هذا ما ينبغي أن نكون عليه يا بورداب!#

الاحباء من البورداب والعابرين لكم تحياتي في البداية أقول لكل الاخوان والاخوات لو في زول حصل ليهو ضرر من المنبر دا أنا ما تخيلوا كمية البذاءة والانطاط اللي مورست ضدي والحرب النفسية وغير الردود القبيحة جدا اللي شفتها من بعض الاقلام هنا في البورد والمواقع الاخري دا غير الايميلات أخر تجريح وقلة أدب الي حد وصولوا أسرة كريمة كنت أود الارتباط بأحدي كريمات هذه الاسرة وقالوأ في لم يقوله مالك في الخمر وحدث ولا حرج أنا لا أدعي الكمال ولكن عند ما يكون هنالك سجال يكون بلغة معقوله ومقبوله دا المطلوب هنا من القرأء علي الاقل ويكون الكلام ليه أنت بتقول الباطل وأنت كاذب وصفيق وكلام رجال وأعني هذه الكلمة لانو في بعض منا أنحط لدرجة المومسات وأشبه الرجال والله كلنا عندنا أعراض وكرامة ما بنحب زول يمس أعراضنا ولا كرامتنا لكين نسال في شنو نحن مختلفين في الوطن دا ولا الامزاجة وطريقة التناول للموضوعات كلها أشياء للفناء ويبقي الشيء النافع للناس وأحترامنا لأنفسنا وبعض البعض دا أهم من كل شيء ومحل الناس فيهو ما بتحترم أنسانية بعض أحسن نفارقو وهنا المنبر مرأة لمجتمع ما شيء هوائي وبيقي ما تكتب مدي العمر ويظل سمعة ويظل جريرة شر بينك وبين الاخرين والعقل بيقول نحن بنتكتب هنا لكل السودان الناس بيقرأ الكلام وفي ناس بتحلل ما يكتب هنا علي أساس قياس لمدي واعي أعضاء المنبر وأخلاقهم وكمان مستوي تفكيرهم وتجربتهم الانسانية ولو نحن قعدنا نعمل في الفراغ والمقدودة خلاص الصغار يعملوا شنو لو نحن ما عندنا أخلاق وين قيم أهلنا وين البيوت اللي نحن منها لازم نراعي مشاعر كل واحد مننا و لاسرتو وكل واحد فينا يكون منطقي وكمان لقيمتو كأنسان نعم نختلف بواعي ونعضب ونغير علي كرامتنا وعرضنا لكين يكون الاختلاف مافي فارغه وما يكون عندو قيمة ولما الناس تنادي بعض للخير الكل يتمسك بموقف قديمة وحتي صاحب الموقف يكون خجلان من أنو هو بينو وبين ونفسو يتذكر الموقف يا جماعة في الشباب أنفعال غير مسئول لوفي قلة ماعندم تجربة وعدم تقدير للامور بطريقة سليمة وكمان في الجهل والتعصب ماسيء للجميع تعالوا نكون معقولين وحتي الشباب ديل لو أسرف علي أنفسون رب العزة رحيم ليه ما نرحم بعض ونكون أكتر من أخوان قبيلة يشهد ليها أهل السودان بأنها يحق لها تمثل السودان في السجال الراقي والتعاطي الواعي مع كل مشاكلنا ونقدم السوداني المثقف للعالم بصورة راقية صح ما في وثيقة نحن قلنا دي طريقة التعامل في المنبر تكون كدا لكين لما كل زول فينا يضع أطار أخلاقي لكتابتو وتعاملوا مع الاخرين أمكن نمرق من قصة التلاعن والبذاءة الاتهامات الكاذبة وأخير كل ما أود أن نكون في البداية أنسانين وأخوة وبعد نقدم ما يمثل أهلنا وأنا ما مثالي لكين دا ممكن جدا يحصل عشان قيمتنا نحن في البداية وبعدها عشان الحوش اللي جمعن
ا للكل أقول وأعفو عن كل من جرحني وكا سبب في الاذاء والالم الذي كابدته وما أرحم من يعفو عند المقدرة ونسالك ربي السلام بينا والعافية وكلنا خطاؤؤن وربي غفور رحيم وكن أنت بعض أخلاق الاسلام بلا ضعف أو مذلة ولك كل الود قبيلتي من البورداب
أن الهبوط الي مستوي الانحطاط حالة لن يقبل بها عاقل علينا أن نرتقي بأنفسنا وبعد كيف نطلب الاخرين في المجتمع والدولة بأن يكونوا راشدين وفاقد الشيء لا يعطه
وهذا ما ينبغي أن نكون عليه أو نفارق بأحسان وتدوم علائق الود بالخير أخوتي لا بالخلاف والتنابذ بالخلق الكريم
لكم شكري علي صبركم علي وأعلم أني ذاك السفيه صاحب الجنون الهطرقات كل مساء .