|
|
|
 Re: تفاكير في علثمة العالم (Re: Osman Musa)
|
ياأبو السُرة يا تاج رأسنا..يابلدياتي
من غيرك يتجاسر ويمسك قرن وحيد و.."القرنتية" ليحدّثنا على لسانهم
ومن غيرك يمسك قرنيّ الدنيا لتكف عن دورانها الموجع دا وطحنها لنا..
..دا من ناحية..من ناحية تانية....ود ضو البيت إنصقع بي كرتين جنب قبة سعدابي
وجاء جاري بصرخ ومهستر شاقي سوق أم سويقا بي الله ويامين مسكوهو ..ياود ضو البيت مالك؟
آها تااااني التمساح سكاك؟؟
قال ليهم وهو بتلفت : نمت لي شوية جنب الشجرة الجنب القبة فجأة كدا القبة دي
بقت مرة تجيني شمال و..مرات تجيني يمين....ودي ما المشكلة.. المشكلة
في نهاية اليمين شمال دا...نهاية القبة الفوق بقت لي قرن وحيد قرن و..ياها دي ساكاني بيهو..
ــــــــــــ
هههههه قلت لي شرحبيل مالو..؟؟؟
| |
 
|
|
|
|
|
|
|
|
Re: تفاكير في علثمة العالم (Re: أمير محي الدين محمد)
|
Quote: ياأبو السُرة يا تاج رأسنا..يابلدياتي
من غيرك يتجاسر ويمسك قرن وحيد و.."القرنتية" ليحدّثنا على لسانهم
ومن غيرك يمسك قرنيّ الدنيا لتكف عن دورانها الموجع دا وطحنها لنا..
..دا من ناحية..من ناحية تانية....ود ضو البيت إنصقع بي كرتين جنب قبة سعدابي
وجاء جاري بصرخ ومهستر شاقي سوق أم سويقا بي الله ويامين مسكوهو ..ياود ضو البيت مالك؟
آها تااااني التمساح سكاك؟؟
قال ليهم وهو بتلفت : نمت لي شوية جنب الشجرة الجنب القبة فجأة كدا القبة دي
بقت مرة تجيني شمال و..مرات تجيني يمين....ودي ما المشكلة.. المشكلة
في نهاية اليمين شمال دا...نهاية القبة الفوق بقت لي قرن وحيد قرن و..ياها دي ساكاني بيهو..
ــــــــــــ
هههههه قلت لي شرحبيل مالو..؟؟؟ |
أمير محي الدين الرجل الارض محناوي (ترجمةـ من مدني)
بركة الما ركبتني الفيل، تعرف ود ضو البيت ده بكون بغشى (تُكُل) في الدباغة هههه
شكرا لك صديقي على المداخلة التي (شرقتني) بالضحك وعلى تفضلك بمنحي قياد قرني الدنيا
ويا لها من ملاواة
| |
|
|
|
|
|
|
|
|
Re: تفاكير في علثمة العالم (Re: Osman Musa)
|
Quote: بجيك للكلام عن تمساح عمك طيفور
التمساح العشاري ده يا التاج حقيقة أنا شفتو بعد منتصف الستينات بي شوية
الناس قالوا هو معلق كدي من زمن الانجليز ولي وكت شفتو .
كان يا التاج معلق في مدخل سجن الدامر
ولا في مدخل مركز حكومة المديرية الشمالية قبل ما تمتد اليها يد الفصل .
التمساح يا التاج كان مدفوس قش وفي خشمو معارض عود
بعض الناس قالوا عمك طيفور ركز وناش التمساح فرق بلابيطو وبعد ما ناشو تاني دبلو بي البديقة .
البديقة يا التاج هي بت عم الحربة
زي الحربة بس عندها شرشر وسنون معكوفات .
والصياد الشهير طيفور فارس عليابي من العلياب وعندو قرابة بي صاحبك الكلس كمال طيفور |
عثمان موسى الصديق
والله لقيتك الطيب محمد الطيب بس، ناس كمال طيفور رباطاب يا زول شن جابن لطيفور قباض التماسيح
ناس كمال ديل بقبضو التمساح بي يدينهم ساكت هههههه، نحنا تعرف طفولتنا كلها كانت قصص طيفور دي
من طرف السيدة (حبوبة) عليها رحمة الله، وقيل أن ما جعله مميزاً، أنه كان يستخلص المسك من تحت إبطي التمساح
قبل أن يقوم بإتلافه، والله أعلم
عيدك سعيد
| |
|
|
|
|
|
|
|
|
|
Re: تفاكير في علثمة العالم (Re: Tagelsir Elmelik)
|
| Quote: يبدو لي أن الإستوائية والأفريقية أمرين لا يروقانكما معشر البني كجة، وإلا فما سبب تغييركم ألوان العلم الجميلة، بألوان تتناسب وألوان أعلام منظومة غير استوائية؟ وبحثكم عن صقر دون كل المخلوقات الطائرة، ليناسب صقور الصحاري، حتي ولو ولد وأفرخ في السافنا؟ ثم ماهي الجديان، أوليس أفضل منه، هذا الذي أتحدي أن يكون عشرة منكم قد رأوه، يتجول في سماء رابعة النهار مع الحدأ، ساعة يفسو إبليس مثيراً للغبار وأكياس البلاستيك، أو ليس أفضل منه السمبر؟ ففي مقدمه الخير، حين يأت حاملاً بشارة الخريف في أعقابه، الحنين الرقيق السليم القويم، طاهر النفس رب الأسرة، الأزرق طويل الباع كما تقول الأغنية؟ |
(يطير و يتخبت يطير ويتخبت، طاشم نهار وليل وعندو زنقلة، عليك الله ما ياهو شبه السودان)
صدقت والله
| |
|
|
|
|
|
|
|
|
|
Re: تفاكير في علثمة العالم (Re: Tagelsir Elmelik)
|
نعم يا التاج
كمال رباطابي علي السكين
والرجل خابر وشابر تلك النواحي حواشة حواشة وحوض حوض .
كمال يا التاج ناسب العالياب والوليدات الليلة عندهم جروف في نفس ميدان معركة التمساح .
قالوا يا التاج التمساح ده قبال كتلتو ختف عمك ود قنات وختف ناقة ولاد سناد وحجر المعدين والواردين .
| |
|
|
|
|
|
|
|
|
|
Re: تفاكير في علثمة العالم (Re: Osman Musa)
|
وصقر الجديان يبني عشاً فوق الأشجار والشجيرات ويقتات على الثعابين والفئران والجراد وهو محمي بقوة القانون في جمهورية السودان
أها ياعثمان
جبت خبر كمال، لكن جروف دي الله أعلم، والله قالو مقرات دي حجر من حجارة البركان
الجرف بالديناميت ما بتكسر
| |
|
|
|
|
|
|
|
|
|
Re: تفاكير في علثمة العالم (Re: Tagelsir Elmelik)
|
يا التاج مشيت مع عمك الجاك الله يرحمو
لزيارة زول أنجليزي عندو معاو علاقة تجارية .
شكل البيت حق الخواجة والصور والحجبات وبرادع الخيول وجلود التماسيح والنمور
الفي البيت تحلف تقول أنك في متحف سوداني .
وفوق ده يا التاج الزول ده ساكن في ووليش في لندن .
وطبعن دي بلد البطل غردون .
وصورة البطل غردون في مدخل الدار
وتحت صورة البطل غردون صورة أم غردون .
وقال : بلهجة سودانية : غردون ده زول أمو بت عم أبو .
ودخل في حديث طويل عريض عن التماسيح ومحبة الانجليز للسودان .
..
نسيت يا التاج أقولك نص الشوارع في بلدة غردون أساميها أسامي سودانية .
زي الدامر أستريت وعطبرة روود ودلقو والفاشر .
| |
|
|
|
|
|
|
|
|
|
Re: تفاكير في علثمة العالم (Re: Osman Musa)
|
Quote: يا التاج مشيت مع عمك الجاك الله يرحمو
لزيارة زول أنجليزي عندو معاو علاقة تجارية .
شكل البيت حق الخواجة والصور والحجبات وبرادع الخيول وجلود التماسيح والنمور
الفي البيت تحلف تقول أنك في متحف سوداني .
وفوق ده يا التاج الزول ده ساكن في ووليش في لندن .
وطبعن دي بلد البطل غردون .
وصورة البطل غردون في مدخل الدار
وتحت صورة البطل غردون صورة أم غردون .
وقال : بلهجة سودانية : غردون ده زول أمو بت عم أبو .
ودخل في حديث طويل عريض عن التماسيح ومحبة الانجليز للسودان .
..
نسيت يا التاج أقولك نص الشوارع في بلدة غردون أساميها أسامي سودانية .
زي الدامر أستريت وعطبرة روود ودلقو والفاشر . |
هسي انا منك يا عثمان، أمشي الزيداب اسمي الشارع الرئيسي
بيكاديللي، عارف ياعثمان، بعض الاحداث في الدنيا بالرغم من اننا
بننظر ليها نظرة عدائية إلا أن من المفارقات أنك و ولو اتمعنت فيها بتلقا أنها فيها جزء مشرق
هسي لو ما كلية غردن دي، السودان ده كان فحط، غايتو فكرة الاستعمار دي لو لسة شغالة
حقو تقولو للجماعة ديل تعالو صادين القصة جاطت، وغلبنا زاتو
| |
|
|
|
|
|
|
|
|
|
Re: تفاكير في علثمة العالم (Re: Osman Musa)
|
Quote: غردون ده يا التاج مو شيء ساهل عند الانجليز . حتي المهدي كان رجل حكيم ساعة
قاليهم لا تهبشوهو . ده زول فارس .
بس تقول شنو في الدراويش . كان خلوهو حي كان يكون ده أعظم كريدت للسودانين في التاريخ .
غردون يا التاج فتح الهند وفتح عدن . تخيل يا التاج قايد يفتح الهند ويتكتل في مدينة كان فيها شارع وأحد في ديك الأيامات
ومع ده كلو شوف الأحترام وشوف شارع عطبرة المتفرح من شارع أستاد ويست هام وشارع الدامر في أبتم بارك .
وشوف حجم السفارة السودانية القديمة الكانت في القصر في لندن . وشوف بيت السودان زمان .
السودان كان ممكن يكون بلد محترمة وكان ممكن نكون قاعدين في بلدنا ومرتاحين لا ملطشة لا تضهب في الجليد .
ملعب التنس الانجليزي في الزيداب يا التاج بتاع أول مشروع للقطن في عموم المستعمرات الليلة يا التاج أصبح محل مربط للحمير .
تخيل ده الملعب الكانت بتعسكر فيهو المنتخبات الانجليزية وتعمل تدريبات الاولمبياد . الليلة مربط حمير .
ربنا يا التاج أدانا أسمح بلد في الدنيا واكتر حكام مكاجرين في العالم .
يعني تقولو الزول جيبو لينا حي يقوم يجيبلك الزول متجندل ورأقد ملاح كرارة ههههههههها |
والله ياها بس قصة ناقة صالح
شكرا على السرد التاريخي يا عثمان
| |
|
|
|
|
|
|
|
|
|
Re: تفاكير في علثمة العالم (Re: Tagelsir Elmelik)
|
والله يا كنق
انا موضوع العثلمه ده حارقنى شديد و بزعلنى جد جد خصوصا لمن الناس تصر على الاكل فى الواطه فى بيوت مجهزه بغرف السفره ..طبعا بينى وبينك انا عندى اسبابى برضو بخصوص عدم القدره على القنقله لكن حكاية القعاد فى الواطه وخليى السفره ما ظابطه ...
| |
|
|
|
|
|
|
|
|
|
Re: تفاكير في علثمة العالم (Re: د.محمد بابكر)
|
يا دكتور محمد بابكر
والله اسعد ما اكون بحضورك البهي، (البهي دي كيف معاك ههههه)
Quote: الله يا كنق
انا موضوع العثلمه ده حارقنى شديد و بزعلنى جد جد خصوصا لمن الناس تصر على الاكل فى الواطه فى بيوت مجهزه بغرف السفره ..طبعا بينى وبينك انا عندى اسبابى برضو بخصوص عدم القدره على القنقله لكن حكاية القعاد فى الواطه وخليى السفره ما ظابطه ... |
ياخي ما تكرمنا بقصة الغدة الحلزونية الله يرضي عليك
| |
|
|
|
|
|
|
| |
Tagelsir Elmelik
أيمن محمود
محمد يوسف الزين
بله محمد الفاضل
Osman Musa
Emad Eldeen Ali
د.محمد بابكر
فيس بوك
تويتر
انستقرام
يوتيوب
بنتيريست