Post: #1
Title: النادى السودانى بنيويورك يدعوكم لتلبية نداء قلبي على وطنى السبت 24/8
Author: أشرف محمد الباقر
Date: 08-20-2013, 11:39 PM
Parent: #0
.
النادى السودانى بنيويورك يدعوكم لنداء قلبي على وطنى السبت 24/8
بمبادرة من النادي السوداني الأمريكى بنيويورك وبرعاية كريمة من إتحاد الجاليات السودانية بأمريكا الشمالية ندعوكم للمشاركة فى نفرة
نداء قلبي على وطنى فهلموا لنجدة أهلنا فى كل ربوع السودان بالمساهمة والمشاركة بتخفيف الضرر عن المنكوبين بتوفير بعض المعينات الضرورية بشكل عاجل. السبت الموافق 24 أغسطس 2013 بمسجد الإحسان ببروكلين بين صلاة العصر والعشاء 977 Fulton Street Brooklyn, NY 11238 For additional information call (347)605-1364 (917)952-1472 (347)330-7773 (646)363-7856 الدعوة عامة. 
|
Post: #2
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: Abdelrahim Mansour
Date: 08-21-2013, 12:38 PM
Parent: #1
الأخ الحبيب: أشرف
الأعزاء: أهل الخير، أبناء النادي السوداني الأمريكي بنيويورك
قلوبنا معكم، ربنا يوفقكم، و يسدد خطاكم، و يجعلها في ميزان حسناتكم
عبدالرحيم منصور
الخرطوم
*
**
|
Post: #3
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: أشرف محمد الباقر
Date: 08-21-2013, 10:58 PM
Parent: #2
.
الحبيب المنصور تسلم ياحبيب ونفتقدك جداً والله وإنشاء الله نقدر حاجة ولوبسيطة تساعد أهلنا المنكوبين. ومن هنا نوجه الدعوة للجميع للمشاركة في هذه النفرة لنجدة أهلنا فى كل ربوع السودان بالمساهمة والمشاركة بتخفيف الضرر عن المنكوبين بتوفير بعض المعينات الضرورية بشكل عاجل. السبت الموافق 24 أغسطس 2013 بمسجد الإحسان ببروكلين بين صلاة العصر والعشاء
977 Fulton Street
Brooklyn, NY 11238
|
Post: #4
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: أشرف محمد الباقر
Date: 08-23-2013, 00:45 AM
Parent: #3
|
Post: #5
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: Sabri Elshareef
Date: 08-23-2013, 12:28 PM
Parent: #4
بالله. قلبي. علي. وطني
وأفكاره. انتم. تدقوا. رجال. ونساء. لها. الطبول
هنا. المال. ربما. يذهب. للعصابة. الحاكمة.
مارسه. أكبر. من. حكم. عصابة. المجرم. البشير. لا. توجد
ارفعوا. أياديكم،،،ن. عن. دعم. العصابه
|
Post: #6
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: Kostawi
Date: 08-23-2013, 04:36 PM
Parent: #5
أول مرة أعرف إنو في نادي سوداني في NY
على وزن نادي سوداني في Philly
يعني كرتي وصل لل Big Apple
خطري والله يا أبو الكرتات
|
Post: #7
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: Deng
Date: 08-23-2013, 05:40 PM
Parent: #6
يا كيزان نيويورك(النادي السوداني)
أنتو بتقتلو القتيل وبتمشو في جنازتو؟
أول حاجة أوقفو دعمكم لنظام القتلة والمجرمين، النظام الذي تسبب في جميع الكوارث.
|
Post: #9
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: أشرف محمد الباقر
Date: 08-24-2013, 00:53 AM
Parent: #7
Quote:
يا كيزان نيويورك(النادي السوداني)
أنتو بتقتلو القتيل وبتمشو في جنازتو؟
أول حاجة أوقفو دعمكم لنظام القتلة والمجرمين، النظام الذي تسبب في جميع الكوارث. |
دينق
بطل سخف وجعجعة وشغل قطاعين الطرق والربابيط البتسوي فيهو في البورد دة. ماعندك شغلة غير تصنيف الناس حسب مايمس هوىً في نفسك المريضة.
نفسي يوم أفتح البورد وألقاك فاتح بوست مفيد للناس كتابتك سخيفة زيك ومكررة ومملة.
من أنت ومن أين أتيت لتنادينا بكيزان نيويورك؟ ماذا تعرف عن نيويورك وأهلها؟
دى المرة التانية تتداخل في بوست أفتحه بطريقة غير مقبولة وفيها الكثير من الإتهامات والإساءة والتشهير الغير مقبول والمرفوض من قبلنا شكلاً وموضوعاً.
.
|
Post: #10
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: أشرف محمد الباقر
Date: 08-24-2013, 04:20 AM
Parent: #6
Quote:
أول مرة أعرف إنو في نادي سوداني في NY
على وزن نادي سوداني في Philly
يعني كرتي وصل لل Big Apple
خطري والله يا أبو الكرتات |
كوستاوى
كوستاوى
غايتو إنت ظريف ظراااافة ومنكتتاى كمان..
كمان جابت ليها سخرية وظرافة...
ورغم فلاحتك و سخريتك البادية للعيان لكن مرحب بيك اذا عاوز تزور أهل النادى السودانى ولو سألت جماعتك بوروك أنا وين وساكن وين ...
وربنا يسمع منك و نرى النادي السودانى نيويورك يعمل بنفس الهمة والنشاط التى يعمل بها النادى السودانى فيلادلفيا وربنا يزيد نجاحم كمان وكمان ...
ظراف السودان الأعمام موسي ودنفاش وكمال سينة والهادى نصرالدين متعه الله بالصحة والعافية كوم وإنت كووووووم براك..
.
|
Post: #8
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: أشرف محمد الباقر
Date: 08-23-2013, 10:12 PM
Parent: #5
Quote: بالله. قلبي. علي. وطني
وأفكاره. انتم. تدقوا. رجال. ونساء. لها. الطبول
هنا. المال. ربما. يذهب. للعصابة. الحاكمة.
مارسه. أكبر. من. حكم. عصابة. المجرم. البشير. لا. توجد
ارفعوا. أياديكم،،،ن. عن. دعم. العصاب |
صبري الشريف
أحسن تحترم نفسك!!!
عادة لا أرد لمن يبتدرون الناس الإساءة ولكن.
لا ترمنا بما ليس فينا...
الدعوة دى لدعم المتضررين من أهلنا في السودان فلا تخرج بنا لمفترق لايغنى الناس من الحوجة.
وبجيب من الأخر وبقول ليك أنا ساكن في البرونكس يعنى قطعة الكبري منك حقو تصلنى وتشوف اذا فعلا بندعم النظام ولا إنت جنيت وكذبت في حقنا.
.
|
Post: #11
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: علي جلاس
Date: 08-26-2013, 05:16 PM
Parent: #8
قوله تعالى :وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ
[التوبة : 105]
الفاضل أشرف الباقر وجالية نيويورك الأعزاء
خبرناكم أهل نجدة وفزع وسباقين في المبادرات وعمل الخير ولن تناللكم سهام المخزلين وخائبي الرجاء
وأستبشرنا بانطلاق نفرتكم من مسجد الأحسان بأهل البر والأحسان من السودانين بنيويورك وعلي رأسهم الأستاذ/عوض المطبعجي
وقيادت مسجد التقوي وعلي راسهم الدكتور عثمان آدم وجمعٍ من خيري النادي السوداني الأمريكي بنيويورك والجالية السودانية .
جعل الله عطاءهم في ميزان حسناتهم .
وختاماً بقوله تعالي . قل كل يعمل على شاكلته فربكم أعلم بمن هو أهدى سبيلا
|
Post: #12
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: Saifeldin Gibreel
Date: 08-26-2013, 05:40 PM
Parent: #11
الاخ العزيز اشرف ارجو التوضيح كيف تم الزج باسم اتحاد الجاليات هنا واتحاد الجاليات كانت عبارة عن فكرة ولم تكتمل نسبة لمشاكل كثيرة واجهة البدايات لذلك لأ يوجد فى الواقع الان ما يسمى باتحاد الجاليات وليست له اي لجنة فأي شخص يتحدث باسم اتحاد الجاليات شئ غير مقبول ونرجو التوضيح
|
Post: #13
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: علي جلاس
Date: 08-27-2013, 05:36 AM
من الفيس بوك:
الأستاذ / المصري حاج حمد
في حق اخوة ونخوة الزعيم ومسؤل جامع الاحسان عوض السيد المطبعجي والشيخ الفاضل امامة جامع التغوي ببروكلين الدكتور عثمان.نجزي نحن مجموعة النادي السوداني بنيورك نجزي عبارات الشكر والتقدير ونقول ليهم ولو أننا أوتيتنا كل بلاغة ****** وأفنينا بحر النطق في النظم والنثر لما كنا بعد القول إلا مقصرينا ***** ومعترفين بالعجز عن واجب الشكر. يسرنا نحن.مجمموعة النادي السوداني بنيورك أن نتقدم لكم بخالص الشكر ووافر الامتنان على ما بذلتم من جهد وتحملتم من مشقة جعلها الله في موازين حسناتكم .. ونحن العارفين بفضلكم المستضيئن بقدركم العاجزين عن القيام بالشكر وقد حررنا هذه السطور بلسان الامكان لا بقلم التبيان سائلين المولى عز وجل أن يجعلنا وإياكم من أهل القران .. وأن يرزقنا وإياكم الفردوس الاعلى من الجنان ، وصدق الله إذ يقول { هل جزاء الاحسان الا الاحسان }
|
Post: #14
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: الهادي محمد علي
Date: 08-28-2013, 01:57 AM
| Quote: الاخ العزيز اشرف ارجو التوضيح كيف تم الزج باسم اتحاد الجاليات هنا واتحاد الجاليات |
الاخ/ سيف
تحية وسلام
تعبيراً عن احساسنا وتضامناً مع مع قضايا الوطن الام وخاصة كوارس السيول والامطار ..تنادينا
واجتمعنا علي ضرورة العمل علي تقديم يد المساعدة واتفقنا علي نداء قلبي علي وطني.
المجتمعون نفر كريم بصفاتهم الاعتبارية والبعض الاخر ممثلاً لتنظيمات
وجاليات من الولايات الاخري.
الاخ سيف .علاقة اتحاد الجاليات بهذا النقر الكريم لايجاد وعاء قانوني
لايصال المساعدات للمتضررين. اقترح ذلك في الاجتماع وتم الاتفاق بعد نقاش مستفيض بان تودع
التبرعات في حساب خاص لاغاثة المتضررين بعد التاكد من الحالة القانونية للاتحاد.
وعلية تم الاتصال بالسيد رئيس الاتحاد ونقل الية رغبة المجتمعون بان يتبني الاتحاد المبادرة.
رحب السيد رئيس اتحاد الجاليات بالمبادرة واكد علي امكانية فتح حساب
خاص لايداع التبرعات ومن ثم يمكن البحث عن منظمة تعمل في مجال الاغاثة لايصال المساعدات.
نرجو من العلي القدير ان يكلل مساعينا بالتوفيق لاغاثة الاسر المتضررة
واللة ولي التوفيق،
|
Post: #15
Title: Re: النادى السودانى بنيويورك يدعوكم لتلبية نداء قلبي على وطنى السبت 24
Author: Saifeldin Gibreel
Date: 08-28-2013, 07:27 AM
Parent: #14
الاخ الهادي اتحاد الجاليات لأ وجود له الان على ارض الواقع ولآ يوجد له تسجيل رسمي ولآ حساب بنكى ومن ناحية قانونية اتحاد الجاليات لا يستطيع جمع اي تبرعات باسمه لو باسم الناديس السوداني يكون شئ اخر لكن اتحاد الجاليات كلام ما صحيح اتمنى ان لأ يتم استخدام اسم اتحاد الجاليات فى عمل غير متقن فسوف تكون له عواقب وخيمة
|
|