من أكبر أخطاء جماعة الاخوان في مصر...

كانوا مثاليين جدا مع العلمانيين والليبراليين.

لم يدخلوهم جحورهم من قولت تيت..والضرب عليهم بيدٍ من حديد.

ديمقراطية إيه وبطيخ إيه مع العالم دي!!

جماعتنا في السودان ..عارفين الموية بتاعتهم

زفوهم بالمزيكة ...صالح عام ..فصل من الخدمة...

ناس هربت خارج السودان.

ليبرالي وعلماني المنبر؛والما عندهم دين

ديل من قولت تيت إنكشف قناعهم ...كانوا ماليننا فقر بالحرية والديمقراطية
وطلعوا أول من ذبح الديمقراطية في مصر ..
بإستثناء القليل ...طلع عندهم مبدأ

يعني اخوان مصر لو إشتغلوا في (تمكّنا) بعد الانتخابات مباشرة ؛
ما كان ده حالهم اليوم.

Quote: جماعتنا في السودان ..عارفين الموية بتاعتهم زفوهم بالمزيكة ...صالح عام ..فصل من الخدمة... ناس هربت خارج السودان.

يعني ده كويس؟

تخريمة

انت تقدر تقول بغم في ابو متعب؟

هههههه مرحب يادكتور؛؛؛

بقدر أقول بغّمين ونص وخمسة...

إتا زعلت ولاّ شنو؟
نعمنو قلتها ليك امس؟

Quote: ديمقراطية إيه وبطيخ إيه مع العالم دي!

اظهروا على حقيقتكم يا اخوان هههههههههههه

Quote: جماعتنا في السودان ..عارفين الموية بتاعتهم زفوهم بالمزيكة ...صالح عام ..فصل من الخدمة... ناس هربت خارج السودان.

عشان ما يصلوا المرحلة دي كشحوهم بدري بدي
--------
انت عارف اي شيء بحصل للاخوان في مصر سببو المباشر اخوان السودان
لان تجربتكم عرجاء فيها كل مساوئ الدنيا
وكنتوا اسواء مثال عشان كدى كبوهم بدري بدري في اقرب مكب وارتاحوا من نتانتهم

ياعلي دفع الله؛؛؛

يازول انا راي في الديمقراطية معروف ...تجده ضهاري المنبر إن أردت.

يا دكتور

رأيك فى الديمقراطية عرفناهو .. وحاجه من حقك

Quote: جماعتنا في السودان ..عارفين الموية بتاعتهم زفوهم بالمزيكة ...صالح عام ..فصل من الخدمة... ناس هربت خارج السودان.

الا ده ما من حقك
ده عدم انسانية منك .. وعدم مخافة لله
فى ارزاق الناس وتشريدهم وتشريد أسرهم

عيدك مبارك دكتور بشير

قلت للمصري المعانا في المكتب

مالكم ومال الاخوان ما شفتو شيل التمساح فينا

قال لي

(بتووووول ايه )

عشان كده انا بقول ان 30 يونيو كانت تحرير مصر من الاخطاف الاخواني لسببين:

اولهم ان مفهوم الديمقراطية عند الاخوان هو (الغاية تبرر الوسيلة) ..

الحاجة التانية جنس الكلام البقول فيه الكوز ده.

Quote: جماعتنا في السودان ..عارفين الموية بتاعتهم زفوهم بالمزيكة ...صالح عام ..فصل من الخدمة... ناس هربت خارج السودان.

يا كوز يا "مقدود" يا نذل جماعتكم في السودان لم تقف عند الصالح العام والتشريد وقطع أرزاق العباد وإجبارهم على ترك البلاد....بل فتكت بهم اغتيالاً وتعذيباً..
أراك تفخر بذلك يا بتاع الحمير....ولكن على الباغي تدور الدوائر، ويجب أن تعلم تماماً أن (((القاتل يُقتل ولو بعد حين)))، وكل سيلقى جزاءه، حتى أمثالك ممن يتباهون بقطع أزراق العباد وتشريدهم...

الجردل المصدّي في المنبر عادل علي؛؛؛

يازول ديلك جماعتنا في السودان امش ليهم
وتظاهر ضدهم ...
الاقصاء كانت مرحلة ...

نفس المنطق الانت مؤيدو في مصر ياجردل يامصدي...

Quote: اولهم ان مفهوم الديمقراطية عند الاخوان هو (الغاية تبرر الوسيلة) .. الحاجة التانية جنس الكلام البقول فيه الكوز ده.

يا الهادي ؛انا بعبر عن رايي هنا وبتكلم بإسمي لا باسم اي جماعة فاهم ولا لا.

مصر بالديمقراطية ح تجيب الاسلاميين ...ولا عزاء للليبراليين لانهم عارفين بالانتخاب ما ح يجيبو التكتح.

Quote: يا الهادي ؛انا بعبر عن رايي هنا وبتكلم بإسمي لا باسم اي جماعة فاهم ولا لا. مصر بالديمقراطية ح تجيب الاسلاميين ...ولا عزاء للليبراليين لانهم عارفين بالانتخاب ما ح يجيبو التكتح

على قول اهلنا: العديل راي والاعوج راي وانت رايك الصراحة اعوج ومشاتر ،،،

للأسف انكشفت عوراتكم امام شعب مصر ولا اظن ان احدا سيتعاطف معكم ،..

الاخوان خسروا كل شيء وليست امامهم سوى معركة واحدة فقط ،،، هي اقناع امريكا للتدخل واعادتهم لكرسي الحكم في مصر.

كل عام وانت بخير اخي خليل؛؛؛

كان تشرح ليهو الموضوع ...اهو نظام مبارك رجع تاني
والاخوان في الباي باي بطيبتهم الزايدة وثقتهم في العلمانيين والليبراليين.

Quote: الا ده ما من حقك ده عدم انسانية منك .. وعدم مخافة لله فى ارزاق الناس وتشريدهم وتشريد أسرهم

موش عدم إنسانية مني...لكن برضو المفصولين كانو ح يعملو نفس الفلم؛

الطرد والطرد المضاد...

ألم أقل لكم شعوب العالم التالت المتخلف لا تستحق الديمقراطية ...

الاخوان سرطان - طريقة السيسى هى الانجع فى استئصالهم بصرف النظر عن مبادئ الديمقراطية.

دكتور بشير .......
مساء الخير

كلامك زعلني في حته أنو فعلا النظام أفقد البلاد كوادر مدنية وعسكرية
كانت في أمس الحاجة لجهودهم ...... ما علينا مبروك ليكم التمكين ..............
بس المحصلة في الاخر شنو !!!!!!!!!!!!!
البلد الأكتر فشل في العالم

بعدين بالجد أنت فقد كبير لجماعتكم الذين في السودان
كيف مخليين كادر مميز زيك بره البد معنا نحن جموع العلمانيين والماعندنا دين
ورمينك بايظ ............... ياخي الكلام ده غلط مفروض تكون هناك مع أخوانك
حيث السلطة والغنائم

-----------------------------------------------------------------
*بشير ياخوي الايام دول وبكرة يوم زفتكم من دون مزيكا بيجي ...... الله فّي

بوست غير موفق اطلاقا يا بشير

هل انت فرح لأن حكومتك الفاسدة اعتقلتنا و شردتنا و جعلتنا نترك بلدنا غصبا عننا بحثا عن الرزق الحلال؟

هذا الكلام بيدينك و بكره بتنكرو لأن الايام دول ونظامك الفرحان بيهو ده لم يستطب له يوما هنيا .... وايامو انشاء الله قربن

Quote: جماعتنا في السودان ..عارفين الموية بتاعتهم زفوهم بالمزيكة ...صالح عام ..فصل من الخدمة... ناس هربت خارج السودان.

و بالله بتفتخر؟
بتفتخر بالأغتيالات و بيوت الاشباح و الصالح العام و التشريد الممنهج؟
إذا كان الحاكمين اصحاب الجلد و الراس صاروا يتنصلون من هذه الجرائم و يرمون باللائمة على بعضهم البعض...جايي أنت فرحان بالفظائع العملوها في الشعب السوداني؟؟
و المحصلة شنو يا بشير الكوز؟؟ ورينا المحصلة شنو؟؟
هو السودان كان كان فيهو فايدة ما ترجع إنت و تخدم دولة (جماعتك)...ماشي مفتش ليك كفيل في السعودية ليه؟؟
بئس البوست و بئس الكلام ما كتبت...وزي ماقالوا ليك الجماعة الفوق...ربنا في ..و إسمو المنتقم الجبار...و على الباغي تدور الدوائر بإذن الله

الأخ بشير .. تحية طيبة
مع إني ضد موضوع الصالح العام وقطع أرزاق الناس
لكنك صدقت في هذا الكلام:

Quote: ليبرالي وعلماني المنبر؛والما عندهم دين ديل من قولت تيت إنكشف قناعهم ...كانوا ماليننا فقر بالحرية والديمقراطية وطلعوا أول من ذبح الديمقراطية في مصر .. بإستثناء القليل ...طلع عندهم مبدأ

والله الذي لا إله إلا هو الناس ديل من شدة ما بنبحوا بالديمقراطية في المنبر ده
والله لمن قربت أصدق وأقول فعلا الناس ديل قلبهم على البلد والديموقراطية
لكن بعدما رأيته الآن حمدت الله أنني لم أصدقهم

Quote: للتاريخ .. الأخوان المسلمون في مصر (أقول في مصر) حين وصلوا إلى السلطة .. كانوا يعرفون الذين عذبوهم وأهانوهم طوال 80 عاماً فرداُ فرداُ وضابطا ضابطاً .. لكن نفوسهم التي تربت على أخلاق الإمام الشهيد حسن البنا لم تجعلهم ينتقمون منهم وأحتسبوا أجرهم عند الله .. أما هؤلاء الفاشيون حين أتيحت لهم الفرصة .. قتلوا أنصار مرسي بدم بارد وأحرقوهم ونكلوا بهم وأهانوهم .. بل ونشروا لمرشد الإخوان صورة مهينة بالملابس الداخلية لحظة إعتقاله بينما الإخوان كانوا ينقلون مبارك بالطائرات لمقر المحاكمة وهو يرتدي النظارات الشمسية ! فرق كبير بين أخلاق هؤلاء وهؤلاء.

روح الانتقام كانت عند العسكر فأنتقموا منهم لدورهم الرائد في ثورة 25 يناير