Post: #1
Title: السعوديه تمنع عبور طائرة البشير اجواءها
Author: طارق ميرغني
Date: 08-04-2013, 11:34 AM
Parent: #0
في طريقه الي ايران
|
Post: #2
Title: Re: السعوديه تمنع عبور طائرة البشير اجواءها
Author: طارق ميرغني
Date: 08-04-2013, 11:35 AM
Parent: #1
المصدر قناة سكاي نيوز العربيه قبل قليل
|
Post: #3
Title: Re: السعوديه تمنع عبور طائرة البشير اجواءها
Author: طارق ميرغني
Date: 08-04-2013, 11:36 AM
Parent: #2
الطائرة في طريقها الي الخرطوم حسب ما جاء في الخبر العاجل الذي اذيع قبل قليل
|
Post: #4
Title: Re: السعوديه تمنع عبور طائرة البشير اجواءها
Author: طارق ميرغني
Date: 08-04-2013, 11:38 AM
Parent: #3
وتزقع الخبر ان تقوم الخارجيه السودانيه باصدار بيان
|
Post: #5
Title: Re: السعوديه تمنع عبور طائرة البشير اجواءها
Author: omer osman
Date: 08-04-2013, 11:43 AM
Parent: #4
لم يعرف عن السعودية إتخاذها قرارات بمثل هذه الحدة !!!!
لذا برغم المصداقية العالية لقناة سكاي نيوز عربية اتوقع ان يتم نفي هذا الخبر !!!
شكراً طارق على إيراد هذا الخبر المهم العاجل ........... ودعنا ننتظر
|
Post: #6
Title: Re: السعوديه تمنع عبور طائرة البشير اجواءها
Author: saidahmed shami
Date: 08-04-2013, 11:48 AM
Parent: #5
Quote: لأحد 04 أغسطس, 2013 - 14:45 بتوقيت أبوظبي
طارق التيجاني- الخرطوم - سكاي نيوز عربية
ذكر مراسلنا في الخرطوم نقلا عن مصادر مطلعة أن السلطات السعودية رفضت عبور طائرة الرئيس السوداني عمر البشير فوق مجالها الجوي.
وكان طائرة البشير متجهة إلى العاصمة الإيرانية طهران لحضور حفل تنصيب الرئيس المنتخب حسن روحاني.
وذكرت مصادر لسكاى نيوز عربية أن السعودية رفضت عبور طائرة البشير بعد دخوله أجوائها ما اضطره إلى العودة للخرطوم.
ومن المنتظر أن تصدر رئاسة الجمهورية السودانية بيانا تكشف فيه الملابسات الكاملة |
سكاي نيوز
|
Post: #7
Title: Re: السعوديه تمنع عبور طائرة البشير اجواءها
Author: سيف اليزل سعد عمر
Date: 08-04-2013, 11:49 AM
Parent: #5
على قولة اللمبى:
هو زاتو الدنيا عيد والمطرة صابة والبلد غرقانه، ما يقنب فى الواطة دي.
|
Post: #8
Title: Re: السعوديه تمنع عبور طائرة البشير اجواءها
Author: بدر الدين الأمير
Date: 08-04-2013, 11:50 AM
Parent: #5
غايتو ياطارق لو دا حصل ودالباوقة ببقى في امرا ضيق
|
Post: #9
Title: Re: السعوديه تمنع عبور طائرة البشير اجواءها
Author: طارق ميرغني
Date: 08-04-2013, 11:54 AM
Parent: #8
من ناحية حصل حصل
يا جنابو ويا بدر الدين الامير
وفي انتظار صدور بيان بالحدث من رئاسة الجمهورية السودانية
|
Post: #11
Title: Re: السعوديه تمنع عبور طائرة البشير اجواءها
Author: خالد العبيد
Date: 08-04-2013, 12:02 PM
Parent: #9
لم يعرف عن السعودية إتخاذها قرارات بمثل هذه الحدة !!!!
-----------------------
سلام يا جنابو ومشتاقين
حصل قبل كده يا عزيزي
قبل سنتين السعودية منعت مرور طائرة وزير الخارجية الليبي المكلف العيساوي من عبور اراضيها
كان في طريقو لزيارة قطر .. ورجع الى بلاده
السعودية اول دولة اعترفت بي السيسي كيتا في ايران وودالباوقة !!
|
Post: #17
Title: Re: السعوديه تمنع عبور طائرة البشير اجواءها
Author: omer osman
Date: 08-04-2013, 12:13 PM
Parent: #11
Quote: سلام يا جنابو ومشتاقين
حصل قبل كده يا عزيزي
قبل سنتين السعودية منعت مرور طائرة وزير الخارجية الليبي المكلف العيساوي من عبور اراضيها
كان في طريقو لزيارة قطر .. ورجع الى بلاده
|
هلا خالد ........
والف شكر للمعلومة ...........
علاقات ليبيا والسعودية ليست كعلاقة السودان والسعودية
ولم تعودنا السعودية انها تقطعوا مع السودان عشرة صفر
حتى في ايام حرب الخليج والقطيعة بين دول الخليج والسودان
ظلت السعودية اكثرهم قرباً ووداً للسودان .......
بلاشك هذه الخطوة ربما تؤسس لواقع جديد في التعامل بين البلدين
|
Post: #13
Title: Re: السعوديه تمنع عبور طائرة البشير اجواءها
Author: Dr.Mohammed Ali Elmusharaf
Date: 08-04-2013, 12:04 PM
Parent: #9
شكرًا طارق
البلد في حالة طوارئ ونصها حرب ونصها غرقان وهو ماشي يحضر تنصيب شيعي
راجل ما عندو إحساس أبدا
|
Post: #10
Title: Re: السعوديه تمنع عبور طائرة البشير اجواءها
Author: عادل البراري
Date: 08-04-2013, 11:59 AM
Parent: #8
مش كان قنب في وسط الغلابه ديل والدنيا هبوب ومطر مش كان أحسن ليه
الي متى فروض الطاعة تقام رغم كل المحن
|
Post: #12
Title: Re: السعوديه تمنع عبور طائرة البشير اجواءها
Author: أيمن التوم حسن
Date: 08-04-2013, 12:03 PM
Parent: #10
والله دا زول ماعندو دم ,,, البلد تعيش اسوأ كارثه من جراء السيول والامطار
وجارى يبوس ايدى اسيادو عشان يرضو عنو ,,, اتمنى ان يكون الخبر صحيح
عشان ياخد درس فى الاخلاق عديم الاخلاق دا
|
Post: #14
Title: Re: السعوديه تمنع عبور طائرة البشير اجواءها
Author: جلال جبريل
Date: 08-04-2013, 12:08 PM
Parent: #12
>>>>>>>
الناس ديل خايفين الطيارة تقع فوقن ماعندهن مشكلة مع البشير
|
Post: #16
Title: Re: السعوديه تمنع عبور طائرة البشير اجواءها
Author: Haju Muktar
Date: 08-04-2013, 12:10 PM
Parent: #12
سلامات يا الاخ طارق
الشليق ده ما بتوب
من جرية نيجريا ولا رجعت السعوديه
الزول ده ما بخجل وفضيحه وما عندو عرض والله
غايتو انشاءلله تضيق عليهو لمن تبقي اضيق من اخلاقنا دي
|
Post: #15
Title: Re: السعوديه تمنع عبور طائرة البشير اجواءها
Author: osama fadlalla
Date: 08-04-2013, 12:09 PM
Parent: #10
الخبر في الشريط بتاع العربية
ياخي انا مبسوط بشكل ......
|
Post: #18
Title: Re: السعوديه تمنع عبور طائرة البشير اجواءها
Author: وليد محمد المبارك
Date: 08-04-2013, 12:16 PM
Parent: #15
هاهاهاهاهاهاهاهاهاهاهاها
ياخ الرؤساء بكونوا بره بتحصل كوارث عندهم في بلدهم برجعوا
رئيسنا ماش وين مخلي الكارثة دي
!!
|
Post: #20
Title: Re: السعوديه تمنع عبور طائرة البشير اجواءها
Author: أيمن التوم حسن
Date: 08-04-2013, 12:19 PM
Parent: #18
والله يا بشة فضحتنا فضيحة السواد ,,,, مشيت نيجيربا جيتنا جاري,,,, مشيت ايران جابوك راجع من نص السكة انت بعد شوية ما حتقدر تمشى الحمام زااتو
|
Post: #19
Title: Re: السعوديه تمنع عبور طائرة البشير اجواءها
Author: عبد الحي علي موسى
Date: 08-04-2013, 12:17 PM
Parent: #15
البلد في كارثة،دع عنك كوارث الأمطار،يذهب لإيران الكارثة؟
فليعد بطائرته ويتفقد بها منكوبي الأمطار.
|
Post: #21
Title: Re: السعوديه تمنع عبور طائرة البشير اجواءها
Author: محمد يوسف طه
Date: 08-04-2013, 12:23 PM
Parent: #15
سنة 88 السعودية رسلت اغاثة للسيول و الفيضانات
السنة دي شكله القطع جاف وناشف.
.............................
الله كريم
|
Post: #22
Title: Re: السعوديه تمنع عبور طائرة البشير اجواءها
Author: عبد العزيز محمد عمر
Date: 08-04-2013, 12:34 PM
Parent: #21
Quote: هاهاهاهاهاهاهاهاهاهاهاها
ياخ الرؤساء بكونوا بره بتحصل كوارث عندهم في بلدهم برجعوا
رئيسنا ماش وين مخلي الكارثة دي
!! |
شكرا وليد ... عبرت عني تماما
الشغيل
|
Post: #23
Title: Re: السعوديه تمنع عبور طائرة البشير اجواءها
Author: عبدالكريم الامين احمد
Date: 08-04-2013, 12:41 PM
Parent: #22
سعودية wayeeeeeee
|
Post: #26
Title: Re: السعوديه تمنع عبور طائرة البشير اجواءها
Author: مهدي صلاح
Date: 08-04-2013, 12:46 PM
Parent: #23
للسعودية قيادة حكيمة ولن يصفو قلبها ابدا لأخوان الشياطين كالنظام الحاكم في السودان ولا لدولة كايران تمثل ركن اساسي في محور الشر لكن البشير جلدو تخين وما بيحس .. ملقح على السعوديين
|
Post: #25
Title: Re: السعوديه تمنع عبور طائرة البشير اجواءها
Author: Mohamed Mekki
Date: 08-04-2013, 12:46 PM
Parent: #22
عادي البيان المنتظرنو (لو طلع) حايقولوا عطل فني في الطائرة مما اضطرها للعودة الي الخرطوم.
طبعا لسة بكونوا عشمانين في اموال آل سعود ومادين قرعتهم
ــــــــــــــــــــ
مع الحكومة الدنيئة دي مش حاتقدر تغمض عينك
|
Post: #30
Title: Re: السعوديه تمنع عبور طائرة البشير اجواءها
Author: عبد الحي علي موسى
Date: 08-04-2013, 12:55 PM
Parent: #22
Quote: هاهاهاهاهاهاهاهاهاهاهاها
ياخ الرؤساء بكونوا بره بتحصل كوارث عندهم في بلدهم برجعوا
رئيسنا ماش وين مخلي الكارثة دي
!! |
كوارث شنو؟
إنت أمبارح مُش قلت عن حال الناس:
Quote: الاوض وقعت وانقدت والبرندات مالت .. والخسران كبير ..
مقابيلين ده بابتسامه واسعة وتكاتف كبير فقدنا لينا مده ..
صحانة السلايق تتطاقش المغرب ومعاها القراريص ...
بالليل الرز بالبن يجيك كم صحن من كم جار
والامور باسطة
الوضع الحالي بالنسبة لشفعنا .. اجمل من العيد ذاتو .. مبسوطين وفرحانين
ونحن بنعاين ليهم بابتسامه وفرحانين لفرحهم |
|
Post: #31
Title: Re: السعوديه تمنع عبور طائرة البشير اجواءها
Author: وليد محمد المبارك
Date: 08-04-2013, 01:00 PM
Parent: #30
Quote: كوارث شنو؟
إنت أمبارح مُش قلت عن حال الناس: |
عليك اللها نت هسع فرقك من البشير ده شنو؟
فهم وااااااااااااااااااااااااااااااااااحد
هسع عليك الله من كلامي النقلتو ده فهمت شنو يا تاجر ؟
غايتو الفهم قسم
|
Post: #24
Title: Re: السعوديه تمنع عبور طائرة البشير اجواءها
Author: Mortada Adam
Date: 08-04-2013, 12:45 PM
Parent: #21
الملك عبد الله رجل عاقل قال لبشة
ماشي وين ياعمر ارجع شوف الكوارث و ضحايا السيول و الجوع و المطر
|
Post: #28
Title: Re: السعوديه تمنع عبور طائرة البشير اجواءها
Author: Salah Habib
Date: 08-04-2013, 12:52 PM
Parent: #24
تحية
الاعتكاف فى كافورى ما نفع ولا شنو ؟؟
ماشى يتم الاعتكاف فى قم .
|
Post: #29
Title: Re: السعوديه تمنع عبور طائرة البشير اجواءها
Author: الجنيد حمد
Date: 08-04-2013, 12:54 PM
Parent: #24
شكراً للملكة العربية السعودية وهي تنحاز للشعب السوداني ضد الطاغية
|
Post: #27
Title: Re: السعوديه تمنع عبور طائرة البشير اجواءها
Author: علاء الدين صلاح محمد
Date: 08-04-2013, 12:50 PM
Parent: #21
حدة شنو والراجل الما بيختشي ده والمطلوب جنائيا عابر ارض الحرمين وماشي يتآمر مع ملالي ايران ضد السعودية
عادي وان صح الخبر كتر خيرهم
خلينا من تامرهم مع الملالي
هي البلد غرقانة والناس جعانة
ايران شنو البتجيو ليهم مصائب اسرئلية لا يعرفوها طارائرت ول صورايخ ول حتى القيامة قامت
لو ما قعد في الواطة يقعدوا الكبار غصبا عنو
|
Post: #32
Title: Re: السعوديه تمنع عبور طائرة البشير اجواءها
Author: ابو جهينة
Date: 08-04-2013, 01:01 PM
Parent: #27
إن وراء الأكْمة ما ورائها.
أو بعبارة أخرى : إني أرى شجرا يسير ( كما قالت زرقاء اليمامة )
|
Post: #33
Title: Re: السعوديه تمنع عبور طائرة البشير اجواءها
Author: بله محمد الفاضل
Date: 08-04-2013, 01:02 PM
Parent: #27
.....
رئيس لتخة
ربنا يقفلا في وشك يا بشوة محل ما تقبل
آمين
....
|
Post: #35
Title: Re: السعوديه تمنع عبور طائرة البشير اجواءها
Author: عبد الحي علي موسى
Date: 08-04-2013, 01:08 PM
Parent: #33
Quote: عليك اللها نت هسع فرقك من البشير ده شنو؟
فهم وااااااااااااااااااااااااااااااااااحد |
إنت مدعي الفهم.
بعدين أعرف أكتب أولا واعرف كيف تخاطب الأكبر منك.
|
Post: #36
Title: Re: السعوديه تمنع عبور طائرة البشير اجواءها
Author: وليد محمد المبارك
Date: 08-04-2013, 01:16 PM
Parent: #35
Quote: إنت مدعي الفهم.
بعدين أعرف أكتب أولا واعرف كيف تخاطب الأكبر منك |
البشير برضو اكبر مني ؟
عموما ... انا وكت ما قدرك مالك مالي ؟!
|
Post: #39
Title: Re: السعوديه تمنع عبور طائرة البشير اجواءها
Author: هيثم التوم
Date: 08-04-2013, 01:39 PM
Parent: #36
السعودية الان تربط كافة خيوط اللعبة السياسية في بعضها
و على ما يبدو ان الكيمان اتفرزت تماما الان
تنظيم الاخوان الدولي هو في مصر والسودان
وهو تنظيم مع ايران ومع الجن الاحمر لتحقيق مصالحه
قيادة السعودية الحكيمة الان تضع في حسبانها الدور الذي يقوم به المعتوه البشير
وتنظيمه الحاقد ...
هي خطوة ستتبعها خطات هامة وحاسمة
الدور السعودي سيتمدد ضد اي دور ايراني سوري في المنطقة
والكيزان هم محسوبون بالطبع على الخصم اللدود للخليج وللملكة ..
براااااااااااااااااااافو المملكة وشكرا لوقوفكم مع الشعب السودانى
|
Post: #42
Title: Re: السعوديه تمنع عبور طائرة البشير اجواءها
Author: segtaweel
Date: 08-04-2013, 02:39 PM
Parent: #36
بعيدا عن الفرح بهكذا موقف ساحاول ان ابين بعض الجانب الفنى فى عملية عبور الطائرات بالنسبة للرؤساء - يتم طلب الاذن بواسطة وزارة الخارجية عبارة السفارة من سلطة الطيران المدنى - وبعد اخذ الموافقة التى تكون شكل رقم يعطى لقائد الطائرة - وبواسطة رقم الاذن يتم التواصل بين مراكز المراقبة الجوية كل بلد على حسب رقم عبوره - ولايملك المراقب الجوى حق ادخال طائرة الى المجال باى حال من الاحوال الا فى حالات محددة للطوارئ - يتم الاتصال فى مثل هذه الحالات بجهات اخرى ويتم رفع الامر من جهة الى جهة حتى اعلى جهة - الثابت فى الامر ان الرئيس السودانى كان يستقل طائرة مؤجرة بحروف اجنبية التسجيل لاعلم لسطات الاستخبارات فى المملكة كما اعتقد بتبعيتها للطائرات الرئاسية السودانية - فكان التااخير حتى تخطر الجهات العليا - ومن ثم قرر الرئيس السودانى العودة باعتبار ان التاخير منعا. اقول وحرصا على علاقات الشعوب لانها المتضرر اولا واخيرا من سوء العلاقات اخشى ما اخشى ان تتسرع الحكومة السودانية فى فهم الموقف وتبنى عليه مواقف سالبة وترد السلطات السعودية بعدما يغلق امامها باب التراجع . نقطة اخيرة للاخوة فى الجانبين دعوا احترابكم السياسى لايفسد علاقات الشعوب لانها الخاسرة اولا واخيرا - كم ستتضرر اسرة سودانية مقيمة بالمملكة وكم سيخسر السعوديين انفسهم بهكذا موقف لكن يبدو ان هذا هو زمن الجنون ولامكان لحكمة او تروى
|
Post: #48
Title: Re: السعوديه تمنع عبور طائرة البشير اجواءها
Author: خضر الطيب
Date: 08-04-2013, 09:29 PM
Parent: #36
سلام اخ طارق
رمضان كريم
الحمد لله الذي استجاب دعوات اهل السودان البسطاء
ومنع السلطات السعوديه لرئيس النظام الفاسد بعبور اراضيها
تعتبر رساله قويه لهذا الفاسد واعوانه
إن الله يمهل ولا يهمل
|
Post: #37
Title: Re: السعوديه تمنع عبور طائرة البشير اجواءها
Author: Jamal Mustafa
Date: 08-04-2013, 01:18 PM
Parent: #34
يبدو ان الإمور وصلت حد قف
ومعاها كمان أحسن ترجع بقفاك
رغم الدنيا رمضان وقبايل عيد
|
Post: #38
Title: Re: السعوديه تمنع عبور طائرة البشير اجواءها
Author: وضاح عبدالرحمن جابر
Date: 08-04-2013, 01:26 PM
Parent: #34
Quote: هلا خالد ........
والف شكر للمعلومة ...........
علاقات ليبيا والسعودية ليست كعلاقة السودان والسعودية
ولم تعودنا السعودية انها تقطعوا مع السودان عشرة صفر
حتى في ايام حرب الخليج والقطيعة بين دول الخليج والسودان
ظلت السعودية اكثرهم قرباً ووداً للسودان .......
بلاشك هذه الخطوة ربما تؤسس لواقع جديد في التعامل بين البلدين
|
علاقة السودان والسعدوية ياتها يا جنابو ؟
السعودية وايران فى حالة حرب عديييييييييييييل
يعني البشير يمشي ايران فى الظروف دى يعنى دخل فى حرب عدييييييييييييل ضد السعودية والخليج
|
Post: #40
Title: Re: السعوديه تمنع عبور طائرة البشير اجواءها
Author: abdelrahim abayazid
Date: 08-04-2013, 01:43 PM
Parent: #38
الرئيس السوداني يُمنع من عبور أجواء السعودية للتوجه الى ايرانذكرت مصادر مطلعة أن السلطات السعودية رفضت عبور طائرة الرئيس السوداني عمر البشير فوق مجالها الجوي، حيث كانت متجة نحو الجمهورية الاسلامية الايرانية.
)
الخرطوم (مواقع + وكالات)
وكانت طائرة البشير متجهة إلى العاصمة الإيرانية طهران لحضور حفل تنصيب الرئيس المنتخب حسن روحاني.
وذكرت المصادر أن السعودية رفضت عبور طائرة البشير بعد دخوله أجوائها ما اضطره إلى العودة للخرطوم.
ومن المنتظر أن تصدر رئاسة الجمهورية السودانية بيانا تكشف فيه الملابسات الكاملة.
http://arabic.farsnews.com/newstext.aspx?nn=9204029334
ايران تنقل الخبر
|
Post: #43
Title: Re: السعوديه تمنع عبور طائرة البشير اجواءها
Author: ياسر احمد محمود
Date: 08-04-2013, 03:03 PM
Parent: #41
Quote: قالت وكالة السودان الرسمية للأنباء، يوم الأحد، إن السلطات السعودية منعت طائرة الرئيس عمر البشير من عبور مجالها الجوي، خلال رحلته لإيران، لحضور مراسم تنصيب الرئيس الإيراني الجديد حسن روحاني، مما اضطرها إلى العودة اضطرارياً للخرطوم.
وكان البشير والوفد المرافق له توجه إلى طهران تلبية لدعوة القيادة الإيرانية لحضور تنصيب روحاني.
وقالت الوكالة إن الطائرة عادت بعد أن منعتها السلطات السعودية من عبور أجوائها.
وأبلغ قائد الطائرة التابع لشركة طيران سعودية، أن سلطات الطيران في المملكة لم تسمح للطائرة بالدخول رغم الإبلاغ بوجود الرئيس البشير على متنها.
وبحسب الوكالة فإن الطائرة حلقت ما يقارب الساعة جرت خلالها اتصالات بشأن إذن العبور بين قائدها والشركة التي يتبع لها وبين سلطات الطيران السعودية في مدينة جدة وقد تم قطع الاتصال. ورافق البشير خلال الرحلة وزراء الرئاسة والخارجية والاستثمار والزراعة.
وقالت الوكالة إن السلطات السودانية لا تزال في انتظار الموقف الرسمي للمملكة العربية السعودية خاصة وأن الطائرة حصلت على إذن العبور مسبقاً. |
|
Post: #44
Title: Re: السعوديه تمنع عبور طائرة البشير اجواءها
Author: Deng
Date: 08-04-2013, 03:33 PM
Parent: #43
الطريقة المنقول بها الخبر ناقصة تماما من أي أتصال تم بين الخارجية السودانية والخارجية السعودية.
وأنا متأكد أن ذلك قد تم في تلك اللحظة.
ولكن يبقى السؤال الأهم: هل أتصلت الخارجية السودانية مسبقا بالخارجية السعودية للحصول على أذن عبور، أم أن طلب الأذن تم في الأجواء بعد أن غادرت الطائرة الخرطوم؟
علي كرتي كان من ضمن الوقد ولا كان في إيطاليا؟
أخونا ود الباوقة.
عندك قول ولا راقد لك فوق رأي؟
أها المرة دي أنا عافيك تماما من أي تعليق.
وكا عام وأنتم في السعودية بألف خير.
|
Post: #45
Title: Re: السعوديه تمنع عبور طائرة البشير اجواءها
Author: مهدي صلاح
Date: 08-04-2013, 03:39 PM
Parent: #44
دلخ
|
Post: #46
Title: Re: السعوديه تمنع عبور طائرة البشير اجواءها
Author: عبداللطيف شريف على
Date: 08-04-2013, 06:57 PM
Parent: #45
السعودية تثأر لفقراء ومهمشى شعب السودان ..
يقول ود الباوقه يهدية الله امريكا gl تستطيع مقاومة السيول ...؟؟؟
والحقيقة انها اسطاعت بجلب كل ما تملك من قدرات وامكانيات ورفع الروح المعنوية بوجود الرموز السيادية واعضاء البرلمان والشيوخ ..
كان الجيش حاضرا ليحمى ممتلكات الشعب والشرطة كذلك ..
واذا عجزت بعد كل هذا المجهود فلقد فعلت وحاولت ولم تصهين ..!!!!
اما عندنا فالجيش لا وجود له البتة ..والسؤال لماذا لا يجد الشعب قواته وجيشه معه فى محنته ...؟؟؟؟
ام قوات الشرطة فهى فقط لضرب الشعب واسكاته ...!!
شكرا السعودية لقد ثأرتى لنا ..
|
Post: #47
Title: Re: السعوديه تمنع عبور طائرة البشير اجواءها
Author: عبداللطيف شريف على
Date: 08-04-2013, 06:57 PM
Parent: #45
السعودية تثأر لفقراء ومهمشى شعب السودان ..
يقول ود الباوقه يهدية الله امريكا gl تستطيع مقاومة السيول ...؟؟؟
والحقيقة انها اسطاعت بجلب كل ما تملك من قدرات وامكانيات ورفع الروح المعنوية بوجود الرموز السيادية واعضاء البرلمان والشيوخ ..
كان الجيش حاضرا ليحمى ممتلكات الشعب والشرطة كذلك ..
واذا عجزت بعد كل هذا المجهود فلقد فعلت وحاولت ولم تصهين ..!!!!
اما عندنا فالجيش لا وجود له البتة ..والسؤال لماذا لا يجد الشعب قواته وجيشه معه فى محنته ...؟؟؟؟
ام قوات الشرطة فهى فقط لضرب الشعب واسكاته ...!!
شكرا السعودية لقد ثأرتى لنا ..
|
Post: #49
Title: Re: السعوديه تمنع عبور طائرة البشير اجواءها
Author: مهدي صلاح
Date: 08-04-2013, 11:51 PM
Parent: #47
| Quote: وزير شؤون رئاسة الجمهورية الفريق أول ركن بكري حسن صالح، ووزير الخارجية علي أحمد كرتي، ووزير الزراعة د. عبدالحليم إسماعيل المتعافي، ووزير المجلس الأعلى للاستثمار د.مصطفى عثمان إسماعيل، ومدير جهاز الأمن الوطني الفريق أول محمد عطا المولى. |
ديل الجماعة الكانوا مع البشير
|
Post: #50
Title: Re: السعوديه تمنع عبور طائرة البشير اجواءها
Author: طارق ميرغني
Date: 08-05-2013, 01:50 AM
Parent: #49
ا\خي دينق
هذا هو الخبر نقلته بحذافيره كما ورد في نشرة سكاي نيوز
ويبدو ان استعجال النشر ادي لهذا الاختصار في ايراد النبأ
وانا من جانبي حاولت نقله بالسرعة المطلوبة كما ورد
|
|