Post: #1
Title: في هجاء السائحون (تحذير:ليست قصيدة).
Author: سيف النصر محي الدين
Date: 08-06-2013, 10:59 AM
السائحون الكاذبون
على المنابر مجعجعين
في الملمات غائبين
و للولائم حاضرين
هل هم من المعارضين؟
و للفساد محاربين؟
أم أنهم متذمرون؟
و بنصيبهم من الكعكة غير راضين.
ثم
هم من زمان كانو وين ؟
و ليه كانو ساكتين؟
و لسه برضو ساكتين
و تحركاتهم برعاية حكومية و أمن و تأمين!
أظنهم للشعب غاشين
و المسعلة ليس إلا لعبة على الدقون
و حركات متكوزنين!
|
Post: #2
Title: Re: في هجاء السائحون (تحذير:ليست قصيدة).
Author: حمد عبد الغفار عمر
Date: 08-06-2013, 11:03 AM
Parent: #1
| Quote: هم من زمان كانو وين ؟ |
كانوا ماسكين مخازن التموين
ولما قلعوها منهم عملوا زعلانين
وقالوا نحن مجاهدين ضد المفسدين
بل هم المفسدين ولكن أغلب الناس ما عارفين
|
Post: #3
Title: Re: في هجاء السائحون (تحذير:ليست قصيدة).
Author: سيف النصر محي الدين
Date: 08-06-2013, 11:04 AM
Parent: #1
ملحوظة : حق الإضافة مكفول للجميع.
|
Post: #4
Title: Re: في هجاء السائحون (تحذير:ليست قصيدة).
Author: محمد البشرى الخضر
Date: 08-06-2013, 12:11 PM
Parent: #3
يا دكتور اي نعم ما قصيدة لكن شنو .. خلي القافية يا ؤوون يا ئيين
يعني سائحون كاذبون أو سائحين كاذبين
عشان بتضرس بس وكدا :)
|
Post: #5
Title: Re: في هجاء السائحون (تحذير:ليست قصيدة).
Author: سيف النصر محي الدين
Date: 08-07-2013, 11:18 AM
Parent: #3
سلامات يا ود البشرى
رغم أنها ما قصيدة و اي حاجة هههههه لكن برضو كدي قارنها بقافية أغنية العطبراوي الشهيرة لن أحيد
حتلقى نفسي الشي ،يتعاملون،القدر اللعين ،يغمغون و الملايين و هلمجرا
بعدين الكلام لازم يكون ملولو و بيضرس ما دام بيدور حول ناس ملولوين زي الجماعة ديل.
|
Post: #6
Title: Re: في هجاء السائحون (تحذير:ليست قصيدة).
Author: Ahmed musa
Date: 08-07-2013, 11:42 AM
Parent: #5
سيف النصر ياخ ماصاح ؟؟؟؟السائحون عاملين غرفة عمليات ويومي بجمعو اكل وملابس وقروش
ويومي بمشو بيورزعوها للمحتاجين بدون ضجيج اعلامي
ود آخر نداءات اليوم
| Quote: اليوم الأخر من رمضأن سوف نتحرك من كان حريصأ علي مساعدة الأهل في شرق النيل فليدور محرك عربتة او يأتي ببكت ماء فقط أوبماء يستطيع ان يتصدق واخرأج صدقاتكم لأهلنا وأجب واجب واجب والأن التسليم لصدقاتكم وانفاقكم في دأرالجمعيةالطبية الموقع غرب كنار مباشرة والأن أي شخص عاوذ يتصدق يتبرك ينفق فاليحمل معه ماتيسر والتحرك بعد صلأةالظهر بأذن الله اسرعو ياشباب حصلونا صدقات اهاليكم واقاربكم نحن جاهذين للتحرك وبكرةالعيد |
ولعلمك ياسيف البطلق في النداء ده بطلق فيه يومي ولعلمك هو يتحرك بكرسي مدولب
ورفم ذلك يصر على القيام بواجبه ....
فبدل نصغر من مجهودات بعض حقو نتكامل كلنا في الظروف دي ...ولا شنو ؟؟
|
Post: #7
Title: Re: في هجاء السائحون (تحذير:ليست قصيدة).
Author: سيف النصر محي الدين
Date: 08-07-2013, 01:20 PM
Parent: #6
Quote: كانوا ماسكين مخازن التموين
ولما قلعوها منهم عملوا زعلانين
وقالوا نحن مجاهدين ضد المفسدين
بل هم المفسدين ولكن أغلب الناس ما عارفين |
شكرًا يا حمد
إجابة كاملة ناقصة التوضيح بالرسم هههههه
|
Post: #8
Title: Re: في هجاء السائحون (تحذير:ليست قصيدة).
Author: Ahmed musa
Date: 08-07-2013, 01:28 PM
Parent: #7
Quote:
Quote: كانوا ماسكين مخازن التموين
ولما قلعوها منهم عملوا زعلانين
وقالوا نحن مجاهدين ضد المفسدين
بل هم المفسدين ولكن أغلب الناس ما عارفين
شكرًا يا حمد
إجابة كاملة ناقصة التوضيح بالرسم هههههه |
جسبي الله ونعم الوكيل فيك ياخ والله بعد توضيحي اتخيلتك تجي وتعتذر تطلب تكاتف الجهود
والله ياسيف وانت حاليا بتسخر منهم م بلمو في حاجات وبضربوا تلفونات وبشحدو وبعتلوا
دايرين يلحقو الناس الفطور ولعلمك هم محتفين جدا بنفير بعتبرو كله عمل خير ماسخروا منها
بالعكس دافعو عن حقها في العمل الخيري
واخيرا سخريتك مابتقلل منهم بالعكس بتقلل من حسناتك لصالحهم
|
Post: #9
Title: Re: في هجاء السائحون (تحذير:ليست قصيدة).
Author: عمر صديق
Date: 08-07-2013, 01:30 PM
Parent: #7
شكرا دكتور سيف علي هذه القصيدة التي تتفوق علي كثير من قصائد المناضلين
عرمان مثالا
هذا من الناحية الشاعرية والشعورية
ثم انها توضح التزامك الفكري العداء لهؤلاء المجاهدين
الذين لايهمهم كراهية او ح احد
ولكن كما نعرفهم ياخذون العفوا ويامرون المعروف ويعرضون عمن يكرههم
وكل سنة وانت الف خير
|
Post: #10
Title: Re: في هجاء السائحون (تحذير:ليست قصيدة).
Author: سيف النصر محي الدين
Date: 08-07-2013, 01:55 PM
Parent: #9
سلام يا احمد موسى
ياخ انا ما مغالطك في حكاية العمل الخيري دي و مصدقك انو الجماعة ديل ممكن يجمعوا تبرعات و اي حاجة
بس ده أمر لا يعطي اي تيار سياسي مشروعية له و لأهدافه و لعلمك لطالما كان العمل التطوعي واجهة للتنظيمات
السياسية تستغله كوسيلة للتجنيد و لنشر الفكر و الأيدلوجيات .
انا هنا يهمني من يطرح نفسه معارضا و يصور للجماهير انه يقود حركة تصحيحية في الوقت الذي يحظى
فيه بدعم و تأييد قطاعات حكومية أو على الأقل تغض الحكومة الطرف عن تحركاته و تضيق على الآخرين .
هسه شوف مداخلة أخونا عمر صديق دي كمثال ،مين الحكومة و مين المعارضة؟
|
Post: #11
Title: Re: في هجاء السائحون (تحذير:ليست قصيدة).
Author: سيف النصر محي الدين
Date: 08-07-2013, 02:01 PM
Parent: #9
سلام يا احمد موسى
ياخ انا ما مغالطك في حكاية العمل الخيري دي و مصدقك انو الجماعة ديل ممكن يجمعوا تبرعات و اي حاجة
بس ده أمر لا يعطي اي تيار سياسي مشروعية له و لأهدافه و لعلمك لطالما كان العمل التطوعي واجهة للتنظيمات
السياسية تستغله كوسيلة للتجنيد و لنشر الفكر و الأيدلوجيات .
انا هنا يهمني من يطرح نفسه معارضا و يصور للجماهير انه يقود حركة تصحيحية في الوقت الذي يحظى
فيه بدعم و تأييد قطاعات حكومية أو على الأقل تغض الحكومة الطرف عن تحركاته و تضيق على الآخرين .
هسه شوف مداخلة أخونا عمر صديق دي كمثال ،مين الحكومة و مين المعارضة؟
|
Post: #12
Title: Re: في هجاء السائحون (تحذير:ليست قصيدة).
Author: Ahmed musa
Date: 08-07-2013, 02:32 PM
Parent: #11
Quote: انا هنا يهمني من يطرح نفسه معارضا و يصور للجماهير انه يقود حركة تصحيحية في الوقت الذي يحظى
فيه بدعم و تأييد قطاعات حكومية أو على الأقل تغض الحكومة الطرف عن تحركاته و تضيق على الآخرين . |
ياسيف لعلمك لو ربنا خير االمؤتمر الوطني بين يشيل ليها السائحون والجبهة الثورية لاختارت يشيل ليها السائحون والجبهة الثورية فهي اولى بهم
|
Post: #13
Title: Re: في هجاء السائحون (تحذير:ليست قصيدة).
Author: احمد حمودى
Date: 08-07-2013, 03:02 PM
Parent: #12
Quote: هم من زمان كانو وين ؟
و ليه كانو ساكتين؟
و لسه برضو ساكتين
و تحركاتهم برعاية حكومية و أمن و تأمين!
أظنهم للشعب غاشين
و المسعلة ليس إلا لعبة على الدقون
و حركات متكوزنين!
|
د. سيف كا سنة وانت طيب مع hsvj; الكبيرة والصغيرة وتامين ولامين
|
Post: #14
Title: Re: في هجاء السائحون (تحذير:ليست قصيدة).
Author: خضر الطيب
Date: 08-07-2013, 06:03 PM
Parent: #13
السائحون الرائحون القاتلون
ولاموال الشعب آكلون
وفى الجامعات بالطلبة فاتكون
وفى مسجد الجامعة كانوا يسحلون ويعذبون ويغتصبون
وفى الجنوب كانوا كالخراف يموتون
وفى احد المرات ضربتهم طائرتون
كنيرانٍ صديقتون
هؤلاء التافـهـون كالثعابين بليلٍ يزحفون
لايريدون خيراً باهلنا ولا هم للخير يعملون
بعد ان استخدمهم النظام كالمرمطون
رمى بهم مثل ورق التوليتون
توليتم ايها المجرمون الفاسدون
وود ابراهيم هذا الفاسد الظربون
حاول ان يقلب برميل الزبالة على البشير الحيزبون
فقبضوهو شر قبضة واصبح يعوي كالجرذ المأفون
وركع لبشيرهم وعفى عنهم وكذلك فعل صلاح قوشون
انكم الينا لن ترجعون ايها الضالون المكذبون
اذهبوا الى الجحيم تتبعكم لعنات المتضررون
ايها الجرذان الفاشيووون
شكراً دكتور سيف لهذه المساحه المريحتون
|
|