ناس العوائد عايزين يقلعوا البيت

كالعادة اتصلت على الحاجه بغرض التحية ومعرفة الصحه والاخبار.
-اها يا حاجه اخباركم إن شاء الله كويسين .
- ردت الحاجه والله ياولدى نحن كويسين وبخير وصحة الا بس ناس العوائد (العتب)جونا هنا وقالوا دايرين 150جنية .
وبكل عفوية اخبرتنى بانهم قالو ليها كان ما دفعنا بيقلعوا البيت مننا.
جائنى صوت الوالده وفيه جدية وخوف حقيقى من هذا الموضوع.
طبعا ضحكت واخذت الموضع كمجرد مزجه وذلك لادخل الطمانينة الى قلبها .
واخبرتها بأن الامر مجرد تهديد عشان ندفع وبس وليس من حقهم وما بيقدروا يقلعوا البيت.
بكره برسل زول يمشى ليهم يشاكلم ليك ويدفع العوائد وتانى مابيسالوك.


انتهى

وبعدين مع ناس العوائد ياجماعه.

للاخوة القانونين

هل من حق المجلس البلدى نزع اى قعطة سكنية او عقار فى حال عدم دفع مالكة للعوائد.

هل يجوز لموظف جباية العوائد تهديد الناس بانتزاع العقار فى حالة عدم دفع العوائد.

إذا كنت تعني بهل يجوز من ناحية الدين
فأصلاَ ما يسمى العوائد هو محرم
فلم يحل الله لأحد حكومة أو غيرها أن تاخذ مال من أحد
غير الزكاة التي تعطى لمستحقيها
وقد حرم الله تعالى ورسوله صلى الله عليه وسلم
أموال الناس ودماؤهم
ولكن القرضاوي قد احل المال والدم المحرمين
وتبعه هؤلاء .
فقد اخترع هؤلاء شرعاَ من عندهم ونسبوه لله
نعوذ بالله مما يفعل الظالمون

Quote: إذا كنت تعني بهل يجوز من ناحية الدين فأصلاَ ما يسمى العوائد هو محرم فلم يحل الله لأحد حكومة أو غيرها أن تاخذ مال من أحد غير الزكاة التي تعطى لمستحقيها وقد حرم الله تعالى ورسوله صلى الله عليه وسلم أموال الناس ودماؤهم ولكن القرضاوي قد احل المال والدم المحرمين وتبعه هؤلاء . فقد اخترع هؤلاء شرعاَ من عندهم ونسبوه لله نعوذ بالله مما يفعل الظالمون

شيخ منتصر
رمضان كريم

انا بسال من ناحية قانونية هل الفعل ده سليم .
اما من ناحية الدين فالجماعة ديل اسهل حاجه انهم يستحدثوا ليهم فتوى يقلعوا بيها قروش الناس.
عشان كده خلينا وراهم بالقانون بس.
المصيبة انهم نشيطين فى جمع الضرائب والجبايات ولكن وين الخدمات البتقدم مقابل القروش دى.