، لتاريخ الجماعة هى التى تسيطر اليوم على عقول قياداتها وعدد غير قليل من أعضائها فى مواجهة ما فعلوه بالبلاد وما ترتب عليه من وقائع وتطورات تبدو بالنسبة لهم «المحنة» الرابعة فى هذا التاريخ. و«المحنة» هذه المرة نموذجية بالنسبة للجماعة من جميع جوانبها، فهم اليوم يستعيدون ذكريات «محنتى» 1954 و1965 فى مواجهة نظام الرئيس عبدالناصر الذى يلخصونه فى أنه نظام «العسكر»، وها هم اليوم، حسب روايتهم، يواجهون من جديد جيلًا جديداً من «العسكر». و«المحنة» الحالية فى رؤية الجماعة أريقت فيها دماء أكثر من «المحن» السابقة، وقبض على قيادات أهمها المرشد ونائباه أكثر بكثير ممن قبض عليهم فى المرات السابقة، وأتت بعد تولى رئيسهم الدكتور محمد مرسى منصبه عبر صندوق الانتخاب الحر، فهى بالتالى «محنة» نموذجية تعكس كل معانى الظلم والتربص والقمع التى ترى الجماعة أنها تتعرض لها دوماً من الأنظمة الباغية الطاغية. ويبقى الأهم، بعد كل هذا التوصيف للوضع الحالى الذى تمر به الجماعة من جانب قياداتها، وهو الشعور الزائف بأن «المحنة» الحالية، إذا تجاوزنا وقبلنا وصفها بذلك، حسب الجماعة، هى مجرد تكرار مكبر للمرات السابقة، وأنه سيتلوها تكرار الحلقة التالية فى الدائرة التقليدية لتاريخ الجماعة وهى الصعود الكبير الذى يستمر لفترة طويلة، بعد قيامها بامتصاص الضربات الموجعة التى تلقتها أثناء هذه «المحنة»، فالقيادة الأكثر تشدداً فى تاريخ الجماعة تعتقد، وتشيع هذا الاعتقاد فى صفوفها، بأن قسوة المواجهة فى المرة الحالية لا تمنع من اعتبارها مجرد تكرار للمرات السابقة: الجماعة القابضة على الحق والإسلام فى جانب ونظام الحكم الطاغى الباغى الخارج عن صحيح الإسلام على الجانب الآخر. والحقيقة أن وصف الوضع الحالى من جانب قيادة الجماعة، انطلاقاً من الاستغراق فى تاريخها الطويل و«محنها» السابقة يعكس غياباً عميقاً عن الواقع المعاش، وانحيازاً نفسياً لقراءته بصورة بعيدة عن حقيقته، فالجماعة اليوم وبعد عام من حكمها وعامين ونصف العام من ثورة يناير، لم تعد بالنسبة لعموم المصريين حلماً لم يروه متحققاً فى تشريعات وقرارات وسياسات كما ظلت لثمانية عقود متواصلة، بل أضحت واقعاً عملياً جربوا تخبطه وهيمنته وفشله فى النهاية، بما حولها بالنسبة لغالبيته التى خرجت، يومى 30 يونيو و3 يوليو، إلى كابوس لم يعد ممكناً لهم الاستمرار فى التعايش معه. وكان معنى ذلك الرئيسى، والذى غاب عن قيادة الجماعة أو حاولت نفيه بآلية نفسية مضطربة، أن الجماعة باتت للمرة الأولى فى تاريخها الطويل فى مواجهة قطاعات وفئات اجتماعية واسعة من المصريين ومعها الغالبية الساحقة من القوى السياسية بما فيها محسوبون، دون أدنى شك، على التيار الإسلامى. وعندما أعلن الفريق أول عبدالفتاح السيسى، يوم 3 يوليو، خريطة الطريق وعزل الرئيس السابق، كانت خلفية المشهد تعكس تحالفاً اجتماعياً وسياسياً ومؤسسياً ودينياً يعكس الغالبية الكبيرة فى المجتمع المصرى، وهو ما بدا مختلفاً تماماً عن جميع «المحن» السابقة، فهذه المرة كان الشارع بقواه الاجتماعية والسياسية هو الذى شكل ودفع النظام السياسى الجديد إلى المواجهة مع الإخوان، بعد أن بدأوها هم، على خلاف كل المرات السابقة، التى كانت المواجهة تبدأ مع النظام القائم، والذى يسعى بعدها لحشد القوى الاجتماعية والسياسية لمساندته ضد الإخوان. وأيضاً لم تدرك قيادة الجماعة أن تحالفاتها العلنية الخطيرة مع بعض قوى الإسلام التكفيرية والجهادية العنيفة على منصات «رابعة العدوية والنهضة وسيناء»، بما أودت إليه من إشاعة الترويع وبعده دماء بريئة غزيرة من أبنائها وأبناء هذه القوى ومعهم أبناء الشعب المصرى ورجال الشرطة والجيش، قد أطاحت وإلى الأبد لدى عموم المصريين بكل ما سعت طوال تاريخها لترسيخه داخلياً وخارجياً من أنها جماعة سلمية كانت دوماً «ضحية» لعدوان الآخرين. تحولت الجماعة بأفعال وسياسات قيادتها الخرقاء لدى غالبية المصريين ومعظم الرأى العام الخارجى إلى جانية وساعية للسلطة والهيمنة والتمكين، ومستعدة للتحالف مع أى طرف فى العالم، لتحقيق ما تريد. من هنا فإن شكوكاً حقيقية تحيط بإمكانية تكرار الدائرة التقليدية فى تاريخ الجماعة من صعود وهبوط، بعد هذه المرة الأخيرة التى نعيشها حتى اللحظة. والأرجح أن هذه ستكون آخر «المحن»، حسب تعبير الجماعة، وأنها لكى تواصل وجودها السياسى والاجتماعى فى البلاد بعدها ستحتاج إلى ما يشبه «الثورة» داخل صفوفها، لاقتلاع كل التصورات المشوهة والشخصيات المتشددة والأوهام التاريخية التى تهيمن على قيادتها الحالية، وتعيد بناء نفسها فى صورة حديثة يختفى فيها اسم ومضمون الجماعة التقليدية، ذات الأعوام الخمسة والثمانين، ليظهر حزب سياسى حديث يمارس النشاط السياسى وجمعية أو جمعيات أهلية تمارس الأدوار الدعوية والخيرية والصحية فى ظل القانون. أما غير هذا، فإن الجماعة تغامر بالفعل، هذه المرة، بألا تكون فقط هذه هى «المحنة» الأخيرة، بل أيضاً أن تختفى هى وكل تجلياتها السياسية والدعوية من الفضاء الاجتماعى المصرى. [email protected]

http://www.almasryalyoum.com/node/2062381

يا بروف انا شايف انو السيسي هو دعم للديمقراطية والاخوان هم خطر على الديمقراطية والتداول السلمي للسلطة . تفتكر انو الاخوان ادا استمروا في الحكم هل سيتازلون عن السلطة

انا اقول لا لو بالعنف او الانتخابات المزوره سوف يهيمنون على الحكم . ( السيسي يقول اقسم بالله العظيم قالوا لي انهم سوف يحكمون مصر 500 عام )

* الاخوان في فترة وجيزة بداوا في التمكين لتنظيمهم في الخدمة المدنية والعسكرية.

* بدات التنظيمات الارهابية في الانتشار في ارض مصر بمباركة الاخوان.

نعم للديمقراطية و استيلاء السيسي على السلطة فيه دعم لمستقبل الديمقراطية في مصر.

سلام للجميع ... و إحتفاء بحبايبنا من خارج الأستديو ...نرد على الفسابكة أول !
--------------
أخونا الطاهر ... سلام يا رجل و شكرا على المداخلة العميقة دي

Quote: سلام للجميع أخ أمين، انت تتكلم بصيغة الجمع وكأنك تقول نحن الشعب السوداني نستاهل حكم كيزان النظام لأن (كيزان) المعارضة لا فرق لولا (بصيص) أمل نفير. السؤال هو: ما هو حجم كيزان النظام وكيزان المعارضة لبقية الشعب؟؟ وبأي حق يحق لهم التحكم في الغالبية؟؟ كم من الشعب السوداني هلل لوأد الديقراطية وناصر العسكر ؟ بل كم من الشعب سمع حتى بأن هناك انقلاب وأحداث في مصر؟؟ ولماذا كيزان .. كيزان .. في كل مكان!! حتى داخل منبركم العامر كم عددهم؟! من السهولة لعن ظلام الكيزان وكسب المعارك الوهمية ولكن من الصعوبة بمكان ايقاد شموع الوعي واستنهاض الأغلبية الساحقة (حزب الكنبة) حتى يقرروا مصيرهم. هذا هو المحك، العمل على إشاعة الوعي ولا شئ غير ذلك، ربما عشرات بل مئات السنين والرحلة الطويلة تبدأ بخطوة واحدة في الطريق الصحيح أو انتظار المعجزات. ثم ما هي الديمقراطية؟ أعتقد هي سلوك ووعي واعتراف واحساس بالآخر، (يا خي عشرة انفار يتقاتلون قتالاً حقيقياً للظفر بمقعد في حافلة تسع عشرين مقعداً) قبل أن تتبلور في صناديق التصويت، أنا شخصياً لا أومن بديمقراطية (خم) الأصوات أومن بحكم راشد بعيد من أدعياء الدين أصحاب المشروع الحضاري(المنفس) والطائفية يعني (أقرب) لحكم نميري من 71 حتى 78 قبل أن تصيبه لوثة الكيزان. أظنني طولت عليكم لكن لابد من النكتة التالية: "واحد حلبي (شعب الغجر) عندو حمارين مربوطات في شدرة حمّل رحلو المليان عدة على واحد وبمجرد ما طلقو وقبل ما يركب عليهو الحمار فنجط وكسر العدة زي ما هي وقام جاري بس أخينا ده شال عكازو ووقع ضرب شديد في الحمار المربوط لامن قرب يكتلو، الجماعة لحقوهو ليك ياخي أسع دة ذنبو شنو؟! قال ليهم والله دا كان انطلق أظرط من داك!! مع التحية والاحترام للجميع

أول حاجة ... اتفق معاك إنو صيغة الجمع في أي شئ تقريبا ما صاح ... توجد إستثناءت لكن الاستثناءات لا يقاس بها !!

بالنسبة ل (( وكأنك تقول نحن الشعب السوداني نستاهل حكم كيزان النظام لأن (كيزان) المعارضة لا فرق لولا (بصيص) أمل نفير )) فما كأني بقول ... أنا قلت عديل إنو نحن نستاهل حكم الكيزان ...لكن ما لانو مافي فرق بين كيزان المعارضة و كيزان الحكومة ( رغم صحة هذا الكلام ) لكن لاني وصلت لقناعة إنو مافي فرق بين كيزان الحكومة و بينا نحن في عضمتنا كسودانيين !!!!

و عشان كلامي يقع ليك يا الطاهر ... أنا مقسمنا - و كل شعوب الارض - لقسمين :

- قسم بيؤثر في حياة الناس ... و فيهم المثقفين و المتعلمين و الساسة و قادة المجتمع المدني و العسكري و كل من يؤثر في حياة سلبا و ايجابا ... و ديل الانا بتكلم عنهم لمن أقول مافي فرق بينهم و بين الكيزان ... لانو في داخل كل منهم كوز صغير !!!

- قسم ما بيؤثر في حياة الناس أو تأثيرة ضعيف جدا ... يقاد و لا يقود ... و ديل by definition خارج نطاق كلامي لانهم خارج نطاق التأثير !!

عجبني جدا تعريفك للديمقراطية (( سلوك ووعي واعتراف واحساس بالآخر)) ... نحن - دي قاصد بيها القسم الاول كما اسلفت - بسم الله ما شاء الله ... لا سلوك ... لا وعي ... لا إعتراف و لا إحساس بالآخر ... و بعد ده زاعطين ليك الناس : الديمقراطية ... الديمقراطية ... الديمقراطية ... بيننا و بينها بعد المشرقين !!

بالنسبة للحكم الراشد ... أنا اختلف معاك تماما ... و أظن - غير آثم إن شاء الله - إنو في زمان الناس هذا ... مافي حاجة اسمها حكم راشد ... لانو الحكم الراشد مافيهو محاسبة للحاكم الراشد ده ... و الحاكم الراشد ده - قدس الله سره و سر صلعته الشريفة - لمن يبقى في السلطة ... يأمر فيطاع ...يحكم فينفذ حكمه ... يفتي فتصبح فتاواه قوانين ... بتبقى رؤيتو للامور هي ما يسري على الناس ... و شوية شوية ببقي دكتاتور لا يشق له غبار ... طبعا ده غير بطانة السوء البتزين كل باطل ... هسي إنت قايل ناس صدام و القذافي و مبارك و حتي عمر البشير لمن جو السلطة كانو قايلين نفسهم بسوو حاجة غلط ؟ العكس تماما ... و ما زالو يظنون أنهم يعملون لخير شعوبهم و رخائها !!
لو لم نبدأ باصلاح أنفسنا ... لا أمل... لا اليوم أو غدا ...حل مشاكلنا ببدأ باسقاط الكيزان و حكومتهم و قد تكون دي أسهل جزئية في إصلاح حالنا المائل ... الجزء الصعب إننا نغتال جرثومة الكوزنة التي تجري في دمائنا !!!

-----------

Quote: يا أمين ... كلامك في الصميم وا سوداناه :(

شكرا يا زبير على الدعم و المؤازرة !!
-----------

Quote: Abubakr Ahmed Abbas

يا بكة الذي لم يبارك حوله أحد !!
أنت شخص غير مرغوب في بوستاتي !!
ياخي أرسل ليك ايميل قبل يومين ... ترد لي قبل شوية ؟!!!

امين الياسمين
رغم استنادك لاصول الجرح ، فانك دائما معي وفي خاطري ، والسهام (مش سهام الفي بالي وبالك ) نواهل مني وبيض الهند تقطر من دمي .
فرغم السهام (وسهام ) واصول الجرح وقطرات دمي المباح بين اصول الجرح لديك وسهام عنترة وسهامي ، فلك ولعنترة وسهامه وسهامي هذه
النقاط المختصرة :-
التاريخ سجل الزمن ... لايبدأ بيوم 30/6 او يوم 3/7 اهلك الامريكان قالوا :-
The devil in the details
ارجع لثورة 25 يناير من اول من رفض النزول لنداء الثورة لان يوم الشرطة يوم وطني !!!!!!!!!!!!!!!!
من اول من سعي لاخراج نظام مبارك من ورطته بالجلوس مع عمرو سليمان وتركه شباب الثورة في الميدان ؟
من سعي لعقد الصفقات في الغرف المغلقة وترك شباب مصر في الميادين لقناصة النظام ؟
من يْس من ثورية الشعب واستعان باطراف دولية وامتدادات خارجية لتركيع الدولة (وليس النظام ) بحسابات انتهازية ضيقه ؟
كيف استخدم المقدس لتمرير الاستفتاء والانتخابات النيابية ؟ اين وعود الاخ (المؤمن ) مرسي للقوي الشبابية والثورية في المرحلة الثانية من الانتخابات ؟
وعود عن دستور ديمقراطي يشارك فيه الكل وتسهم فيه كل قوي الشعب بنحلها ومللها ؟
هل يجوز في الديمقراطيات المعاصرة واللاحقة ان يصدر الرئيس اعلان دستوري يحصن قرارته من النقد !!!!!! ويعزل النائب العام ليعين نائب عام (مخصوص) !!!!
هل يجوز لاوباما ان يسمح لمناصريه بمحاصرة المحكمة الدستورية العليا ( السوبريم كورت ) لانها من المحتمل ان تصدر قرار يبطل قانون التامين الصحي ( اوباما كير ) ؟
هل بامكان رئيس الوزارء البريطاني ان يدعو انصاره لمحاصرة مقر البي بي سي لانها تنتقد سياساته ؟
هذا طبعا لا يجعل مرسي فريد زمانه في الفهم المصلحي والانتهازي لديمقراطية المؤسسات ، فالامام الصادق في سالف العصر والاوان افتي ان راي المحكمة العليا غير ملزم
ويستانس به فقط !!!!!!!!!
ولك السلام

يا بدرنا المنير ... سلام يا رجل

Quote: العرفتو انا غايتو انه ما بيننا و بين الديمقراطية لا يقل عن ما بين قطبي الكون! عمري ما سمعت بزول يسبح و يمدح الديمقراطية و يقول لي ياخ الانقلاب دا ما حصل بالليل يعني لو لاقى فيل في كندا حا يسميه كديس؟ و لا سمعت زول يؤمن بحقوق الانسان و بيصدر بيان في اي مناسبة التسوى و الما تسوى و يتكتلوا مئات الناس و لا يمن الله عليه ببنت شفة!

يا زول الديمقراطية طلعت عدة شغل زيها و زي هي لله ... هي لله !!

و من أطرف ما سمعت من تبريرات لانقلاب العسكر على الديمقراطية في المحروسة تبرير كيزاننا في اليسار لمن قالو إنو ده ما إنقلاب ... لانو العسكر حدد المواعيد و الانقلابات بتم بصورة مفاجئة !!
بعدين ياخي أنا مختلف معاك في قصة إنو الله لم يمن عليهم ((ببنت شفة)) في مسألة قتل الناس ... لانو الله من عليهم (( ببنات شفات)) كتااار ... باركو فيها القتل تحت شعار بلا كيزان بلا قرف ... و إنو الكيزان دسو الاسلحة في رابعة ... و هاجمو قوات الحرس الجمهوري ... و تخابرو مع إسرائيل و حماس ... ثم فجرو المسجد النبوي قبل أن يضربو الكعبة بالمنجنيق !!!

العوض الذي هو ياسر ... و عليكم السلام و رحمة الله و بركاته

Quote: سلام يا أمين ما يحدث محزن جدا ومخزي وكشف المستور. أنا غايته اقتنعت إنه معظم المعارضين للإنقاذ مشكلتهم معاها ما مشكلة ديمقراطية وحقوق إنسان والكلام الكتير البنسمعه... ممكن يكونوا زعلانين من الظلم والإجرام الحصل دا لكن ما عندهم تصور حقيقي للبديل ولو أتيحت ليهم فرصة فلن يكونوا أحسن منها أبدا. شخصيا فجعت في شخصين بصورة خاصة. وزي ما قال بدر الدين حتى القيم الكان الواحد فاكرها بديهية بقت مافيشة يعني زول ينعم بالحياة كلاجيء سياسي يكتب بوست يحذر فيه من لجؤ الذين يطاردهم الانقلاب للسودان... وواحد يكتب هازئا بمن اعتقلهم الانقلابيون. ياخي زول أقسم قسم أبوقراط يصف بشرا بأنهم حشرات ويدعو لقتلهم وإبادتهم أكتر من كدا شنو؟ تعيش كتير تشوف كتير!

ما يحدث ... أمر ما محزن و لا حاجة ... عمرو الحقيقة ما كانت محزنة !!
ممكن تكون قبيحة ... لكن ما محزنه !!
المحزن انك تكون قايل رقبتك في الحته الصاح ...مع الناس الصاح ... انك تكون مغشوش و ما شايف الحقيقة !!
و الحقيقة اننا ما عندنا علاقة بقصة الديمقراطية و الفول بالطعمية دي ... و و الحقيقة اني كان زعلت من رأيك ممكن أسبك و أسب ليك والديك أحياء كانو أم أمواتا ... و ممكن أعمل لي سبعة حسابات وهمية اجيك بتحت أقول فيك - بالكذب و البهتان - ما إن وجدت الخمر فرقة لقالته في مالك ... و زول بيفتح خشمو مافي ...لاني مدعي نضال و إنت كوز !! و كوز دي ذاتها جات مع البهايت البجيبها إختلاف الرأي !!
رحم الله الامام الشافعي حين قال :
إذا أردت أن تحيا سليما من الأذى .... وحظك موفوروعرضك صين ... ما تختلف مع سوداني في رأي !!!

مستنير ... حيث لا استناره هناك ... انما عبدالوهاب علي الحاج الكوز

Quote: مرور على سبيل التحية والاشادة بالبوست

شوف يا وهبه ... أي إشادة منك معناتها لازم أتحسس ديمقرطيتي ... أو كما قال احدهم !!

سلام يا بدر

Quote: يا عزيزي أمين السودان دا بقى زي الزول العندو إيدز لا يرجى شفاءه إلا بمعجزة، ويبدو إن زمن المعجزات قد ولى مافي أي أمل ، لا نفير ولا غفير وعذراً على هذا التشاؤم، بس دا الحاصل

أنا متشائم زيك و أكتر ...بحسابات الارض البلد دي ماتت زماااان ... لم تبق غير حسابات السماء ... و ((انه لا ييأس من روح الله الا القوم الكافرون)) .

بلة يا حبيبنا ... سلام يا رجل و لعلك بخير ...

Quote: صدقت يا أمين من وجهة نظري الأمل على المستوى الجماعي صفر كبير أما على المستوى الفردي فإنه يظل باقياً ولا تخطئه العين العشم أن يترجم الفردي إلى جماعي حتى تنهض البلاد من هذا التعسيم الذي طال أمده ولا بارقة أمل تلوح

جزء من مشكلتنا يا بلة ... اننا ما عندنا القدرة على العمل الجماعي ... السودانيين بطبعهم من أنبل شعوب الارض افرادا ... لكن ما عندنا القدرة على العمل كجماعة ....المشكلة إنو مافي دولة بيبنيها أفراد !!
نفير نجحت لانها نشأت من الخير الفينا كأفراد ... بكرة لو حبو ينظموها ويعملوها مؤسسة أو منظمة أو أي جسم قائم بذاتو ... بتتشزم و تبقى ستمية نفير... و المشاكل بين المؤسسين أو الناس القايمين على ادارتها ما بتديك الدرب .... و لك في كل منظماتنا و مؤسساتنا و احزابنا و كل تجمعاتنا اسوة بت كل ب جدا !!
اسألو الله بس ... بحسابات الواطة ما عندنا سكة !!

سلامات يا محمد عبدالله

Quote: صدقت يابروف أمين ... قمة الاحباط من مواقف من يدعون الديموقراطية ولا يفتح الله عليهم بكلمة عند انتهاكها ...

حاول تعاين للنص المليان من البتاع !!
ياخي أخير تعرف المواقف الما شاده حيلها دي في موضوع ما بخص بلدنا ... لانو لو الحاصل في الشقيقة دا كان حاصل عندنا في السودان الشقيق ... الكتيل دا كان بكون في راسنا !!!

Quote: غايتو يا بروف كايس ليك مشاكل ساي :) بديت لي استطلاع و حصر لــ أخلاق الكيزان ... حسب رؤية الزملاء, من التباشير كدااااا لقيت النتيجة بتلوّمنا مع الكثيرين من الأخوان فا شنو.. زي جلّيت الفكرة وكدا

شوف يا البشرى ... اديك الدمعة عشان ما نشيل و نكرر !!
شفت الكلام بتاع المبدئية ... و الديمقراطية ... و حق الآخر في إبدأ رأيو ... و باقي الحنك العاضي دا ... آخرو في قعدة ونسة مع أصحابك العميقين ... الكلام دا في المنتديات خرفوه، خليك من في الواقع ...
و بكرة البلد دي كان حكموها الشيوعيين اللي هم أعلى الناس صوتا بقصة الديمقراطية و باقي الكلام دا ... بيوت الاشباح ما بتديك الدرب ...ناس عصام جبر الله و طارق ابوعبيدة و الجيلي أحمد ح يعلقو الناس في المرواح ... و محمد حيدر المشرف ببقى لواء أمن دكتور .... و كان حتحوت ولدك مسكوه ناس الامن، إلا يتوسط ليك أبوساندرا ... دي لو رد على التلفون أساسا ...
بدرالدين موسى دا مش شيوعي من قبل ما يلدوه ؟ هو ذاتو ح يتعلق في نفس المروحة المعلق فيها حتوت ولدك و كل مخالف للرأي ... و و حا يكون عندهم تبريرات تخلي ميكافيلي يبدو كإنتهازي صغير قدامهم !!
الانتهازيين - ناس ياسر طيفور و قيقراوي و باقي الاشكال دي - ح يبقو شيوعيين أكتر من الشيوعيين ذاتهم ... و الشعب المزعوط سيظل مزعوط... و ربما لن نجد لنا قبرا في أحمد شرفي لما نموت !!
المشهد بائس جدا يا البشرى !!
حسبو عكاشة - كاتبي المفضل في الفيس بوك ...امبارح كتب :

Quote: و هذه البلاد شرها مستطير, كأنها كتبت منذ الازل أن تكون خارج نطاق الرحمة, عاليها سافلها و " حكيم القرية مشنوق " ليس للحلم فيها من طعم ولا رائحة, هكذا تسير الى مصير غير واضح المعالم, تسير على بَركة من سواها , هل الشكوى تزيل الغبن !! أم هل للعبور من سبيل !!

يعني بالعربي كده ... تبكو بس !!

بروف أمين يا حبيبنا
في بوست للكوز الشفيع كتبت ما أرى أنه يلائم somehow فكرة البوست

Quote: شفيع القوم كوزنا الذي نحب سلام الله يغشاك وضيوفك الكرام في أمر أحداث مصر دعني آتيك برأي مشاتر ما حدث ويحدث وسوف يحدث في مصر هو مخاض لتعلم الديمقراطية كقيمة السبب في ذلك في زعمي هو قلة تجربة المصريين في إزالة أنظمة الحكم فعلى مدى التاريخ كان المستعمر الجديد يأتي ليطرد المستعمر القديم ويتحكم في مصر والمصريون متفرجون حتى ( ثورة يناير ) قد بدأت وكأن المصريين ذاهبون لحدائق عامة في عطلة نهاية الأسبوع فقد رأينا الرجل يذهب لميدان التحرير مصطحباً زوجه وطفله على كتفه يا حليل مظاهراتنا ام ( بمباناً بوخو يلوي ) لكن ما يحيرني حقاً هو أمر نخبتنا السياسية الديمقراطية المسلحة بتجارب إسقاط الأنظمة والمكتوية بنيران إزهاق الديمقراطية ما بالهم يتنازلون عن الديمقراطية شعارهم وهدفهم المعلن بمثل هذه البساطة ؟؟ مابالهم يهزمون فكرتهم فقط لأن الديمقراطية في مصر قد أتت بمن لا يحبون ؟؟ لقد قلتُ في بوست أنت من شهوده بأنه غافلٌ من يظن أن الإخوان المسلمين سوف يعلنون السمع والطاعة لقرارات السيسي ورفاقه لقد قلتُ أيضاً أن عسكر مصر قد أخرجوا بقراراتهم المنافية للشرعية مارداً من قمقمه ولن يستطيعون إرجاعه مرة أخرى حتى إن أرادوا سوف ينهض المصريون ويتعلمون من هذا الدرس أياً كانت التضحيات لكن يظل السؤال الحائر متى نتعلم نحن من دروسنا ؟؟

Quote: نبارك وأد الديمقراطيات ... نناصر العسكر .... ثم لا نتورع نحدث الناس عن اهمية التبادل السلمي للسلطة !!

نحن لا نبارك وأد الديمقراطيات ...نحن لا نناصر العسكر,, نحن ببساطة لا شأن لنا بما جرى و ما يجري في مصر
و بالتالي لا يهمنا ان كان انقلابا او استعدالاً او شئ اخر لا يوجد في كتب السياسة.
نحن يا سيدي نعرف ان هناك عصابة من المجرمين المطلوبون للمحاكم, يتحكمون السودان 24 سنة و اخذوا الوطن رهينة لتحميهم
من سيف العدالة و هؤلاء نقول لهم ما قاله صديقنا ناجي يوسف:
أن "دوام الحال من المحال"،
حتى ولو مضي من السنين أجيال،
فموقف الأحرار من النساء والرجال،
وإن تأخر فى السباق أميالاً،
لابد من الظهور لا محال،
يظهر فى صورة سلمية أو غير سلمية وكم للظهور من أشكال،
يواصل المتغطرس أعماله ويصفق له من حوله من الأذيال،
فجأة تتغير الأوقات والأزمنة وتتبدل الأحوال،
ويخرج الوحش الكامن في الأحرار ويبدأ المارد في القتال،
يبيد الظالم والعاتي فربك يزن الأمور بالمثقال،
فلا يعرفه موضعه بعد ويصبح بعد الحقيقة خيالاً،

Quote: نبهت أمهات مخالفينا ... نتهمهم في أعراضهم زورا و بهتانا !! نسرق المقالات ... ثم نحاضر الناس عن الامانة !! نتخفى - كما العاهرات - لنسئ لبعضنا البعض ... ثم نتحدث عن الفضيلة !!

نحن لا يهمنا من هم و لا نعرف ما هي قضية هؤلاء المرضى و لا يهمنا امرهم في قليل او كثير.
و هؤلاء نقول لهم:
مكانكم أيها المعتوهون ذات يوم .. ركن منسي في أقسى اليسار فانتظروا معنا ذلك اليوم.


نحن لن نمارس الامتعاض,,,,فما زال الامل كبيرا و ما زلنا شباب!

تحياتي صاحب البوست و الاخوة القراء.

شكراً بروفسير أمين لهذا البوست وأحداث شمال الوادي الذي أسقط ورقة التوت وكشف المستور عن دعاة الديمقراطية ............
حقيقة لا خير في الحكومة ولا المعارضه كلهم وجهي نفس العمله ..........
كتب علي دفع الله ---

Quote: انا اقر بأنني أيدت ثورة 30 يونيو في مصر وازاحة الاخوان من المشهد لعدة اسباب لا مجال لذكرها ولكن يمكن تلخيصها في ان اصل داء الوطن من تشرزم وقتل واقصاء ولجؤ وتهجير وفقر وتقزم وانفصال وانعدام ثقة بين المكون الاثني .

Quote: وائل الابراشي -- ممدوح حمزة -- عبد الرحيم قنديل--- ابراهيم عيسى-- علاء الاسواني-- توفيق رشوان ---- المذكورون اعلاه كان لهم دور كبير في تفجير ثورة 25 يناير

يا زول إنت متأكد من كلامك دا !!!!! ---
كتب ياسر الشريف ......

Quote: أنا غايتو على المستوى الإنساني متعاطف مع الإسلاميين في الضربة القاسية التي تعرضوا لها في مصر، وأنظر بعين الريبة لتصرفات السيسي، ولكن في نفس الوقت أعرف أن السبب في الأزمة هو الإخوان أنفسهم، فهم الذين فرضوا هذا المسار الدامي على الجيش.

مقابلة الحاج وراق في قناة CBC المملوكة للفلول قبل لإنتخابات الرئاسة المصرية بتاريخ 10/04/2012م .

كتب محمد الشيخ الأرباب .............

Quote: * الاخوان في فترة وجيزة بداوا في التمكين لتنظيمهم في الخدمة المدنية والعسكرية.

تساؤل مشروع -- ما هو أسباب وجود سبعة من وزراء حكومة الكوز هشام قنديل هم أيضاً وزراء في الحكومة الحالية مقارنة مع ما كتبه الزملاء ...
مع إعتذار الوزير الثامن -- وزير التموين في حكومة الكوز هشام قنديل لتولي منصب وزير التموين في الحكومة الحالية بعد دعوته لإستلام هذا المنصب .
– هل ما زال تمكين كيزان مصر مستمر ---

يا عزيزي امين
سلامات ،،،
كدي استعدل لينا البوست أول
كيف عرَّفت الحصل في مصر على انو انقلاب؟ قافزاًفوق كمية التفاصيل الحصلت في 30 يونيو وصولا لي 3 يوليو؟ وطبعاً قبلها جملة وتفصيل كمان ما حدث خلال العام وثلاثة ايام من حكم الاخوان لمصر؟

أمين يا ماسورة كدي أقرأ مداخلة محجوب علي بتروي ، ورد عليها بمنطق لا بمثالية، بالرغم من انّني زاهد في أمر مصر، ولا اقف مع ايٍ من الأطراف المتنازعة، إلا ان حساب الصندوق الإنتخابي الذي يستند عليه كيزان مصر والمتعاطفون معهم يقول: ان الذين خرجوا ضد مرسي يفوق عدد الذين خرجوا من أجله، وهذا الرقم الكبير من الملايين يجب ان لا يُرمي بتهمة الخروج علي الديمقراطية .. على اي حال يا أمين، الجوطة الحاصلة في مصر دي أسبابها الأساسية هي كلفتة الديمقراطية بعد الثورة قبل ان يضعوا لها القوانين الصارمة التي تحكم مسيرتها، ولو ما حسموا التفاصيل دي حيظل ميدان التحرير هو المتحكم في مصير الاستقرار السياسي..
------
مصر بتاعت الساعة كم بالله، أرحمونا من سيرتها يرحمكم الله!

أخونا علي دفع الله ...سلام يا رجل و لعلك بخير

Quote: بروف امين تحياتي انا اقر بأنني أيدت ثورة 30 يونيو في مصر وازاحة الاخوان من المشهد لعدة اسباب لا مجال لذكرها ولكن يمكن تلخيصها في ان اصل داء الوطن من تشرزم وقتل واقصاء ولجؤ وتهجير وفقر وتقزم وانفصال وانعدام ثقة بين المكون الاثني هو من نتاج فكر الاخوان ، فمتى ما قضي على الاصل فمؤكد الدور سوف يأتي على الفروع المشوهة نرجع للذين ايدوا ثورة 30 يونيو من اهل الوجعة المصريين اللذين انكووا بجبروت نظام مبارك وكان لهم القدح المعلى في قيام ثورة 25 يناير التي اطاحت بمبارك وليس كما الاخوان اللذين ركبوا الثورة بعد ان خاضوا حوارات كانت كفيلة بوأد الثورة مع نائب حسني عمرو سليمان ولكنهم ايدوا ثورة 30 يونيو و من هؤلاء :- وائل الابراشي ممدوح حمزة عبد الرحيم قنديل ابراهيم عيسى الشاعر احمد فؤاد نجم علاء الاسواني توفيق رشوان جورج اسحق وغيرهم ---------- المذكورون اعلاه كان لهم دور كبير في تفجير ثورة 25 يناير السؤال لماذا ارتضوا بالانقلاب على الديمقراطية التي نادوا بها لانهم وصلوا لقناعة ان الذي يمارسه الاخوان لا يمت للديمقراطية باي صلة هي سياسة ممنهجة للتمكين والاقصاء وكان يمكن نتاجها ضياع وطن اسمه مصر ، --------- كل ما ذكرته اعلاه كافي لاي شخص يؤمن بان الفكر الاخواني الاسلاموي الذي يقوم على فقه المرشد والبيعة لايمكن ان يقدم تجربة ديمقراطية بل سيقدم تجربة شكلها العام مرضي عنه خارجيا (صناديق) ولكن ممارستها شيء اخر لا يفقهه الا من غاص في اعماق التفكير الجمعي لهؤلاء يدخلون وفق المعايير الاساسية للديمقراطية ويقفلون الباب من خلفهم ليمارسوا اقصاؤهم وتمكينهم ---------- لا تكونوا ملكيين اكثر من الملوك معظم المثقفين المصريين الاشراف المناضلين اصطفوا في صف ثورة 30 يونيو ، وبناء عليه اذا كان الدليل للتاييد امثال هؤلاء فثق اقر انا مع الخط الداعم لثورة 30 يونيو ، وليس هناك ادني تناقض دعونا نخرج من القالب النرجسي ونغوص بمعق في الواقع المعاش (اخوان يعني ضياع اوطان) --------- مع كامل احترامي

يعني يا علي أجرمنك شنآن كيزانا أن تعدل مع كيزان مصر !!

يعني عشان كيزانا نفشو البلد دي ... إنت بتأيد قتل كيزان مصر و اعتقالهم و طردهم من العملية السياسية ؟!!
ياخي كلامك دي ما بأيدو دين و لا عقل و لا منطق !!

بالنسبة للناس الذكرت انهم مؤيدين لما يحدث ...شهد الله ... لو رصيت أسماء مفكري و مثقفي مصر منذ عهد تحتمس الاول إلي يوم الناس هذا لما غير من الموضوع شئيا ... فالحق لا يعرف بالرجال !!
أقول هذا الكلام و أنا يكاد رأيي يطابق رأيك في الكيزان ... لكن يا عم علي ياخي رأينا ده ما مفروض يكون مبررا للاصطفاف مع العسكر لازاحة رئيس منتخب !!
ما مفروض يكون مبرر لقتل الناس في الطرقات و منع المظاهرات و الاعتصامات ..
ما مفروض يكون مبرر لسلاح العسكر أن يكون هو الحكم و المقرر لما يحدث في الحياة السياسية
القضية - بالنسبة لي على الاقل - ما عندها علاقة بالاخوان ... لو كنت مصري لعملت ضد الاخوان ... لكن القضية هنا قضية مبدأ ... قضية ديمقراطية و حق الناس في إختيار حكامهم ... قضية عسكر لا بد أن يبتعدو عن الحراك السياسي ...
كيزان مصر لا علاقة تنظيمية تربطهم بكيزان السودان ...و كان قايل سقوط كيزان مصر بيؤدي لسقوط الانقاذ ... تبقى غلطان ... ياخي العمقاء بتاعننا هنا قالو ليك الحاصل في مصر شأن داخلي !!! و لو تنكرهم لامهاتهم الولدنهم بقعدهم في الحكم بنكروهم ليك و الشمس في كبد السماء و كلاويها !!!

ياخي ما ممكن عشان نحن ضد الفكر الكيزاني و ممارساتهم نصطف مع العسكر و نبارك قتلهم و ايداعهم في السجون بلا محاكمات و منعهم من ممارسة الحياة السياسية و هم من إنتخبهم الشعب .... كان ما موقف مبدئي ... بس من باب الا نأكل يوم أكل الثور الأبيض !!!

نقطة تانية يا علي ...
معظم المؤيدين لما يحدث في مصر تحت ستار إنو الكيزان خراب أوطان و لا يؤتمن لهم و إن جاءو بصناديق الانتخابات و باقي كلامك ده .. يضعون أيديهم في يد الترابي و من معه و هم أساسا الكيزان النفشو البلد دي ... كيف تأتمنو من دمر الوطن حقيقة لا مجازا و تضعو أياديكم في يده ... و في نفس الوقت تباركون قتل خيار الناس في مصر لانهم من نفس التنظيم ؟!!

Quote: البروف أمين وإدمان الوجع

الوجع في الجوف كتير يا عم عاطف ياخي !!

Quote: كن ما يحيرني حقاً هو أمر نخبتنا السياسية الديمقراطية المسلحة بتجارب إسقاط الأنظمة والمكتوية بنيران إزهاق الديمقراطية ما بالهم يتنازلون عن الديمقراطية شعارهم وهدفهم المعلن بمثل هذه البساطة ؟؟ مابالهم يهزمون فكرتهم فقط لأن الديمقراطية في مصر قد أتت بمن لا يحبون ؟؟ لقد قلتُ في بوست أنت من شهوده بأنه غافلٌ من يظن أن الإخوان المسلمين سوف يعلنون السمع والطاعة لقرارات السيسي ورفاقه

أنا ذاتي كنت متحير في الأول ... لكن بعد ما رجعت خطوتين لوراء شفت المشهد بصورة أوضح ... مافي حاجة محيرة يا عاطف ... الكل كيزان ... نفس النظرة الميكافيلية للاشياء ... نفس قصر نظر الكيزان ... نفس الملامح و الشبه ... الاختلاف في عدة الشغل بس !!!

أحييك يا أمين علي هذا البوست المسؤول
وزيك كدا
أصبت بغم وحزن شديدين
لما رأيت من تهافت مثقفينا علي تأييد ديكتاتورية العسكر في الشقيقة مصر
فجعت في كثيرين
لكن في إثنين منهم الفجيعة كانت عظيمة


نرجع ونقول السعيد من يتعظ بمصائب غيره
ها هو رأيهم في ما حدث في مصر
فتح عيوننا علي ما سيفعلون في السودان

زي ما قالوا في الطرفة الشائعة
كلامهم عن كيزان مصر ما إستغربناه
لكن الفيهم إتعرفت

يا خوانا موضوع مصر وجدلية انقلاب أم ثورة شعبية قتل بحثا وجدلا و صارت مآلاته كسائر مواضيع البورد كل واحد متمسك برأيه وحججه ويمكن هذا الموضوع نحى منحى مؤسف بتسببه في بعض الخلافات التي ما كان لها ان تبذل في النهاية شأن غير سوداني
البروف صدّر بوسته بالتالي

Quote: نبارك وأد الديمقراطيات ... نناصر العسكر .... ثم لا نتورع نحدث الناس عن اهمية التبادل السلمي للسلطة !! نبهت أمهات مخالفينا ... نتهمهم في أعراضهم زورا و بهتانا !! نسرق المقالات ... ثم نحاضر الناس عن الامانة !! نتخفى - كما العاهرات - لنسئ لبعضنا البعض ... ثم نتحدث عن الفضيلة !!

البالأحمر دا البحتاج نقاش يا خوانا فدا ما يهمنا ويمسّنا بصورة مباشرة
ولاّ كيف :)

الناس ما ممكن تكون نظرتا للسياسة بالمثالية الظاهرة في مداخلتك الذكرتا فيها الترابي يا امين، الثابت والمتحول يا بروف، الترابي اليوم معارض وفي حد ادنى بينو وبين المعارضين ، الحد الادنى دا رغبة الجميع ذهاب النظام الحالي، دا ما بينفي انو الترابي مسؤول بداية عن الحصل من 89 الى 99 وفي رواية الى الان، ومفروض يتحاكم مثله والطغمة الحاكمة اذا كتب الله ذهابها، دا فيما يخصنا، في مصر هل كان المطلوب من المصريين ان ينتظروا التاريخ وهو يكرر ما حدث في السودان بحذافيره، نعم لا توجد صلة تنظيمية بين الاخوان في السودان وفي مصر لكن هي الاساليب نفسها التي اتخذوها في السودان وادخلوا البلد حجر الضب، ثلاث سنوات اخرى كانت كافية ليبقوا في الحكم 25 عاما حسوما مثل التي منينا بها، والذي حدث خلال العام الذي قضوه في الحكم يفضح كل ذلك، من ثار وانتفض على الاخوان في مصر في 30 يونيو وانظر لعبثية التقويم من ثار هو الشعب يا امين وانضم الجيش للحراك مثلما حدث في 25 يناير ومثلما حدث في 6 ابريل في السودان،،،

سلام يا منصوري و لعلك بخير ياخي

Quote: ولكل المتداخلين,, انت كده جبت المفيد.. انا كنت حاسس انو الحاصل في المنبر ده، من ادانة وتنميط للمخالفين والمختلفين في الراي، ودون التفات الي الحجج الدستورية والقانونية ل التي يستند اليها اطياف الأختلاف، كان لخدمة هذا الشعار.. لك مودتي يا امين

أول حاجة كتر خيرك - و معاك أبو حتوت - في الالتفات لمسالة إنو البوست ما عن مصر و ما حدث فيها ... كلام مصر ده جاء عرضا للتدليل على مواقف بعضنا فيهو ... البوست ببساطة داير يقول إنو نحن و الكيزان سواء ... ما بفرزونا إلا بعدة الشغل !!
بعدين ياخي شفت مداخلاتك لي في بوست دكتور بشرى الفاضل بعد ما فتحت بوستي ده ... إن شاء الله أرد ليك بهناك لمن القى فرقة .

Quote: زماااااااااااااااااااان يا امين زمن المنبر كان زين والشعر مغطي الاضنين كان في ولد لهلوبة في المنبر مكني بكبروس الولد ده قال حكمة انا مستلفها منو حتى الان قال " تبا لكم كيزان اليمين , وكيزان اليسار .... لا فرق بينكم الا في اختلاق الاماكن " ودي بتشبه مقولتك دي Quote: نحن لا نستحق سوى الانقاذ ... فكلنا كيزان ... نفس الملامح و الشبه !!

يا ولي ... المجد لكبروس هذا ياخي !!
و بالذات لو قاصد إختلاف المواقع ( حكومة ... معارضة ) باختلاف الأماكن دي !!!
غايتو معانا هنا كمية من الكيزان معارضين الكيزان لا ليهم أول .. لا ليهم آخر !!
هسي سئيلك الله ... الزول البمشي ينجر ليه حساب في الفيسبوك عشان يسئ بيه لزول مخالف لرأيو...ولا البنجر ليك كذبة في عرض زول تاني لانو زعلان منو ... مشكلتو شنو إنو يعذب الناس في المعتقلات كان حكم ؟!
إنعدام الوازع الأخلاقي هو البخلي الناس تفعل كل ما هو أخلاقي ... هنا أقصي ما يمكنهم فعله انهم يشتموك و يبهتوك و يتخفو - كما العاهرات - بحسابات وهمية ... كان حكمو و بقت عندهم الدبابة ... فهم و الكيزان سواء !!!

Quote: حاجة تانية شايف قريبكم الذي بمصر والكاتب المقيم بتلكم الديار .. يقوم بدور محمد طه محمد احمد اول ايام الانقاذ وهو التمكين للانقلاب عن طريق الصحافة ... في احسن احواله يمكن تشبيهه حسين خوجلي ( ككاتب وليس كشخص )

(( قريبكم الذي بمصر والكاتب المقيم بتلكم الديار )) أنا إتبريت منو ... يساند العسكر و يقول ليك انتو ما عارفين أي شئ !!
تبا لهذا الكوز الأصلع !!

Quote: أول حاجة كتر خيرك - و معاك أبو حتوت - في الالتفات لمسالة إنو البوست ما عن مصر و ما حدث فيها ... كلام مصر ده جاء عرضا للتدليل على مواقف بعضنا فيهو ... البوست ببساطة داير يقول إنو نحن و الكيزان سواء ... ما بفرزونا إلا بعدة الشغل !! بعدين ياخي شفت مداخلاتك لي في بوست دكتور بشرى الفاضل بعد ما فتحت بوستي ده ... إن شاء الله أرد ليك بهناك لمن القى فرقة .

الحبيب / امين
عارف يا صديقي
ما في داعي للأعتراف ده

Quote: ببساطة داير يقول إنو نحن و الكيزان سواء

اصلا مافي زول غالطك في دي، عشان تأكد لينا انك (كوز ) كوز .. كوز . وافرض حتي انو ما قدرنا نفرزك منهم يعني شنو؟ ما يا ك امين صاحبنا ، كل اللي يزيد (ومابينقص) انو حتبقي (صديقنا امين الكوز، المتواضع الما بتفرز من بقية الكيزان) يعني فاكرنا ح نغير علاقتنا معاك، ابدا والله، شوف بصراحة كده نحن كيزانا ديل اخير لينا من كيزان الجيران كوزنا فيه فوائد جمة، خد عندك مثلا، في ناس بيشربوا بيهو العسل بجميع انواعه، وفي ناس بشربوا بيهو الحلومر، وفي ناس بشربوا بيهو الروووووب، وفي ناس بيشربوا بيهو القرررررررض، وفي ناس بيشربوا بيهو الحنضضل، وكلها زي ما انت شايف فيها (شفاء للناس) يا اخي انت دايرنا نخلي الفوائد دي كلها ، ونمشي كمان نستعين بي كيزان الجيران، ياخ والله ده يبقي حرام..
اها نقول شنو لو سقونا الفوق ديل كلهم زيادة علي كيزانا؟
وافرض وطلعوا كويسين وسقونا موية حلوة ولا حتي عصير قصب، مش يمكن يجيبوا لينا مرض؟ اصلوا هم متعودين (دائما) الا نحن اتعودنا علي المر..

صديقي امين..حبابك
و حباب ضيوفك الكرام هنا...
موقفي مثل موقف اخونا ياسر طيفور .. الزهد عن الحديث فيما يحدث في مصر و اثيوبيا و ارتريا و تشاد و زمبابوي..و لكن..!!!

الديموقراطية حارة يا قريبي..و السقوط حصل قبل سنين .. لكن الناس ما جايبة خبر.. يوم فازت حماس في انتخابات فلسطين..العالم رقدت قفا..و قالوا دي ما ديموقراطية..!!

كنت اتمنى ان تتواصل الإعتصامات المصرية حتى تجبر محمد مرسى على اعلان انتخابات مبكرة.. لأنو كان العالم ح يحترم مصر و جمهورها.. مثلما جابت مرسي بالأغلبية .> برضك تسفرو بالأغلبية.. لكن تقول شنو الله غالب يا عم..!!

اما نخبة ام سودان العجيبة ، من غير ان تدري ساهمت في بقاء نظام الأخوان في السودان ، و لو كنت في محل هذه النخبة كنت احرجت نظام الخرطوم بتأييد صيرورة العملية الديموقراطية في مصر..و لكن ناسنا ديل جابوا لينا الهوا من حيث يعلمون ولا يعلمون.. فالإشارات طفحت ... تقارب بين الترابي و البشير لدرجة انو حزب الترابي شداها الف احمر مع اخونا كمال عمر ، و فوق لذلك تقارب بين البشير و الصادق المهدي.. يعني فيضانات و تقارب حركة اسلامية.. زي حكاية ميتة و خراب ديار..هل اهلنا ديل حاسبنا الحكايات دي ولا مكتولين عشق سمبهار في عبد الفتاج السيسي؟؟!!..

صديقنا على دفع الله..و بقية الأخوة ممن يؤيدون موقف على دفع الله.. نعم الأخوان طلعـــــوا زيت السودان.. لكن دي مشكلتنا نحن و ليست مشكلة الديموقراطية..!!!


كبر

يا اخوانا ادونا خاطركم نقطع الترتيب و نرد على مداخلة المنصوري ... الزمن شحيح و ما فيني صبر انتظر دورو للرد على مداخلتو المؤلمة دي !!

Quote: الحبيب / امين عارف يا صديقي ما في داعي للأعتراف ده Quote: ببساطة داير يقول إنو نحن و الكيزان سواء اصلا مافي زول غالطك في دي، عشان تأكد لينا انك (كوز ) كوز .. كوز . وافرض حتي انو ما قدرنا نفرزك منهم يعني شنو؟ ما يا ك امين صاحبنا ، كل اللي يزيد (ومابينقص) انو حتبقي (صديقنا امين الكوز، المتواضع الما بتفرز من بقية الكيزان) يعني فاكرنا ح نغير علاقتنا معاك، ابدا والله، شوف بصراحة كده نحن كيزانا ديل اخير لينا من كيزان

سلام يا منصوري و لعلك بخير ياخي ..
قريت مداخلتك دي كذا مرة و استصحبت معاها كل حسن الظن العندي فيك ... و كل احتمالات قرايتي الغلط و فهمي الغلط و ما لقيت لي و لا ليك فرقة !!
يعني معقول تكون فهمت من كلامي بتاع ( كلنا كيزان ) ده ... انو إعتراف باني كوز بالمعني المتداول لكلمة كوز كأخو مسلم و مؤيد للحكومة ؟!!! ما أظن !! لاني ما عهدت فيك عدم القدرة على القراءاة ما بين السطور ... خليه القراية في السطور نفسها !!
و لو أخدت كلامي بالمعنى الحرفي ... كلنا كيزان دي إنت ما داخل فيها عشان تقول لي ((اصلا مافي زول غالطك في دي، عشان تأكد لينا انك (كوز ) كوز .. كوز )) ؟!!!
عموما يا شيخنا .. أرجو إنو كلامك السخيف ده ما يكون عندو علاقة بنقاشات سابقة بينا حول الفكرة الجمهورية و و جيت هسي داير تطلعني (كوز معترف) بناء على بوستي ده !!
غايتو كتر خيرك على تأكيد صداقتك لي رغم (إعترافي اني كوز ) بزعمك ... لكن الفيك اتعرفت !!!!

سلامات نوتة وعيدك مبارك

اعتقد نتيجة لضعف الاداء من الاسلامويين

مرسي خرج عليه 30 مليون مصري

وجبهة النهضة في تونس في طريها للسقوط

حتي شعوبهم كفرت بهم فلا تثريب علينا ان كفرنا بهم

Quote: جزء من مشكلتنا يا بلة ... اننا ما عندنا القدرة على العمل الجماعي ... السودانيين بطبعهم من أنبل شعوب الارض افرادا ... لكن ما عندنا القدرة على العمل كجماعة ....المشكلة إنو مافي دولة بيبنيها أفراد !!

لالا يا بروف .. ما جزء من مشاكلنا ...أنا بفتكر مشكلتنا كلها تكمن فى عدم قدرتنا على الفعل الجماعى
أها كيف الدباره ؟ البعلمنا الشغل الجماعى ده منو ؟ لأنو فعلا الأفراد لايبنون دوله .
عشان كده أملنا فى ناس نفير ديل .. راجنهم بعد ما ينتهو من مهمتهم دى .. يبدوا طوالى فى تحريض
الناس عشان يشوفوا ليهم ميدان تحرير أو حتى رابعه عدويه .

تنويه ..
على كثير من متابعي وكُتاب هذا البوست الجميل فط هذه المداخلة ..
فهي لا تبدو ملائمة أو ذات صلة وثيقة .. كما وتجنح كثيرا نحو "الشتاره" ..

كلما أجيء لهذا البوست لأمين - وأنا أجيء عادة لبوستات أمين - تقفز إلى بالي وترية الهاجس والحرف .. قد لا يبدو ذلك لائقا أو مناسبا .. ولكننا لا نكتب الا ذواتنا أو ما يقفز بالفجاءة إلى بالنا .. وتقفز وترية الهاجس والحرف لبالي الآن .. وتماما كعادتها كلما جئت لهذا البوست .. ولعله المجيئ الثالث والأخير ..سأكتب فيه ما قفز لبالي من نص عبدالرؤوف بابكر السيد, وتحديدا والفيتوري ينشد:

تتشقّق هذى الأرض السفلى،
لمّا يصبح هذا الربّ بلا ذاكرة ..
والأرباب تحجّ لربّ تتريّ أبيض،..
في ثوب أبيض ..
في بيت أبيض ..
بلسان أبيض..
أجمل من ..
ورد بلادي الأبيض ،
والنيل الأبيض ، والبحر الأبيض ،
والأبيض ، وأبيّض ، والبيّوضة ،
والبيّاضة، والبيضا ، والدار البيضا ،
والبيض كثير في وطني ،
لا يفقس غير دجاجات بعباءات ،
وعقالات ، وعمامات بيضاء..

لم يفقس يوما ديكا ... ذا عرف ..
والعرف السائد بات هجينا ..
الحرف سجينا ..القلب حزينا ..
لم يفقس هذا البيض طبيعيّا..
لم يرضع هذا الطفل طبيعيّا..
والحرف لأجل الخصب يقاوم ..
والروح تقاوم ..
والطفل يقاوم ..
والنخل يقاوم ..
والنبض يقاوم ..
والجرح يقاوم ..
والنطفة في الأرحام تقاوم ..
ليلوح الصبح ، وينمو القمح،
السيف الرمح، الوطن السمح ،
يكون، أكــــون .
أكون ، يكــــون ..

Quote: سلام يا منصوري و لعلك بخير ياخي .. قريت مداخلتك دي كذا مرة و استصحبت معاها كل حسن الظن العندي فيك ... و كل احتمالات قرايتي الغلط و فهمي الغلط و ما لقيت لي و لا ليك فرقة !! يعني معقول تكون فهمت من كلامي بتاع ( كلنا كيزان ) ده ... انو إعتراف باني كوز بالمعني المتداول لكلمة كوز كأخو مسلم و مؤيد للحكومة ؟!!! ما أظن !! لاني ما عهدت فيك عدم القدرة على القراءاة ما بين السطور ... خليه القراية في السطور نفسها !! و لو أخدت كلامي بالمعنى الحرفي ... كلنا كيزان دي إنت ما داخل فيها عشان تقول لي ((اصلا مافي زول غالطك في دي، عشان تأكد لينا انك (كوز ) كوز .. كوز )) ؟!!! عموما يا شيخنا .. أرجو إنو كلامك السخيف ده ما يكون عندو علاقة بنقاشات سابقة بينا حول الفكرة الجمهورية و و جيت هسي داير تطلعني (كوز معترف) بناء على بوستي ده !! غايتو كتر خيرك على تأكيد صداقتك لي رغم (إعترافي اني كوز ) بزعمك ... لكن الفيك اتعرفت !!!!

معقولة يا امين
معقولة ما قادر افرق بين المزاح والكلام الجد..
ياخي كدي عيد النظر مرة اخري...
الحقيقة الموضوع يا امين ما ليهو اي علاقة بنقاشات سابقة..
الموضوع كلو انا استوحيتو من العنوان وتكرار السيم (كيزان .. كيزان.. في كل مكان) وهو مجازي .. يسري علي السلوك .. وقلته اخرج عن النص مجازا شوية..ده كل ما في الأمر..
عوما يا صديق..
انا اعتذر واكرر الاعتذار عن اي كلمة اخدت طريقها الي سوء الظن، واثمن كل خاطرة مضت في اتجاه حسنه..
ولك العتبي حتي ترضي..

و عليكم السلام و رحمة الله يا دكتور

Quote: سلام يا حبيبنا أمين وكل المشاركين أنا غايتو على المستوى الإنساني متعاطف مع الإسلاميين في الضربة القاسية التي تعرضوا لها في مصر، وأنظر بعين الريبة لتصرفات السيسي، ولكن في نفس الوقت أعرف أن السبب في الأزمة هو الإخوان أنفسهم، فهم الذين فرضوا هذا المسار الدامي على الجيش. ولكن دعنا نتفاءل ونرجو أن تكون هذه الأحداث الأليمة بمثابة درس للإسلاميين هناك، ونرجو أيضا أن يستفيد منها إسلاميو السودان. قرأت هذا المقال لضياء رشوان وأحببت أن أضعه لزوار بوستك:

ياخي كتر خيرك على مقال ضياء رشوان و قبلو كتر خيرك على تعاطفك الانساني مع اخوان مصر .
لا أظن انو يخفى على أحد كمية أخطاء الأخوان في مصر ... لكنها لا تسوى نقطة في بحر ما حدث في 30 يونيو و ما بعده .
و ما عايز اكرر وجهة نظري مرات و مرات ... خاصة إنو لا جديد فيها ... الجزء البهمني - على الاقل في البوست ده - هو عدم مبدئية مؤيدي تدخل العسكر في الحياة السياسية المصرية و فرض رأيهم بقوة السلاح هناك و رفضهم لها هنا و الفعل واحد !!!
--------
بالجمبة كده : ما نسيت بوست النقاش حول الفكرة ... خاصة بعد ما ابديت رغبتك اننا نواصل ... حولت البوست لهذا الربع و إن شاء الله نواصل لمن نلقى فرقة .

أبو الشيوخ يا حبيبنا ... سلام ياخي و لعلك بخير

Quote: يا بروف انا شايف انو السيسي هو دعم للديمقراطية والاخوان هم خطر على الديمقراطية والتداول السلمي للسلطة . تفتكر انو الاخوان ادا استمروا في الحكم هل سيتازلون عن السلطة انا اقول لا لو بالعنف او الانتخابات المزوره سوف يهيمنون على الحكم . ( السيسي يقول اقسم بالله العظيم قالوا لي انهم سوف يحكمون مصر 500 عام ) * الاخوان في فترة وجيزة بداوا في التمكين لتنظيمهم في الخدمة المدنية والعسكرية. * بدات التنظيمات الارهابية في الانتشار في ارض مصر بمباركة الاخوان. نعم للديمقراطية و استيلاء السيسي على السلطة فيه دعم لمستقبل الديمقراطية في مصر.

يعني يا محمد الشيخ لو وافقناك على إنو الكيزان (خطر على الديمقراطية) ... نوافقك على إنو ( السيسي هو دعم للديمقراطية) كيف ؟!!
جرد لي السيسي - و العسكر عموما كان في السودان ولا مصر ولا غيرو - من الدبابة و وريني ميزتهم شنو ... و شنو الحشرهم في السياسة و الحكم أصلا ؟!!
المسألة كلها إنو العسكر بيستعملو القوة اللي مفروض يحمو بيها البلد من العدو الخارجي لقوة يسيطرو بيها على الحكم و طبعا لن يعدمو مساندي الباطل و محبي السلطة و المبررين و المبررات الاحياء منهم و الاموات !!
يعني يا الشيخ يا أخوي لو كانت كرفتات موظفي البنوك بتطلع رصاص ... لحكم موظفي البنوك كل دول العالم الثالث !!!
و ده النحن بنعارضو !!!
التنظيمات الارهابية ح تنتشر بالجد جد لمن الشباب الاغتالو أحلامهم الديمقراطية يبقى ما عندهم حل غير حمل السلاح ... ما حدث في مصر بصب في مصلحة التيارات الجهادية اللي من أول يوم بتقول إنو الديمقراطية دي حنك علماني لن يسمح للتيارات الاسلامية بالوصول للحكم !!

أبا أيهم ... سلام عليك يا رجل و تحيات طيبات تبراك و تغشاك إنت و (سهام الفي بالي و بالك) و العيال فردا فردا !!

Quote: امين الياسمين رغم استنادك لاصول الجرح ، فانك دائما معي وفي خاطري ، والسهام (مش سهام الفي بالي وبالك ) نواهل مني وبيض الهند تقطر من دمي . فرغم السهام (وسهام ) واصول الجرح وقطرات دمي المباح بين اصول الجرح لديك وسهام عنترة وسهامي ، فلك ولعنترة وسهامه وسهامي هذه النقاط المختصرة :- التاريخ سجل الزمن ... لايبدأ بيوم 30/6 او يوم 3/7 اهلك الامريكان قالوا :- The devil in the details ارجع لثورة 25 يناير من اول من رفض النزول لنداء الثورة لان يوم الشرطة يوم وطني !!!!!!!!!!!!!!!! من اول من سعي لاخراج نظام مبارك من ورطته بالجلوس مع عمرو سليمان وتركه شباب الثورة في الميدان ؟ من سعي لعقد الصفقات في الغرف المغلقة وترك شباب مصر في الميادين لقناصة النظام ؟ من يْس من ثورية الشعب واستعان باطراف دولية وامتدادات خارجية لتركيع الدولة (وليس النظام ) بحسابات انتهازية ضيقه ؟ كيف استخدم المقدس لتمرير الاستفتاء والانتخابات النيابية ؟ اين وعود الاخ (المؤمن ) مرسي للقوي الشبابية والثورية في المرحلة الثانية من الانتخابات ؟ وعود عن دستور ديمقراطي يشارك فيه الكل وتسهم فيه كل قوي الشعب بنحلها ومللها ؟ هل يجوز في الديمقراطيات المعاصرة واللاحقة ان يصدر الرئيس اعلان دستوري يحصن قرارته من النقد !!!!!! ويعزل النائب العام ليعين نائب عام (مخصوص) !!!! هل يجوز لاوباما ان يسمح لمناصريه بمحاصرة المحكمة الدستورية العليا ( السوبريم كورت ) لانها من المحتمل ان تصدر قرار يبطل قانون التامين الصحي ( اوباما كير ) ؟ هل بامكان رئيس الوزارء البريطاني ان يدعو انصاره لمحاصرة مقر البي بي سي لانها تنتقد سياساته ؟ هذا طبعا لا يجعل مرسي فريد زمانه في الفهم المصلحي والانتهازي لديمقراطية المؤسسات ، فالامام الصادق في سالف العصر والاوان افتي ان راي المحكمة العليا غير ملزم ويستانس به فقط !!!!!!!!! ولك السلام

كلامك عن كيزان مصر ده لو ما اتفقت معاك فيه كلو ... بختلف في جزئيات بسيطة جدا ... لكن أن يكون ده سبب لانك :
- تناصر العسكر في ازاحة رئيس منتخب من شعبو و من ثم الزج به في السجن و تسليم السلطة لمن لم يختارهم الناس .
- تؤيد قتل المعتصمين و المتظاهرين .
- تصفق لاعتقال قادة الحزب الذي فاز باغلبية مقاعد البرلمان .
- تقف مع إغلاق صحفهم و قنواتهم الفضائية و ربما حلهم و اقصائهم تماما من العملية السياسية .
فده يا محجوب المعلوف بامباز العلم و المعرفة بخلينا نراجع عليفتك من 30 يونيو و لجاي !!
انتو بتعيدو و تزيدو في أخطاء الكيزان ... و هم فعلا full of it ... لكن أن تكون اخطائهم دي مبررا لما حدث ... فده البخليكم كيزان في نظرنا ما بتختلفو عنهم غير في عدة الشغل !!!
-------------
صورة طبق الاصل للماسورة الانتهازي ياسر طيفور

أخونا و حبيبنا سمير ... سلام يا رجل و تحيات طيبات

Quote: نحن لا نبارك وأد الديمقراطيات ...نحن لا نناصر العسكر,, نحن ببساطة لا شأن لنا بما جرى و ما يجري في مصر و بالتالي لا يهمنا ان كان انقلابا او استعدالاً او شئ اخر لا يوجد في كتب السياسة. نحن يا سيدي نعرف ان هناك عصابة من المجرمين المطلوبون للمحاكم, يتحكمون السودان 24 سنة و اخذوا الوطن رهينة لتحميهم من سيف العدالة و هؤلاء نقول لهم ما قاله صديقنا ناجي يوسف: أن "دوام الحال من المحال"، حتى ولو مضي من السنين أجيال، فموقف الأحرار من النساء والرجال، وإن تأخر فى السباق أميالاً، لابد من الظهور لا محال، يظهر فى صورة سلمية أو غير سلمية وكم للظهور من أشكال، يواصل المتغطرس أعماله ويصفق له من حوله من الأذيال، فجأة تتغير الأوقات والأزمنة وتتبدل الأحوال، ويخرج الوحش الكامن في الأحرار ويبدأ المارد في القتال، يبيد الظالم والعاتي فربك يزن الأمور بالمثقال، فلا يعرفه موضعه بعد ويصبح بعد الحقيقة خيالاً، Quote: نبهت أمهات مخالفينا ... نتهمهم في أعراضهم زورا و بهتانا !! نسرق المقالات ... ثم نحاضر الناس عن الامانة !! نتخفى - كما العاهرات - لنسئ لبعضنا البعض ... ثم نتحدث عن الفضيلة !! نحن لا يهمنا من هم و لا نعرف ما هي قضية هؤلاء المرضى و لا يهمنا امرهم في قليل او كثير. و هؤلاء نقول لهم: مكانكم أيها المعتوهون ذات يوم .. ركن منسي في أقسى اليسار فانتظروا معنا ذلك اليوم. نحن لن نمارس الامتعاض,,,,فما زال الامل كبيرا و ما زلنا شباب! تحياتي صاحب البوست و الاخوة القراء.

كونك لا تبارك وأد الديمقراطيات و لا تناصر العسكر ده كلام كويس.. لكن ما ممكن يكون عشان (( لا شأن لنا بما جرى و ما يجري في مصر )) !!
أنا بختلف معاك تماما في قصة (( لا شأن لنا بما جرى و ما يجري في مصر )) لانو الحاجات دي كلها مترابطة و العالم بقى زي امدرمان كلو متداخل مع كلو ... الشئ التاني ... الموضوع هنا ما ((ما جرى و ما يجري في مصر )) ... الموضوع هنا : موقف مدعي الديمقراطية في سوداننا الشقيق مما جرى و ما يجري في مصر !!

شكرا علي كلامك لمن مات فيهم الانسان و على كلمات ناجي يوسف العميقة و شكرا على براقة الأمل !!

كالعادة ... شغلتنا أموالنا و أهلونا عن الرد ... نسألكم عفوا و غفرانا

Quote: شكراً بروفسير أمين لهذا البوست وأحداث شمال الوادي الذي أسقط ورقة التوت وكشف المستور عن دعاة الديمقراطية ............ حقيقة لا خير في الحكومة ولا المعارضه كلهم وجهي نفس العمله ..........

شكرا ليك إنت دا يا أحمدونا على المثابرة في فضح الكيزان من كل الانواع !!
--------------
حبيبنا محمد الحاج ... تحيات طيبات ياخي

Quote: يا عزيزي امين سلامات ،،، كدي استعدل لينا البوست أول كيف عرَّفت الحصل في مصر على انو انقلاب؟ قافزاًفوق كمية التفاصيل الحصلت في 30 يونيو وصولا لي 3 يوليو؟ وطبعاً قبلها جملة وتفصيل كمان ما حدث خلال العام وثلاثة ايام من حكم الاخوان لمصر؟

شهد الله ما فتحت البوست لموضوع مصر ... و ما ذكرت ما حدث هناك إلا للتدليل على موقف معظم مثقفينا الذين يعارضون الانقاذ في السودان و يؤيدون نفس الفعل في مصر ....
فتحت بوست طويل و عريض عن من وأد الديمقراطية في مصر و وضحت بالتفصيل لماذا أعتقد أن ما حدث في مصر إنقلاب عسكري امو بت عم أبو ... و وضح الاخوان من الجهة الاخرى لماذا لا يعتقدون أنه إنقلاب ... و عشان ما نجتر الكلام ده تاني من أولو و نخش في تفاصيل قتلت بحثا ... اديك نقطة واحدة فقط إجابة على سؤالك (كيف عرَّفت الحصل في مصر على انو انقلاب؟ ) ... و هي إنو تدخل العسكر بقوة السلاح لازاحة حكومة منتخبة ( بغض النظر عما فعلت هذه الحكومة و ما ارتكبت من أخطاء ) و فرضهم بقوة السلاح لحكومة غير منتخبة ( بغض النظر عن الأسباب ) لا تفسير و لا معنى له عندي غير إنقلاب عسكري !!

Quote: الناس ما ممكن تكون نظرتا للسياسة بالمثالية الظاهرة في مداخلتك الذكرتا فيها الترابي يا امين، الثابت والمتحول يا بروف، الترابي اليوم معارض وفي حد ادنى بينو وبين المعارضين ، الحد الادنى دا رغبة الجميع ذهاب النظام الحالي، دا ما بينفي انو الترابي مسؤول بداية عن الحصل من 89 الى 99 وفي رواية الى الان، ومفروض يتحاكم مثله والطغمة الحاكمة اذا كتب الله ذهابها، دا فيما يخصنا، في مصر هل كان المطلوب من المصريين ان ينتظروا التاريخ وهو يكرر ما حدث في السودان بحذافيره، نعم لا توجد صلة تنظيمية بين الاخوان في السودان وفي مصر لكن هي الاساليب نفسها التي اتخذوها في السودان وادخلوا البلد حجر الضب، ثلاث سنوات اخرى كانت كافية ليبقوا في الحكم 25 عاما حسوما مثل التي منينا بها، والذي حدث خلال العام الذي قضوه في الحكم يفضح كل ذلك، من ثار وانتفض على الاخوان في مصر في 30 يونيو وانظر لعبثية التقويم من ثار هو الشعب يا امين وانضم الجيش للحراك مثلما حدث في 25 يناير ومثلما حدث في 6 ابريل في السودان،،،

مافي مثالية يا ابوالحاج ... ياخي ما ممكن الترابي ... الذي جاء بالانقاذ و فرض سياسة التمكين التي قتلت الناس و عذبتهم و شردتهم و رجعت بالبلاد الف سنة مما تعدون ... و ما خرج من الحكم إلا بعد أن طرد منه لاختلاف القتلة فيما بينهم ... لا يعقل أن يأت نفس هذا الرجل ليقود المعارضة لهذا النظام و يطلعو بيان انهم تابو و تاني ما بعملو كدا ... لا عزاء للشهداء و المعتقلين و المعتقلات و المعذبين في بيوت أشباحهم و المعذبات ... و لا عزاء للنسيج الأجتماعي الذي مزق ... لا عزاء للبلد التي رجعت لايام داحس و الغبراء و نتانة القبلية و الجهوية !!!

اتفق معاك بانو واقع السياسة مصالح و فيها الثابت والمتحول ... و جميل انك متفق معاي إنو ما فعل هذا الرجل بالبلاد و العباد من جرائم يجب أن يتعرض بسببها للمحاكمة ... سؤالي ليك ... كيف ستحاكم هذا الرجل و أنت تقبل بالعمل معه جنبا إلى جنب ؟!!
كيف ستحاكم الترابي و أنت تبرم معه الأتفاقات و المعاهدات لاسقاط النظام و بتقدمو كقايد من قادة العمل المعارض ؟!
وجود الترابي في الساحة السياسية وسط القوى المعادية للانقاذ سبة في جبين العمل المعارض و بيان بالعمل إنو التنظيمات السياسية السودانية مؤيدة كانت أو معارضة للانقاذ هم ذاتهم كيزان !!!
يا محمد الحاج ياخي ... نفس الناس الخاته يدها في يد الترابي ... لا يتورعون يقولو ليك نحن مؤيدين ما يحدث في مصر لانو الكيزان لا خير فيهم في أي مكان ... و كأنو الترابي كان و ما زال عضو في القيادة القطرية لحزب البعث !!!

ياسر ... يا أخوي إنت وين ؟!!
إن شاء الله يكون عمار نافشك و حاميك النوم !!

Quote: حساب الصندوق الإنتخابي الذي يستند عليه كيزان مصر والمتعاطفون معهم يقول: ان الذين خرجوا ضد مرسي يفوق عدد الذين خرجوا من أجله، وهذا الرقم الكبير من الملايين يجب ان لا يُرمي بتهمة الخروج علي الديمقراطية

و من الذي حسب عدد الناس هذا ؟!
و ماذا لو كانت المقاطع التلفزيونية و صور المظاهرات doctored and manipulated عشان الوهم الزيك ديل يقولو كلامك ده ؟!!
و أهم من ده كلو : متى تراضى الناس على حساب عدد المتظاهرين في الشوارع كطريقة للوصول للحكم ؟!!
------------
نصر يا حبيبنا

Quote: أحييك يا أمين علي هذا البوست المسؤول وزيك كدا أصبت بغم وحزن شديدين لما رأيت من تهافت مثقفينا علي تأييد ديكتاتورية العسكر في الشقيقة مصر فجعت في كثيرين لكن في إثنين منهم الفجيعة كانت عظيمة نرجع ونقول السعيد من يتعظ بمصائب غيره ها هو رأيهم في ما حدث في مصر فتح عيوننا علي ما سيفعلون في السودان زي ما قالوا في الطرفة الشائعة كلامهم عن كيزان مصر ما إستغربناه لكن الفيهم إتعرفت

التحية ليك إنت دا على الموقف المبدئي و الواضح و طولة بالك و مثابرتك في نقاش موضوع مصر !!
و زي ما بينت كذا مرة ... البوست ما عن مصر و ما حدث فيها ... لكن بستغرب جدا من الناس البتقول ما لنا و ما يحدث هناك ... ياخي العالم بقى زي امدرمان ... كلو مرتبط بكلو ... و شاء الناس أم أبو ... ما يحدث في مصر يؤثر في السودان و لو من باب الجيرة لا غير ...
و زي ما قلت ... القصة دي فتحت عيوني على حاجات كتيرة جدا ... و بقيت قادر أتخيل الحلوين البي السنين الشقو إضنينا بالديمقراطية و التبادل السلمي للسلطة و باقي الحنك العاضي ده ... ممكن يلقو مبررات يعلقونا بيها في المراوح كان اختلفنا في رأي !!!

Quote: يا خوانا موضوع مصر وجدلية انقلاب أم ثورة شعبية قتل بحثا وجدلا و صارت مآلاته كسائر مواضيع البورد كل واحد متمسك برأيه وحججه ويمكن هذا الموضوع نحى منحى مؤسف بتسببه في بعض الخلافات التي ما كان لها ان تبذل في النهاية شأن غير سوداني البروف صدّر بوسته بالتالي Quote: نبارك وأد الديمقراطيات ... نناصر العسكر .... ثم لا نتورع نحدث الناس عن اهمية التبادل السلمي للسلطة !! نبهت أمهات مخالفينا ... نتهمهم في أعراضهم زورا و بهتانا !! نسرق المقالات ... ثم نحاضر الناس عن الامانة !! نتخفى - كما العاهرات - لنسئ لبعضنا البعض ... ثم نتحدث عن الفضيلة !! البالأحمر دا البحتاج نقاش يا خوانا فدا ما يهمنا ويمسّنا بصورة مباشرة ولاّ كيف :)

والله يا البشرى شكلك الوحيد الفهمني !!
الواقع السوداني بقى زي سودانيزأونلاين يكذب فيه الصادق و يصدق فيه الكاذب ويؤتمن الخائن و يخون فيها الامين وينطق فيها الرويبضه ... سنوات خداعات يا البشرى .... تغتال فيها الحقائق ... و يبرر فيها لقتل الناس !!
الشاهد يا عزيزي اني على قناعة صمدية اننا على مشارف القيامة و تخوم الساعة ... فمافي حاجة ح تتصلح من هنا و لقدام لحدي ما يجي المهدى المنتظر !!
------------
محمد النور كبر ... سلام يا صديق و لعلك بخير ياخي

Quote: صديقي امين..حبابك و حباب ضيوفك الكرام هنا... موقفي مثل موقف اخونا ياسر طيفور .. الزهد عن الحديث فيما يحدث في مصر و اثيوبيا و ارتريا و تشاد و زمبابوي..و لكن..!!! الديموقراطية حارة يا قريبي..و السقوط حصل قبل سنين .. لكن الناس ما جايبة خبر.. يوم فازت حماس في انتخابات فلسطين..العالم رقدت قفا..و قالوا دي ما ديموقراطية..!! كنت اتمنى ان تتواصل الإعتصامات المصرية حتى تجبر محمد مرسى على اعلان انتخابات مبكرة.. لأنو كان العالم ح يحترم مصر و جمهورها.. مثلما جابت مرسي بالأغلبية .> برضك تسفرو بالأغلبية.. لكن تقول شنو الله غالب يا عم..!! اما نخبة ام سودان العجيبة ، من غير ان تدري ساهمت في بقاء نظام الأخوان في السودان ، و لو كنت في محل هذه النخبة كنت احرجت نظام الخرطوم بتأييد صيرورة العملية الديموقراطية في مصر..و لكن ناسنا ديل جابوا لينا الهوا من حيث يعلمون ولا يعلمون.. فالإشارات طفحت ... تقارب بين الترابي و البشير لدرجة انو حزب الترابي شداها الف احمر مع اخونا كمال عمر ، و فوق لذلك تقارب بين البشير و الصادق المهدي.. يعني فيضانات و تقارب حركة اسلامية.. زي حكاية ميتة و خراب ديار..هل اهلنا ديل حاسبنا الحكايات دي ولا مكتولين عشق سمبهار في عبد الفتاج السيسي؟؟!!.. صديقنا على دفع الله..و بقية الأخوة ممن يؤيدون موقف على دفع الله.. نعم الأخوان طلعـــــوا زيت السودان.. لكن دي مشكلتنا نحن و ليست مشكلة الديموقراطية..!!! كبر

زي ما وضحت مرارا ... البوست ما عما يحدث في مصر ...لكن ما يحدث في مصر مهم و على علاقة وثيقة جدا بالسودان و ما قد يحدث به .
يبدو إنو فعلا الديمقراطية و الكيزان ما بركبو مع بعض ... غير مثلك بتاع حماس ... حدث نفس الشئ في الجزائر و هاهو يحدث الان في مصر !!
ياخي الديمقراطية دي حارة حرورية و ما عندها حل غير مزيد من الديمقراطية...لكنهم يستعجلون !!!
المشهد السياسي السوداني مشهد عبثي ... مافيهو ذرة منطق ... و ده البخلي الاحباط و اليأس مسيطرين على الناس و مكبلنهم من عمل أي شئ يمرق البلد دي من محل ما حشرونا فيه الكيزان !!

Quote: سلامات نوتة وعيدك مبارك اعتقد نتيجة لضعف الاداء من الاسلامويين مرسي خرج عليه 30 مليون مصري وجبهة النهضة في تونس في طريها للسقوط حتي شعوبهم كفرت بهم فلا تثريب علينا ان كفرنا بهم

يا خليل الذي هو وليد .. كيفك يا فردة
منو يا خلي الحسب الناس دي ؟ ولا هو كوار ساي ؟!!
بعدين التعميم بتاع (حتي شعوبهم كفرت بهم ) ده تعميم ما صاح .. و إلا إنو بتاعين رابعة و النهضة و الناس البتطلع في المحافظات ديل ما داخلين في (شعوبهم ) دي !!
بعدين يا خلي ... نحن ما محتاجين زول يكفرنا بالكيزان ... كفرنا بيهم زماااان !! نحن ضد وأد الديمقراطية و ازاحة رئيس منتخب بغض النظر عمن هو هذا الرئيس و ما هي خلفيتو السياسية .
-------------

Quote: لالا يا بروف .. ما جزء من مشاكلنا ...أنا بفتكر مشكلتنا كلها تكمن فى عدم قدرتنا على الفعل الجماعى أها كيف الدباره ؟ البعلمنا الشغل الجماعى ده منو ؟ لأنو فعلا الأفراد لايبنون دوله . عشان كده أملنا فى ناس نفير ديل .. راجنهم بعد ما ينتهو من مهمتهم دى .. يبدوا طوالى فى تحريض الناس عشان يشوفوا ليهم ميدان تحرير أو حتى رابعه عدويه .

يا جدو كمال ... تعرف كلمة (بعض) دي أنا ختيتها عشان ما أبدو محتكر الحقيقة !!
عندي بوست في غير هذا المكان قايم على إنو نحن مشكلتنا كلها اننا ما بنقدر نعمل عمل جماعي مؤسس ... سماحة الشخصية السودانية للأفراد بتضيع في نص عدم القدرة عل العمل الجماعي .... و الأمم بتبنى بالعمل الجماعي .
ناس نفير لحدي هسي ناجحين لانو القصة مؤقته و كل زول عارف إنو المولد ده بنفض بعد ما تصل التبرعات لمستحقيها ... يومهم البعملوها منظمة تاني ما بتقوم ليها قايمة...العجب كان عملوها سياسة

Quote: تنويه .. على كثير من متابعي وكُتاب هذا البوست الجميل فط هذه المداخلة .. فهي لا تبدو ملائمة أو ذات صلة وثيقة .. كما وتجنح كثيرا نحو "الشتاره" .. كلما أجيء لهذا البوست لأمين - وأنا أجيء عادة لبوستات أمين - تقفز إلى بالي وترية الهاجس والحرف .. قد لا يبدو ذلك لائقا أو مناسبا .. ولكننا لا نكتب الا ذواتنا أو ما يقفز بالفجاءة إلى بالنا .. وتقفز وترية الهاجس والحرف لبالي الآن .. وتماما كعادتها كلما جئت لهذا البوست .. ولعله المجيئ الثالث والأخير ..سأكتب فيه ما قفز لبالي من نص عبدالرؤوف بابكر السيد, وتحديدا والفيتوري ينشد:

يا دوك ... مرحب بيك و بما قفز - بالفجاءة - لبالك !!
مرحب بيه كان أنا فهمتو ... و مرحب بيه كان ما فهمتو ... و كان اتفقت ولا اختلفت معاه مرحب بيه ... مرحب بالفيتوري و بي عبدالرؤوف بابكر السيد ... و مرحب بيك إنت ذاتك يا محمد حيدر في أي زمان و أي مكان ... أخا كريما و عميقا و عظيما ... إتفق معه الناس أم إختلفو !!