Post: #1 Title: أمطار وسيول وعواصف في المحس امس ( صور ) Author: ناصر المحسى Date: 08-22-2013, 09:28 AM Parent: #0
العاصفة اقتلعت أشجار النخيل
Post: #2 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 09:34 AM Parent: #1
Post: #3 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 09:36 AM Parent: #2
Post: #4 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 09:40 AM Parent: #3
Post: #5 Title: Re: أمطار وسيول وعواصف في المحس امس ( صور ) Author: مصطفى توفيق Date: 08-22-2013, 10:32 AM Parent: #4
تحية طيبة كان الله فى عونهم انا عندى صور برضه لوادى حلفا واثار المطر والسيول بس ما عندى برنامج فوتوشوب عشان اصغر حجم الصور وانزلهم
Post: #11 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 03:11 PM Parent: #5
Quote: تحية طيبة كان الله فى عونهم انا عندى صور برضه لوادى حلفا واثار المطر والسيول بس ما عندى برنامج فوتوشوب عشان اصغر حجم الصور وانزلهم
ممكن تصغر برسام الموجود في قائمة اداء
Post: #6 Title: Re: أمطار وسيول وعواصف في المحس امس ( صور ) Author: علي عبدالوهاب عثمان Date: 08-22-2013, 10:44 AM Parent: #4
ناصر أننقا .. يحفظنا الله من الكوارث المشكلة في الاعاصير .. الرياح القوية خطرة لأن النخيل شاخت وتم اهمالها ومنتشرة وسط المساكن في الجزر الله يهون .. المسئولين طبعاً ما جايبين خبر .. الأهم في الولاية ايامات دي ترشيح الوالي والبحر السنة دي الله يهون ربما تغرق جزر بأكملها .. اتمنى ان يتم بناء سد الفية في اثيوبيا اليوم قبل باكر عشان نستقر شوية تعرف يا ناصر أننقا اذا تم بناء كجبار كانت كل الجزر جنوب الخزان ( بما فيها الجزر الكبيرة بدين ارتقاشا بلونارتي ) كانت سوف تختفي
تحياتي يا هميم وربنا يحفظ العباد يجد صور مخيفة .. وبعدين يا ناصر اهلنا اكثر شيئ يخوفهم المطر والرياح أنا أول مرة في حياتي اشوق امطار عندما حضرت الى الخرطوم وعمري اكثر 18 سنة واصبت بنوع من الرهبة والخوف من اصوات الرعد والامطار لأننا متعودون على الطبيعة الهادئة لأن الفيضان الواحد يمكن يصرف معاه لكن المطر يهلك النخيل والبيوت ويثير الخوف في النفوس
Post: #7 Title: Re: أمطار وسيول وعواصف في المحس امس ( صور ) Author: عماد شمت Date: 08-22-2013, 11:50 AM Parent: #6
ناصر ابوننغا مسكاقمي
ياخي الامطار والسيول دي بتعمل لينا مشاكل كتيره البيوت اكترها من طين ومافي مجاري وكتير من البيوت
تقع في مناطق منخفضه مجاري السيل التي كانت في السابق علي حسب كلام اهلنا الكبار بانها كانت مجاري للنهر
فعلا الناس في البلد مابتفرف المطر سوي المطر اب رزاز ..ارتفاع النيل مقدور عليه ذي ماقال حبيبنا علي عبدالوهاب
فهو خير وبركه رغم ما يخلفه من دمار وخراب
ربنا يطلف باهلنا في الشمال وكل انحاء السودان من الامطار والسيول والفقر والامطار ..
بالله تابع لينا الموضوع ديه عشان نطمئن علي الاهل ياحبذ لو حددت المناطق المتضرره انا بعيد من حكيم في المانيا برجع بعد اسبوع
سلام ياناصر وتحياتي للاولاد وامهم
Post: #14 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 10:53 PM Parent: #7
يا عماد جهز التركين انا جاي
Post: #12 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 03:17 PM Parent: #6
Quote: وبعدين يا ناصر اهلنا اكثر شيئ يخوفهم المطر والرياح
علي مسكاقمي
بتعرف المطر مضر جداً في الشمالية وخاصة في هذا الوقت من السنة
لأنو بيضر بمحصول البلح
Post: #8 Title: Re: أمطار وسيول وعواصف في المحس امس ( صور ) Author: محمد مجيدو Date: 08-22-2013, 01:02 PM Parent: #1
نسال الله السلامه .. لكل اهل المنطقه ... وان شاء الله ما يجيهم شر ...
الغريبه النخيل دي زي ما تقول اصابتها لعنة .. يا تحترق ... يا الاعاصاير تشيلها ....
يمكن عشان الناس فارقوها ....
تحياتي ,,,,
محمد عبد المجيد ...
Post: #9 Title: Re: أمطار وسيول وعواصف في المحس امس ( صور ) Author: علي عبدالوهاب عثمان Date: 08-22-2013, 01:28 PM Parent: #8
مجيدو أننقا .. مسكاقمي .. تعرف سبب اهمال النخيل هو عدم ازالة الجريد .. زمان الواحد كان يحجز الجريد ولسع على النخل .. ده لمن تكون عندك فكرة تعرش البيت أما اليوم فالجريد اصبح مشكلة لا أحد يريده .. الغاز عمل مشكلة كبيرة جداً زمان كنا نعمل ربط من السعف والجريد ( للبيع ) عشان عواسة الكسرة والطبخ .. الليلة ما في واحد محتاج للجريد .. سبحان الله اصبح الجريد من الاوساخ . وبالتالي لا أحد يقوم بنظافة النخيل .. النخلة زي المرأة عايزة دلع ونظافة عشان تفرهد وتتجمل .. مجيدو أنا حبي للنخلة خرافي .. لمن امشى البلد اجازة اكون طول اليوم وسط النخيل أفتش النخلة بأسمائها القديمة هل هي موجودة ؟ النخلة خاصة هي ارتباط بالارض والاصالة .. زمان ظلال النخيل كانت حاضنة اجتماعية لأهلنا ( منتصف النهار : فتل الحبال والونسة ويجيك واحد طاشم دكاي .. واحد شايل جبادة للسمك .. الخ ) أما اليوم فتجد هذه الحاضنات خالية من البشر حتى البهائم فقط الفئران والزواحف وبعض الطيور وكميات مهولة من الخنافس .. زي فيلم الرعب منظر كئيب وحزين .. حليل ووو زمن
Post: #10 Title: Re: أمطار وسيول وعواصف في المحس امس ( صور ) Author: عبداللطيف شريف على Date: 08-22-2013, 02:53 PM Parent: #9
اننقا ناصر مسكاقمى ..
الله يكون فى عون اهلنا فى المحس ..
البيوت لا يوجد بها تصريف للمطر عبر السبلوقة ...
وخاصة البيوت القديمة خالص ..
نتمنى من الشباب ان يعملوا على تصريف مياه السقف فلقد لاحظنا فى الاعوام الماضية سقوط الاسقف بعد المطر بعدة ايام ..
مسكاقمي ملييروني ربنا يستر ويسلم موش المطره دي بعد خط عرض الكم وتلتين في شمال عطبره مافي الجد شنو غايتو بيتنا في البلد سبلوقه مافوقو ومفتوح كمان من فوق للتهوية معناتا قطع شك وقع النتصل على الخال محمد حامد نطمن
Post: #20 Title: Re: أمطار وسيول وعواصف في المحس امس ( صور ) Author: محمد مجيدو Date: 08-23-2013, 07:30 PM Parent: #9
Quote: مجيدو أننقا .. مسكاقمي .. تعرف سبب اهمال النخيل هو عدم ازالة الجريد .. زمان الواحد كان يحجز الجريد ولسع على النخل .. ده لمن تكون عندك فكرة تعرش البيت أما اليوم فالجريد اصبح مشكلة لا أحد يريده .. الغاز عمل مشكلة كبيرة جداً زمان كنا نعمل ربط من السعف والجريد ( للبيع ) عشان عواسة الكسرة والطبخ .. الليلة ما في واحد محتاج للجريد .. سبحان الله اصبح الجريد من الاوساخ . وبالتالي لا أحد يقوم بنظافة النخيل .. النخلة زي المرأة عايزة دلع ونظافة عشان تفرهد وتتجمل .. مجيدو أنا حبي للنخلة خرافي .. لمن امشى البلد اجازة اكون طول اليوم وسط النخيل أفتش النخلة بأسمائها القديمة هل هي موجودة ؟ النخلة خاصة هي ارتباط بالارض والاصالة .. زمان ظلال النخيل كانت حاضنة اجتماعية لأهلنا ( منتصف النهار : فتل الحبال والونسة ويجيك واحد طاشم دكاي .. واحد شايل جبادة للسمك .. الخ ) أما اليوم فتجد هذه الحاضنات خالية من البشر حتى البهائم فقط الفئران والزواحف وبعض الطيور وكميات مهولة من الخنافس .. زي فيلم الرعب منظر كئيب وحزين .. حليل ووو زمن
علي .. ابوننغا ... ويااااااافينااااا؟؟؟؟ ....
المشكلة الشباب هجروا المنطقه.... وخلوها للعجائز .. والاغراب ... ويمكن دا يكون السبب في اهمالهم لنظافة الجريد .. والنخله شجرة مباركه ... كل جزء فيها يمكن الاستفاده منها ... الا ان دخول العولمه .. والحداثه .. خلت الناس يهجروا النخيل .. كما ان الدوله لعبت دور كبير في تطفيش المزارعين .. وهدم الزراعه .. والله المستعان .... تقبل تحياتي ,,,,
Post: #15 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 10:56 PM Parent: #8
Quote: الغريبه النخيل دي زي ما تقول اصابتها لعنة .. يا تحترق ... يا الاعاصاير تشيلها ....
حل معظم مشاكلنا يبدأ حين نقرر نحن أبناء حلفا - السكّوت - المحس - دنقلا العودة إلى مناطقنا وتعميرها. حين يضع كل مغترب نصب عينيه أن يبني بيتاً أساسياً في المنطقة. حين نترك كلنا الخرطوم ونعود لنعمر منطقتنا ، ، ، أما تقصير الحكومة فهو ليس من اليوم أو أمس .... المنطقة مهملة ، لكن لو اجتمعنا كلنا هناك وتكاتفنا وعملنا معاً نستطيع أن نطور المنطقة إلى الأفضل وستأتي الحكومة لتلتحق بالركب .... حتى وإن كان ذلك لقراءاتها الخاصة ومصالحها .... لماذا لا نكون نحن من يفرض الواقع بدلاً من البكاء تحت أمطار الكلاكلة وحلفا الجديدة
Post: #17 Title: Re: أمطار وسيول وعواصف في المحس امس ( صور ) Author: ناصر المحسى Date: 08-22-2013, 11:41 PM Parent: #16
عبد اللطيف ، حامد ،، هاني شكرا علي المرو ر
الله يكون في عون اهلنا
Post: #18 Title: Re: أمطار وسيول وعواصف في المحس امس ( صور ) Author: waleed nayel Date: 08-23-2013, 00:14 AM Parent: #17
اخونا ناصر تحياتي اللهم لطفك باهلنا في الشماليه و كل مناحي السودان كما انوه ان هناك ايضا بوست عن سيول دارفور و تعرض معسكرات النازحين لخسائر بشريه و ماديه ولاهل نفير انفروا لهؤلاء ولتكن نفره قوميه علي مستوي الوطن ....ان كان هناك استطاعه والله المستعان
Post: #19 Title: Re: أمطار وسيول وعواصف في المحس امس ( صور ) Author: عماد شمت Date: 08-23-2013, 11:05 AM Parent: #18
انت شميت رحت التركين عندنا قلت جاي !!!
يازول تعال نشيلك فوق العين والرأس بس ما تقولينا عايز وادوني شويه ..ده حقنا نحن الاثنين بس
اشترينا ليهو ثلاجه جديده وعملنا ليهو طبله ...
يازول اي واحد داير.. يجي يأكل بس ويمسح شنبو ويتكي علي الله ..
حرق النخيل بفعل فاعل ..الله يقصهم من الدنيا ويجعل اخرتهم جهنم
اللهم احفظ نخيلنا وبلادنا
Post: #21 Title: Re: أمطار وسيول وعواصف في المحس امس ( صور ) Author: ناصر المحسى Date: 08-23-2013, 08:02 PM Parent: #19
يا وليد أهلنا في الهامش في المحس ودار فور ليهم الله بس
ما في زول بيسال فيهم
Quote: يازول اي واحد داير.. يجي يأكل بس ويمسح شنبو ويتكي علي الله ..
والله انا خائف أنتو تقولو لي قسم لينا تركين انا جاني 18 لتر
