بوستات سودانيزأولاين وبوستات سودانفورأول

الليلة طالعت تلاتة بوستات عن السودانيات النشالات في السعودية. وسألت نفسي ليه الكتاب ديل فكرو إبتداءاً بفتح بوست بهذا الخبر؟ ما لقيت سبب، وأنا ذاتي لو قرأت هذا الخبر في مكان آخر، ما حأفتح بيهو بوست، وكتير جداً في ناس بتفتح بوستات من أخبار صحيفة الدار والصحف الشبيهة لها، وبتكون أخبار غير غريبة عشان الناس تتدارسها أو غير طريفة عشان الناس تتسلى بيها مثلاً، بوستات بهذا الشكل لم أطالعها في سودانفورأول، ولا مرة واحدة، ومرات كثيرة في كتاب يكتبون في سودانفورأول يكتبون بوستات في سودانيزأولاين ولا يكتبون نفس هذه البوستات في سودانفورأول.
___
الحاصل شنو بالله؟

حيرونا

فلانة سرقت في السعودية، وفلانة أتزعطت في الجماهيرية

وغايتو

السبق الصحفي مهم يا أبو اليسر ..
رمضان كريم يا حبيب

طلحة عبد الله
أكرمك الله يا صاحب
السبق الصحفي لأخبار بايتة يا طلحة
صبق حمير، الغريبة يا طلحة الجماعة البجيبو الأخبار دي ما عندهم علاقة بالصحافة ذاتها

حبيبنا ونورة
البفقع المرارة يا ياسين أخبار الفضايِّح البنتحصل خارج السودان، أي زول أسوّد بيشبهنا يقولو سوداني، وناسنا الدراويش، يعجبوك في الكوبي بيست، يشيلو ويلصقو، .

سلامات حبيبنا أبو تفة
رمضان كريم

إستسهال فتح بوست ما ؟؟
الرغبة في التواجد كتابة - مهما كان الثمن - ؟؟
الإدانة الإعلامية المسبقة وعدم الإلتفات للأذى النفسي والمعنوي لو حكمت المحاكم - لاحقاً - ببراءة من ( شرشحت ) في الأسافير سمعته ؟؟

ساءني بشكل كبير اليوم أن أجد أن أحد ( اللافحين ) للخبر أحد ( حماة القانون ) فخاطبته

Quote: عزيزنا ( مولانا ) عصام دهب رمضان كريم أنت ( مهنياً ) لست كالآخرين ( لفحاً ) للأخبار هؤلاء السيدات لا يزلن مجرد ( متهمات ) والمتهم كما أنت سيد العارفين ( برئ ) حتى تثبت إدانته أعطهن الـ ( بينفت أوف داوت ) حتى تصدر المحكمة حكمها بعدين سودانيزأونلاين ملحوقة

Re: كفشوهم في مكة .. نشالات سودانيات بنات لذينات ..

داك موقع صفوة
وحوشنا حوش عوام او كما قال ود موسى ذات غارة علينا

Quote: الليلة طالعت تلاتة بوستات عن السودانيات النشالات في السعودية. وسألت نفسي ليه الكتاب ديل فكرو إبتداءاً بفتح بوست بهذا الخبر؟ ما لقيت سبب، وأنا ذاتي لو قرأت هذا الخبر في مكان آخر، ما حأفتح بيهو بوست، وكتير جداً في ناس بتفتح بوستات من أخبار صحيفة الدار والصحف الشبيهة لها، وبتكون أخبار غير غريبة عشان الناس تتدارسها أو غير طريفة عشان الناس تتسلى بيها مثلاً، بوستات بهذا الشكل لم أطالعها في سودانفورأول، ولا مرة واحدة، ومرات كثيرة في كتاب يكتبون في سودانفورأول يكتبون بوستات في سودانيزأولاين ولا يكتبون نفس هذه البوستات في سودانفورأول. ___ الحاصل شنو بالله؟

اول امس قبضو سوداني عندنا هنا في السعودية معاو مصحف وحجاب تعال شوف الشمارات
حيقطعو راسو وحيقطعو ضنبو والخبر نزل في مواقع كتيره تصدق تاني يوم فكوهو واعتذرو
فماتستعجلو حتى لو ثبت كلام زي ماممكن نكون نحن البنجيب اخبار زي دي فخلوها مستوره
وتسلم ابتفه

حامد بن بدري

Quote: اول امس قبضو سوداني عندنا هنا في السعودية معاو مصحف وحجاب تعال شوف الشمارات حيقطعو راسو وحيقطعو ضنبو والخبر نزل في مواقع كتيره تصدق تاني يوم فكوهو واعتذرو فماتستعجلو حتى لو ثبت كلام زي ماممكن نكون نحن البنجيب اخبار زي دي فخلوها مستوره

عشان الأبرياء ديل يا حامد مفروض نتأنى.
___
يا ريت يا حامد يخلوها مستورة.

حيدر بن حسن
الغريبة يا حيدر البنقلو الأخبار دي ما مصنفين من العوام
هناك الدرش والزرزر

عاطف بن عمر
الأخبار والصحة، وكيف رمضان معاكم
قد يكون استسهال ورغبة في التواجد كما ذكرت، لكن الأخبار الزي دي معقولة ما عارفين إعادة نشرها تضر بسمعة السوداني.
الجريمة ما عندها جنسية محددة، الناس القاعدة في السعودية وبتقرأ الصحف الصفراء السعودية، الناس برة السعودية ما دايرين يقروها.

حيدر حسن ميرغنى...
....

داك موقع صفوة
وحوشنا حوش عوام او كما قال ود موسى ذات غارة علينا
....

يآسر طيفور....
سلام...

الفرق بين منبر بكرى والمنابر الآخرى يتلخص فى الآتى:

أولا كثير من الكتاب فى منبر بكرى لا تهمهم المصدآقية..
يكتبون أى شئ والسلام..
وتقرأ كثيرا فى هذا المنبر..
هو الكلام بى قروش؟
ويصبح الهدف من الكتابة هو الشوفونيه..
أو أثبات الوجود وبأى ثمن..

ثانيا يكتب كثير من الآعضاء فى أى موضوع...
بمعنى أن الكاتب يتناول....
أمور الحياة الاجتماعية والسياسة والطب..الخ
دون أن يلتزم بأدبيات المجال الذى يكتب فيه..
لآن هذا ليس من هدفه..
ولآن الآحترافية لا تهمه..
ولآن الهدف هو كما قلنا أثبات وجود والسلام..

ثالثا تجد بعض الكتاب يتخصصون فى صيد الناس..
والسب الذى يصل الى حد القذف...
ويكون من الوآضح أن هذا السب الذى (يودى فى ستين دآهية)..
لا علاقة له بالاختلاف فى الرأى بقدر ما هو عقدة خاصة يعلمها هو..
أو كراهية لصاحب البوست المعنى بالسب...

رآبعا الآتهام باشياء لا وجود لها....
وقد تكون أتهامات خطيرة..
يمكن أن تنسف الشخص المتهم زورا وبهتانا..
وحينما يطلب من الشخص صاحب الآتهام بأن يعود ليثبت كلامه...
فهو ببساطة يذهب ولا يعود..
ثم يظهر فى بوست آخر بنفس التهم..

خآمسا كثير من أعضاء المنبر لا يهتمون بأحترام الآخر..
ويصبح حوش بكرى مكانا للصراعات..
والدواس بكآفة أشكاله..
فقط لآن كاتب البوست لديه حرآق روح...
أو عقدة ما..
أو هو يكتب تحت تأثير الخمر...
أو أى مادة تعربد بالعقل..
أو هو يريد أن ينفض ما بدآخله من غبار...
وسجن سجن غرآمة غرآمة..

سادسا تجد شخصا يفتح بوست ليقول لك توجد صور..
ثم تدخل ولا تجد صورا ولا يحزنون...
دون أن يكلف نفسه ليشرح للقراء...
الصعوبة التى لاقته فى تنزيل الصور..

سابعا تجد شخصا يفتح بوست ليقول لك الحركة أو الجبهة الثورية...
حررت كذا وكذا..
وأغتنمت كذا وكذا..
بل وينزل صور قديمة لا علاقة لها بالخبر....
ثم وحينما يأتى شخص آخر بالخبر اليقين...
فماعلى صاحب الخبر المضروب ألا أن يذهب الى غير رجعة...
و لكنه يعود فى بوست آخر بنفس الآخبار الكاذبة..

وأخيرا...
نستطيع أن نستطرد فى هذا الموضوع الى ما لا نهاية...
وبكرى ابوبكر تعب من تفعيل القوانين التى لا يلتزم بها أحد..
والنتيجة هى أن المنبر فآقد للمصداقية لدى القارئ العام..
ألا بعض الآقلام التى تعد على اصابع اليد..
ولو كنت فى السودان لتأكدت من ذلك بنفسك..

سودانفورأول وكل المنابر المحترمة..
تكتب بأحترافية عآلية....
ومهنية أعلى..
ومصداقية لا يتسرب اليها الشك..
هذا لآنهم يكتبون بمسئولية..
يحترمون أنفسهم..
ويحترمون القارئ...

وهذا هو الفرق بيننا وبينهم...

Quote: مستنير شديد · الأكثر تعليقا · Khartoum, Sudan كدي بالله خلينا من اوهامك دي خشّ على النذير حجازي (الفارة) خلينا نستمتع هههههههه رد · 2 · أعجبني · متابعة المنشور · منذ ‏15‏ ساعة

Quote: Yassir Tayfour · الأكثر تعليقا · يعمل لدى ‏‎IBM Canada Campus‎‏ يا وهبه، مشيت للنذير في بوست من بوستاته السمحة، قلت ليهو يا نذير أنا عندي عندك باقي ولّ الحساب خالص، ما ردّ علي فما عرفتو داير ياكل الباقي ولّ ما عندو فكة ؛) رد · أعجبني · متابعة المنشور · منذ ‏30‏ دقيقة

عزيزنا ياسر
سلامات
يا ياسر الجماعة ديل 80 في المية منهم .
عندهم المدردم كلو ليمون .

ياسر رمضان كريم

لاحظ أي جريمه بتحصل والمتهم سوداني بنزل الخبر سوداني عمل وسوداني ترك

ونفس الشي لمن يحصل معي جنسيات تانيه بكون الخبر شخص من عربي او .. الخ

للاسف في حرب من أبناء شمال الوداي الشغالين في الصحف لاشانه اي شي يخص السودان

ونحنا بالصلاة علي النبي نشر فالحين في الكوبي بست في أكبر منتدي سوداني للحوار

Quote: ومرات كثيرة في كتاب يكتبون في سودانفورأول يكتبون بوستات في سودانيزأولاين ولا يكتبون نفس هذه البوستات في سودانفورأول.

ده التناقض زاتو يا ياسر ....
بعدين هناك لزوم البرستيج والصفويه ما مكن يكتب بوستات من النوع ده لانو عمك حسن حينزلو والبص ماشى ....!