Post: #1
Title: قَالتْ أنا إسمي إخلاص .. قُلنا إنشالله شايله إسمك !!
Author: يحي قباني
Date: 08-16-2013, 04:12 AM
قالت انا إسمي إخلاص ..
قلنا انشالله شايله اسمك !!
قالت يا سلام عليك يعني بس معقول ؟
لو انت ما عارف ... يكون العارف منو ؟
قلت ليها و الله عارف ... بس ما حاسي ...
قالت ... كيف يعنى ؟
قلت ليها كبارنا قالو البزيد عن حدو بينقلب شنو؟
قالت لا لا ... لا ضدو و لا غيرو
قلت ليها و الله يا إخلاص كان كده
انتي عملة نادرة في الزمن ده...
معقول في إخلاصبالشكل ده ؟
قالت لي ده كان بدلعني
و كان بأكلني اللقمة في خشمي !!!
قلت معقول في حب بالشكل ده ؟
________________________
يتبـــــع ...
|
Post: #2
Title: Re: قَالتْ أنا إسمي إخلاص .. قُلنا إنشالله شايله إسمك !!
Author: يحي قباني
Date: 08-16-2013, 04:24 AM
Parent: #1
طيب يا إخلاص .. مالي زي الشاعر انك زايده القصة تومتين و قرطاس شمار!!
قالت لا لا .. ده الحبيب .. وده القريب ..
انت كانو بغنوا ليك ؟؟
قلت لا و الله ..
قالت انا كانو بصحوني نص الليل ويغنو لي ...
قلت لكن انا برضو احساسي بيقول غير كده ...
و انتي كانك بتكتبي قصة الحب المثالية ...
و انا الشليق ده العارفو ما شبه الكلام ده يا إخلاص ؟
قالت ... لا لا .. انت نسيت ولا شنو ؟؟؟
انا نسيت !!!
هو انا غير ذاكرتي دي عندي حاجة تاني ؟؟؟
_________________________________________
يتبـــــــــــــــــع
|
Post: #3
Title: Re: قَالتْ أنا إسمي إخلاص .. قُلنا إنشالله شايله إسمك !!
Author: يحي قباني
Date: 08-16-2013, 04:37 AM
Parent: #2
قالت لي لا لا ... شكلك نسيت ..
وانا حأكتب عن حبيبي عشان أذكرك ...
قلت و حتقولي شنو عن حبيبك يا إخلاص ...
اوعي تقولي لي تاني برضي حأقولكم
و تجي تقولي لي كان بيغنى عن هوانا
و بيفرح كل الحزاني !!!
لانو الانا عارفو كلو حزن في حزن
اها الفرح ده كان بيناتكم الساعة كم بالضبط ؟
و في ياتو يوم ؟؟
و ياتو سنة ؟؟
__________________________
يتبـــــــــــــــــــــــــــــــــــــــــــع
|
Post: #4
Title: Re: قَالتْ أنا إسمي إخلاص .. قُلنا إنشالله شايله إسمك !!
Author: دينا خالد
Date: 08-16-2013, 04:59 AM
Parent: #3
وييل كوم باك يحيى !
سلامات وسعيدين بالطله ...
وربنا يجبر الكسر ..
|
Post: #5
Title: Re: قَالتْ أنا إسمي إخلاص .. قُلنا إنشالله شايله إسمك !!
Author: يحي قباني
Date: 08-16-2013, 05:08 AM
Parent: #4
Quote: وييل كوم باك يحيى !
سلامات وسعيدين بالطله ...
وربنا يجبر الكسر .. |
الله يبارك فيك يا دينا ...
الحمد لله من قبل و من بعد ...
و ده يا ستي الكسر الما بنجبر اصلو ...
الله يهون علينا بس ... و يسترنا من بعد دعواتها الكانت حارسانا ...
|
|