Post: #1
Title: مزيكة دُقِّى ، ورَقِّصِيهْ ( ما عارف لقيتها وين )
Author: صديق_ضرار
Date: 08-08-2013, 04:33 PM
مزيكة دقى . . ورقصِّيه
مِستنى إيه ؟
وعلى إيه يا بيه ؟
ما الدنيا هاصت
وبيوتنا لاصت
وقعت . . ترَّاصت
زى المقابر
وتحت التراب ،
. . مدفونة فيهْ
ورئيسنا يا البطل الهمام
أب جعرة – ما بغلْبُه الكلام
ووآ شنات العرجة فى
قَدلة مشِيهْ
يا الله بى حسن الختام
سايبنا في الحال الصعيب
. . النحنا فيه
وسيادته طاير
ومعاه ناس وفده العظام
شن قالوا في نص البيان ؟
:- ماشين إيران
وبتمشوا ليه ؟!
قال : عشان ندى التمام
تمام في إيه ؟!
روحانى قالوا بقى الإمام
وتعظيم سلام
من كل سنى
وتحية للشيعة اللئام
ياهو صايِعْ ،
ويا ها الشلاقة
. . وما عليه
مزيكة دقى ، ورقصِّيه
إحترنا في زولو السفيه
وش للقباحة ولفظه من وســخ الطمام
و اللا أب ريالتَنْ ديمة سايلة
واللا ط المسود وَشِيهْ
ما تدِّقِى يا مزيكة ، دُقِّى
مزيكة دُقِّى وشَخْلِعِيهْ
|
Post: #2
Title: Re: مزيكة دُقِّى ، ورَقِّصِيهْ ( ما عارف لقيتها وين )
Author: حيدر حسن ميرغني
Date: 08-08-2013, 08:11 PM
Parent: #1
يديك العافية
وللرقاصين الطرور
|
Post: #3
Title: Re: مزيكة دُقِّى ، ورَقِّصِيهْ ( ما عارف لقيتها وين )
Author: صديق_ضرار
Date: 08-08-2013, 11:45 PM
Parent: #2
يا حيدر أخوى كل عام وأنت واسرتك بخير وتعود عليك الأيام ألجميلة بإذنه تعالى
بعدين الناس فى شنو والراجل وجماعته فى شنو ؟!
بعنى بالله شوف الناس منكوبة وهم همهم كله كيف الرئيس ما سافر عشان يهنى الشيعى أفندى
بالله دا إحساس دا ؟!
يا أخى والله أنا حزين على أن يكون فى السودان من هو بتخانة هذا الجلد
هذا شىء غير السودان الذى نعرف ، بعدين الناس دى ما بتحس بما يتوارد حولهم ؟!
لعنة الله على التبلد
شكرا ليك برضه
|
|