ابوحسين/هجو ... ودالباوقة/ معاوية ... قولو خير ..!!!!

والله وللحق انا بعرف هجو ومعاوية قبل اجي البورد ده بسنوات
وبعرف معاوية قبل الانقاذ نفسها
معاوية زول جميل واخو اخوان بجد
وهجو كذلك وهو اخو صديق جميل لدرجة هو الصديق عبدالباقي الشهير عندنا ببّقة
والمحبوب لكثير من اصدقائه ومعارفه وسار هجو على دربه
ودالباوقة وابوحسين قابلتهم في البورد وقابلتهم سوا ي الخروم في يوم واحد تقريبا
وللحق هم مثال للخلق الكريم ... تشتهي ماتفارقهم ...
اها قولو خير .... السياسة دي الخراب والبلد كبيرة بتسعنا وتفيض وكل واحد يحبها من زاوية فهمه

Quote: اها قولو خير

احمد موسي
تحياتي
والله خيرين بدل خير
وشكرا لكلامتك الجميله في حقنا وشكرا لايام كتيره جمعتنا قبل النظام ده
ونحن بنقول خيرين تلاته........الخ


تحياتي

سلام مولانا احمد موسي سلام هجو .......
ياهجو ما ممكن تقول :

Quote: والله خيرين بدل خير

وتجي تكتب كلامك الكتبتو عن ابوحسين !!!
خلينا من الغلطان منو طالما انت قلت خيرين يبقي ده استعداد للتصافي ورمي الفترة الماضية خلف ظهوركم
اسحب كلامك عن ابوحسين وخلي البوست يمشي في مسار التصافي رجاًء وليس أمراً وشكراً

Quote: وتجي تكتب كلامك الكتبتو عن ابوحسين !!! خلينا من الغلطان منو طالما انت قلت خيرين يبقي ده استعداد للتصافي ورمي الفترة الماضية خلف ظهوركم اسحب كلامك عن ابوحسين وخلي البوست يمشي في مسار التصافي رجاًء وليس أمراً وشكراً

اخونا عمر عثمان
تحياتي
تم السحب
واحلام سعادتك اوامر
وتسلم

Quote: اخونا عمر عثمان تحياتي تم السحب واحلام سعادتك اوامر وتسلم

الف شكر ياهجو واضح انو معدنك اصيل
في إنتظار باقي الاطراف بنفس روح التسامح والتصافي دي ......

مشكور احمدنا الهمام
الفجور في الخصومة والاختلاف شيء مقزز جدا

.

.

Quote: والله وللحق انا بعرف هجو ومعاوية قبل اجي البورد ده بسنوات وبعرف معاوية قبل الانقاذ نفسها معاوية زول جميل واخو اخوان بجد وهجو كذلك وهو اخو صديق جميل لدرجة هو الصديق عبدالباقي الشهير عندنا ببّقة والمحبوب لكثير من اصدقائه ومعارفه وسار هجو على دربه ودالباوقة وابوحسين قابلتهم في البورد وقابلتهم سوا ي الخروم في يوم واحد تقريبا وللحق هم مثال للخلق الكريم ... تشتهي ماتفارقهم ... اها قولو خير .... السياسة دي الخراب والبلد كبيرة بتسعنا وتفيض وكل واحد يحبها من زاوية فهمه

اخونا أحمد موسى سلام و شكراً ليك

كلامك دا عن الناس ديل بره البورد و نحن مشكلتنا معاهم هنا في البورد
فكان تقول لينا رأيك فيهم داخل البورد مكان المشكلة و ياريت تقول رأيك في المطاعنات اللي بقولوها الإتنين ديل تحديداً
و في بوست إتفتح أمس بالليل هل دخلت فيه و شفت كل الكلام اللي كاتبو أخو الأخوان ....؟؟؟؟

لَا خَيْرَ فِي كَثِيرٍ مِنْ نَجْوَاهُمْ إِلَّا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلَاحٍ بَيْنَ النَّاسِ وَمَنْ يَفْعَلْ ذَand#1648;لِكَ ابْتِغَاءَ مَرْضَاتِ اللَّهِ فَسَوْفَ نُؤْتِيهِ أَجْرًا عَظِيمًا

مولانا الجميل احمد موسي احسنت غاية الاحسان بورك فيك وجزيت خيرا

اخونا هجو والله من ردك الفوق ده بس احببتك قمه في الذوق والاخلاق

اخونا ابوحسين المسامح كريم انا اعلم والله مااصابك من سهام هنا وهناك بس ارجوك همت قل خيرا والباقي الله بتموا ليك

تحياتي للجميع

ابوحسين/هجو ... ودالباوقة/ معاوية ... قولو خير ..!!!!
هي دعوة صادقة للكل لنبذ كل ما يعكر صفو الاحبة هنا بالمنبر ولرمي اي نوع من العداوة وراء ظهورنا ايا كانت وأتمني ان تسود لغة المحبة والصفح و التسامح بيننا فالعفو شيمة الاكرمين والكرماء ونحن في شهور تتسامى فيها الأرواح وغايتها رضا الخالق عز وجل شهور من أعظم شهور السنة العفو والعافية لله ورسوله وبيض الله وجوهكم جميعاً و أتمنى أن يسامحنا الله جميعا و أسأل الله أن يجعلنا من المجتمعين على محبته
اللهم امين امين
وقال تعالى: "وإن تعفو أقرب للتقوى" .
وقال صلى الله عليه وسلم: "أفضل أخلاق أهل الدنيا والآخرة أن تصل من قطعك وتعطي من حرمك وتعفو عمن ظلمك".
دعا رسول الله _صلى الله عليه وسلم إلى إشاعة جو التسامح والسلام بين المسلمين، وبينهم وبين غيرهم من الأمم، واعتبر ذلك من مكارم الأخلاق، فكان في تعامله مع المسلمين متسامحاً حتى قال الله تعالى فيه: " لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَؤُوفٌ رَحِيمٌ"
وكان مع غير المسلمين ينطلق من هذا المبدأ العظيم ليكرّس قاعدة التواصل والتعاون والتعارف بين الناس، ولتكون العلاقة الطيبة الأساس الذي تُبنى عليه علاقات ومصالح الأمم والشعوب، وحتى مع أعدائه الذين ناصبوه العداء كان متسامحاً إلى حد العفو عن أسراهم واللطف بهم والإحسان إليهم.

وفي الختام الشُكر الجزيل لصاحب البوست واتمني ان تسود روح التسامح و المحبة بيننا وان يكون اجتماعنا هنا علي هذا المنبر على بساط المحبة والانس
والسلام عليكم ورخمة الله وبركاته ،،،

محبكم أيوب خليل ميرغني
المملكة العربية السعودية
جدة

تحياتي احمد موسى
دي اسمها (مشطوها بقملها)
ولكي يقف الموضوع عند حده على هجو (اخو الاخوان) ان ان يقدم نقدا ذاتيا * ويقر بخطأه في اتهام ابو حسين بل ويعتذر له ولاسرته عن الكلام القالو في حقو
غير كده يبقى كلام فارغ ومجاملات لا بتودي ولا بتجيب

أقترح علي الاخ هجو فتح بوست يعترف بخطأه ويعتذر للاخ أبوالحسين واسرتو الكريمه

نسال الله التوفيق ليك يا مولانا في المسعي النبيل

أبوحسين لو ماقريت ما كتبت , قريت ومارضاني المكتوب من ده ولا من ده
وانا لولا بمعرفتي بمعدنيكما أنت وود الباوقة ما تجرأت وخضت في الأمر
بالنسبة لهجو ومعاوية هم اخواني وبقدر أقرر في شانهم في غيابهم وبقدر اعتذر عنهم برضه
بجد بدون مواربة معرفتي بيك وبود الباوقة زادت شرف وفخر ....
بعدين للبنادو بالمحاسبة الصلح مافيه محاسبة فيه دعوة لاننا نحاول نكون اخوان
وكل زول يحتفظ برأيه بقوة بس بشكل مهذب لاننا قادة راي فيجب ان نكون قدر قيادتنا للراي دي
يا اخوانا بجد المنبر ده بق فيه كتاب وليهم قراء بتابعونهم وبق واحد من ليات تشكيل الرأي العام في السودان
فياريت ياخ نضبط علاقتنا ببعض
والغلطان ممكن ويجب عليه ان يعتذر الاعتذار بكبر الزول ما بصغره ....

Quote: أبوحسين لو ماقريت ما كتبت , قريت ومارضاني المكتوب من ده ولا من ده وانا لولا بمعرفتي بمعدنيكما أنت وود الباوقة ما تجرأت وخضت في الأمر بالنسبة لهجو ومعاوية هم اخواني وبقدر أقرر في شانهم في غيابهم وبقدر اعتذر عنهم برضه بجد بدون مواربة معرفتي بيك وبود الباوقة زادت شرف وفخر ....

أخونا أحمد الموضوع ما موضوع إعتذار .... الموضوع مطاعنات إتكررت و كتيرين أصبحوا إرددوها
يعني الإعتذار ما حا إفيد بي شئ لأنو شلة الإتنين ديل حفظوها و أصبحوا إرددوا فيها ...

الصلح خير.

Quote: تحياتي احمد موسى دي اسمها (مشطوها بقملها) ولكي يقف الموضوع عند حده على هجو (اخو الاخوان) ان ان يقدم نقدا ذاتيا * ويقر بخطأه في اتهام ابو حسين بل ويعتذر له ولاسرته عن الكلام القالو في حقو غير كده يبقى كلام فارغ ومجاملات لا بتودي ولا بتجيب

كلامك مليان يا باشمهندس .. يا مولانـا المسالة ما مسالة اعتذار .. الاعتذار دا وسيلة سهلة المطية في منبر بكري دا لكن بتبقى الكلمة قاعده .. واالكلام الفارغ من هنا دخل البيوت ودخل لي ناس ما عندها اي علاقة بالبورد دا
وللاسف الشديد كلو تبع ما يسمى بالمعارضة .. واي زول ما يعجبو كلامك .. مستعد يستبيحك ويستبيح اهلك .. ويجو بقية الطرابيد يمجدوهو .. لو اعتذر .. وحتى لو ما اعتر فهو البطل وزول الحارة .. انظر فقط للتعليقين من الفيس بوك .. سلمى الشيخ وابوروضـة ..
..

يا للعجب العجاب .. هي نفس سلمى الشيخ التي اعلنت عن معاوية عبيد الصايم تاج راسها وفي نفس الوقت يتهم بعنفوان شديد ود البشرى بشحده لنسوان اصدقائه ..
والله شي مقرف ومؤسف .. اما فرح ابو روضـة فهو فرح ابو روضــة تشيلو تلطخ بيهو الحيطة عادي ..
يا مولانا .. باسم النضال احدهم شتم امي .. وابي في قبره .. وقبل الرد بما يليق به تم حذف كل شي ، وقام بكري بايقافـه وإلى تاريخ كتابتي لهذه السطور .. ابحث عنه ليل وصباح ..
الجدير بالذكر انو الشخص دا قال لو بكري وقفو يكون بي كدا هو راضي عن نفسه من كونـه نال من احد الكيزان ..
يللا اديك ميزة .. اها الزول دا لما يجي راجع بالسلامة .. ح تشوف الشغل ليهو كيفن .. وعندها زي البوست حقك دا ما بيغطي معانا ..
يا عادل .. ما حك جلدك وجلد اهل بيتك مثل ظفرك .. اخلص حقك بالطريقة المناسبة جدا ..

مشكور يا ابوحميد على المبادرة
لكن الفكرة هنا أن هناك اتهامات قيلت - من الطرفاين بالمناسبة لا أعفيك يا ابوحسين من اشاراتك للسكر و المريسة
وانت عارف طريقة البورد دا, و التفكير الإنطباعي و قصة اشيل حالك في مولد واعتذر ليك في زقاق ويجي الجهلاء و المنحطين يرددوا الفرية الإتقالت فيك ويغمضوا عينهم عن الإعتذار القيل على استحياء
الحاصل هنا تبادل اتهامات خطيرة في السلوك و الشرف وما مجرد خلاف عادي ينتهي بي باركوها
على هجو يكمّل شعوره الطيب دا و على الملأ يورّينا قصة البنغالة دي شنو و بطاعن بيها ابوحسين ليه و يثبتها أو يعترف بكذبها
وعلى ابوحسين يورّينا قصة المريسة و السكر دي عرفها كيف و يثبتها أو يعترف بكذبها
ويتعافوا بعد داك على مية بيضاء و يفتحوا صفحة جديدة و عفا الله عمّا سلف

ديل الموضوعين الأنا عارفهم لو في مظالم تانية لي كل واحد عند التاني فحقوا يستغلوا الفرصة وكل واحد يعرض مظلمته طالما الغرض التعافي و الصلح


اما معاوية وود الباوقة فديل مستهبلين ساي وماسكين بي الناس زمن ساي :)

Quote: ديل الموضوعين الأنا عارفهم لو في مظالم تانية لي كل واحد عند التاني فحقوا يستغلوا الفرصة وكل واحد يعرض مظلمته طالما الغرض التعافي و الصلح اما معاوية وود الباوقة فديل مستهبلين ساي وماسكين بي الناس زمن ساي :)

عارف ياتمبس ياخوي انا بأثناء مابكر في كلام محمد ابراهيم الفوق ده وكلام كم زول وعدم اتفاقي معاه كنت بفكر ليه انا ما متفق مع قصة نحاسب دي
وكلامك شكله متقدم شوية فيه طلب اعتذارات و(حبّة محاسبة) كدة ....
أها رجعت ليك ليك إختلاي ده علمتنا ليه المحاكم ...الصلح بخلي الناس تبدأ من حتة واقفة
المحاكم (جاي من ضيق خلقها) لمن تجي في تسوية تتكلم في القضية بوقفوك يقولوا ليك ما ترجع وراء
القضية دي نظرها ساهل الصلح صعب
فياريتهم يستجيبو لجزء من كلامك ده ونسمع إعتذار وياريتنا نسمعه اول من هجو باعتباره أصغرهم سناً
والإعتذار هو رجوع عن خطأ وعدم رغبة في الإستمرار فيه ...

Quote: والإعتذار هو رجوع عن خطأ وعدم رغبة في الإستمرار فيه ...

و الخطأ شنو يا مولانا البعتذر عنو .....؟؟؟؟؟

واحد فاتح ليه بوست في عنوانه بخاطبك يا مجنقة .... تقول لي إعتذار ....!!!!!!!!!!!!!!!!!!

يا مولانا اظنك تقصد ترد على كلامي لكن بالخطأ وجّهت الكلام لتمبس
عموما سأعلق على حديثك
المقصود ليس محاسبة - أو حبة محاسبة يا قولك - بل المقصود رد حقوق, لا أحد يملك محاسبة أحد في الاسافير فالمحاسبة الحقيقية على الكذب و البهتان عند رب العالمين
مسألة نختلف ونتشاتم ونعتذر دا شيئ وحكاية تتهمني اتهام قاطعه من رأسك يمس سلوكي وسمعتي دا شيئ آخر تماما, الإتهام و انت سيد العارفين إما يثبت بدليل أو يعترف بكذبه, ودا رد الحق في نظري إعتراف الكاذب بإفترائه في حق الناس
ودي تنقية القمل من الشعر بتم كدا حتى يديالمشاط عقب و هنا المعني الإعتذار وقبوله بنفوس راضية

التحية للجميع والدنيا دي اصلا ما فيها حاجة تستاهل انو الواحد ياخذ حقو بالطريقة التي تعجبه وتريحو وإلا ما كان السلام دين الاسلام وما اشارت اليه الايات والاحاديث التي تدعو للسلام والتسامح واصلاح بين المتخاصمين والمتحاربين والعفو سمة من سمات ديننا الحنيف لو كان رب العباد يسامح ويعفو ويغفر لمن ينوب ويتوب اليه فما بال نحن العبيد ... ولكن هذا لا يمنع ان تصطحب ثقافة الاعتذار فتح صفحة جديدة وتصفية النفوس وليس للاستهلاك المعتاد في كافة المنابر والمنتديات وما حصل بخصوص فتح هذا البوست ليس جديدا هنا ولا في المنابر الاخرى هذه الحالة موجودة في كافة المنابر والمواقع السايبرية للتواصل بمثل هذه الانشطة
لا نعفي ابو الحسين ولا هجو ولا غيرهم من الاعضاء الاخرين فقد شهد المنبر كسير عظام ومس اللحم الحي زورا وبهتنا في خلق وقيم لا تمس اخلاق ديننا ن وعليه علينا بتاسيس قاعدة قوية وضابط ورقيب لا يجامل لمن يخطئ ويجب لفته في الحال والاشارة الى الخطا والاساءة واجباره بالاعتذار الكتابي يؤكد فيه انه مخطئ في حق الاخر

الاعزاء ابو حسين وهجو نزفت اقلامهم بما لا يليق في حق بعضهما البعض وهنا لا نفتش على من هو البادي ولكن نعالج سلوك غير حميد حتى لو جاء نتيجة رد فعل فعليه يجب ان يبادر هجو وابو حسين بذلك والاعتراف والاعتذار الرسمي اولا لقراء المنبر وزواره واعضائه وبعدها الاعتذار لبعضهما البعض ولكل من يقع في نفس هذا الخطأ والغلط غلط والتعدي هو التعدي طالما انك اسات ورميت اخيك بما لا يحمد وبالتالي ليس هنالك فرق بين الاساءة الشخصية ومس الشخص وما يتعلق بالجانب الاخر من الاسرة والشرف تظل في النهاية وتعد سافر بالاساءة والتجريح للاخر

Quote: اما معاوية وود الباوقة فديل مستهبلين ساي وماسكين بي الناس زمن ساي :

والله صدقت في دي ويا طوربيد والله في زول بسال منك اسمو ابراهيم موسى خريج اداب الخرطوم كان معاي و جا زيارة في العيد لجدة وكنا نود ان نصلك ولكن العيد وضيوفه حال دون ذلك

مودتي

الرحـــال

Quote: يا مولانا اظنك تقصد ترد على كلامي لكن بالخطأ وجّهت الكلام لتمبس

ودالبشر تسلم ياجميل ..تصدق انا نسي استغربت قلت معقول تمبس ود العباسية بق حنين فجأة كدة ..؟! :)
شكلي لقيت خر إسم معلق تمبس وماقريت شئ , عموما لك العتبى

Quote: عموما سأعلق على حديثك المقصود ليس محاسبة - أو حبة محاسبة يا قولك - بل المقصود رد حقوق, لا أحد يملك محاسبة أحد في الاسافير فالمحاسبة الحقيقية على الكذب و البهتان عند رب العالمين مسألة نختلف ونتشاتم ونعتذر دا شيئ وحكاية تتهمني اتهام قاطعه من رأسك يمس سلوكي وسمعتي دا شيئ آخر تماما, الإتهام و انت سيد العارفين إما يثبت بدليل أو يعترف بكذبه, ودا رد الحق في نظري إعتراف الكاذب بإفترائه في حق الناس ودي تنقية القمل من الشعر بتم كدا حتى يديالمشاط عقب و هنا المعني الإعتذار وقبوله بنفوس راضية

أأي كلامك صاح بس ده في إطار المحاسبة , نحن بنقول ياخ اول هام الناس تعتذر عن الفات وتتعهد باحترام بعض ما ضروري نتفق بس ضروري نحترم بعض
والاعتذار الكلام ليك ولابوحسين السألني ولتمبس ولكل زول بسأل الاعتذار هو اقرار بوجود خطأ ايا كان وهو ممكن يكون اعتذار عن كلام محدد او عن سلوك عام

Quote: اما معاوية وود الباوقة فديل مستهبلين ساي وماسكين بي الناس زمن ساي

او بالاصح الاتنين خلابيص ( يا جماعة جمع خلبوص شنو ؟ )

Quote: على هجو يكمّل شعوره الطيب دا و على الملأ يورّينا قصة البنغالة دي شنو و بطاعن بيها ابوحسين ليه و يثبتها أو يعترف بكذبها وعلى ابوحسين يورّينا قصة المريسة و السكر دي عرفها كيف و يثبتها أو يعترف بكذبها ويتعافوا بعد داك على مية بيضاء و يفتحوا صفحة جديدة و عفا الله عمّا سلف

القول ما قاله اخي محمد البشرى الخضر

يا عم أحمد ما محاسبة ولا حاجة قلت ليك ما في زول بحاسب زول في اسافير الله دي, ولولا قولة "خيرين" المشجعة من هجو - والتي أتمنى ان تثمر ويقابلها خيرين أخرى من أبو حسين - ما كنت اهتممت بالتعليق
الفكرة من الإعتذار شنو؟ إنّك تراضي من أخطأت بحقه, مش كدا؟
طيب ح تراضيه كيف لو ما رجّعت ليه حقو؟ البهتان في السمعة دا حق ولا يعفو عنه إلاّ سيدو وإلا ح ياخذه عند من لا يضيع عنده حق وما برجع الحق دا إلاّ بالإعتراف الصريح الواضح بكذب هذا البهتان
يا احمد خياطة الجرح بقيحه - أو ياقول ود ابراهيم المشاط بالقمل - لا يفيد إن لم يضر في المستقبل القريب, الصاح صاح و الحق حق رغم مرارته لكن لابد منه

Quote: يا عم أحمد ما محاسبة ولا حاجة قلت ليك ما في زول بحاسب زول في اسافير الله دي, ولولا قولة "خيرين" المشجعة من هجو - والتي أتمنى ان تثمر ويقابلها خيرين أخرى من أبو حسين - ما كنت اهتممت بالتعليق الفكرة من الإعتذار شنو؟ إنّك تراضي من أخطأت بحقه, مش كدا؟ طيب ح تراضيه كيف لو ما رجّعت ليه حقو؟ البهتان في السمعة دا حق ولا يعفو عنه إلاّ سيدو وإلا ح ياخذه عند من لا يضيع عنده حق وما برجع الحق دا إلاّ بالإعتراف الصريح الواضح بكذب هذا البهتان

كلامك كله في محله ... والطبيعي ان كل واحد يعتذر للتاني عن الإساءة والبهتان ...بحد ادنى كل واحد يقيف في حده
تعرف ياودالبشرى انا مرات بخت نفسي محل سيد الموقع بكري ابوبكر ده
بقول لو محله كان مااااان قفلته وعملته موقع واج الكتروني او موقع رياضي ...
بقول ذنبو شنو يتعب ونجي نحن ودينق ومصط محمود او معاوية وودالباوقة او او او نملاه ليه زعيق ...
القارئ نسه ذنبه شنو وهو جاييقرا خبر او تعليق ويلق البورد كله بنغالة وبياعين مريسة ومهاترات
كلنا قاعدين نغلط بس مرات لازم نرجع ونحاسب نفسنا ...ونضغط عليها حبتين ...
معاك بطلب من هجو اعتذار واضح عن اي بهتان او اساءة او تعريض بابوالحسين ونفس الشئ من ابوحسين
وياريت بكرة يبقى احل ياقول نعيم علي ولا خالد ماسا ماعارف

الاحباء من البورداب والعابرين
لكم تحياتي
في البداية أقول لكل الاخوان والاخوات لو في زول حصل ليهو ضرر من المنبر دا أنا ما تخيلوا كمية البذاءة والانطاط اللي مورست ضدي والحرب النفسية وغير الردود القبيحة جدا اللي شفتها من بعض الاقلام هنا في البورد والمواقع الاخري دا غير الايميلات
أخر تجريح الي حد وصولوا أسرة كريمة كنت أود الارتباط بأحدي كريمات هذه الاسرة وقالوأ في لم يقوله مالك في الخمر وحدث ولا حرج أنا لا أدعي الكمال ولكن عند ما يكون هنالك سجال يكون بلغة معقوله ومقبول دا المطلوب هنا من القرأء علي الاقل ويكون الكلام ليه أنت تقول الباطل وأنت كاذب وصفيق
وكلام رجال وأعني هذه الكلمة لانو في بعض منا أنحط لدرجة المومسات وأشبه الرجال والله كلنا عندنا أعراض وكرامة ما بنحب زول يمس أعراضنا ولا كرامتنا لكين نسال في شنو نحن مختلفين في الوطن دا ولا الامزاجة وطريقة التناول للموضوعات
كلها أشياء للفناء ويبقي الشيء النافع للناس وأحترامنا لأنفسنا وبعض البعض دا أهم من كا شيء ومحل الناس فيهو ما بتحترم أنسانية بعض أحسن نفارقو وهنا المنبر مرأة لمجتمع ما شيء هوائي وبيقي ما تكتب مدي العمر ويطل سمعة ويظل
جريرة شر بينك وبين الاخرين والعقل بيقول نحن بتكتب هنا لكل السودان الناس بيقرأ الكلام وفي ناس بتحلل ما يكتب هنا علي أساس قياس لمدي واعي أعضاء المنبر وأخلاقهم وكمان مستوي تفكيرهم وتجربتهم الانسانية ولو نحن قعدنا نعمل
في الفراغ والمقدودة خلاص الصغار يعملوا شنو لو نحن ما عندنا أخلاق وين قيم أهلنا وين البيوت اللي نحن منها لازم نراعي مشاعر كل واحد مننا و لاسرتو وكل واحد فينا يكون منطقي وكمان لقيمو كأنسان نعم نختلف بواعي ونعضب ونغير
علي كرامتنا وعرضنا لكين يكون الاختلاف مافارغ وما عندو قيمة ولما الناس تنادي بعض للخير الكل يتمسك بموقف قديمة وحتي صاحب الموقف يكون خجلان من أنو هو بينو وبين ونفسو يتذكر الموقف يا جماعة في الشباب أنفعال غير مسئول
لوفي قلة تجربة عدم تقدير الامور بطريقة سليمة وكمان في الجهل والتعصب ماسيء للجميع تعالوا نكون معقولين وحتي الشباب ديل لو أسرف علي أنفسون رب العزة رحيم ليه ما نرحم بعض ونكون أكتر من أخوان قبيلة يشهد ليها أهل السودان بأنها
يحق لها تمثل السودان في السجال الراقي والتعاطي الواعي مع كل مشاكلنا ونقدم السوداني المثقف للعالم بصورة راقية صح ما في وثيقة نحن قلنا دي طريقة التعامل في المنبر لكين لما كا زول فينا يضع أطار أخلاقي لكتابتو وتعاملوا مع الاخرين
أمكن نمرق من قصة التلاعن والبذاءة الاتهامات الكاذبة وأخير كل ما أود أنكون في البداية أنسانين وأخوة وبعد نقدم ما يمثل أهلنا وأنا ما مثالي لكين دا ممكن جدا يحصل عشان قيمتنا نحن في البداية وبعدها عشان الحوش اللي جمعننا للكل أقول وأعفو عن كل
من جرحني وكا سبب في الاذاء والالم الذي كابدته وما أرحم من يعفو عند المقدرة
ونسالك ربي السلام بينا والعافية وكلنا خطاؤن
وري غفور رحيم وكن أنت بعض أخلاق الاسلام بلا ضعف أو مذلة
ولك كل الود قبيلتي من البورداب
أن الهبوط الي مستوي

يللا يا مولانـا عاين .. مش قلت ليك .؟
عاين فرح ابو ورطـة لولحناهو وضربنا بيهو الحيطــة .. قام عمل لينا نسخة تلميعية بالفوتو شوب .. وشبكه ليك مياعة ومياصـة .. اها شفته نوعية ابو روضـة دا هو البخليك تلعب ضاغط معاهو وتلقاهو في اي ملف اسفيري تخصص ليهو اتنين كيلو بايت بس .. وتبستفو فيها لمن يعرف حاجة
ولو الله اداهو ولقيتو في الواقع تطلع ليهو في رقبتو لمن تقول طق طرق يا بن القهوة كييف ومزاج ..
ابو روضـة كذاب ومنافق ودي المجموعة من المعاتيه البتتحرك فيها بعض العاملين لمعارضة حقت البورض واللوبي المنظم .. اضف ليهم الاسماء البعاتية التحت زي القال اسمو طفشان مين كدا ما عارف وزهجان .. وسلمى الشيخ سلامة البتجي تمجد زي الشخصيات الكرتونية دي
يا ابو ورطـــة .. نحن ما بنادونـا وما عندنا سيد .. الا الله ، لكن نوعيتكم دي البتجي نظام شيلني واشيلك ولمعني والمعك بنعرف نشتغل ليها كيفن ..
وحسع يا مولانـا تفتكر زي نوعية فرح مين ابو روضـة دا تفتكر يوما ما بخليني اجي اصفح عنو هنا دا وافتح صفحـة جديدة ..؟
النوعية المنافقة وكضابة زي دي .. تتوقع منها اي حاجة .. زيها وزي الثعالب واحد .. بتلد وممكن تبيض عادي جدا ..
..
بعدين يا ابو ورطــــة .. كدي جيب لي صورة ليك من غير فوتوشوب .. نشوفك قاعد تلمع .. واللا بتحتاج نصنفرك .. اصلو بعيد عنك اخوك متخصص في صنفرة النوعية الزيك دي . والله صنفرة لمن تشتهيها وكل مرة تفتش لي تفتيش عشان تتصنفر .

أديك ميزة على قولك يا تمبس...
أبو روضة بقى إفتي ليك في زكاة الفطر قال ليك لم تجي تطلع الزكاة لي محتاج تسألو أول حاجة إذا كان مؤتمر وطني و لا لآ..
لو قال أنا ما مؤتمر وطني تديهو ... و لو قال ليك أنا مؤتمر وطني تفطو و تمشي تفتش ليك واحد تاني
الزول دا ما تستهين بيه ممكن إنجر ليك أي شئ ... نوع أصلح سراير و اركب شنبر و أطلع قطايع داك ....

Quote: الزول دا ما تستهين بيه ممكن إنجر ليك أي شئ ... نوع أصلح سراير و اركب شنبر و أطلع قطايع داك ....

قلته لي مطلع فتوة في زكاة الفطــــر ..؟
طيب كويس .. معناته كدا امورنا ظبطت .. لانو عيد الضحية الجاي دا ما عندي طريقة خروف .. كدي نرازيهو نخليهو يطلع لينـا فتوة .. سمك ..
يعني بي صورة اوضح ..
أقوم امشي الهندي الجمب بيتكم دا اجيب لي اتنين كيلو ناجل على حبتين حمام بياض على كيلو هامور .. وننتهي من القصة دي ..
الحمد لله الواحد امورو ظبطت بعد كدا طالما طلع لينا نبي جديد في البورد دا يفتي في الزكاة ويصلح سراير ويلمع بالفوتو شوب ..
الميزة المهمة يا عادل .. المفتي دا قاعد يكتب من تحت الحجاب الحاجز مالو .. ؟
الكتابة فوق هنا دا بقى ما بقدر عليها واللا شنـو ..؟

...
شكلي بديت أفتر ...!

عموماً أبوحسين إت أجمالاً زول محترم .تمبس س ود البشر ده ناس حقانيين
ودالباوقة زول خلوق ما بعرف الكلام الجاف ناهيك عن البذئ
هجو قال خيرين كشفو معدنه الاصيل
معاوية انا بعرفه صاحبي واخوي بي سمحه وبي شينو ومصر انو اخوان
سلم الشيخ فنانة
عبدالعزيز حبيت أخلاقة وطبعه زول حلة كريم
انا : بقيت مصنفاتي بعد نفسي قام
لكني ما يأسان ... برجع تاني ... بس البفرمل لينا تمبس ده منو وياخد الحلاوة .؟!! :)

Quote: ... شكلي بديت أفتر ...!

احمد موسي سلام
شكرا لمسعاك الجميل يا جميل
وانا في المنبر اصلا ما غلطان في حق المدعو ابوحسين هو البادي والبادي اظلم

عندما وصفني بالجنوبين راكبين في ضهري
وانا بتاع مريسه
وانا دلوكة الحركه الشعبيه

....................
ولمن يطالبونني بالاعتذار انا ما بعتذر لاني ما غلطان والمفروض يعتذر هو ابوحسين
واشكركم لحسن نواياكم
..................
واشكر كل من تداخل في البوست لانكم جميعكم اعزاء واشكر كل الضيوف من الفيس بوك
واعتذر لاعضاء الفيس بانني لم اتداخل معهم

...................

انا لمن قلت خيرين عشان انا من اسره بتعفي قاتل الرقبه لمين يجئ يعتذر

بس المدعو ابوحسين وامثاله لا يستحقون العفو
اذن هي الحرب عليهم

وليعلم ابوحسين ومن شايعه انا في المنبر هنا ما عندي معاهم شئ والدنيا ضيقة وحقي باخدو بي يدي كان في الرياض او في اي مكان

شكرا جميلا لكلكم

يظل الوضع على ما هو عليه وعلى المتضرر اللجوء الى القضاء

رفعت الجلسه

Quote: وليعلم ابوحسين ومن شايعه انا في المنبر هنا ما عندي معاهم شئ والدنيا ضيقة وحقي باخدو بي يدي كان في الرياض او في اي مكان

ما تبقى جعجعة كي بورد .......

الرجال بمسكوهم من لسانهم ....

يالا أثبت إنك راجل و قدر كلامك دا ...

Quote: بس المدعو ابوحسين وامثاله لا يستحقون العفو اذن هي الحرب عليهم

ولد دا ......

سلامات يا هجو
كلامك دا بالمناسبة كويس جدا وخطوة على طريق الحل وتصفية الموقف على الرغم من انو قد يبدو سلبي, اعتذار فقط بدون ارجاع حقوق لا فائدة منه وجرد مشاط بقمل
انت شايف عندك حق عند ابوحسين لنو قال عنك ووصفك بـ

Quote: عندما وصفني بالجنوبين راكبين في ضهري وانا بتاع مريسه وانا دلوكة الحركه الشعبيه

عليه وفي اطار أخذ حقّك طاعنته بفرية البنغالة و انو تتي
ولأن الإتهامين أو الوصفين - بتاع ابوحسين وبتاعك
يتجاوزاكم لإطراف أخرى, ولأنو الإتهامات دي لم تتم في مسنجر بيناتكم بل على العلن وفي مكان عام يرده قراء يكوّنون انطباعات و يأخذون فكره عن المعنيين,من المهم اشراك الأطراف الأخرى في تبيان حقيقة الموضوع
على ابو حسين أن يبيّن حقيقة ما وصفك به, هل هي حقائق أم كذب, لو حقيقة عليه عبأ اثباتها ولو كذب يعتذر عنها للقراء اولا و لك ثانيا
وعليك في نفس الوقت تبرير مطاعنتك ليه وهل هي حقيقة أم كذب, لو حقيقة تثبتها ولو كذب تعتذر عنها للقراء أولا وله ثانيا
في نقطة تانية هي لماذا تم استدعاء الإتهامات و الأوصاف دي من الأساس؟ الحوار هنا مفروض في شان عام ولا يهمنا كقراء من يسكر أو يمارس ما يمارس, يهمنا الرأي و الحجة و المنطق و الرد عليه وتفنيده بنفس الحجة و المنطق
نظافة الجرح من الصديد هي الطريقة الصحيحة لعلاجه لا خياطته كما هو

Quote: عليه وفي اطار أخذ حقّك طاعنته بفرية البنغالة و انو تتي ولأن الإتهامين أو الوصفين - بتاع ابوحسين وبتاعك يتجاوزاكم لإطراف أخرى, ولأنو الإتهامات دي لم تتم في مسنجر بيناتكم بل على العلن وفي مكان عام يرده قراء يكوّنون انطباعات و يأخذون فكره عن المعنيين,من المهم اشراك الأطراف الأخرى في تبيان حقيقة الموضوع على ابو حسين أن يبيّن حقيقة ما وصفك به, هل هي حقائق أم كذب, لو حقيقة عليه عبأ اثباتها ولو كذب يعتذر عنها للقراء اولا و لك ثانيا وعليك في نفس الوقت تبرير مطاعنتك ليه وهل هي حقيقة أم كذب, لو حقيقة تثبتها ولو كذب تعتذر عنها للقراء أولا وله ثانيا في نقطة تانية هي لماذا تم استدعاء الإتهامات و الأوصاف دي من الأساس؟ الحوار هنا مفروض في شان عام ولا يهمنا كقراء من يسكر أو يمارس ما يمارس, يهمنا الرأي و الحجة و المنطق و الرد عليه وتفنيده بنفس الحجة و المنطق نظافة الجرح من الصديد هي الطريقة الصحيحة لعلاجه لا خياطته كما هو

ياسلام عليك ياودالبشرى ياخ .... تلخيص غاية في الموضوعية ...
اها انا من اللحظة دي بقيت مُداخل .. ومتابعة ..شكلك سايق البوست لحتة ما تبدو جيدة