Post: #1 Title: قرار خطير جداً Author: فتح الرحمن حمودي Date: 08-16-2013, 01:11 PM
قررت انا الموقع ادناه ان اقول ليكم
العفو والعافية
قيقا حاوي
صراحة جرابي فضا من حيل مع منبركم دا ؤ حماري ذاتو غِلب!!
Post: #2 Title: Re: قرار خطير جداً Author: فتح الرحمن حمودي Date: 08-16-2013, 01:23 PM Parent: #1
قلة الادب مااااا بتشكروبا!!
كتبت لي مداخلة كلها شخصنة وانتصار للذات الزايلة دي تااااني دورتها في عقل بالي .. لزومو شنو بس!
--------
ذاتو انا داير اكمل تعليمي .. وهذا بمثابة رفض عدييييييل كدا لطلب اليد ... للكتابة
(غريبة تشابه الثيمات دي!)
Post: #3 Title: Re: قرار خطير جداً Author: وضاحة Date: 08-16-2013, 01:27 PM Parent: #2
مع انوا انا ما من شلتك لكن بقول ليك ماشى وين مفارق
---------------------
سهيل النبي فيك ما تمشى
Post: #4 Title: Re: قرار خطير جداً Author: فتح الرحمن حمودي Date: 08-16-2013, 01:35 PM Parent: #3
كتاحة يا ظلام المغارب
Quote: سهيل النبي فيك ما تمشى
سهيل دا منو كمان!؟
--------
شكرن على مرورك (العاصف) يا كتاحة
اما وانك عااارفة انك ما من ناسي .. راجية شنو طيب!؟ ما تنتحري ساي .. انا افهم زول هنا .. والباقين شايفم بعر سااااي!!
Post: #5 Title: Re: قرار خطير جداً Author: محمد كابيلا Date: 08-16-2013, 01:43 PM Parent: #4
Quote: كتاحة يا ظلام المغارب
أعلاه تحريف لذيذ للإسم الأصلى
للزميلة هههههههههه
----------- أتداخل معك أحيانا ولكننى أتابعكـ بشكل مستمر
لذلك أرجو أن تعدل من ذلك القرار الخطير !!
Post: #7 Title: Re: قرار خطير جداً Author: فتح الرحمن حمودي Date: 08-16-2013, 02:03 PM Parent: #5
كابيلا يا حبيب
وقع ليك كلامي عن (كتاحة)!؟ اها سجمت حجر البوست. .... فنياً عملت شنو ما عارف
---------
يا كتاحة (البعر) عند اهلك العالياب، نوع من البليلة كديي ارخيهو اسي
هببتي شنو في البوست دا فتلتيهو؟
Post: #6 Title: Re: قرار خطير جداً Author: وضاحة Date: 08-16-2013, 01:49 PM Parent: #4
قيقا
طبعا دا حقتى اول من اطلق عليك الاسم
انا مرات بقرى ليك لكن ما بفهم بتكتب شنو مع انوا انت قلت اكتر زول فاهم
اها بعر دى معنها شنو ما فهمتها
Post: #8 Title: Re: قرار خطير جداً Author: فتح الرحمن حمودي Date: 08-16-2013, 02:20 PM Parent: #6
Quote:
انا مرات بقرى ليك لكن ما بفهم بتكتب نو مع انوا انت قلت اكتر زول فاهم
آي انا قلت انا دا افهم زول .. ما قلت انت الافهم هو نوعك دا لو بفهم بكتب [مرات] .. كان بتقري طوالي كان مستوى فهمك اتحسن!
-------
وكت انتي دي ما فاهمة بعر يعني شنو .. معناتو ا نا اتحسست ساي من مداخلتي الاب. يت اشوتا ديك!
اذكر انو ورد فيها مثل ساير في ضهارينا ديك في ذم (الهبالة) الجماعية ..يقولوا ليك:
"ديل الفاااالح فيهم يعرض بالقلوط“!!
و(الفالح) بمعنى (النجيض) او نحوها
Post: #9 Title: Re: قرار خطير جداً Author: أيمن محمود Date: 08-16-2013, 02:29 PM Parent: #8
لو مُصر شديد ... بلغ سلامنا لى بشاشة
- انا شخصيا بأعتبرك من ناسي حمودي كنت ام قيقراوي وجودك في المنبر ما بطال
Post: #10 Title: Re: قرار خطير جداً Author: osama fadlalla Date: 08-16-2013, 02:36 PM Parent: #9
في يقظتي يقفز حولي الرعبْ… في غفوتي يصحو بقلبي الرعبْ… يحيط بي في منزلي يرصدني في عملي يتبعني في الدربْ… ففي بلاد العرب كلّ خيالٍ بدعةٌ و كل فكرٍ جنحةٌ و كل صوت ذنبْ… هربت للصحراء من مدينتي و في الفضاء الرحبْ… صرخت ملء القلبْ… إلطف بنا يا ربنا من عملاء الغربْ… إلطف بنا يا ربْ… سكتُّ… فارتد الصدى: خسأت يا ابن ال######ْ
احمد مطر -------------------------------------------------
ياقيقا ياخي ... بطل هزار وبطل ... برضو .. تاخد الامور جد ..
Post: #11 Title: Re: قرار خطير جداً Author: abubakr salih Date: 08-16-2013, 02:53 PM Parent: #10
و الله فعلا قرار خطير، تفارق وين يا قيقا. انتا قايل على كيفيك؟ ما عندك طريقة تبقى مارق من هنا، ابقي متحرك لقدام و لقدام.
Post: #16 Title: Re: قرار خطير جداً Author: فتح الرحمن حمودي Date: 08-16-2013, 04:19 PM Parent: #11
Quote:
ابقي متحرك لقدام و لقدام.
تقدمي اكتر من كدا يا زميل!؟
Post: #14 Title: Re: قرار خطير جداً Author: فتح الرحمن حمودي Date: 08-16-2013, 04:01 PM Parent: #10
Quote:
ياقيقا ياخي ... بطل هزار وبطل ... برضو .. تاخد الامور جد ..
يا اسامة ابقوا علي واحدي .. يا فير يا لفلي ..
نبطل .. ام ما نبطل؟
Post: #12 Title: Re: قرار خطير جداً Author: فتح الرحمن حمودي Date: 08-16-2013, 03:00 PM Parent: #9
Quote:
بشاشة
واحد من اسباب (الغرار) دا انو بشاشا ما رجع لي اسي
-----
ياخي ما تحنسوا .. خلونا نكسح
Post: #13 Title: Re: قرار خطير جداً Author: Hani Arabi Mohamed Date: 08-16-2013, 03:20 PM Parent: #12
الله معاك شديد ، ما تنسى تقفل النور وتطفي الأنوار .
انتو ما تمشوا بهدوء في داعي تعملوا جوطة ؟
هههه
Post: #15 Title: Re: قرار خطير جداً Author: aosman Date: 08-16-2013, 04:14 PM Parent: #13
يا سايق البوباي ... الإشارة جاي ولا جاي؟!!!.....
Post: #18 Title: Re: قرار خطير جداً Author: فتح الرحمن حمودي Date: 08-16-2013, 07:24 PM Parent: #15
Post: #21 Title: Re: قرار خطير جداً Author: محمد البشرى الخضر Date: 08-16-2013, 08:40 PM Parent: #20
قيقرا ازي الحال انت قلت العفو و العافية ودي لا تعني بالضرورة انك ماشي, ممكن الواحد يعافي الناس و يكون قاعد وسطهم, المافي شنو ياقولك فا اسّي انت ماشي ولا بتعافينا ساي :) عشان كل واحد عندها (اسطمبة) ردود معينة
Post: #22 Title: Re: قرار خطير جداً Author: HAIDER ALZAIN Date: 08-16-2013, 09:28 PM Parent: #21
اعتذارنا في الاول ..تاني ان شاء الله تتخلل ..
ـــــــــــــــــــــــــــــــــــــــ..
Quote: ياخي ما تحنسوا .. خلونا نكسح
من خصم بالرسول ماخلي شئ دحين يا ناس ادو الزول راحتو..
Post: #23 Title: Re: قرار خطير جداً Author: سامى عبد المطلب Date: 08-16-2013, 09:32 PM Parent: #21
يا زول على بركه الله
ما تكمل لفادى ده كوته مارك بتحت كفايه كوته بكرى البى فوق ..... اصلك ما بتخلى شهوه الورجغه دى ...!
Post: #24 Title: Re: قرار خطير جداً Author: علاء الدين حيموره Date: 08-16-2013, 09:36 PM Parent: #21
في اربعة شهور بس عملت اكثر من الف مشاركة ...
يفتحها عليك الرحمن ...
خلي بالك من نفسك وفي امان الله ________________
حاشية : مافي اي خطورة في القرار دا
Post: #25 Title: Re: قرار خطير جداً Author: سفيان بشير نابرى Date: 08-16-2013, 11:52 PM Parent: #24
يا اخونا عنوانك غلط منو القال ليك قرارك دا خطير !؟
ثم زي ما قال حبيبنا الفووق الاسمو حيدر ادينا اعتذارنا اول شئ و كل العفو بنبزلو ليك بعد داك.
-------------------- صراحة كدا الثقة عندك بس قصة ( اللبن بالبدل) للحول ما بعتقك منها
Post: #26 Title: Re: قرار خطير جداً Author: أمير محي الدين محمد Date: 08-17-2013, 07:49 AM Parent: #25
Quote: كتبت لي مداخلة كلها شخصنة وانتصار للذات الزايلة دي تااااني دورتها في عقل بالي .. لزومو شنو بس!
ماياها الغيرة ذاتها و..المداخلات الزي دي النحن قاعدين مفرجخين ومنتظرّنها وحاميانا برضك نكمّل تعليمنا و..آآآمال آييييه... كدي كبّها لينا هنا ...وبعدها نشوف التجربة الخطيرة جد وح تجتازها دي في الفورسيزون. ــــ ياسامي يا برلوم يا شامي الشاميهو إنت ...لسه بدري على ...يازول على بركة الله ..قيقا قال ليك ماشي يرمي صاجات تقيلة في اللوري ولا القطر ولا هو دفار ماعارف الماشي نواحي الديمقراطية..ولاّ ياربي هو ح يمسكوهو الفرملة على طول هناك؟ ياحبيبنا حمودي بالكسرة لو مشيت بهناك أوصيك بأن تبعد عن أحاجي اللاهوت فقط : دعّ القيّادة لهم وتمتّع بالرحلة....:) ــــ يا أم مؤيد ياجداد الوادي ياراحل نحن ياااادابك طالعين من جرعة مفرطة من أغاني وأغاني ألم يأتيك نبأ وقول المغني...مسكينة المحبّة بتمشي لناس ما بتقدّر....وهكذا ...:)
Post: #27 Title: Re: قرار خطير جداً Author: بله محمد الفاضل Date: 08-17-2013, 08:06 AM Parent: #26
وطيب
Post: #28 Title: Re: قرار خطير جداً Author: ahmedona Date: 08-17-2013, 08:17 AM Parent: #27
Post: #29 Title: Re: قرار خطير جداً Author: ahmedona Date: 08-17-2013, 08:18 AM Parent: #28
عن العباس بن عبد المطلب قال : قلت يا رسول الله علمني شيئا أسأله الله , قال : ( سل الله العافية) فمكثت أياما ثم جئت فقلت : يا رسول الله علمني شيئا أسأله الله , فقال لي : ( يا عباس , يا عم رسول الله , سل الله العافية في الدنيا والآخرة )
يقول ابن الجوزي : "السعيد من ذل لله وسأل العافية , فإنه لا يوهب العافية على الإطلاق , إذ لابد من بلاء , ولا يزال العاقل يسأل العافية ليتغلب على جمهور أحواله , فيقرب الصبر على يسير البلاء , وفي الجملة ينبغي للإنسان أن يعلم أنه لا سبيل لمحبوباته خالصة , ففي كل جرعة غصص وفي كل لقمة شجأ , وعلى الحقيقة ما الصبر إلا على الأقدار , وقل أن تجري الأقدار إلا على خلاف مراد النفس , فالعاقل من دارى نفسه في الصبر بوعد الأجر , وتسهيل الأمر , ليذهب زمان البلاء سالما من شكوى , ثم يستغيث بالله تعالى سائلا العافية , فأما المتجلد فما عرف الله قط , نعوذ بالله من الجهل به , ونسأله عرفانه إنه كريم مجيب"
Post: #30 Title: Re: قرار خطير جداً Author: قاسم المهداوى Date: 08-17-2013, 08:39 AM Parent: #27
يا ــــــــــ اولا عيدية ـ والقابلة تتحقق الامانى \ اصلا ناس القيقر فى المنبر 3 يعنى عايز تخلى المسالة هلال مريخ دحين خلينا ننجز المشروع ونتخارج كلنا على موطن الميلاد سويا ولا كـــــــــــــيف ؟؟؟
ــــــــــــــ خارج النص :ــــ قلنا ما ممكن تسافر ( تشتت )
قاسم المهداوى
Post: #31 Title: Re: قرار خطير جداً Author: Abutalib Elgorashi Date: 08-17-2013, 03:18 PM Parent: #30
عليك يسهل وعلينا يمهّل
بس لما تتذكر ليمون ادارية تعال كبوا لينا هنا
Post: #32 Title: Re: قرار خطير جداً Author: البشير دفع الله Date: 08-17-2013, 03:59 PM Parent: #31
Quote: العفو والعافية
ولك وللجميع أقول لله والرسول
باعتبار انو الدنيا عيد وكدا
Post: #33 Title: Re: قرار خطير جداً Author: Abutalib Elgorashi Date: 08-17-2013, 04:09 PM Parent: #30
عليك يسهل وعلينا يمهّل
بس لما تتذكر ليمون ادارية تعال كبوا لينا هنا
Post: #34 Title: Re: قرار خطير جداً Author: فتح الرحمن حمودي Date: 08-17-2013, 09:54 PM Parent: #33
احمدونا ان شاء الله في ميزان حسناتك .. جبتها من الاخر
ام مؤيد والله انا ما عارف بكري حاقر بيك كدا ليه!؟ :) ما ياهو دا بتفهمي كويييييس المافي شنو!؟
يا امير الظلام، الشغلة فيه سب دين عدييييل كدي (ما تكلموا مولانا احمدونا دا :) )
ابو طالب يا قرشي يا اصلي، يا حبيب .. قلنا نخف الحمولة عليكم .. عقابل تخفيف باقي الحمولات ... خصوصاً القالا الخاتم عدلان :)
البشير دفع الله والله عفوك دا بالدنيا .. ولك مثله .. ويزيد
--------
سوفي ناب .. كدي خليك من اللبن الابيت ليكم بيو ... ورد في الكتاب الابيض* نص صريح .. قطعي الدلالة فيما دار محور سؤالكم عنه (الاعتذار) يقرأ هكذا:
"الاعتذار برا سبب، [سحسحة] ؤ قلة ادب“
رواه قيقاراعي فيلد مارشال .. قائد قوات حلف شمال الضهرة (نيدو) بالبورد
* صراحة من شدة بياضو -كأبيض ما يكون- خفنا نلوثو بسواد الحبر ... فخليناو فاااااضي كفؤاد ام موسى .. وقاعدين ننجر النصوص حسب الحوجة .. نجر اخدااااار المافي شنو!؟
Post: #35 Title: Re: قرار خطير جداً Author: فتح الرحمن حمودي Date: 08-17-2013, 10:06 PM Parent: #30
