هالني كرم السوداني رغم محنة السيول

والله شعبنا يستحق حياة افضل واجمل

بالامس عرضت قناة الخرطوم مشهد لا يحدث الا في السودان

شخص من النوع البتحس انو ابوك وللا خالك وللا عمك

يلبس العراقي السوداني الاصيل وبيته مهدم

وهو يعزم اتنين من الخواجات تابعين لاحد منظمات الاغاثة العالمية

اتفضلو معانا عصيدة حارة وقام المترجم السوداني بالتوضيح


شكره الخواجات

اصر الرجل وقال لهم

لو ما بتاكلو العصيدة والله اضبح ليكم

لازم تشاركونا

والناس في بلدي يصنعون الحب

ليتني اعثر علي الفيديو


لتكتمل روعة المشهد

وديل اهلى يا ابو خليل
((((( فتش الفيديو انا واثق انك حتلقاهو )))))

Quote: وديل اهلى يا ابو خليل ((((( فتش الفيديو انا واثق انك حتلقاهو )))))

يا سلام يا حماد


(يدو تخجل العينة السحابة ينيل )

تحياتي اخي خليل؛؛؛

كنت جالس مع جماعة سودانيين في زيارة عائلية في جدة ؛وشاهدنا الراجل الطيب ده؛

عزمهم عصيدة بملاح روب وكان ما بتاكلوها بنضبح ليكم خروف وبتذكر الترجمة الحرفية قالها المترجمslaughter
الجماعة المعاي كلهم قالوا والله راجل طيب في احلك الظروف
بحاول اسجلها ليك.

Quote: عزمهم عصيدة بملاح روب وكان ما بتاكلوها بنضبح ليكم خروف وبتذكر الترجمة الحرفية قالها المترجمslaughter الجماعة المعاي كلهم قالوا والله راجل طيب في احلك الظروف بحاول اسجلها ليك

ضروري يا بشير ليشهد العالم روعة المشهد

وسوداني والدنيا عارفاني

"الشــعب الســــــوداني شعب عـــــمــــــــــــــلاق يتقدمه أقزام."
هكذا قال سيد شهداء السودان، الأستاذ مــحمود مــحمد طــه.
وهل ينجب مثل هذا الرجل الــكريم أو ينجب له غير العمــالـــيق؟

Quote: وهل ينجب مثل هذا الرجل الــكريم أو ينجب له غير العمــالـــيق؟

بروف حيدر


انه شعبي ضيوف الليل يكفيهم مرارة وشية

قوم أعزاء لا حدود لعزتهم وكرمهم ..
لذلك كم هي فادحة هذه الجرائم التي ترتكب في حقهم .. والجرائم التي ترتكب باسمهم ..

الليلة بكيت يا خليل .. ايوه بكيت
بكيت وانا اقرأ أن الملك السعودي وجه باعانتنا ..

نعم للرجل اياديه البيضاء وللمملكة العربية أفضالها ..
الا أن هواننا هذا لا يكون .. لا يكون

المملكة والقطريين والاماراتيين والاثيوبيين والمصريين ..
وكما في واحد كاتب كيييييف الايرانيين ما ساعدونا .. تصور ؟!!

Quote: الليلة بكيت يا خليل .. ايوه بكيت بكيت وانا اقرأ أن الملك السعودي وجه باعانتنا .. نعم للرجل اياديه البيضاء وللمملكة العربية أفضالها .. الا أن هواننا هذا لا يكون .. لا يكون المملكة والقطريين والاماراتيين والاثيوبيين والمصريين .. وكما في واحد كاتب كيييييف الايرانيين ما ساعدونا .. تصور

عزيزي المشرف

صبرا علي الايام وعلي قسوة الايام

يا شعبي انت عريس بيت العروس قدام

لا عليك يا صديقي قديما قيل

ان افاضل الناس اغراض لدي الزمن

.

Quote: ضروري يا بشير ليشهد العالم روعة المشهد وسوداني والدنيا عارفاني

ما الفائدة ..؟
فهي أيضا نفس البلاد التي يهان فيها الشيوخ وتجلد فيها النساء ويقهر فيها الضعفاء ويشرد منها الشباب لكل منافي الأرض!!!


.

Quote: ما الفائدة ..؟ فهي أيضا نفس البلاد التي يهان فيها الشيوخ وتجلد فيها النساء ويقهر فيها الضعفاء ويشرد منها الشباب لكل منافي الأرض!!!

سيف اليزل

حتما تطلع شمس بكرة وينزاح الظلام مهزوم

رغم الاحن والمحن ستظل جينات الكرم السوداني

عصية علي التجفاف

اخونا عبد العظيم


نمتلك قيم واشياء جميلة غير موجودة في كثير من الشعوب

شفت اللقطة في التلفزيون يا هندسة

هالني هذا الرجل كما هالك أنت اخي
هؤلاء هم أهلنا هؤاء هم اجدادنا
دمائنا يا خليل انسياب طبيعي لدمائهم
هؤاء من وضعوا اسم السودان وحفروه بأحرف من نور في كوكب الأرض

كم أحبهم

Quote: شفت اللقطة في التلفزيون يا هندسة هالني هذا الرجل كما هالك أنت اخي هؤلاء هم أهلنا هؤاء هم اجدادنا دمائنا يا خليل انسياب طبيعي لدمائهم هؤاء من وضعوا اسم السودان وحفروه بأحرف من نور في كوكب الأرض كم أحبهم

محل قبلت القاهم معاي معاي زي ضلي

عيدك مبارك صاحبي الصادق الصدوق