******* السرقات الأدبية !!!!!! ********

ههههههههههههه
يا رضا لغاية اسّي جاتك في البوستات وكدا باللياقة دي بعد دا بتبقى ليك في العدة في رقبتها

عليك الله يا رضا الخور دا زاتو تعب معاكم ..
بوست كوستاوي خاتيهو في المفضلة عشان اشوف اخرو شنو ..
اووووبا شلعوهو ليهو ويا الخور جاك بوست ..
كبر اللفة يا اخوي او افت نار ساكت واتحمل التبعات ..



هو الحرامي قبضوهو ولا عامل حميل !!

سارق ومسروق ..............

سرقة مجهود الاخرين ......................

جموعة سرقات كاملة ...............!!!!!
.
.
حرامي وعينو قوية ..............

Quote: هو الحرامي قبضوهو ولا عامل حميل !!

ياهشام عبادي يأخ لمن فيها حرامية وكدة ما كنت تدي أخوك لكزة يعني نحن نمشي نفتش في الخور ولاشنو ؟
لكن بيني وبينك مادام عمك كشح البوست الاول في الخور أنا هاديء مخارجة من هنا
وكل زول يخلي بالو من عدتو


رضا سلام عليك وعلي ضيوفك

تعرف ياعادل الباهي الموضوع انو عضو المنبر د. هشام عثمان
(نقل ) موضوع من زول تاني ونسبها لي نفسو وعمل بيه بوست
هنا وعامل فيها حريف جزأ الموضوع شوية شوية وكمان رسلو
لي ناس سودانايل ........
المهم قبضت مواضيع كتيرة هو ناقلها وكلما نفتح بوست يجي
صاحب الموقع يحذفها .....الراجل ناشط سياسي كبير في أمريكا
.
.
الحاجة دي لو كان عملها ودالباوقة الناس ديل كات سكتوا كدا
الأخ سمير كوكو الوحيد الأدان هذا الأمر وطالب بفصله من المعارضة .
.
.
عدة الشغل كلها موجودة .....!!!!!

الناس في البورد دا ماسواسية ولا شنو ............
.
.
اذا سرق الشريف تركوه واذا سرق الضعيف أقاموا عليه الحد .....

حماة الفضيلة والأخلاق لم يدينوا هذا الأمر .....!!!!!!


.
.

منو السرق منو
القمحاني ولا زولنا داك

بكري جاتو فلايت من الجدع

Quote: منو السرق منو القمحاني ولا زولنا داك بكري جاتو فلايت من الجدع

يا كوستاوي امرق من بوست الزول دا ما تنحسو ليهو ..
ماشي بالبركة البوست دا وسواقو عارف الدرب سمح ..
اها كلمة كدة ولا كدة يلحق بوستاتك في الخور وانا بررررة ..

السارق معروف بس اعمل رايح وبتجيك ملخوخة براها ..

يا هشام عبادي

رضا دا منو? شرق النيل!

هو الناس بالتبادي! بتسرق ليه?


مفلسة!
ياخ ما تشحد.

(شحد ربو و الله أدا)

ياكوستاوي ماقابلت الراجل في مؤتمر ( سابا ) ....

Quote: ياكوستاوي ماقابلت الراجل في مؤتمر ( سابا ) ....

زولك إحتمال يكون رحل من أمريكا!

بالمناسبة هو سرق شنو?

و قمحاني دا منو?

Quote: و قمحاني دا منو?

أنا رسلت لي قمحاوي وردا لي وكان مستغرب من عملية الزول دا ............
المهم هي ماعملية واحدة هي مجموعة عمليات ..............

ياكوستاوي شوف الزول دا بيغرف من وين :
الموضوع الأصلي : البشير والنذير..! د. مأمون فندي
نشر في الشرق الأوسط بتاريخ 28 يوليو 2008
الموضوع الأصلي :
الرابط :

http://www.aawsat.com/leader.asp?section=3andar...480560andissueno=10835



قام الراجل نسب الموضوع لي نفسو ....وتم نشره في سودانيز أون لاين
الرابط :

البشير والنذير مقال للدكتور هشام عثمان\ نيويورك

قام الأخ حيدر جني كشف الراجل ونزل الموضوع ......

بعد العضو جني نزل الموضوع في نفس البوست وضع علامة تعجب !!!!!!!!!!!!
قام صاحبك فك البيرق وعمل أضان الحامل طرشة ولم يكلف نفسه
حتى ولو باعتذار بسيط ........
ومازال يكرر نفس الشئ ....!!!!!!!! دا يقولوا عليه شنو ...!!!

والما مصدقني يمشي لي شيخ قوقل ويبحث براه حايلقي العجب العجاب ....

نحن لازم نحصر عدد المقالات المسروقة
و نرجع لشرائط الفيديو و نشوف الندوات العملها في أمريكا
و نحصر السرقات العمل بيها هذه الندوات.


بعد داك لو في طالب دكتوراه داير يحضر في موضوع السرقات و قوة العين
نحن جاهزين نساعدو

طبعا مافي حاجة مجان. المقال ب 1000 دولار

غايتو يا كوستاوي أصلو ما بلومك..
الدنيا دي سدّاية ورضّاية هههههههه

Quote: طبعا مافي حاجة مجان. المقال ب 1000 دولار

أحب أن أنوه
نص هذاالمبلغ سوف يذهب لحملة النفير
يا ود البشرى.

كدا كيف?

ح تحوّلها كيف الـ Pay Pal و اتقفل :)

الصومال الصومال
الإخوة الأشقاء

د. هشام صديقى و بيني و بينه تاريخ عميق من الصداقة يمتد إلى النصف الأول من التسعينيات و حينما تعرّض لحملات إتّهم فيها بأنّه رجل أمن أغضبني ذلك و كنت بصدد فتح بوست فى منبر الحوار بالراكوبة للدفاع عنه و لم أكن حينها عضو بسودانيز اون لايين و قد أوقفنى من ذلك أنّى كنت قد طلبت منه بعض المعلومات و عندما لم يمدّنى بها عدلت عن رأيي لأنى أحسست أنّ صاحب الشأن ليسس مهتمًا لحسم الموضوع فعلام أصر على الرّد .
قرأت بوست الدكتور هشام و قرأت مقال قمحانى فى اللحظة التى نزل فيها الاخ رضا و اتصلت بالدكتور هشام بعدها و حتى الآن لم تجمعنى به مكالمة سوى لثوان معدودة و بلا شك فإنّ أحد المقالين مأخوذ عن الآخر و مقال قمحانى أسبق فى الزمن ، لذا فأنا أدين هذا السلوك إذا قام به صديقى دكتور هشام عن قصد و أقول له إنّك لست بحاجة لمثل هذا العمل الذى يسيئ لك و لأصدقائك و عن نفسي قد أحسست بإساءة لا توصف و هذا ما دفعنى لكتابة هذه الكلمات رغم ما يمكن أن توصف به من مرارة و لكنها كلمات لا بدّ من قولها فيا دكتور هشام بكل صراحة لقد أحبطّتنى فأنت رجل مثقف يحمل قضايا الوطن فى حدقات عيونه فلماذا تقفز فوق كل هذه القضايا لتجعل من نفسك مركز النضال فليست القضية قضية شهرة أو إبهار للقرّاء . القلم أمانة و كلنا نخطئ فإن كان الأمر غير مقصود فأرجو توضيح أسباب الخطأ و إن كان مقصود فاعتذار الأستاذ هشام آدم قد زاده احترامًا فى أنظارنا و احتفينا به و بصدقه و مراجعة مواقفه بشجاعة لم يسبقه عليها احد .
صدّقنى يا دكتور هشام أنت شخص تمتلك ناصية الحروف و تعلم جيدًا أنّ هذا رأيي فيك و الذى لا ينبع من مجاملة أو رياء فحقًا أنت تكتب أحسن من المقال موقع الإتّهام و عندما قرأت ذلك المقال تصدّر لى للوهلة الاولى إحساس بأنّ قلمك قد تدهور لأن تلك الكتابة لا تشبه لغتك الرفيعة التى نعرفها حتى فى الونسة و هى أوّل شئ يلاحظه الشخص الذى يتعرّف عليك حديثًا . و لطالما أنّ اللغة حاضرة بكل رفعتها فى ونساتك فبلا شك أنّها أكبر و أعمق حضورًا حين انسيابها على الورق و ذلك ما أشهد لك به ، فدع لقلمك أن يكتب ما تراكمه من معرفة سهرت عليها منذ نعومة أظافرك و لا تحرم القرّاء تلك المعرفة التى تستحق منك منحها مزيدًا من الثقة . إذا كنت تنقل مقالات الآخرين فقد حكمت على نفسك بأن تترك الكتابة أو تحصرها فى الفيس بوك و الإيملات و كمبيوترك الشخصي إذ جميعنا نطالب بإبعاد الذين ينقلون مقالات الآخرين حتى تتحرر منابرنا من تلك الآفة و لطالما أننا لا نستطيع تحرير أنفسنا و منابرنا من تلك الآفات فلا يحق لنا الحديث عن هموم الوطن لأنّ هموم الوطن أكبر من أن يحملها من يعجزون عن إلزام أنفسهم بشرف الكلمة و القلم .
أكتب لك هذه السطور و أعلم أنّها حروف مريرة فى حق صديق و لكن يا صديقى أرجو المعذرة فإن الأمر قد حرق اعصابي و لم أجد ملاذ غير هذا الرّد فأرجو أن تتفهّم موقفى و انت تعلم أنه ليس بيننا سوى كل ما هو صادق و نبيل .

رجاء خاص لجميع المتداخلين أتمنى ان يتكرّموا علىّ بقبوله و ساكون ممنونًا لهم . أرجو أن لا يعلّق أحد على مداخلتى فالدكتور هشام صديق عزيز لا أود أن تكون هذه المداخلة سبب لسوء فهم قد يحدث بيني و بينه و بلا شك تكرار التعليقات على مداخلتى سيزيد من احتمال حدوث مثل هذا السوء فى الفهم .

أرجو المعذرة ان كانت هناك أخطاء طباعة أو أخطاء إملائية إذ لم أقم بمراجعة الاخطاء .
قد تم تصحيح بعض اخطاء الطباعة

الأخ وليد تحياتي
الحقيقة أنا ما حا أعلق على كلامك
بس دايرأقول ليك شكرا جزيلا
أنت زول شجاع
و صديق وفئ

Quote: ليت كل أصدقائنا ،، مثل الكبرياء ! حتى في عزّ ضعفنا ،، في عزّ إنكسارنا ،، يُظهِرُنا أقوياء !

Quote: إذا كنت تنقل مقالات الآخرين فقد حكمت على نفسك بأن تترك الكتابة أو تحصرها فى الفيس بوك و الإيملات و كمبيوترك الشخصي إذ جميعنا نطالب بإبعاد الذين ينقلون مقالات الآخرين حتى تتحرر منابرنا من تلك الآفة و لطالما أننا لا نستطيع تحرير أنفسنا و منابرنا من تلك الآفات فلا يحق لنا الحديث عن هموم الوطن لأنّ هموم الوطن أكبر من أن يحملها من يعجزون عن إلزام أنفسهم بشرف الكلمة و القلم

لك كل التحية والتقدير ياأخ وليد ......