أغنية جديدة عن طائرة البشير

تا تا تا
لو الدولار نزل والبلف مطلوق
ما كان الرئيس طيارتو وقفت فوق .
سيفك لل ......
بتحب الكجار أسد الكداد الفار
خجيت البلد ولعت فيها النار
تا تا

السيل أنبهل والناس تموت بالجوع
والحاكم مفحط بالسماء ومخلوع
سيفككككككككككك

رئيسنا الصعب رئيسنا الصعب طياراتو متباريات
في ساعة الهبوط بعملن نايمات
سيفكككككككك

الازيار
الازيار
الازيار مطفحة والحلل عايمات
خيران أتملت عجينها بالجنبات
سيفككككككككككك
رأقدين في الشوارع
لا سفة
لا لحفات
يا رئيس شنو ؟
ياخ الظروف كعبات
سيفكككككككككك
تا
تا هههههها

ياخ عشرين سنة
ياخ عشرين سنة
لا مجري
شاف بنيان
لا حل للملاريا
لا قصة اليرقان
سي..........
بلدنا الكبير
بلدنا الكبير
كيفن صبح عريان .
ألحق جبتك سارقنها الكيزان .
وينك ؟

سلام عثمان موسي

رمضان كريم


الحمد لله الذي استجاب دعوات اهل السودان البسطاء

ومنع السلطات السعوديه لرئيس النظام الفاسد بعبور اراضيها

تعتبر رساله قويه لهذا الفاسد واعوانه

إن الله يمهل ولا يهمل

عزيزنا خضر
سلامات
ورمضان كريم
ياخ حق السفرية البدون دأعي دي ما كان سدالو فرقة
في اليومين دي ؟
تحياتي

تا تا تا
اليوم دأك بجي
اليوم دأك بجي وبتفرتكوا الكيزان
لا بتسند بنوك
لا بشفع البنبان
ويييييييينك ؟
لا بتنفع قروش
فاركين جري وكسحان
زي ناس ( كار لويس ) ساعة يفك حفيان .
سيفك .

الأعلان صدر
الأعلان صدر
ما بصلح الطيران
ارجع للديار
عامل كمان غمران
شيشاك ......

تتماص البيوت
تتماص البيوت
ويتباكن البنوت
والأسد النتر
مديها بالشلوت
سيفك ......
ما هامو السيول
السيل بجي وبفوت
في أيران هناك العرضة والنكتوت
سيفك .........

الأعلان صدر
الأعلان صدر
الحوأمة تاني تقيف
الشعب الحزين ياخ أمنياتو رغيف
سيفك للف..........

والله رضيناها ليك غناء ابوعبيدة حسن...
الأخ عثمان الأغنية جميلة ومعبرة بحاجة لـ مونتاج وتناسب المناسبة ...
http://www.youtube.com/watch?v=hxgb182Cu8s

الغرق الحصل
الغرق الحصل في العاصمة كان برهان
لي جهل الحكومة وعقلها التعبان
سيفك لل......
السيل للركب
يا ناس دا هو الطوفان
والحاكم مفحط وفي اللحم شبعان
سيفك للف.............

عزيزنا السر
سلامات
وعيدك مبارك
السي دي حتنزل يعني حتنزل .
بس شويتين تخف السيول

البشير قام واتلملمو الكوزات
فى كافورى ديك اشتغلت العرضات
شرق النيل غرق البركه فى شمبات
ماتو الناس كمد والغنم نافقات
وسيفك من عشر تى تى تى
عثمان عيدك مبارك

عزيزنا صديق الموج
سلامات
وعيدك مبارك
وهاك دي
..
السيل الكسح
السيل الكسح
شايل صحون الناس
لا تارك كواري لا حلل لا كأس
سيفك لل.....
صايمين في السيول
صايمين في السيول
وأحدين لحم وأنناس
رأجع بعد أيه بعد الفاس وقع في الرأس
سيفك للف........

السيل النزل
السيل النزل دفر البيوت للنيل
ده فوق ميل الحكومة .. الميل علينا تقيل
سيفك لل........
وين نلقي الحلول ؟
وين نلقي الحلول ؟
وين نلقي الحلول والزير طفح في الخور
يا خرطوم حليلك عندك محافظ تور
سيفك للف ........
سيفك للف......

( محافظ تور دي جات تبكل تبكل )

من نيجريا جانا الخبار قالو الرئيس مصايبو متلاحقات
خلى المؤتمر والضيوف و في اسرع وكت فرتق و فات
قالولنا من شدة الاستعجال ما لحق يلبس النعلات
سيفك

كل سنة وانت طيب يا عثمان..

في واحدة تانية ما سمعت بيها؟؟

عزيزنا سيف النصر
سلامات
وعيدك مبارك
ذكرتني قصة نيجيريا يازول
تحياتي

الصاج في التكل
الصاج في التكل
الصاج في التكل اليوم صبح جكنان
لا قنقوش نبلو والجوع عصرنا كمان
سيفك للف......
التكل الوقع
التكل الوقع
لا منقة في دكان
وين البسكويت
وين لمة الحبان
سيفك للف.............

الخرطوم صبح
الخرطوم صبح يكاكي فيهو الوز
والزول دأك هناك شايل عصايتو يهز
سيفك للف......
ما ها مو التساب
ما ها مو التساب
أيران بلاد العز
الخرطوم صبور
ورمان جراحو ينز
سيفك للف........................

عزيزتنا مني خوجلي
سلامات
وعيدك مبارك
وحال الحلة و البيت كيف ؟
قالوا المعتمد جاب مراكب شغالة حلة كوكو البطانة عن طريق الوأدي الاخضر .

الزول العنيد
الزول العنيد
الزول العنيد حبكت معاو طيران
لابد من يشارك رحماني في أيران
سيفك للف................
ما هماو يلف
ما هماو يلف
الصين وتركستان
بس لابد يصل
والتطمح الخيران
سيفك
للف.................

الزول ضارب الدجاج
الزول ضارب الدجاج
الزول ضارب الدجاج .... وهاجي بي البلدات
يلهط في الحلو .... ومدور الشيات
سيفك
للف...........................
ما هامو الحصل
ما هامو الحصل
الناس بدون نعلات
حفيانين عديل
لا سفنجة لا شرابات
سيفك
للف.....................................

الشعب العظيم
الشعب العظيم
بايت حزين وجعان
رأقد فوق صفيح للشاي كتير خرمان
سيفك
للف..................
عاد يوم الحساب
عاد يوم الحساب الليلة وين يا مان
لا أيران بتنفع لا حجاب لا جان
سيفك
للف....................

ناس رفسنجاني ديل ما ليك بيهم شان
خليك في الخريف
والسكر الكملان
سيفك
للف....................
خيرانك تموج
أنهدت أمدرمان
والشرق الحبيب أتماص صبح كيمان
سيفك
للف............................

طيارة جات بي فوق
شايلالا ذول مزنوق
ماليهو كان الشوق
لي قم مسافر
كان غربو فيهو حريق
وشرقو امسي غريق
خرطومو فيها الضيق
وهو كان مغادر
جانا المطر والسيل
هده البيوت والحيل
لا خله زاد لاضليل
وهو كان ماشاعر
ولا ادانا خاطر
انا مابسي واقول
معدوم مشاعر
بس لي قم مسافر
طيارتو خترية
لا رخصه لاهوية
فوق السعودية
سووله ظبطيه
كان حظو عاثر
لو طفا للانوار
ماكانو شافوها
بس كان فرد مشوار
ماكان اخلوها
علشان حقوق الجار
اكان استروها
صارت طريف اخبار
في النشره جابوها
وانا ماني زول شمشار
لكنو غلبا حار
تارك بلادك وين
ما خاطر الطيبين
الصار عجينن طين
ليلن نوي وانين
وياسايق الطائره
وري الرئيس البين
وريه حال ناسو
الصبحو مفقودين
حال الفساد الطال
بي كلمة التمكين
الدين سمو اخلاق
صدق وعدل وعجين
مال شعبي مال ايران
شوف مصلحة شعبك
عبدالله ناسو حنان
عندو القروش اطنان
وعاشق له السودان
ويا ماشي لي ايران
جيب لي معاك بمبان
شرطا يكون احمر
شان تسكت ام درمان
جيب لينا منو اطنان
شايف الحكم دركان
وشام ريحة الهيجان
يالله لينا
نافع وعلي عثمان
ياناس حليلة
جاتا التقيلة
غبشا اصيلة
انهد بيتها
وعادما البليلة
كيف الدبارة
وما فيش بصارة
حين يغضب العدمان
ويا....

لا أتخن تخين
لا أتخن تخين عاجبنا في أيران
ياخ وكتين نصادق
كيفن نصادق الجان
سيفك
للف...............

عزيزنا عبدالعزيز
سلامات
وعيدك مبارك
ياخ ألف شكر علي المشاركة الظريفة

عزيزنا عبدالعزيز
سلامات
وعيدك مبارك
ياخ ألف شكر علي المشاركة الظريفة

البشير قام واتلملمو الكيزان
فى كافورى ديك كم ضبحن تيران سيفك للفقر
شن فرقت كان البلد غرقان
بس المهم سفرتنا لى ايران وسيفك

عزيزنا صديق الموج
سلامات
وعيدك مبارك
الزول ده حتي الكلام المهم جدا بتاع ناس النشرة الجوية قبل المطرة ما سمعو .
النشرة قالت :

الخبر الأكيد الأكيد الليلة السماء ممجوج
والسيل للركب حتي البحر مخجوج
سيفك
للف.................
وبرضو عنيد سفر
وبرضو عنيد سفر
تارك البلد محلوج
وين تاني الحلل الشعب دأقي خروج
سيفك للف.................