عمر جعفر والسر قدور

عمر جعفر

رغم اني ما زول حريف وما متابع كويس

لكن شايفو يستحق الجلوس مع العم السر قدور اكتر من كتيريييييييييييين

تخريمة: عشان ما اكون شايت ضفاري..عمر جابوا قبل كده مع عمو السر؟

ياسر منصور
سلاااااام مطبوق
عمر جعفر من أجمل الاصوات الشبابية الموجوده في الساحه
وحرام السر قدور ما يضيف عمر و أبوبكر سيدأحمد للبرنامج

يعني ما جابو قبل كده؟؟

الحمد لله انا ما شايت ضفاري

لكن بكل امانة عمر جعفر افضل من كثير من جوقة البرنامج الشهير

عشان الناس ما ينطوا لي في حلقي

انا مااااااااااا عندي اي فكرة عن حكاية الاصوات والهارموني والدوزنة والذي منو

رأيي ده رأي زول بسمع ساكت

يعني ما عندو علاقة بالحاجات العلمية الغمييييييسة ديك

السمع لو مية مية برضو نعمة
لكن الله اعلم

يا اخي صاحبك داك ..بي اضان واحدة عامل لينا فيها اسماعيل عبدالمعين

لامن نحن الاضنينا الاتنين بحمد الله تامات وسالمات؟؟

ههههههههههههههههه

ياسر ... ازيك
ياخي عمر جعفر فايت محطة السر قدور بكتير ...عمر فنان راسخ ...
وبعدين البرنامج نفسو استنفد اغراضو بقت الاغاني مكرره ومشروخة
امس القريبة دي التيجاني حاج موسى غني (امي الله يسلمك) ونفس الغنية اتغنت في البرنامج مع ترباس السنة الفاتت بكى فيها
سرور وكرومة وسيد وابو صلاح وكل من تبع من مراحيم الغنا والناس الرائعة دي بنشوه فيهم نحن
بتعليب اغانيهم لتظل وتظل وتظل وتمل وتعيق حركة التجديد وباب الاجتهاد وبالتالي نفسح المجال لتنمو الطحالب

ابقى عافي

سلام ..طاهر ود بدر

يبقى السؤال عن معايير الاختيار

مع ودي