وزير سوداني يركب مع العاملين في حافلة النقل الجماعي

Post: #1
Title: وزير سوداني يركب مع العاملين في حافلة النقل الجماعي
Author: Ridhaa
Date: 08-05-2013, 02:10 AM
Parent: #0

طاف مع حافلة الترحيل أحياء الخرطوم المختلفة
07-13-2013 10:08 PM
خلال الأسبوع الماضي، تأخر سائق عربة وزير المعادن كمال عبد اللطيف بعد نهاية الدوام الرسمي، ولم يجد الوزير لعدم توفر عربته، بداً من الركوب مع العاملين في حافلة الترحيل مثلهم، وتوسط الموظفين والموظفات وأصرَّ على سائق الحافلة الذي عليه ترحيل ساكني الخرطوم ألا يغير مساره الطبيعي.. الوزير طاف مع حافلة الترحيل أحياء الخرطوم المختلفة من الديوم والصحافة والجريف غرب وأركويت، ولما أوصلته الحافلة قرب منزله نزل في الشارع العام ليتمشى ويتريض حتى منزله.

http://www.sudaneseonline.com/news-action-show-id-65187.htm

Post: #2
Title: Re: وزير سوداني يركب مع العاملين في حافلة النقل الجماعي
Author: ibrahim alnimma
Date: 08-05-2013, 03:28 AM
Parent: #1

يعني يارضا انت بتفتكرو متواضع ؟ تعرف زي كلامك ده هو النافخ الاخوان المسلمين .....وماديهم اكبر من قيمتهم .......زي واحد يقول ليك والله ناس الامن ديل ناس طيبن خالص ....اهو قبضوا الطالب وفكوهو عادي بس شوية كفوف وحلقوه شعرو .....لكن والله ولا كتلوه ولا حاجة ...وهل هذا ينفي انو سلطة المؤتمر الوطني هي سلطة فساد واستبداد وخراب لكل الوطن والمواطن والمواطنة ؟؟؟؟؟؟؟؟لا سيما وانك ذكرت السبب الذي اجبره للركوب ؟؟؟؟؟؟

Post: #3
Title: Re: وزير سوداني يركب مع العاملين في حافلة النقل الجماعي
Author: Osman Musa
Date: 08-05-2013, 03:42 AM
Parent: #2

عزيزنا رضا
سلامات
ورمضان كريم
ويا رضا ياخ الزول الداير يتريض ده ما كان يدق الكداري
من مكان شغلو للبيت .
مش هو عايز يتريض ؟

Post: #4
Title: Re: وزير سوداني يركب مع العاملين في حافلة النقل الجماعي
Author: nour tawir
Date: 08-05-2013, 04:04 AM
Parent: #3

أن شا الله يركب فى رآسه ستين عفريت..
ما نحنا شعب السودان..
متمرمطين فى الموآصلات العآمة...
ربع قرن من الزمان..
وكل شهر والتآنى معتمد الخرطوم يغّير فى موآقف الموآصلات..
زى ما فى حاجة حصلت..
ونحنا نزازى من موقف بص لى موقف بص..
فى الحر والمطر والهوا..
وكل الآحوال الجوية..
ومرآت بنات الجآمعة يركبن الكارو..
....
يعنى تفتكر أنه الوزير دا..
وبعد رحلته الميمونة. ديك...
فى اليوم المشهود دآك..
حيحّس بمعاناة الناس؟
ابدا والله..
دى حآلة كدا وجآت لسعادة الوزير...
وقال كدى النشوف الناس عآملين شنو فى الموآصلات..
وهو عآرف أنه تآنى يوم الآعلام حيعمل منه بطل..
وزول بيحب الموآطنين..
...
وتآنى مرة..
أن شا الله يركب فى رآسه ستين عفريت..

Post: #5
Title: Re: وزير سوداني يركب مع العاملين في حافلة النقل الجماعي
Author: السر جميل
Date: 08-05-2013, 04:42 AM
Parent: #4

الرسول صلي الله عليه وسلم كان بنوم في الحصير ...
سيدنا عمر رضي الله عنة كان بنوم تحت الشجرة ...
في بلاد العم سام ما بتفرز الوزير من الخفير !!!
...
أعتاد هولاء علي السيارات الفارهة والمكندشة ...
عمرهم ما ركبو مواصلات وجربو "الكدراي"...
فعلاً حالة تستحق جائزة نوبل للتواضع !!!
....

Post: #6
Title: Re: وزير سوداني يركب مع العاملين في حافلة النقل الجماعي
Author: yaser mostafa
Date: 08-05-2013, 09:17 AM
Parent: #5

لا واسعة شوية

تمثيلية فطيرة الحبكة و رديئة الاخراج !

للوزير رسميا ثلاث سيارات واحدة لاستعماله الخاص و اخري دفع رباعي للمأموريات و اخري للمنزل .

هذا بخلاف سيارة مدير المكتب التنفيذي و سيارة خدمات مكتب الوزير.

اضف الي ذلك كله ان بالوزارة سيارة للخدمات .

كل هذه البدائل كانت متاحة للسيد الوزير عند الغياب "الغامض" لسائقه و هو الذي اشتهر "كمال" بأنه يتلذذ بصفع السائقين علي مرأي و مسمع من العاملين بوزارة مجلس الوزراء ابان عمله وزيرا للدولة بها و قد سارت بلؤمه و سوء أدبه الركبان.

فما الذي اضطره لركوب الترحيل العام الا اذا كان هو يرغب بذلك "دراما و كدة " و يبدو انها آتت أكلها .

Post: #7
Title: Re: وزير سوداني يركب مع العاملين في حافلة النقل الجماعي
Author: هشام المجمر
Date: 08-05-2013, 09:19 AM
Parent: #6

شكرا يا رضا

بوست مضحك جدا

Post: #8
Title: Re: وزير سوداني يركب مع العاملين في حافلة النقل الجماعي
Author: cantona_1
Date: 08-05-2013, 09:35 AM
Parent: #7

أعرف الوزير كمال عبد اللطيف رجل متواضع وذو خلق ولكن الحكاية ما مبلوعة لعدة أسباب.
1- الوزير أي وزير لا يخرج في وقت خروج العاملين، ودي ما عاوزة كلام.
2- الوزير لديه أكثر من عربية.
3- بالوزارة خلاف عربات العاملين المباشرين مع الوزير من مدير مكتبه لسكرتيره الخاص توجد عربات المراسم للمشاوير الطارئة.
4- للدواعي الأمنية لا يسمح للسادة الوزراء ووزراء الدولة بالركوب في المواصلات العامة.
تحياتي.

كبـّاشي الصـّـافي

(العوج راي والعديل راي)

Post: #9
Title: Re: وزير سوداني يركب مع العاملين في حافلة النقل الجماعي
Author: حامد بدوي بشير
Date: 08-05-2013, 09:42 AM
Parent: #8

سلوك دعائي رخيص يستخف بعقول البشر.

يعني الناس ما شايفة ولا ما عارفة؟؟

Post: #10
Title: Re: وزير سوداني يركب مع العاملين في حافلة النقل الجماعي
Author: سرالختم عباس
Date: 08-05-2013, 10:27 AM
Parent: #9

ده باعتبار أننا عندنا قنابير وكده

Post: #11
Title: Re: وزير سوداني يركب مع العاملين في حافلة النقل الجماعي
Author: عمار عبدالله عبدالرحمن
Date: 08-05-2013, 11:11 AM
Parent: #10

بكون قرفهم ليك جنس قرفة
وطير ليهم ونستهم من راسهم ,,

ادعوا العاملين معه يتنازلوا عن راتب شهر لشراء سيارة احتياطي للوزير
حتى لا يقرفهم في الدوم وخارج الدوام ,,,

Post: #12
Title: Re: وزير سوداني يركب مع العاملين في حافلة النقل الجماعي
Author: Mubarak kunna
Date: 08-05-2013, 11:42 AM
Parent: #11

مقتطفات من الفيس بوك

‏6‏ من التعليقات

Ayman Abo Ajaaja · يعمل لدى ‏‎Dar Al-Handasah‎‏
رئيس الوزراء البريطانى ديفيد كاميرون
والوفد المرافق له
سافروا الى ابوظبى فى زيارة رسمية
عن طريق طيران الإتحاد
وفى الدرجة السياحية كمان
قال وزير ركب حافلة
رد · · منذ ‏7‏ ساعات

New Sudan
برضو حرامية والبشير مطلوب للعدالة والسعودية طردتو شر طردة ههههههههههههه شكلك ######## وانت بتاخذ في راتبك وانت صاغر
رد · 2 · · منذ ‏9‏ ساعات

Faried Mohamed Mahgoub · الأكثر تعليقا
كدي يا رضا قول لينا منزل الوزير دا في ياتو حي؟ عشان نعرف هل الوزارة اثرت فيه ام لا. الوزير دا دفعتي وأنا عارف ساسو من راسو.
رد · · منذ ‏2‏ ساعتين

Salih Hassan · Churchill, Manitoba
SO WHAT?
رد · · منذ ‏8‏ ساعات

Tariq Osman · Sudan University of Science and Technology
وانحنا كشعب فضل نعمل شنو نصفق مثلا
رد · · منذ ‏6‏ ساعات

Mahir H. Baik · الأكثر تعليقا
كمال عبد اللطيف الذي أمر بتعذيب بعض العاملين في سودانير حينما كان رئيسا لمجلس إدارتها أم شخص اخر!!!؟
كمال عبد اللطيف الذي كانت أول وظيفة له هي رائد بجهاز الأمن ........ كان ضمن جهاز الأمن الخاص بالكيزان و بعد نجاح إنقلابهم تم تعيينه في رتبة رائد
لا استبعد أن يكون الأمر مطبوخا .... لتجميل صورته او صورة الكيزان
رد · · منذ ‏2‏ ساعتين

Post: #13
Title: Re: وزير سوداني يركب مع العاملين في حافلة النقل الجماعي
Author: سيف النصر محي الدين
Date: 08-05-2013, 12:09 PM
Parent: #12

هو وضعو الطبيعي انو لو سمحو ليهو بالركاب يكون واقف في باب الحافلة لكن الدنيا بت ######
غايتو الزول الكتب الكلام ده سذاجتو فاتت الكبار و القدرو.
و زي ما قال أخونا نيوسودان برضهم حرامية و برضو البشير منعوه من المرور و فضيحتنا بقت على كل لسان ههههههه

Post: #14
Title: Re: وزير سوداني يركب مع العاملين في حافلة النقل الجماعي
Author: yaser mostafa
Date: 08-05-2013, 01:13 PM
Parent: #13

QUOTE]Mahir H. Baik • الأكثر تعليقا
كمال عبد اللطيف الذي أمر بتعذيب بعض العاملين في سودانير حينما كان رئيسا لمجلس إدارتها أم شخص اخر!!!؟
كمال عبد اللطيف الذي كانت أول وظيفة له هي رائد بجهاز الأمن ........ كان ضمن جهاز الأمن الخاص بالكيزان و بعد نجاح إنقلابهم تم تعيينه في رتبة رائد

تكمن المفارقة في ان كمال الذي شغل منصب مدير امن سودانير ثم رئيسا لمجلس ادارتها يعاني مما يعرف ب "رهاب الطائرات" أو الخوف المرضي من ركوب الطائرات و كم اغشي عليه في صالة المغادرين من كبار الزوار مفرغا ما بجوفه و ملوثا لأواعيه قبل أن يتم اسعافه عاجلا و العودة به الي منزله

هذا الذي يتصنع التواضع و احمدية البساط كان همه الاول خلال عمله كوزير للدولة بمجلس الوزراء هو تغيير اسطول سيارات الدستوريين من طرااز camry اليابانية الي طراز BMW الالمانية الباذخة الفخامة بحجة ان الاولي ليست بسيارات PROTOCOL و لا تليق باصحاب المقامات الدستورية الرفيعة غير انه واجه تيارا من بعض العقلاء يرفض هذا السفه
!!11111!!!!!!!!!!!!!!!!1

Post: #15
Title: Re: وزير سوداني يركب مع العاملين في حافلة النقل الجماعي
Author: MOHAMMED ELSHEIKH
Date: 08-05-2013, 01:40 PM
Parent: #14

وزير يركب مع الرجرجة والدهماء؟

Post: #16
Title: Re: وزير سوداني يركب مع العاملين في حافلة النقل الجماعي
Author: وضاح عبدالرحمن جابر
Date: 08-05-2013, 01:48 PM
Parent: #15

هههههههههههه

نكته ظريفه والوزير زاتو ظريف

Post: #17
Title: Re: وزير سوداني يركب مع العاملين في حافلة النقل الجماعي
Author: osama fadlalla
Date: 08-05-2013, 02:17 PM
Parent: #16

يعني طلع بشر زينا كده

اوع تقول لي بياكل عصيدة كمان
تكونوا بالغتوا الاتنين

Post: #18
Title: Re: وزير سوداني يركب مع العاملين في حافلة النقل الجماعي
Author: عمر محمد ابراهيم
Date: 08-05-2013, 04:01 PM
Parent: #17

Quote: شكرا يا رضا

بوست مضحك جدا

Post: #20
Title: Re: وزير سوداني يركب مع العاملين في حافلة النقل الجماعي
Author: عادل عبدالعزيز عبد الرحيم
Date: 08-05-2013, 04:12 PM
Parent: #18

حتى فى الكضب فاشلين يا كافى البلاء

والله الكيزان بقو لذيذين خلاث .... ضحك مستمر

Post: #19
Title: Re: وزير سوداني يركب مع العاملين في حافلة النقل الجماعي
Author: محمد أحمد الريح
Date: 08-05-2013, 04:09 PM
Parent: #17

المدعو كمال عبد اللطيف والهالك مجذوب الخليفة هما اللذان قاما بتصفية الخدمة المدنيه
من كل الكوادر المؤهلة فيما سمّى زوراً وبهتاناً بالصالح العام فتشرّدت آلاف الأسر وصارت ضحايا لهؤلاء المعتوهين.
إن كل ما حاق بآلاف الأسر من ظلم قد تم على أيدى هؤلاء الأشرار متخفيان وراء ذلك الأهبل المدعو الطيب سيخة
الذى تمّ رميه فى مزبلة التاريخ بعد أن إستنفذ أغراضه. أما مجذوب فقد أزهقت روحه بتدبير جماعته وردّ كيده فى نحره.
وويل لكمال عبد اللطيف من يوم تشخص فيه الأبصار.

Post: #21
Title: Re: وزير سوداني يركب مع العاملين في حافلة النقل الجماعي
Author: منتصر عبد الباسط
Date: 08-05-2013, 04:25 PM
Parent: #19

يعني نفهم من الكلام دا إنو ما بملك أجرة التكسي؟!
حكاية لا قيمة لها

Post: #22
Title: Re: وزير سوداني يركب مع العاملين في حافلة النقل الجماعي
Author: بدرالدين الطائف
Date: 08-05-2013, 04:35 PM
Parent: #21

عندنا جارنا زول ساخر وما بيحب الفارغه .
لو قلنا ليهو خبرك ده يا رضا اتوقع رده يكون كالاتى.
اها وإن شاء الله بعد الوزير ركب مع الموظفين والعمال فى باص واحد تكون الاسعار نزلت.

Post: #23
Title: Re: وزير سوداني يركب مع العاملين في حافلة النقل الجماعي
Author: Abdelrahim Elamin
Date: 08-05-2013, 04:44 PM
Parent: #22

Quote: هههههههههههه

نكته ظريفه والوزير زاتو ظريف

Post: #24
Title: Re: وزير سوداني يركب مع العاملين في حافلة النقل الجماعي
Author: عمار يس النور
Date: 08-06-2013, 00:07 AM
Parent: #23

Quote: وزير سوداني يركب مع العاملين في حافلة النقل الجماعي

أكيد في النهاية طلعت الكميرا الخفية!!
بسم أتمنى إنو الوزير تقبلها بروح رياضية و ما إستعمل معاهم لغة (اللاوندي).

Post: #25
Title: Re: وزير سوداني يركب مع العاملين في حافلة النقل الجماعي
Author: ود الباوقة
Date: 08-06-2013, 00:27 AM
Parent: #24

التحية للوزير ( الذهب ) كمال عبد اللطيف وهو تصرف غير مستغرب حيث عرف بالتواضع وحب الناس والاخلاص في العمل

Post: #26
Title: Re: وزير سوداني يركب مع العاملين في حافلة النقل الجماعي
Author: منتصر عبد الباسط
Date: 08-06-2013, 01:32 AM
Parent: #25

ثلاثة سواقين لثلاثة سيارات ما لقي فيهم واحد يوصلوا بيته
مسألة التلاتة عربات دي مصدري فيها خطب الكاروري
في مسجد الشهيد حيث ذكر أي الشيخ الكاروري أنه يقترح
أن تستبدل احدى العربات الثلاثة التي تعطى للوزير بلنش
ليكون عربتان ولنش ليستمتع بجمال النيل ..بذلك اللنش

Post: #27
Title: Re: وزير سوداني يركب مع العاملين في حافلة النقل الجماعي
Author: محمد حيدر المشرف
Date: 08-06-2013, 02:01 AM
Parent: #26

Quote: شكرا يا رضا

بوست مضحك جدا

محاولة جيدة يا رضا ..

Post: #28
Title: Re: وزير سوداني يركب مع العاملين في حافلة النقل الجماعي
Author: Frankly
Date: 08-06-2013, 03:03 AM
Parent: #27

إذا صدق الخبر وليس بمستغرب من وزير المعادن كمال عبداللطيف فهو موقف يستحق الإشادة والتقدير

فالرجل مشهود له بأريحيته وتواضعه وصدقه وتفانيه في عمله.

شهدت له حلقات في برامج في الواجهة وشدني جداً طريقة تداخله وتعامله مع الجمهور والرد باريحية على الأسئلة.

وليته يتكرر مع بقية الوزراء للوقوف شخصياً بحيوات المواطنين

ثلاث في هذه الحكومة أمرأة ورجلان أتمنى بقاءهم في مناصبهم إذا ما تغيرت الحكومة الحالية

الأستاذة إشراقة سيد محمود وزيرة العمل وتنمية الموارد البشرية

الأستاذ د. عوض الجاز وزير النفط

الاستاذ كمال عبداللطيف وزير المعادن

ورمضان كريم رضا وكل عام وانتم جميعاً بخير

Post: #29
Title: Re: وزير سوداني يركب مع العاملين في حافلة النقل الجماعي
Author: Nagi Ahmed
Date: 08-06-2013, 03:29 AM
Parent: #28

الدنيا قبايل عيد فما في داعي تفقع مرارة الناس دي

Post: #30
Title: Re: وزير سوداني يركب مع العاملين في حافلة النقل الجماعي
Author: خضر الطيب
Date: 08-06-2013, 04:15 AM

رئيس الوزراء البريطاني ديفيد كاميرون يستخدم المواصلات العامه

وزيرك الحرامي دا البعرفو منو يا راشد قصدي يا رضا !!

هو انحنا قادرين نعرفك انت ؟

Post: #31
Title: Re: وزير سوداني يركب مع العاملين في حافلة النقل الجماعي
Author: خضر الطيب
Date: 08-06-2013, 04:27 AM
Parent: #30

رئيس الوزراء البريطاني مع زوجته فى طائرة ركاب لقضاء عطلته الصيفيه فى اسبانيا

سعر التزكره 40 جنيه استرليني فقط

وحرامية نظامكم بمشو العمره بطياره خاصه على حساب الشعب المسكين

في احدى سفرياته الرسميه ينتظر الطائره فى صالة المغادره فى مطار هيثرو

Post: #32
Title: Re: وزير سوداني يركب مع العاملين في حافلة النقل الجماعي
Author: سيف اليزل الماحي
Date: 08-06-2013, 09:21 AM
Parent: #31

.

والله كمال عبد اللطيف بتاعك ده لا يستوزر إلا في هذا السودان المنكوب .. المنكوب .. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب
.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب
.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب
.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب
.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب
.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب.. المنكوب

.

Post: #33
Title: Re: وزير سوداني يركب مع العاملين في حافلة النقل الجماعي
Author: سيف النصر محي الدين
Date: 08-06-2013, 12:26 PM
Parent: #32

لو سمح واحد من الأخوة المطلعين الرجاء مدنا باسم المعادن المسوينلها وزارة و وزير و عربات و هيلمانة دي في هذا البلد المنكوب10x مرفوعة للقوة and#8734;

Post: #34
Title: Re: وزير سوداني يركب مع العاملين في حافلة النقل الجماعي
Author: Ahmed Elsadig
Date: 08-06-2013, 03:17 PM
Parent: #33

وزير المواصلات البريطاني Simon Burns
يومياً بمشي الشغل بالقطار
يقيف في الصف ويركب
لو ما في مقعد يشمع عاااادي