Post: #1
Title: اعفاء متضررى السيول والفيضانات من رسوم اعادة التعمير بالخرطوم
Author: بدر الدين اسحاق احمد
Date: 08-13-2013, 10:05 PM
Parent: #0
الاخ والى ولاية الخرطوم
فرصة جديدة للانحياز الى مواطنى ولاية الخرطوم والوقوف معهم فى محنتهم .. تعلمون ان مبادرتكم ومسعاكم لانشاء صندوق دعم المتضررين جاء فى وقت اشد ما يكون انسان الولاية المتضرر من السيول والفيضانان فى انتظاره ونعضد دعواكم ومسعاكم الى هذا الباب من ابواب الانحياز الى اهلنا من مواطنى ولاية الخرطوم ..
تعلمون الاجراءات الادارية والرسوم والوثائق المطلوبة لاعادة بناء البيوت وترميمها من رسوم مستحقة لصالح حكومة ولاية الخرطوم ممثلة فى الضرائب والمحليات والشئون الهندسية بيصبح لزاماً على حكومة ولاية الخرطوم اعفاء اى مواطن تضرر من السيول والفيضانات منها تماماً دعماً وعوناً له وتتمثل فى التالي :
1/ شهادة البحث لاغراض البناء
2/ شهادة البحث للمستفيد الحالى
3/ خريطة ( رسم هندسي ) معتمدة من المجلس الهندسي
4/ تصريح بناء من المحلية
5/ الاعفاء من المواصفات للدرجات السكنية ( اولى / ثانية / ثالثة ) .
6/ اعادة توصيل الكهرباء وتركيب الاعمدة والعدادات
6/ الاعتماد على شهادة من اللجنة الشعبية بالحي على تضرر منزل المواطن
7م الاعفاء من رسوم العوائد للاعوام السابقة والعام الحالى والعام القادم
8/ على ان يشمل الاعفاء كل الرسوم والدمغات والعوائد والضرائب بمختلف انواعها
املين ان يكون فى ذلك مساهمة لجبر ضرر هولاء المواطنين
المواطن بدر الدين اسحاق احمد
شمبات ـ محلية بحرى
|
Post: #2
Title: Re: اعفاء متضررى السيول والفيضانات من رسوم اعادة التعمير بالخرطوم
Author: بدر الدين اسحاق احمد
Date: 08-13-2013, 10:44 PM
Parent: #1
8/ على ان يشمل الاعفاء كل الرسوم والدمغات والعوائد والضرائب بمختلف انواعها
+
اى رسوم مفروضة من اى جهة حكومية اتحادية او ولائية ذات صلة بمشروع اعادة اعمار المنازل المتضررة من السيول والفيضانات
+
اعفاء الرسوم المتبقية من خدمات توصيل الكهرباء
+
الرسوم المتبقية من خدمات توصيل المياه
+
من هنا يمكن ان تقول الاخ والى ولاية الخرطوم انك مع مواطنى ولايتك
|
Post: #4
Title: Re: اعفاء متضررى السيول والفيضانات من رسوم اعادة التعمير بالخرطوم
Author: منتصر عبد الباسط
Date: 08-13-2013, 10:46 PM
Parent: #2
إعفاء بس ما في تعويض؟!
|
Post: #5
Title: Re: اعفاء متضررى السيول والفيضانات من رسوم اعادة التعمير بالخرطوم
Author: سامى عبد المطلب
Date: 08-13-2013, 10:55 PM
Parent: #2
شيخ بدر الدين ما عصرت على ناسك ديل حبه ....!
|
Post: #3
Title: Re: اعفاء متضررى السيول والفيضانات من رسوم اعادة التعمير بالخرطوم
Author: بدر الدين اسحاق احمد
Date: 08-13-2013, 10:46 PM
Parent: #1
صندوق اعادة اعمار المناطق المتضررة
خطوة الالف ميل تبدأ من هنا ..
10 مليار ..
(( أعلن والي الخرطوم ان الصندوق الذي أنشأته الولاية لهذا الغرض سيبدأ مهمته بحصر المنازل التي تضررت كلياً أوجزئياً بالتعاون مع القيادات المحلية وان الأولوية في أعمال الصندوق ستكون لإعادة تأهيل المرافق العامة كالمدارس والمراكز الصحية والمساجد ومن ثم تبدأ عمليات التعويض العيني للمواطنين بتوفير مواد بناء للمنازل التي تهدمت بفعل السيول معلناً ان الولاية وضعت مبلغ (10) مليار في الصندوق وهو مفتوح لمساهمة الخيرين وغيرهم ))
فلتبدأ الحكومة خطوتها نحو اعادة اعمار المنازل
ثم المراكز الصحية
ثم المدارس
|
Post: #6
Title: Re: اعفاء متضررى السيول والفيضانات من رسوم اعادة التعمير بالخرطوم
Author: محمد إبراهيم علي
Date: 08-13-2013, 11:04 PM
Parent: #3
كدي قبل ما نمشي لقدام الحاجات دي بدفعو ليها رسوم في الحالات العادية ؟
/ شهادة البحث لاغراض البناء (دي بدعة جديدة شهادة البحث هي شهادة البحث ناسكم ديل قسموها عشان ياكلو قروش من المواطن بس )
2/ شهادة البحث للمستفيد الحالى (دي بصراحة ما فهمتها ) ؟؟؟؟
3/ خريطة ( رسم هندسي ) معتمدة من المجلس الهندسي (هسي البيوت الاوضتين وصالة ديل لازم خريطة وكمان معتمدة من المجلس الهندسي )
4/ تصريح بناء من المحلية (تقرأ مع رقم 1 ) تمشي الاراضي تدفع عشان تطلع شهادة بحث بغرض البناء وتجي شايلها للمحلية وتدفع عشان يدوك تصريح بناء
كلام غريب وتحايل وغش للمواطن بتغيير المسميات لتكبر كروش ناس التمكين ديل بس
بعدين عنوانك مضلل من يقرأه يعتقد ان هناك قرارا صدر وليست مناشدة للوالي من الموطن بدرالدين الساكن بمحلية بحري
|
Post: #7
Title: Re: اعفاء متضررى السيول والفيضانات من رسوم اعادة التعمير بالخرطوم
Author: بدر الدين اسحاق احمد
Date: 08-13-2013, 11:13 PM
Parent: #3
| Quote: إعفاء بس ما في تعويض؟! |
صندوق اعادة اعمار المناطق المتضررة
البداية بمبلغ 10 مليار
اما قيمة هذه الاعفاءات فى حساب المنزل الواحد ( 30009 ) الف جنيه X عدد ( 30 ) الف منزل = 90000000 جنيه
ودا تقدير اولى غير إحصائي لعدد المنازل
اها نقول بسم الله
|
Post: #8
Title: Re: اعفاء متضررى السيول والفيضانات من رسوم اعادة التعمير بالخرطوم
Author: وضاحة
Date: 08-13-2013, 11:21 PM
Parent: #7
بارك الله فيه وكتر خيروا وان شاء الله يوم شكروا ما يجى
|
Post: #9
Title: Re: اعفاء متضررى السيول والفيضانات من رسوم اعادة التعمير بالخرطوم
Author: بدر الدين اسحاق احمد
Date: 08-13-2013, 11:38 PM
Parent: #8
| Quote: ما عصرت على ناسك ديل حبه ....! |
ما طوالى هم عاصرين على الناس
الناس مفجخة يا سامى الله يكون فى عونهم
|
Post: #10
Title: Re: اعفاء متضررى السيول والفيضانات من رسوم اعادة التعمير بالخرطوم
Author: بدر الدين اسحاق احمد
Date: 08-13-2013, 11:40 PM
Parent: #8
لو قلنا حاجة بنبقى فى حقو وحقو الناس تبقى كبار وتحترم نفسها وشنو كدا ما عارف( ولا شنو يا ما معروف راجل ولا إمراة )
|
Post: #11
Title: Re: اعفاء متضررى السيول والفيضانات من رسوم اعادة التعمير بالخرطوم
Author: خضر الطيب
Date: 08-13-2013, 11:42 PM
Parent: #8
لا يا شيخ ؟؟
|
Post: #12
Title: اعفاء متضررى السيول والفيضانات من رسوم اعادة التعمير بالخرطوم
Author: بدر الدين اسحاق احمد
Date: 08-13-2013, 11:53 PM
Parent: #11
الاخ والى ولاية الخرطوم
فرصة جديدة للانحياز الى مواطنى ولاية الخرطوم والوقوف معهم فى محنتهم .. تعلمون ان مبادرتكم ومسعاكم لانشاء صندوق دعم المتضررين جاء فى وقت اشد ما يكون انسان الولاية المتضرر من السيول والفيضانان فى انتظاره ونعضد دعواكم ومسعاكم الى هذا الباب من ابواب الانحياز الى اهلنا من مواطنى ولاية الخرطوم ..
تعلمون الاجراءات الادارية والرسوم والوثائق المطلوبة لاعادة بناء البيوت وترميمها من رسوم مستحقة لصالح حكومة ولاية الخرطوم ممثلة فى الضرائب والمحليات والشئون الهندسية بيصبح لزاماً على حكومة ولاية الخرطوم اعفاء اى مواطن تضرر من السيول والفيضانات منها تماماً دعماً وعوناً له وتتمثل فى التالي :
===============
يا ربى الكلام دا يمكن تسميته شنو ..
الكلام انشاء وخبر
|
Post: #13
Title: Re: اعفاء متضررى السيول والفيضانات من رسوم اعادة التعمير بالخرطوم
Author: Ali Abdalla Hassan
Date: 08-13-2013, 11:55 PM
Parent: #12
? SO
|
Post: #14
Title: Re: اعفاء متضررى السيول والفيضانات من رسوم اعادة التعمير بالخرطوم
Author: عطا المنان احمد
Date: 08-14-2013, 00:21 AM
Parent: #13
كإنهم بقول للمتضررين
يعني لو ربنا قدركم وجيتوا تبنوا بيوتكم تاني .. نحنا حقنا ما بنشيلوا منكم..؟؟
حيكومات دمها بااااارد .. (( أخخخخ .. تففففف )))
|
Post: #15
Title: عطا المنان احمد صعلوك جديد وارد من احدى كوش المعارضة
Author: بدر الدين اسحاق احمد
Date: 08-14-2013, 00:30 AM
Parent: #14
عطا المنان احمد
حمداً لله على السلامة متين جيت من البلد يا زول
Quote:
مجموع المشاركات: 64
.. (( أخخخخ .. تففففف )) ) |
ثم الاهم براحة بتكمل تفافك ( لان تفافك دا ما بيقلب معاون ادارى مشرف على لجنة شعبية فى احد احياء ولاية الخرطوم البالغ عددها 1278 حى
ـــــــــــــــ
|
Post: #16
Title: Re: عطا المنان احمد صعلوك جديد وارد من احدى كوش المعارضة
Author: عطا المنان احمد
Date: 08-14-2013, 01:03 AM
Parent: #15
كإنهم بقول للمتضررين
يعني لو ربنا قدركم وجيتوا تبنوا بيوتكم تاني .. نحنا حقنا ما بنشيلوا منكم..؟؟
حيكومات دمها بااااارد .. (( أخخخخ .. تففففف )))
===
دا كان تعليقي .. ولم أتعرض لك بصورة شخصية عشان تتجرأ على بالقبح دا...!!!!!
|
Post: #17
Title: Re: عطا المنان احمد صعلوك جديد وارد من احدى كوش المعارضة
Author: Ali Abdalla Hassan
Date: 08-14-2013, 01:05 AM
Parent: #15
Quote: بكرى ابوبكر دا طوالى بيلقط من الكوش وللمنبر طوالى معقول بس
|
والله أنا كنت قايل أنا المقصود.
|
Post: #18
Title: Re: عطا المنان احمد صعلوك جديد وارد من احدى كوش المعارضة
Author: Ali Abdalla Hassan
Date: 08-14-2013, 01:12 AM
Parent: #17
مكرر .....
|
Post: #19
Title: Re: عطا المنان احمد صعلوك جديد وارد من احدى كوش المعارضة
Author: ثروت سوار الدهب
Date: 08-14-2013, 01:15 AM
Parent: #18
النفاق الاريب
|
Post: #20
Title: Re: عطا المنان احمد صعلوك جديد وارد من احدى كوش المعارضة
Author: Deng
Date: 08-14-2013, 04:50 AM
Parent: #19
ده لو ظلو على قيد الحياة.
الفكي بدر الدين أختشي.
|
Post: #21
Title: Re: عطا المنان احمد صعلوك جديد وارد من احدى كوش المعارضة
Author: Alshafea Ibrahim
Date: 08-14-2013, 06:34 AM
Parent: #20
2/ شهادة البحث للمستفيد الحالى (دي بصراحة ما فهمتها ) ؟؟؟؟
======================================
تحياتي ياهندسة
ده شعرا ما عندك ليهو رقبة وشرحا مخك ما بقدر عليهو ... ده كلام خبراء كبار وناس إدارة ضالعين وما نافذين ...
وبعدين أنت زول جزيرة ولا تدري شئيا عن أنواع شهادات البحث وتصنيفاتها ... قمة التواضع ...
أها يافكي بدر
كلامك ده حدو هنا ولا رفعت بيهو مذكرة لسيدكم الوالي ؟
الشفيع إبراهيم
|
Post: #22
Title: Re: عطا المنان احمد صعلوك جديد وارد من احدى كوش المعارضة
Author: عمر محمد ابراهيم
Date: 08-14-2013, 06:44 AM
Parent: #20
الأخ بدرالدين
كل سنة وانت طيب
الموقف لايحتمل اي رمادية يااخي بدرالدين
فهذه المازل التي تهدمت في اي منطقة في السودان هي مسؤلية الدولة كاملة (لماذا لم تجهز مصارف لتحمل تبعات الخريف )
وعليه يكون لزاما علي الدولة ان كانت رشيدة ان تسخر كل امكانياتها في موسسات الدولة (شرطة ...جيش ...امن ...ديوان زكاة
مالية ...مفوضية عون انساني شركات اتصالات ...مصانع ..الي اخره ) من اجل تشييد منازل بديلة بعد ان اضاع المواطن كل عمره
من اجل بناء منزل .
الحكومة تضع المراكز والمدارس اولوية فمن هم مرتادي المدارس والمراكز الصحية ان تشرد السكان ؟؟؟
يااخي الحكومة دي حوصا وادوها سوط
-----
رسوم شنو يااخي البتعفيها الحكومة هي الحكومة عندها نفس لي رسوم كمان ؟؟؟
حسبنا الله ونعم الوكيل
|
Post: #23
Title: Re: عطا المنان احمد صعلوك جديد وارد من احدى كوش المعارضة
Author: سيف اليزل الماحي
Date: 08-14-2013, 07:09 AM
Parent: #22
.
والله يابدر الدين كنت فاكرك أحسن من كده
خزلتني يارجل!!
هذا أبشع من الإستنكاح!
إنت لو داير الحق، طالب بإقالة الوالي الخضر الريفي الذي لايعرف الخرطوم ولا الخرطوم تعرفه!
.
|
Post: #24
Title: Re: عطا المنان احمد صعلوك جديد وارد من احدى كوش المعارضة
Author: وضاح عبدالرحمن جابر
Date: 08-14-2013, 07:13 AM
Parent: #22
المنازل زااااااتها الببنيها منو ؟ خليك من رسوم الحكومه وسرقاتها
|
Post: #25
Title: Re: عطا المنان احمد صعلوك جديد وارد من احدى كوش المعارضة
Author: بدر الدين اسحاق احمد
Date: 08-14-2013, 07:47 AM
Parent: #24
Quote: من اجل تشييد منازل بديلة بعد ان اضاع المواطن كل عمره
من اجل بناء منزل . |
انا متاكد انو دا ما دور الحكومة ..
لان الحكومات فى كل الانظمة الراسمالية ولا الاشتراكية وحتى الاسلامية ليس من مهامها بناء المنازل للمواطنين
|
Post: #26
Title: Re: عطا المنان احمد صعلوك جديد وارد من احدى كوش المعارضة
Author: بدر الدين اسحاق احمد
Date: 08-14-2013, 07:57 AM
Parent: #25
| Quote: فهذه المازل التي تهدمت في اي منطقة في السودان هي مسؤلية الدولة كاملة (لماذا لم تجهز مصارف لتحمل تبعات الخريف ) |
يا حبيب كدا ركز ...
عندنا فى سوداننا دا قرى وحلاال لم تعرف فى تاريخها القديم والحديث مفردة مصرف / خور لتصريف مياه الامطار لانهم بالسليقة والتجربة ما بيسكنوا فى مجارى الامطار
لذلك عمرهم كلو من قبل الاستقلال الحكومة ولا حتى فكرت انه عندها مشكلة تصريف مياه الامطار فى تلك القرى ...
اى ارض تم تخطيطها بواسطة الحكومة بتصبح خطة سكنية يمكن مطالبة الجهة المخططة بتوفير المصارف ( ودا واجب الحكومة )
|
Post: #27
Title: Re: عطا المنان احمد صعلوك جديد وارد من احدى كوش المعارضة
Author: بدر الدين اسحاق احمد
Date: 08-14-2013, 08:04 AM
Parent: #26
| Quote: إنت لو داير الحق، طالب بإقالة الوالي الخضر الريفي الذي لايعرف الخرطوم ولا الخرطوم تعرفه! |
الخرطوم منذ كونها عاصمة مثلثة
يا زول كان كدا نقرض على ( شيخ ادريس مناع / بدر الدين طه احمد )
والباقى كل قرد يركب شجرتو
|
Post: #28
Title: Re: عطا المنان احمد صعلوك جديد وارد من احدى كوش المعارضة
Author: عمر محمد ابراهيم
Date: 08-14-2013, 08:22 AM
Quote: انا متاكد انو دا ما دور الحكومة ..
لان الحكومات فى كل الانظمة الراسمالية ولا الاشتراكية وحتى الاسلامية ليس من مهامها بناء المنازل للمواطنين |
ياشيخ بدالدين ركز انت
اول شئ الأنهيارات دي في عاصمة البلد ما في اي حتة تانية
والتخطيط هنا تخطيط حكومة ما اهالي
الغرق كان بسبب شوارع اتبنت بدون دراسة اصلا ولا تخطيط
لو الكلام ده حصل في حتة ما اتدخلت فيها الدولة بغباء تخطيط كان بكون مبلوع ونقول للمواطن شيل شيلتك
لكن الهدم ده بفعل غباء تخطيط فكيف لا تتدخل الحكومة في معالجة اخطاء تخطيطها ؟؟؟
وبعدين دور الدولة هو بس الرسوم والجبايات واعفاء او عدم اعفاء في حالة الكوارث ولا شنو ؟؟؟
عساك طيب يااخي
|
Post: #30
Title: Re: عطا المنان احمد صعلوك جديد وارد من احدى كوش المعارضة
Author: HAIDER ALZAIN
Date: 08-14-2013, 08:30 AM
مكرر ..
Quote: كدي قبل ما نمشي لقدام الحاجات دي بدفعو ليها رسوم في الحالات العادية ؟
/ شهادة البحث لاغراض البناء (دي بدعة جديدة شهادة البحث هي شهادة البحث ناسكم ديل قسموها عشان ياكلو قروش من المواطن بس )
2/ شهادة البحث للمستفيد الحالى (دي بصراحة ما فهمتها ) ؟؟؟؟
3/ خريطة ( رسم هندسي ) معتمدة من المجلس الهندسي (هسي البيوت الاوضتين وصالة ديل لازم خريطة وكمان معتمدة من المجلس الهندسي )
4/ تصريح بناء من المحلية (تقرأ مع رقم 1 ) تمشي الاراضي تدفع عشان تطلع شهادة بحث بغرض البناء وتجي شايلها للمحلية وتدفع عشان يدوك تصريح بناء
كلام غريب وتحايل وغش للمواطن بتغيير المسميات لتكبر كروش ناس التمكين ديل بس
بعدين عنوانك مضلل من يقرأه يعتقد ان هناك قرارا صدر وليست مناشدة للوالي من الموطن بدرالدين الساكن بمحلية بحري
|
ثم ان :/
| Quote: بعدين عنوانك مضلل من يقرأه يعتقد ان هناك قرارا صدر وليست مناشدة للوالي من الموطن بدرالدين الساكن بمحلية بحري |
| Quote: يا ربى الكلام دا يمكن تسميته شنو .. |
الكلام الجوة المكتوب في البوست دا يُسمى توسل واستجدى لوالي في شئ اساساً غير واضح سنده القانوني والمنطقي وفيه شكوك حول مأكلة وتحصيل ضرائب بصورة غير مشروعة فذلكة ساي..
اما العنوان فيُسمي تضليل وخداع للقارئ مثله ومثل تضليل وخداع الولاية بتحصيل رسوم اعادة البناء..
ثم يا شيخ بدر الدين وبعد السلام والتحية والعيد المبارك عليك .. انت يُفترض انه لك علاقة بتدريب واعداد الشباب او الكوادر القيادية - حاجة كدة - فإستغرب لضعف كتابتك واسلوبك يفتقر للحساسية والعلمية والمنطق..
كما تفتقد للقدرة والتصميم على الدفاع عن ما تكتبه او تطرحه من رأي وتلجأ اما للهروب او تلجأ للكلام الذي لا رابط له مع الموضوع المطروح - منك - والذي تم الرد عليه ..
هذا السلوك المفتقر لأدني التصادمية المفترضة في القيادات او المتطلبة للشباب في عنفوانهم يشير بوضوح ان واحد من اسباب الترهل في الخدمة المدنية هو ضعف الاعداد والتوجيه من القيادات الدنيا في المؤسسات التدريبية ..
|
Post: #31
Title: Re: عطا المنان احمد صعلوك جديد وارد من احدى كوش المعارضة
Author: عطا المنان احمد
Date: 08-14-2013, 02:47 PM
Parent: #30
بدر الدين إسحاق
إشارتك لي بصفة شخصية في صدر العنوان يدل على ممارستك لمزيد من التضليل أو جر لمهاترات ..
ليظهر أن وصفي ( جرأتك بالقبح ) كان بسبب تصنيفك أنني من المعارضة ( وفاكر نفسو بنبذ فينا).. وهذا لا يعنيك في شئ ولا يخدم موضوعك..
ما زالت مداخلتي الأساسية والبسيطة موجودة.. وكعادة المضللين لا يهتم بجوهر الموضوع الذي سأعيدك إليه:
ماذا فعلت الحيكومة - الدمها بارد- للحل الجذري ..؟؟؟
هل بتنازلها عن إقتطاع مال المواطنين ( كما بشّرتنا..!!!) إن عادوا لبناء دورهم مرة أخرى..!!!!؟؟
أليس الأجدي تحري كيفية التعامل مع السيول..؟؟ خاصة وانها أتت عبر أودية معلومة ودراسة سبل تلافي ضررها بل والإنتفاع منها بتخزينها مثلاً.. أو توجيهها للنيل أو حتى تغيير مسارها عن المناطق الآهلة بالسكان..
ماذا فعلت الحيكومة – الدمها بارد- على أعلى مستوياتها لحظة الكارثة ( مع أن ولاية الخرطوم لسة ما مقتنعة بإنها كارثة إلا أن يموت أكثر من نصف السكان....!!!!!).. ألم ينصرف المسئولون لإفطارات جماعية ..؟؟ ومحاولة حضور مهرجان تنصيب رئيس إيران ...!!!! أو إنتظار تبخيرها بشمس النهار..
بدا فعلاً أن آداء الحيكومة – الدمها بارد – غير مقنع في تعاملها مع الكارثة .. واعتمد المتضررون على شباب زي الورد من حملة نفير للوقوف معهم بعد أن وقف معهم الجميع (( وربنا يقويهم))..
آمل منك عدم الإنصرافية.. والتركيز على موضوعك.. ولا تدخل فيما لا يعنيك.. ولا تتجرأ علينا..
(( أشارطك لو كنت عايز تعقب علي كلامي دا.. ح ترد من آخر سطر .. وكما كان منك في مداخلتي الأساسية.. )) إنصرافية منك بس..!!!
|
Post: #32
Title: Re: عطا المنان احمد صعلوك جديد وارد من احدى كوش المعارضة
Author: باسط المكي
Date: 08-14-2013, 03:01 PM
Parent: #31
ماقصر وانت ماقصرت كمان
بدر الدين بتجيب لروحك الهواء برااااك
|
Post: #33
Title: Re: عطا المنان احمد صعلوك جديد وارد من احدى كوش المعارضة
Author: وضاحة
Date: 08-14-2013, 03:07 PM
Parent: #31
Quote: ثم يا شيخ بدر الدين وبعد السلام والتحية والعيد المبارك عليك .. انت يُفترض انه لك علاقة بتدريب واعداد الشباب او الكوادر القيادية - حاجة كدة - فإستغرب لضعف كتابتك واسلوبك يفتقر للحساسية والعلمية والمنطق..
كما تفتقد للقدرة والتصميم على الدفاع عن ما تكتبه او تطرحه من رأي وتلجأ اما للهروب او تلجأ للكلام الذي لا رابط له مع الموضوع المطروح - منك - والذي تم الرد عليه ..
هذا السلوك المفتقر لأدني التصادمية المفترضة في القيادات او المتطلبة للشباب في عنفوانهم يشير بوضوح ان واحد من اسباب الترهل في الخدمة المدنية هو ضعف الاعداد والتوجيه من القيادات الدنيا في المؤسسات التدريبية ..
EmailProfileEdit |
المدعو بدر الدين كتب
| Quote: بكرى ابوبكر دا طوالى بيلقط من الكوش وللمنبر طوالى معقول بس |
يا حيدر اهو دا مستوا الكيزان قال انتوا ملقطين من الكوش
قال علم
علم شنو الانت تتكلم عليه با حيدر سجم التعليم لو كان بالمستوى
دا زول مسكين ضايع جارى وراء ملى كرشوا و راء وهم الكيزان الحرامية البتاجروا بالدين
ناسين الدنيا دى باب بتخش بيه والتانى بتطلع بيه فااااضى على حفرة
والكفن ماعندوا جيبوب
يمهل ولا يهمل
|
Post: #34
Title: Re: عطا المنان احمد صعلوك جديد وارد من احدى كوش المعارضة
Author: khaleel
Date: 08-14-2013, 03:14 PM
Parent: #33
سلامات اخونا بدر الدين
وعيدك مبارك
علي الحكومة اعادة تشييد المنازل
from A to Z
معظم المتضررين لا يملكون حتي ثمن لوري طوب
|
Post: #35
Title: Re: عطا المنان احمد صعلوك جديد وارد من احدى كوش المعارضة
Author: علي محمد الفكي
Date: 08-14-2013, 03:34 PM
Parent: #34
|
Post: #36
Title: Re: عطا المنان احمد صعلوك جديد وارد من احدى كوش المعارضة
Author: علي محمد الفكي
Date: 08-14-2013, 03:57 PM
Parent: #35
يا بدرين الدين يا مسكين
جاتك التعليمات من اسيادك وقبضت المعلوم عشان تلهي الناس عن النفير
وتشغلهم بي بوستاتك الفارغة ..
وكمان جاي تنفخ زي الورل عاوز ترهب الناس ..
انت مسكين شديد
وتستحق الشفقة والرثاء
وكل اناء بما فيه ينضح وقد بينت ماذا في انائك من الفاظ وقبح
|
Post: #37
Title: Re: عطا المنان احمد صعلوك جديد وارد من احدى كوش المعارضة
Author: Imad Khalifa
Date: 08-14-2013, 07:01 PM
Parent: #36
Quote: عطا المنان احمد
حمداً لله على السلامة متين جيت من البلد يا زول
|
أها يا عطا كوز كبير من آكلي السُحت قال بعرفك!!!
وهذه لا تقل عن كارثة السيول والأمطار الاّ بمقدار بسيط في الدرجة.
شفت الجبتها لرقبتك!!!
|
Post: #38
Title: Re: عطا المنان احمد صعلوك جديد وارد من احدى كوش المعارضة
Author: عطا المنان احمد
Date: 08-14-2013, 09:35 PM
Parent: #37
أها يا عطا كوز كبير من آكلي السُحت قال بعرفك!!!
وهذه لا تقل عن كارثة السيول والأمطار الاّ بمقدار بسيط في الدرجة.
شفت الجبتها لرقبتك!!!
====
وحات محيك البدري يا العمدة.. لا بعرفني ولا بعرفو....!!!!!
وعلى قول ود خالتي البصير :: (( نبّذ .. لكن ما تسئ .))
والجاتنا جاتنا من الأرض .. ما جاتنا من تال السماء
|
Post: #39
Title: Re: عطا المنان احمد صعلوك جديد وارد من احدى كوش المعارضة
Author: بدر الدين اسحاق احمد
Date: 08-14-2013, 11:22 PM
Parent: #38
اها كملت تفافك عشان نرجع نقرأ ما كتبت ولا لســه لديك بقية من تفاف
++++++++
اعمل سيرش وشوف إمكن تجد قبحاً مخبوء عند بكرى
|
Post: #40
Title: Re: عطا المنان احمد صعلوك جديد وارد من احدى كوش المعارضة
Author: Salah Habib
Date: 08-15-2013, 00:16 AM
Parent: #39
..
يا اخى الناس فى عرض وجبة تسندهم ومشمع او خيمة يدخلوا فيها عيالهم
جاى تتكلم عن الرسوم!!!
بالله يا بدر الدين كلم الوالى مايعفيهم من الرسوم .. ولا قرش مايخليهو ليهم
قرف يقرفك
|
Post: #41
Title: Re: عطا المنان احمد صعلوك جديد وارد من احدى كوش المعارضة
Author: Imad Khalifa
Date: 08-15-2013, 06:53 PM
Parent: #40
| Quote: والجاتنا جاتنا من الأرض .. ما جاتنا من تال السماء |
تعرف يا هندسة الجاتك دي جاتك بسبب عدم تقديم رجلك الشمال عند دخول هذا البوست
وكمان نسيت تقرأ دُعاء الدخول لمثل هذه الأماكن.
وإنت مالك ما داير أهلك ناس أم ضُبّان يعفوهم من رسوم وأتاوات البنيان ولا شنو؟
|
Post: #42
Title: Re: عطا المنان احمد صعلوك جديد وارد من احدى كوش المعارضة
Author: احمد التجانى احمد
Date: 08-16-2013, 02:16 PM
Parent: #41
| Quote: إنت لو داير الحق، طالب بإقالة الوالي الخضر الريفي الذي لايعرف الخرطوم ولا الخرطوم تعرفه! |
اخي بدر الدين
تحياتي
الزميل دة لخص مشاكل السودان ببساطة وذكاء , جقيقة من اين للخضر القروي ان تزعجه مظاهر البؤس والكوارث التى خلفتها الامطار وهى ذات المناظر التى ترعرع على رؤيتها فى ريفه لذلك يعتبرها جزء من الحياة يحب التعايش معها , بصراحة يا بدر ذهلت لحالة حى شمبات لكمية القاذورات ورداءة الشوارع الداخلية والخارجية وغياب تام لاى عمل رسمى او شعبى يخفف حجم الكارثة , حتى منتصف الثمانينيات كان مجلس مدينة المناقل عندما كان يديره ضابط تنفيذى قبل ظهور امراض الترهل فى دواوين الدولة من معتمد ومحافظ وامين عام ومنسق عام ووالى وغيره , كان هذا المجلس يستعد للخريف بفتح القنوات وطرح الشواع داخل المدينة وكذلك خارجها ليستطيع اهالى القرى المجاورة من الوصول للمناقل بالردميات والطرق المطروحة بواسطة الموترقريدر الذى كان منه اثنين ملك لمجلس المناقل ولا اعتقد ان مجلس المناقل او حتى مجلس بحرى يمتلك حتى عجلة رالى برغم من زيادة الايرادات والجبايات من المواطنين , لماذا لا يقوم اهالى الحى يا بدر الدين بمعالجة مشكلة المياه التى تحيط بمساجدهم وتحيلها من دور عبادة الى برك للضفادع والبعوض , هل اعتاد المواطنون رؤية تلك المناظر لذا اصبحت لا تؤثر فيهم ام ماذا , كثير منهم فى احوال مالية معقولة لماذا لا يقومون بجهد ذاتى يريح معاناتهم ويقيهم شر الامراض
|
Post: #43
Title: Re: عطا المنان احمد صعلوك جديد وارد من احدى كوش المعارضة
Author: Salah Habib
Date: 08-16-2013, 02:26 PM
Parent: #42
اليومين دى الجو بارد والهمبريب ضارب وخاصة فى مناطق السيول
حقو كمان تقترح على الوالى يعمل رسوم على الهوا والنفس الطالع ونازل
|
|