السودانين في نظر المصرين

Quote: ياريت الناس تعلق بموضوعية ومن منظار مختلف ومن الزاويا البعيدة and#9675; and#9675; and#9675; and#9675; الشعب المصري النصاب مصريون : "مش فاضل الاالسودان يتكلموا على اسيادهم بس يا سودانين ياولاد ال###### سخر معلقون ومدونون مصريون على الإنترنت من الإهتمام الحكومى والشعبى السودانى بالأحداث الآخيرة فى مصر وأعتبروه تدخلاً غير مقبول فى الشأن المصرى . ففى صفحة صحيفة الاهرام اليوم المصرية الرسمية وجد بيان هيئه علماء السودان، الذى انتقد سفك الدماء المصرية بأيد مصرية ، وجد سخرية لاذعةمن القراء المصريين فتباروا فى الإستهزاء والتنكيت بالسودان وحكومته وشعبه ورئيسه وطالبوا السودانيين بالإهتمام بالدماء التى تسفك فى دارفور وبالجنوب المنقسم وعدم التطاول على "أسيادهم المصريين " . وفيما يلى ابرز تعليقات قراء الاهرام اليوم المصرية :- اللي اختشوا ماتوا مش ناقص غيركم تعملواروحكم عقلاء و كبار على المصريين ،،،، طب اتنيلوا على خيبتكم وشوفوا بلدكم اللي اتقسمت نصين واجبرتم على الاعتراف بجمهورية جنوب السودان ،وللا رئيسكم اللي مطلوب دوليا ومحبوس داخل السودان ،، حقيقي اللي إختشوا ماتوا ،،، ياريت كمان تكونوا فاهمين المثل المصري ده . شفوا نفسكم الأول شوفوا المئات اللذين يقتلون يومياً في دارفور ولا دارفور دولة جديدة عندكموخسارة فيكم الكلام. لا نريد منكم التدخل فى شئون بلادنا وخيركم سابق علىبلادكم فى اقليم دارفور احنا ان شاء الله مسلمين ونقدر تدير شئون بلادنا نشكركم على رأيكم الذى يوضح مدى حرصكم على سقوط بلادنا. بلاش السودان والنبى خليكم فى تفتيتت بلدكم قطع وفتن وعنف بصورة بشعة ولم يتعلم او يتحركالشعب السودانى ساكنا خربت بلدكم حاولوا جمع شتاتكم وبعيدن ابقى اتكلم على مصر حاجة تجنن واللهنقصاكم انتم كمان اصلها. بس يا ولاد ال###### أخبار البشير ايه ... لسه بيعرف يطير زي الناس وأخبار البشير ايه لسه هربان من محكمة العدل الدولية ولامستخبي في الخرطوم. يذكر ان كثير من الاحداث المصرية الآخيرة اوضحت بعمق الشكل النمطى للسودان والسودانيين فى الذهنية المصرية التى يمكن ان تتقبل التدخل الخليجى او اللبنانى او حتى الامريكى فى الشأن المصرى ولكنها تستنكر بشدة اى تعليق سودانى مشابه وتعتبره تطاولاً من اقوام اقل شاناً من ان يفكروا حتى فى التعليق فى الشأن المصرى .كما ساهمت المسلسلات والافلام وحتى برامج التوك شو المصرية "وليس آخرهابرنامج احمد آدم الذى أمعن فى الإستهزاء بالسودان " فى تشكيل صورة السودانى عند المصريين

حكومة الانقاذ الله لا نقذك عملتيها فينا

ربنا ياخذكم اخذ قدير مقتدر

جيب اللنك لو سمحت

Quote: شمائل النور في الوقت الذي بلغ فيه عدد القتلى ما يقرب من الــ 200 سوداني من قبيلتي المعاليا والرزيقات،وفي الوقت الذي تشردت فيه ما يقرب 40 ألف أسرة و35 حالة وفاة سودانية جراء السيول،يتظاهر أبناء السلطة الذين نصبوا أنفسهم معارضة في الفترة الأخيرة،يتظاهرون احتجاجا وبكاء على ما يسمونه الانقضاض على الشرعية في مصر رافعين صور الرئيس المصري المعزول ويزرفون الدموع الحرى،كم مستفز هو المشهد، سودانيون يصرخون ويلطمون الخدود بكاء وحسرة على قتل "إخوانهم" في مصر بينما لم تستفزهم حالة وفاة واحدة من أشقائهم وأبناء وطنهم وبني جلدتهم الذين يموتون كل يوم،نعم كل يوم،ومستفز أكثر أن ترسل الحكومة المصرية المؤقتة 4 طائرات إغاثة لمنكوبي السيول بالسودان رغم ما تمر به مصر من محن،بينما تدفع الحكومة السودانية عبر أوجهها المختلفة من حركة إسلامية وأجنحتها للاحتجاج والمطالبة بعودة مرسي دون إدراك إلى أين يسير الوضع في مصر ولصالح من،بينما تصدر الخارجية بيانها وتعتبر وتُصر وتؤكد على أن ما يجري في مصر شأن داخلي،موقف مقرف من شدة الارتجال والتوهان والكيل بعدد من المكاييل. الذين يتباكون على ذهاب الشرعية في مصر أو ما يسمونه هكذا،هم عديمي الأهلية تماماً للحديث عن الشرعية أو الديمقراطية،هؤلاء كأنهم مسحوا التاريخ عن ذاكرتهم،تناسوا أم نسوا أنهم فعلوا ذات الفعل،بل بالمقارنة كان فعلهم أشد سوء،على الأقل لم تخرج تظاهرات شعبية تطالب بالانقلاب،هذا على أقل تقدير..إن المشهد السوداني الاحتجاجي المصاحب لعملية فض اعتصامات الإخوان في مصر،يحمل وجوها عديدة لا تحمل رؤية استراتيجية للسودان في التعامل مع ما يحدث في مصر. تمعنوا،الخارجية كأنها أرادت أن تقطع الطريق أمام فوضى التصريحات والتظاهرات،أصدرت بيانا كتبت عليه بيان عاجل،دانت العنف كغيرها من الكيانات الدبلوماسية والسياسية الإقليمية والعالمية بشكل الإدانة المعتاد،وأصرت على أن ما يحدث في مصر شأن داخلي،ثم دعت الأطراف كافة للعودة للحوار..بيان أكثر من معقول،لكن حكومة السودان لم تكتف ببيان الخارجية،بل سبقته بتظاهرات أمام السفارة للاحتجاج على فض الاعتصامات والمطالبة بعودة الرئيس المعزول،وبالمقابل أصدرت الحركة الإسلامية الحاكمة في السودان بيانها التنظيمي وقفت في صف إخوانها في مصر،كل هذا التناقض يمثل وجها واحداً هو حكومة السودان،الخارجية والحركة الإسلامية الحاكمة،والمجموعات الشبابية الإسلامية،وكل هذا التوهان يعبر عن الحالة الارتجالية المسيطرة في تشكيل موقف نهائي تجاه ما يحدث في مصر،حسنا أين موقف هؤلاء مما يحدث داخل السودان،أم هم غير معنيين به نهائياً..الذي تأكد للجميع أن الإسلاميين ينتمون إلى تنظيمهم أكثر من أي شيء آخر،لماذا لا يعتبر اسلاميو السودان الذين يبكون على إخوانهم في مصر أن ما يحدث من قبل الجيش المصري هو حرب على التمرد ورفع السلاح في وجه الدولة،أليس هي ذات الحرب التي تدور في السودان الآن ويموت فيها الآلاف. == الجريده

المؤسف أن أغلب هذه التعليقات على حق يا الأمين,
أما مسألة الدونية التي يتعامل بها العقل المصري الرسمي والشعبي,
فهذا أمر حقيقي و واقعي أيضاً, إذ لا يمكنك الإستثناء هنا,
ولا التفريق بين متعلم, مثقف, ومطّلع, وبين رجل الشارع البسيط,
بائع البطاطا في الناصية, كمساري الأتوبيس في رمسيس, أو السرماطي
في باب اللوق, فكلهم يعنقدون بتبعيتنا لهم, و"أحقيتهم" فينا, وعجز وخلو
السودان من العقول التي تجيد التفكير, وبالطبع إلآ من رحم ربي بنعمة التمييز.

اللمين ديل المصريين كدى هم
ودي نظرتهم على السودانيين وعمرها مش حا تتغير
ومشكلتنا يا ابو اللمين بنموت فيهم وحبنا دا برضو مش حايتغير
عقدة ونتفرعن بس في الاحباش والافارقة وهم الاقرب لنا منهم
هل نحن شعب نعاني من عقدة المصريين ؟؟

سلام يا الامين

Quote: حكومة الانقاذ الله لا نقذك عملتيها فينا ربنا ياخذكم اخذ قدير مقتدر

صاح الانقاذ تتحمل جزء كبير من بلاوي الشعب السوداني

لكن النظرة دي بالذات قديمة جدا والناس بتتزاوغ من حسمها

وفي قصة نظرة المصريين لينا في ناس كتير بخلوا الايات المحكمة (التاريخ القديم والحديث) ويتبعوا ماتشابه منه (التجارب الشخصية)


والحاجة دي ظاهرة للعيان واحنا بس الناكرنها

وفي المقتبس الجاي جزء من رسالة السفير الامريكي الى وزير الخارجية الامريكي ايام حكومة عبود

نقلت الفقرة العندها علاقة بالبوست

Quote: وثائق امريكية عن عبود 18-3-1961 من: السفير، الخرطوم الى: وزير الخارجية بصورة عامة، يقدر السودانيون مصر، ويرونها منارة العالمين العربي والاسلامي. لكن، في الجانب الآخر، يحتقر المصريون السودانيين، وينظرون اليهم كخدم، وبوابين، وجنود (يخدمون المصالح المصرية).

وهل يختلف الامر كثيرا الان

قرات قبل فترة في منتدى مجاور مقال لمها الجويني بعنوان "دي خسارة فيه" اليك افتتاحية المقال

Quote: دي خسارة فيه مها الجويني 2013 / 5 / 29 بينما كنت أمشي مع صديق السوداني قرب شارع الألفي بوسط البلد ، في القاهرة ، صرخ شاب مصري يعمل بمحل للحقائب اليدوية غاضبا :"دي ولاهي العظيم خسارة فيك" .. ضحك صديقي السواداني وقال :"بصراحة أحييه على صراحته فيه غيرو بيشفوني معاك و ميقدروش إيقلوها"

والموضوع دا اتفتح كم مرة في كل مرة يجو الناس بنفس الحجج عدم التعميم وماتحكموا على شعب كامل بجرة قلم

وفي المقابل كل زول عندو تجربة شخصية داير يكذب بيها التاريخ القديم والحديث

الموضوع حساس والحيل النفسية بتدور في المواضيع الزي دي

صاح الموضوع تقاطعاتو كتيرة وعندها علاقة بي شخصية الانسان وثقافتو وتقديرو لي نفسو......الخ

لكن دا مابمنع انو في صورة عامة حتى لو الناس انكرتها

بتظهر مع كل كلاش يحصل لينا معاهم

وزي ماقال حسين عبد المجيد الشغلة عبارة عن ريدة من طرف واحد

نسال الله يتوب علينا منها ياخ


دمت بخير

كان من الممكن أن نفرض عليهم أن يحترمونا
ولكن مع وجود هؤلاء الذين يحكموننا
يكون الأمر ميؤوس منه ...وموعودين
معهم بمزيد من الكيل ...بمكاييل أكبر
الله يكذب الشينه ...
نسأل الله أن يجعل لنا مستقبل بلا كيزان ولا شيوعيين
ولا ناصريين ولا بعثيين ....ولا طائفيين

..

السودانين فى نظر المصرين (عبيد) فقط ولا اكثر ولا اقل وانا عشت فى مصر كثيرا

السودانيين يتفاعلون مع المشاكل في الدول العربية اكثر من مشاكلهم الداخلية فهم يتباكون للمجازر في مصر اكثر من المصريين و يهتمون بقضية اطفال فلسطين اكثر من اطفال السودان الذين يموتون بالحرب و الجوع و المرض و السيول

و في المقابل نجد معظم الدول العربية ينظرون الي السودان و السودانين بدونية

ليس المهم بالنسبة لنا ( السودانين في نظر المصرين)

لكن المهم ان يعطي السودانين الاولوية للمشاكل الداخلية و يعملوا علي بناء دولة قوية تحترم الانسان السوداني و لها علاقات ممتاز مع الدول الاسلامية و الافريقية و الدول الكبري عندها فقط سوف تتغير نظرة المصرين و كل العالم للسودانين

لان العالم يحترم الدول القوية الناجحة و لا يحترم الدول الفاشلة

لك التحية صاحب البوست و المتداخلين

الأمين جبارة ومتداخليه الاكارم

تحية وتقدير ,,,,

Quote: ليس المهم بالنسبة لنا ( السودانين في نظر المصرين)

والله ده الزيت ....... وحدة من أكبر عقّدنا كسودانيين الاهتمام المبالغ برأى الأخر فينا
لو شعوب مدحتنا أقل مديح بنحتفي بكلامهم ولو شعوب عندها فينا رأى سلبي بنهتم بكلامهم وبزعلنا
مع أنو الفيصل في الحته دي رأى الناس في نفسهم قبل رأى غيرهم .........

***
رأى الأخر البستعلى عليك من جهل بيك وعدم معرفة ..............أبداً ما مهم ولا يخليك تدي إهتمام حقيقي
ده ما نفي أنوا السلبيات في الناس والبلد كتيرة بس بعالجوها عشان نفسهم ما عشان أى أخر أو نظرتوا ( - / + )

وده ما بمنع أنو بعضنا بمارس نفس السلوك ده تجاه غيرهم وبرضوا.............. من إستعلاء بجهل
أقرب مثل في ذهني تعليقات على طائرة الإغاثة الإثيوبية الثلاثاء الفات ... ما حقول واقع الإثيوبيين شنو
لكين طائرتهم الجابت الإغاثة دي من خطوط جوية فيها كم وتسعين طائرة من ركاب لكارجو ........
يعني واقع حالهم في حتات أفضل بكتير .........مع كده كان في كمية من المؤسفين بعلقوا على الحدث ده بكلام
متعالي وجهل غريب بالجيران ...........



أكيد من الناس الماعندي أي اهتمام بمصر عشان كده ما عندي أى أهتمام برأى المصريين فينا
بس المتاكد منو ماظن أصحاب الآراء السلبية ديل كلهم عندهم أساساً أى معرفة حقيقية ببلد أسمو السودان ...........
لكين أكيد البحيرني شديد إهتمامنا برأى المصريين فينا!!!!!!!
رائهم لو + زايدنا شنو ولو – منقص مننا شنو !!!!! ولا حاجة




* طبعا مع أكيد احترامي لكمية مقدرة مننا ليهم إهتمامهم بمصر وثقافته وفنها وسياسته ........
ممكن ديل الكل ما سمعوا رأى مصري سلبي حزّت في نفسهم الحته دي ........... بحسوها مشكلة عامه
لكين في الحقيقة في المننا المصر دي ولا معتبرنها أساسا موجودة .........



-----------

تحياتي

Quote: * طبعا مع أكيد احترامي لكمية مقدرة مننا ليهم إهتمامهم بمصر وثقافته وفنها وسياسته ........ ممكن ديل الكل ما سمعوا رأى مصري سلبي حزّت في نفسهم الحته دي ........... بحسوها مشكلة عامه لكين في الحقيقة في المننا المصر دي ولا معتبرنها أساسا موجودة .........

سلام ياعبد الناصر

انا واحد من الناس الحازي في نفسي ما الراي السلبي في النهاية راي المصريين مابشكل

عندي اي اهمية واعتقد اي زول عاش في غربة فهم الحقيقة دي كويس

الحازي في نفسي رغم الراي السلبي البنسمعو في كل مرة برضو البورد

تلاته ارباع البوستات المفتوحة كلها عن مصر اي الانسانية واحدة والمبادئ واحدة وعمرها ماحاتتجزا

لكن ماممكن الناس تكون بتموت على مرمى حجر من الواحد وفي نفس الوكت مهتم لي بقضايا مصر

اكتر من اهلو دي مشكلة حقيقة

وخيركم خيركم لاهله والاقربون اولى بالمعروف ولا شنو


دمت بخير

مجدى محمد عبد الله

مساء الخير ,,,,

اها في مسألة الاهتمام ما حتقدر تلوم الناس على ترتيب أولوياته على قضايا معينة حتى لو حتكون في الواقع
بتهمهم وبتمسهم بصورة مباشرة أكتر من القضية محل إهتمامهم

Quote: لكن ماممكن الناس تكون بتموت على مرمى حجر من الواحد وفي نفس الوكت مهتم لي بقضايا مصر اكتر من اهلو دي مشكلة حقيقة وخيركم خيركم لاهله والاقربون اولى بالمعروف ولا شنو

كل القصد من مداخلتي الفوق دي أنو مرات الواحد بخت في بالوا أن القضية محل إهتماموا هي محل إهتمام عام
وده ممكن يكون ما حاصل ......... يمكن الواحد يتصور أنو نظرة الاخوه المصريين لينا مؤثرة في الكل ..........
وانا بقول أنها محل تأثير فقط للعندهم أساسا إهتمام بمصر دون أخرين ما عندهم أى إهتمام بمصر......


معاك أنو عندنا قضايا داخلية حاصلة في السودان أولي بإهتمام كل سوداني دون أى قضايا تانية
لكين الإختّلال في ترتيب الأولويات حاصل ........ مع أنك ما ممكن تفرض إهتمام الناس بقضية معينة
لو ما عندهم رغبة في شي زي ده أساساً




---------------------
تحياتي

سلام ياعبد الناصر

Quote: معاك أنو عندنا قضايا داخلية حاصلة في السودان أولي بإهتمام كل سوداني دون أى قضايا تانية لكين الإختّلال في ترتيب الأولويات حاصل ........ مع أنك ما ممكن تفرض إهتمام الناس بقضية معينة لو ما عندهم رغبة في شي زي ده أساساً

معاك في الاولى وما معاك في التانية

القصة مافرض اهتمام الناس بقضية غصبا عنهم

ولاوصاية

ومادام انت معاي في انو في قضايا داخلية اهم

ياريت تكون معاي انو قصة عدم ترتيب الاولويات دي نتيجة لخلل ما

ولو كمان مافي علاقة بين اهمية الموضوع وترتيبه في سلم الاولوية

دي تكون حاجة جديدة واكون غلطان في تصوري للمسالة كلها





دمت بخير

مجدى محمد عبد الله
تحية وتقدير ,,,

Quote: القصة مافرض اهتمام الناس بقضية غصبا عنهم ولاوصاية ومادام انت معاي في انو في قضايا داخلية اهم ياريت تكون معاي انو قصة عدم ترتيب الاولويات دي نتيجة لخلل ما ولو كمان مافي علاقة بين اهمية الموضوع وترتيبه في سلم الاولوية دي تكون حاجة جديدة واكون غلطان في تصوري للمسالة كلها

ممكن يكون خاني التعبير في حته فرض الاهتمام قول لفت النظر أو توجيه العناية والاهتمام
لقضية معينة بتهم الناس .....ومفروض تنال اهتمامهم .. يعني قضية الرأى العام البتساوي الكل
في الاهتمام بيها ..... أكيد متفق معاك في أنو في إختلال في ترتيب الأولويات .... من حيث
اهتمام الناس وإجماعهم على قضايا بتهمهم أكتر من قضايا ممكن ما تكون ليها أهمية مباشرة عليهم

للأسف عندنا كسودانيين _ في غالبنا الأعم _ مافي علاقة بأهمية الحدث وترتيبوا في سلم الأولويات
قريت في النت عن أشهر قضايا الراى العالم وكان قضية حرب فيتنام نهاية الستينات من القرن الفات
واهتمام الشعب الأمريكي بيها والجماعات المناهضة للحرب وتنظيم المظاهرات والوقفات الاحتجاجية
وأثره في خلق تيارات شبابية جديدة ......كقضية لمت الناس ديل بمختلف توجهاتهم وأعراقهم .....

عندنا في السودان كوارث طبيعية وكوارث بشرية حرب الحكومة ومعارضيها الاقتتال القبلي , دارفور ..,
المشكلة الاقتصادية يعني لو عينته للقضايا الحاصلة في السودان حتلقي اهتمام الناس بقضايا من بره السودان مفروض يجي في
ترتيب متأخر جدا عن قضايا حاصلة في السودان وبتهم الناس بصورة مباشرة ...
ومع كده بتلقي اهتمام متواضع وترتيب متأخر في سلم الأولويات من إهتمام الناس

ما بقول ليك غلطان في تصورك لكين في الإختلال البخلي حته الاهتمام دي تقل عن
القضايا المحتاجة الناس تهتم بيها بصورة حقيقية والقضايا البتكون محّل اهتمام وفي نفس
الوقت ممكن تكون غير مهمه أو مؤثرة علي حياة الناس في السودان


وهي فعلا حاجة جديدة لانو أي ناس بهتموا بالقضايا البتهمهم وبركزوا عليها .......
-----------
تحياتي