Post: #1 Title: العيد في الباجور Author: عبدالله ود البوش Date: 08-08-2013, 09:40 AM Parent: #0
العيد مبارك عليكم جت عليكم . . ومعايدة خاصة لائ زول عيد في الباجور مع ندرتهم ونواصل
Post: #2 Title: Re: العيد في الباجور Author: عبدالله ود البوش Date: 08-08-2013, 09:49 AM Parent: #1
زنبار قداد الهبوب خلى السعية في الخلا واتلهم الحلة وصادف اليوم عيدا ها ناس اللمة شنو ؟ اللمة عيد يا زنبار ياتو في اللعياد السايب ؟ عيد رمضان ادونا موز موية انلفا الفضيلة عررررررررت وملا حقتو النيفيا صعوط صاموطي وتكس ارجع على باجورو غير مبالي بائ عيد كان
Post: #3 Title: Re: العيد في الباجور Author: عبدالله ود البوش Date: 08-08-2013, 09:53 AM Parent: #2
بوضح جاحة واحدة بس عشان ما اختلط حابل الحناكيش بوابل الحنكش الشئ باجور وليس باجورة القفيلة القفيلة عولقا بالغبا ما فاهمين التكتح النمرة بيوت القصب الفي البرقان عماراتكن دي كلها الملانة شعيرية دي ما بنتوها بقصيباتنا ديل وعوضنا من قصيباتنا ملاح الويكاب
Post: #4 Title: Re: العيد في الباجور Author: عبدالله ود البوش Date: 08-08-2013, 10:01 AM Parent: #3
بيوت قصب في التلات النائم ودندنة اللقيط وسقط جد كان ذلك العيد الرمضاني وقبله بيوم صرفنا شوالات الكبس ذات الرايحة العجيبة ديك فكانت ملايات بنكهة ماركة المكتب اظنه كلام الطير في تقا بتابة ما فيها
Post: #5 Title: Re: العيد في الباجور Author: عبدالله ود البوش Date: 08-08-2013, 10:04 AM Parent: #4
اصعب حاجة في ذلك اليوم البرود في السقط بموية الترعة لكن انا قايل الغتسة في الترعة اخير من البرود في القصبة ام زيفا . . اصلو عيد ول عرس
Post: #6 Title: Re: العيد في الباجور Author: عبدالله ود البوش Date: 08-08-2013, 10:10 AM Parent: #5
اللقيمات الشعيرية والعجب العجيب السكسكانية ودي من الصمد لفوق وكان الجدادة اصبحت مفقعة يا سلام العيد عيدين عيد وسواسيو والحدية هي الالعاب النارية
حلاوة شكلات والجلابية المشختة والسفنجة الخدرا دي كلها مناظير مع الدحيشة المطيعة يوم العيد وعفضة والدقيق وقع تفاصيل اوفى والدنيا قبايل عيد
Post: #7 Title: Re: العيد في الباجور Author: عبدالله ود البوش Date: 08-08-2013, 10:15 AM Parent: #6
Post: #8 Title: Re: العيد في الباجور Author: عبدالله ود البوش Date: 08-08-2013, 10:28 AM Parent: #7
Post: #9 Title: Re: العيد في الباجور Author: عبدالله ود البوش Date: 08-08-2013, 11:50 AM Parent: #8
سألت بنت عمي عن سبب اعوجاج اصابع رجولها فقالت لمن كنا في الباجور وانا صغيرة لم اتجاوز الخمسة سنوات ابوي جاب لي نعلات شدة من مدني للعيد وكان بريدني وفرحان بالنعلات الشدة لبستها ووجدتها ضيقة وكل همي الا افسد فرحتي ابي واستمريت في لبسها حتى تركت هذا الاثر الواضح فكنت لا اشعر بالالم مقابل فرحة ابي
Post: #10 Title: Re: العيد في الباجور Author: سامى عبد المطلب Date: 08-08-2013, 03:06 PM Parent: #9
الحبيب ود البوش ينعاد عليك بالصحه والعافيه وعلى كل اهلنا المنشرين فى الباجور
اها ما تنسى توصف لنا فطور العيد ودلوكه حنه على الشاشوق
ود قاسم ابشر بالخير نعيد اليوم وبكرة نشوف محل الدواس وتنقد الرهيفة اصلو العولق ديل ما بفهمو غير لغة السلاح الله اكبر عليهم . . . عيد بخيت وسعيد عليكم ويعود العيد وكل البلاد بخير وكل سنة وانت اطيب
يا ود قاسم جريت جري علي جماعتي لقيتا شكلة قديمة انا قايلا دورت تاني يا اخوي عيدو وباصروها ان شاء ام دلدوم كان مافي سلاح ام دلدوم ساهي بتفش الغبينة
Post: #17 Title: Re: العيد في الباجور Author: عثمان جاد الله بخيت Date: 08-08-2013, 05:44 PM Parent: #16
يا سلام يا ود البوش ما أحلى العيد في الباجور
والعجب ان بقى جابتلها مطره صباحية العيد ... هههههههههه بكون عيد المساكين والفقرا جت لي حدهم في شان الناس بتتساوا العندو نعلات والما عندو ... كلهم بكونو يخمجو في الطين
ربنا يحقق الاماني يا ود البوش ... وينعاد عليك وعلي السودان وباجورو بالخير والعافيه والسلام.
Quote: حقيقه البوست يجم الزول من كلام ألحيكومه والبنادر..نحن بعد الدرت كل زول بيلم حبأت العيش وقصيباتو في مطموره غريقه... بعد داك كل ناس (أسره) تلملم غنيماتها وجداداتها وكلابها...ألخ ويسدو أبواب البيت والتكل بي غصن شوك ( لعوت غالبا)... ويجي بص الجزيره وشيل الناس كل اسره عندها منزله (بالفتحة)... والناس تسيف هناك لحدي الرشاش (كل شي بقي حايل الطين والط......).. القصه طويله لكن بندور نتعارف كان عندك مهله عزالدين عباس..المناقل
almonjum
أها دا زول الباجور الصحي صحي ديل الناس البعشروا الوطا بالسلوكة لمن تحمل شوكة واضان فار وبعد داك حش جد وكديب هههههههههههههه شكرا يا عزنا وزي ما قلت ليك انا من مواليد الميجر هههههههههه عزالدين العيد مبارك عليك وتعود الليام
Post: #22 Title: Re: العيد في الباجور Author: عبدالعزيز عثمان Date: 08-09-2013, 02:39 AM Parent: #21
كتر خيرك ودالبوش اخوي،حلتنا غرقت جت،وبيوتنا عدمن نفاخ النار،ولي اسبوع فارش في ديوان بكري ده، ولاد عمي تب ماقصرو معاي ،انا مواجبك في عرسك وطهور جنياتك،تمرقا لي بندق في كنار،انا والله كت رامي لي حلف،الما بكابرني في عوجي ده،لا بيني لا بينو لكن برضو قلت الميجر الفوقو حلتنا،لا بد ايجيبك،وفراشنا منا رفعنو تب.
Post: #23 Title: Re: العيد في الباجور Author: عبدالله ود البوش Date: 08-09-2013, 09:45 AM Parent: #22
عبدالعزيز عثمان يا اخوي كان كدي ما اتلومت لوما الجمال ما اشيلنو و اللوم بجي بالغفلات لكن اسمعا مني كلمة علي بالطلاق طلاق تلاتة ما شفتو علا اكان كلامك دا اسع بلف عمتي واتلهمك افوووووو يا ود عمي حرم نص الليل تلقاني جنبك اخوك آ صفية
Quote: يا ود البوش سلام . والله كلامك دا الايفهموا ليك ناس العتامنة حلتكم ولا كترة الضقالة ولا القفيلة وعبدالماجد والخيران وقوز الناقة . ياخي ناس البندر ديل جيب ليك قاموس علشان تشرح ليهم مصطلحاتنا دي . يا ود البوش بتعرف كنار ودع امك؟
هههههههههههههههههههههههههههههه مبالغة يا طارق مبالغة ياخي كتلتني كتلة غايتو اتا اصلو ما بتمرق من المستطيل دا رغم انك كبرت اللفلة والمستطيل دي اركانو اب قوتة الفريجاب طابت كتير العوامرة حرم ما تمرق منو كان جنيت هههههههههههههه عليك الله ما جوة الجق اقصد المستطيل بخية جوة الجق قال كنار ود امك قال حلاة لقلق عشان اقوليك من ام بوشة ياخي ربنا يرحم الاستاذ عبدالمجيد عبدالرازق ولو عندك تلفون عمر اخوهو اديني ليهو وتكون ما قصرت
Quote: الايفهموا ليك ناس العتامنة حلتكم ولا كترة الضقالة ولا القفيلة وعبدالماجد والخيران وقوز الناقة
بس ديل الناس البكتب ليهم وناس البندر عولقا بالغبا . . شكرا يا طارق والعيد مبارك عليك
Post: #25 Title: Re: العيد في الباجور Author: عبدالعزيز عثمان Date: 08-09-2013, 07:51 PM Parent: #24
ودالبوش،انا عارف الفيك،زول عرض،وواجب،شكر الله سعيكم،لكن ياود البوش،الجزيرة المسكينة الترملت،جاهلة وصغيرها،ياحليل زمن سماحتها،غنجها،ونقنقتها،ياحليلة ام رغيفا مدور ذي العجلة،يوم الصرف،الجلابية ام لياقة،وشدة. عمنا،وعمكم كمان،زول هميم بالحيل في البكيات والفواتح،قدامي،،في فاتحة في عجان،اها قدام الناس مستعجل،العمة وقعت من الراس،ولا يهمو،قدامي،الفاتحة،،الفاتحة،الفاتحة... عتبة الديون ،منخفضة شوية،،دننننن،،فلقتو،شقت راسو.. هاالناس الفاتحة الت...... اماتكن. قالها وتولي الي الحيطة يغالب المه.
Post: #26 Title: Re: العيد في الباجور Author: عبدالمنعم الطيب حسن Date: 08-09-2013, 08:40 PM Parent: #25
( نفذت 36 ساعة لف، ولم اغطي كل الحلة ... ولم اصل كل الاحباب، فانا لي مع كل زول في الحلة حكاية، وفي كل زقاق رواية، ومع جميع الحلة ومن فيها، من شجر، ونفر، قصة حب لا تنتهي... اول يوم في العيد، بدات اللفة مع بعض الشباب... وعندما وصلنا بيت صديقي القسيم ود جدة؛ قال للشباب :ياجماعة انتوا خلاص اتفضلوا؛ وانت علي بالطلاق كراعك ماتشيلا؛ ياخي ديل، الناس كلهم لاقوهن قريب، وانت برنامجك مختلف، بحكم الغياب، لف براك ،واستكين في كل بيت ارصد، وشوف، ودردق، واتونس، وخد راحتك ياخ، لاتستعجل... وقد فعلت..... استمتعت ببساطة الناس، وطيبتهم، وعفويتهم، والتهنية بالعيد لكم جميعا، وكل عام وانتم بخير، وتصبحون على وطن؛) ......................... من بوست (واوسي) قريتي الحبيبة ليها القومة، ولكم ....
ود البوش تحياتي، وعام جديد سعيد ملئ بالنجاحات،
Post: #27 Title: Re: العيد في الباجور Author: حمزه بابكر الكوبي Date: 08-10-2013, 09:30 AM Parent: #26
ود البوش علينا وعليك يتبارك العيد القمح (الزلابية) يوم العيد مع شاي الصباح في مكان الناس بصلوا العيد مالك ما اتزكرتها
Post: #28 Title: Re: العيد في الباجور Author: الأمين كامل الأمين Date: 08-10-2013, 11:28 AM Parent: #27