إنا أنزلناه فى ليلة القدر "صورة"

البشير يهرب من سيول الامطار ليواجه سيول السعودية التى تجرفه الى حيث اتى

المرة دي الموضوع خطير
في حياتي مثله أبداً أنا ما رأيت

طردونى زي مجرم كبير
ماقدرت أزوغ حد ما جريت



_________________________

مع الاعتذار للاغنية

ريس البلد وينو
لا بان ولا طله
لا جانا يتفقد
لا زارنا في الحله
لا شاف وقع كم بيت
لا جاب طحين لا زيت
لا كفن الميتين
الماتو جوا السيل
لا جابلو طوريا
ساعدنا شد الحيل
وأصبحنا نص الليل
ما جانا منك زول
ولا طله منك زول
فاطر في كافوري
وشعبك فطورو أنين
نايم وتتقلب
وشفع كتار صاحيين
متوسد الموكيت
وشعبك رقد في الطين
لاك البفرج الهم
ولاك العلينا أمين
ولاك البجير مظلوم
ساعة تدوربو سنين
لا بتنجد المسكين
لاك العلينا حنين
هسه أكان تصويت
أو حتى انتخابات
كان جيتنا تترقص
تقدل مع ############ات
خاميها مليارات
وراكبها عربيات
وعاديها سفريات
عصابة شلليات
ونحن لينا الله
عادنها بس بكيات
لا علاج ولاتعليم
لا سكنه زي الناس
أحلامنا زي ركشات
وساكانا دوم كشات
لا قروش ولا كاشات
شعبك مرق بلبوص
لا خلقه لا أخلاق
لا عمه لا مركوب
لا لحمة لا طايوق
شعبك مرق ماينص
وحشاهو دوم محروق
صابر وعايش الويل
ما نصو في الغربة
والباقي شالو السيل