لـ عماد عبدالله صديقي المايتسماش .. في هجرته الميمونة ....!

الي صديقي المايتسماش عماد عبدالله

تحياتي يا رجل وكل عام والعام عامك

عدت يا صديقي من غياهب جب وجدتني أنزلها درجاً بعد درج حتي إذ ما صرت في قاعها وجدت نفسي في قاعٍ سحيقة لا تشبه علي الإطلاق وطني الذي حلمت به طويلاً ...... صارت بلادي بين ليلة وضحاها أجوف من الجوف نفسه .... تعارفت في حلمي مع ناس أشكال وألوان بدءاً ببائعي الرصيد إنتهاءاً ببائعي الخمور البلدية رديئة الصنع والله شئ لا يكاد أن يتصوره صاحب عقل رويان شئ بين الخيال والخيال ..... تكاد في حلمك هذا أن تري كل ما حرمه الله سبحانه وتعالي .... تجد نفسك هكذا بلا طائل وسط وطنٍ إبن حرام وطن لقيط .... وطن آ زول عبارة عن بشكير مهمل عند قارعة الطريق وبقايا روح تحاول الكلاب انتهاشه . وانت تعاين وتعاين وتعاين ... حتي اذا ما افقت من كابوسك الوطني هذا وجدت ذات الكلاب تنتهش ما تبقي من عورتك الوطنية التي تكابد أن تحافظ عليها .

هذا زمان سيئ يا عماد تعود فيه أنت الي السعودية بنين آمناً مطمئناً حالماً برغد غربةٍ تركتها متأبطأ عنتريتك الوطنية بالغة العنترة . والله كريم .

بالله كيف تركت الآمال والأحلام يارجل ؟

ثم كيف غادرت سقمنا الوطني هذا يا عماد ؟
مررت بالخراتيم بعد فراق نازف استمر نحو اربعون يوماً ونيف وجدتها كما تركتها ـ جيف يعقبها جيف وجدتها في وهمة ذات الوليدات ابان مواتر وتاتشرات وتشيرتات وحلاقات ناس ياعمك .... والسان ده ..... وودي الزول ده الرج ........... وعيك وعيك عيك وهكذا لغة ، ذات اي حاجة ياعماد ياخ ذات البشير وذات نافع وذات اسامة عبدالله وذات المسيرات الكضب .ذات الحناجر المعبأة بما بين الأقواس التي يعلمها أي سوداني (............) .

حتي اذا ما قيض الرب جل وعلا حكم الأخوان في مصر خرجت الخراتيم عن بكرة أبيها تتقدمها حناجر كيزانها وكوزاتها ... الكوز منهم يهتف لا لدنيا قد عملنا .......... نحن للدين فداء .... يقولوها هؤلاء الناس وماتعرف يازول الناس ديل تجارتهم حدها وين ؟ لتتمخط الخراطيم جراثيم الهزيمة . مخاخيط الهزائم الاسلامية بالغة التكلفة هزائم الأحلام والآمال والأحلام العراض يا صاحبي . وأنا بعاين في المناظر وأضحك كلما مررت بالجزيرة مباشر من أمامي فعن أي قتلي يتحدثون والناس ديل يادابو شافوا القمع ولا شنو ؟ وفي أي يم يسبحون هؤلاء ناس شبه الجزيرة العربية الماعندهم دين ديل ؟

غايتو يا فردتي أخوك كان داير ينلاقي وإياك يا قول الكرادفة لكن ده الله ودي حكمتو .

ده الربع الكم بالمناسبة يا ناس ؟

Quote: عدت يا صديقي من غياهب جب وجدتني أنزلها درجاً بعد درج حتي إذ ما صرت في قاعها وجدت نفسي في قاعٍ سحيقة لا تشبه علي الإطلاق وطني الذي حلمت به طويلاً ...... صارت بلادي بين ليلة وضحاها أجوف من الجوف نفسه .... تعارفت في حلمي مع ناس أشكال وألوان بدءاً ببائعي الرصيد إنتهاءاً ببائعي الخمور البلدية رديئة الصنع والله شئ لا يكاد أن يتصوره صاحب عقل رويان شئ بين الخيال والخيال ..... تكاد في حلمك هذا أن تري كل ما حرمه الله سبحانه وتعالي .... تجد نفسك هكذا بلا طائل وسط وطنٍ إبن حرام وطن لقيط .... وطن آ زول عبارة عن بشكير مهمل عند قارعة الطريق وبقايا روح تحاول الكلاب انتهاشه . وانت تعاين وتعاين وتعاين ... حتي اذا ما افقت من كابوسك الوطني هذا وجدت ذات الكلاب تنتهش ما تبقي من عورتك الوطنية التي تكابد أن تحافظ عليها .

-
ثم سلام لك ولعماد في وطن ذات العوار !

يا خضر حسين خليل

ابدعت في مخاطبة عماد

ليته يسمعك

يا خضر سلام مطنطن ليك وللبلد والولد الما يتسموش
وإن كان في الروح: حتى
وعلى وجودها فإنها محتحتة ومرضرضة وكسيحة
نعم
كسيحة
تمشي على بطنها
تنجر جر يا زول
وعندها برضك أمل في بكرة الواحدة دي
أمال إيه
مش بكرة بجي
ويا عشم المخلوق في الخالق
تعاين ما في جنس أثر لخير
بس ربك يا خضر ويا دا البلد والولد الما تتسموش
ربك قادر يقلبن ليك الحال الشايفاهو العين وحاسيهو القلب ولا من أثر لغد
ربك قادر
ربك قادر
ربك قادر
ربك قادر









ولا تقل:
ليت أصابعك تسكت
....





وهوي يا بتاع دا جوالي:
0565541443 - جدة
أوكي

مرحباً بعودتك يا صديقي
أحسنت أو كما قال


في انتظار صديقك الجميل عماد ليكمل فاصل الإبداع هذا


تحياتي لكما ولضيوفكما
مثنى وثلاث ورباع

سلام آ ناس وكل سنة وانتوطيبين

نعاني ياخ نعاني .... لي ربع ساعة بعمل ريفرش عشان القي الايقونة بتاعت الردود (حتي ظنت نفسي الأمارة إنو بكري شال الخاصية بتاعت الردود دي )

عموما أنا شاكر لكم حضوركم الجميل
مودتي لكم


ـــــــــــ
خضر

عزيزنا خضر
سلامات
الي السعودية بنين ؟
دي أكعب حقيقة تتكتب يا خضر .
تحياتي
وادينا خبرو ضروري

حبيبنا الذي (بأمريكيا) يا قول صديقي وليد سماعين
مشتاقين حد حد الحد ياعثمان ياخ والقابلة تنحقق الحاجات

أخونا بدرالدين الذي بالسعودية بنين
كيفك وجدة
جدة الكرنتينة وشارع فلسطين وقهاوي الحبش ومشاوير باب شريف

وناوي تجينا متين ياعمك
تحياتي لمن حولك

صديقي الغائب الحاضر (بلة)
كيفنك يازول
لينا زمن ما انلاقينا ياخينا .... كيفك وكيف خبيرات الدنيا واياك
الله قادر يا قولك يا بلة




قادر الله والله يا صحبي

تحياتي ياقرجة ياخ ووين الحي بيك حليلو زمن ياخ
مودتي

قلت لي وطن ذات العوار يا حموري ياخ ده وطن ذات الكوار يا رجل
مودتي البالغة

Quote: الي صديقي المايتسماش عماد عبدالله تحياتي يا رجل وكل عام والعام عامك عدت يا صديقي من غياهب جب وجدتني أنزلها درجاً بعد درج حتي إذ ما صرت في قاعها وجدت نفسي في قاعٍ سحيقة لا تشبه علي الإطلاق وطني الذي حلمت به طويلاً ...... صارت بلادي بين ليلة وضحاها أجوف من الجوف نفسه .... تعارفت في حلمي مع ناس أشكال وألوان بدءاً ببائعي الرصيد إنتهاءاً ببائعي الخمور البلدية رديئة الصنع والله شئ لا يكاد أن يتصوره صاحب عقل رويان شئ بين الخيال والخيال ..... تكاد في حلمك هذا أن تري كل ما حرمه الله سبحانه وتعالي .... تجد نفسك هكذا بلا طائل وسط وطنٍ إبن حرام وطن لقيط .... وطن آ زول عبارة عن بشكير مهمل عند قارعة الطريق وبقايا روح تحاول الكلاب انتهاشه . وانت تعاين وتعاين وتعاين ... حتي اذا ما افقت من كابوسك الوطني هذا وجدت ذات الكلاب تنتهش ما تبقي من عورتك الوطنية التي تكابد أن تحافظ عليها . هذا زمان سيئ يا عماد تعود فيه أنت الي السعودية بنين آمناً مطمئناً حالماً برغد غربةٍ تركتها متأبطأ عنتريتك الوطنية بالغة العنترة . والله كريم . بالله كيف تركت الآمال والأحلام يارجل ؟ ثم كيف غادرت سقمنا الوطني هذا يا عماد ؟ مررت بالخراتيم بعد فراق نازف استمر نحو اربعون يوماً ونيف وجدتها كما تركتها ـ جيف يعقبها جيف وجدتها في وهمة ذات الوليدات ابان مواتر وتاتشرات وتشيرتات وحلاقات ناس ياعمك .... والسان ده ..... وودي الزول ده الرج ........... وعيك وعيك عيك وهكذا لغة ، ذات اي حاجة ياعماد ياخ ذات البشير وذات نافع وذات اسامة عبدالله وذات المسيرات الكضب .ذات الحناجر المعبأة بما بين الأقواس التي يعلمها أي سوداني (............) . حتي اذا ما قيض الرب جل وعلا حكم الأخوان في مصر خرجت الخراتيم عن بكرة أبيها تتقدمها حناجر كيزانها وكوزاتها ... الكوز منهم يهتف لا لدنيا قد عملنا .......... نحن للدين فداء .... يقولوها هؤلاء الناس وماتعرف يازول الناس ديل تجارتهم حدها وين ؟ لتتمخط الخراطيم جراثيم الهزيمة . مخاخيط الهزائم الاسلامية بالغة التكلفة هزائم الأحلام والآمال والأحلام العراض يا صاحبي . وأنا بعاين في المناظر وأضحك كلما مررت بالجزيرة مباشر من أمامي فعن أي قتلي يتحدثون والناس ديل يادابو شافوا القمع ولا شنو ؟ وفي أي يم يسبحون هؤلاء ناس شبه الجزيرة العربية الماعندهم دين ديل ؟ غايتو يا فردتي أخوك كان داير ينلاقي وإياك يا قول الكرادفة لكن ده الله ودي حكمتو .

ياخ ده كلام معقّد جدّاً لإيصال فكرة إنو عماد سافر السعودية ..
الموضوع باقي لي أبسط من كده ..وكان يمكن إختزاله في عنوان :
يابورداب السعودية عماد عبد الله بطرفكم (يوجد صور..)

خلاس كويس يا عمر ياخي


ــــ
كل سنة وانت طيب

تحياتي لك ياخضر
بعلم الله مشتهي الكتابة الطاعمة
وينكم انتو؟