نكته ..........البشير حلمان ...هههههههههه

البشير حلمان شاف 3 كيمان تراب وعايزين واحد يفسر الحلم ده
في مسطول كده قال يفسرو بس بشرط تدوني الامان
جابو البشير والحرس الجمهوري قالو ليهو يلا ابدأ
قال للبشير ! الكوم الأول ده في خشمك لوفاكر الشعب بحبك!
والكوم الثاني ده في خشم الشعب لو راجيك تعمل ليهو حاجه
هنا الحرس عيونو حمرت
قالو ليهو اها الثالث
قال ليهم الثالث ده في خشمي انا كان مرقت منكم سالم

التراب ده بكون جابو معاه من جكة نيجيريا

بشبش مشى زيارة تركيا

قال لي اردوغان

انت الوزراء الممتازين ديل بتعرفهم كيف

اردوغان قال ليهو بعمل ليهم اختبار زكاء

مثلا تعال يا يا داؤود اوغلو

انت امك وابوك جابو ولد لا هو اخوك ولا اختك يطلع منو ؟؟

رد اوغلو طبعا يطلع انا

البشير اول ما وصل الخرطوم قابلو عبد الرحيم حسين

البشير طوالي شبكو يا ابو العريف ابوك وامك جابو ولد لا هو اخوك ولا اختك يطلع منووو؟؟

ابو العريف قال للرئيس بس ادبني دقائق وانقش ليك الاجابة

راح قابل صلاح قوش وسالو يا قوش ابوك وامك جابو ولد لا هو اخوك ولا اختك يطلع منوو؟

قوش قال ليهو طبعا يطلع انا

صاجبك قام جرلاي على بشبش

اها يا ابو العريف عرفت الاجابة والا احيلك للتقاعد

ابو العريف رد بسرعة ايوا يا ريس ما هو صلاح قوش

قام بشبش قال ليهو ياعوير غلط

الاجابة داؤود اوغلو
.......................................................................................

واحد من عندنا جا الحج ومن اول يوم متجدع لا طواف لا سعي ولا حتى صلاة

واحد قريبو قال ليهو ده شنو ده انت مما جيت لا طواف لا سعي ولا حتى صلاة

قام اخونا قال ليهو

ما ناس الحملة قالو كل شئ عليهم
...................................................