Post: #1
Title: اعتذاااار ................. بس لكن للطفيليين ديل اموت وما اعتذر !!
Author: توفيق عيسى مكي
Date: 07-24-2013, 01:12 PM
كان النميري عندما تشتد عليه المظاهرات ولا يجد حل يأتي للتلفزيون ويخاطب الجماهير والشعب عبر برنامجع الشهير ........
اول كلامة كان يفول : ان الثورة تراجع ولا تراجع .............
ان الملوك والامراء لا يعتذرون
وانا امير ابن امير
لكني اعتذر لناس الضهاري الفهموني غلط
انا والله ما قاصدكم الا بكل الحب والخير ولكن ربما من خلال اسلوبي في الكتابة يكون مساكم طرف السوط
وكل مشكلتي وانا واثق انها تفس مشكلتكم الناس الطفيليين ديل
الناس السوس
وشوك الحوت الما بيفوت
الكتمو علينا النفس في الخرطوم
وعملو ليكم ازمة شوفونية في الاقاليم والضهاري
|
Post: #2
Title: Re: اعتذاااار ................. بس لكن للطفيليين ديل اموت وما اعتذر !!
Author: توفيق عيسى مكي
Date: 07-24-2013, 01:16 PM
Parent: #1
اخوي الجنيد حمد ......
كده كيف ؟؟؟؟
ولا..............
اعتذارك ما بيفيدك
|
Post: #3
Title: Re: اعتذاااار ................. بس لكن للطفيليين ديل اموت وما اعتذر !!
Author: توفيق عيسى مكي
Date: 07-24-2013, 01:21 PM
Parent: #2
المهم اقدم اعتذار رسمي لناس الضهاري ان مساهم مني بعض رشاش الحديث الذي بالقطع لا أعنيهم به
ورمضان كريم
والعفو والعافية
وصافية لبن
|
Post: #4
Title: Re: اعتذاااار ................. بس لكن للطفيليين ديل اموت وما اعتذر !!
Author: توفيق عيسى مكي
Date: 07-24-2013, 01:27 PM
Parent: #3
وان عدتم عدنا
ايها الطفيلييت ...
ولكن بعد رمضان والعيد
والمعركة لن تنتهي بالقطع
وانا وناس الضهاري بقينا حبايب
|
Post: #5
Title: Re: اعتذاااار ................. بس لكن للطفيليين ديل اموت وما اعتذر !!
Author: abas
Date: 07-24-2013, 01:27 PM
Parent: #3
المهم اقدم اعتذار رسمي لناس الضهاري ان مساهم مني بعض رشاش الحديث الذي بالقطع لا أعنيهم به
ورمضان كريم
والعفو والعافية
وصافية لبن
والله اعتزارك عينه يا ود الامراء
برضو رمضان كريم
|
Post: #6
Title: Re: اعتذاااار ................. بس لكن للطفيليين ديل اموت وما اعتذر !!
Author: سليمان القرشي
Date: 07-24-2013, 01:29 PM
Parent: #3
توفيق سلام ورمضان كريم عليك
قدر ماقلبت اعتزارك مافهمت منو
حاجة في البداية مشيت كويس
تاني جبت سيرة الناس الملو عليك
الخرطوم حابي اعرف ديل منو
تسلم
|
Post: #7
Title: Re: اعتذاااار ................. بس لكن للطفيليين ديل اموت وما اعتذر !!
Author: عادل الباهي عبدالرازق
Date: 07-24-2013, 03:41 PM
Parent: #6
Quote:
وان عدتم عدنا
ايها الطفيلييت ...
ولكن بعد رمضان والعيد
والمعركة لن تنتهي بالقطع |
هههههههههههههههههههههههههههههههههههه
والله يا توفيق زكرتني بنكتة الزول المخاصم جارو ولمن أتي موسم الحج وكان يرغب في الذهاب
الجماعة قالو ليهو يأخي أمشي أتصافي مع جارك الموت من الحياة ما معروفه فقام مشي قال لجارو
يازول انا ماشي الحج فاشنو اعفي مني واعفي منك ولو توفيت هناك العفو في العافية ولو رجعت الحال في
حالو .
عليك النبي الطفيليين ديل منو كدي أدينا نماذج حتي لا يتشابه علينا البقر ههههههههه
|
Post: #8
Title: Re: اعتذاااار ................. بس لكن للطفيليين ديل اموت وما اعتذر !!
Author: Mahjob Abdalla
Date: 07-24-2013, 04:09 PM
Parent: #7
| Quote: المهم اقدم اعتذار رسمي لناس الضهاري |
شكرا توفيق علي الاعتذار و انا اقبل الاعتذار كواحد من ناس الضهاري بس عليك الله رش لينا الناس الما معترفين انهم من الضهاري ديل رش السمين بس.
رمضان كريم
|
Post: #9
Title: Re: اعتذاااار ................. بس لكن للطفيليين ديل اموت وما اعتذر !!
Author: محمد جبره
Date: 07-24-2013, 04:24 PM
Parent: #8
Quote: ان الملوك والامراء لا يعتذرون
وانا امير ابن امير |
محيرني الناس البردوا ديل
نسأل الله السلامة
|
Post: #10
Title: Re: اعتذاااار ................. بس لكن للطفيليين ديل اموت وما اعتذر !!
Author: الجنيد حمد
Date: 07-24-2013, 04:47 PM
Parent: #9
العزيز / توفيق عيسى مكي
جميل أن تقر بألخطأ او أن توضح ما قصدته
وكما ذكرت الاعتذار قيمته لصاحبه وليس لمن يمنح له
...................................................
معالي الباشا حفظك الله وايدك ووفقك لما فيه خير الرعية
|
Post: #11
Title: Re: اعتذاااار ................. بس لكن للطفيليين ديل اموت وما اعتذر !!
Author: عبد الناصر الخطيب
Date: 07-24-2013, 06:29 PM
Parent: #10
توفيق عيسي مكي
رمضان كريم
Quote:
كان النميري عندما تشتد عليه المظاهرات ولا يجد حل يأتي للتلفزيون ويخاطب الجماهير والشعب عبر برنامجع الشهير ........
اول كلامة كان يفول : ان الثورة تراجع ولا تراجع ............
|
بديت الكلام بجنرالى المفضل ........ البرنامج أسمو المصارحة والمكاشفة
كان زمن سمح بالحيل ... زمن رائق .......... ولانك من ناس الزمن داك
كنت بتوقع بستمرا يكون عندك طرح أهدي وأروق من كده بكتير ........
أدناه صورة من الزمن داك يا توفيق ............
ما القصد الجنرال لكين عين للوجوه وشكل الهدؤ والروقة الكانت ................
وبالتالي الصبر والحكمة المفروض تكون موجودة ...... ما حصل اتداخلته معاك في الموضوع الاصل
لانوا فارغ شديد يا توفيق ........... كلامك بعيد كل البعد عن الواقع والشي الحصل في السودان
الخلى ناس الضاهرى البتقول عليهم ديل يسيبوا أرضهم ويجوا كلهم الخرطوم
وكأنوا الناس ديل حيث كانوا أتوفرت ليهم الصحة والتعليم والعمل .................
عشان ما يجوا ويضايقوك في خرطومك ............
الناس يا توفيق ولاد بيئتهم وثقافتهم وبالتالي أختلاف البئيات والثقافات ما بدي الحق لناس
تستعلى أو تنكر حق أخرين أنو يكونوا بثقافة مختلفة ..... ولما تتعامل معاهم ما من الحكمة
تظهر رفضك المبالغ ده ليهم ........... لانوا مافي سبب لشي زي ده
ده غير حق الناس تنتقل وتعيش في أي شبر من تراب بلدهم دي أصلوا ما فيها نقاش
ما عوز اكلمك عن قيمة أنو الانسان بأستمرار يعرف ويطلع على ثقافات مختلفة ده مهم قدر شنوا
وكيف بزيد من معرفتوا وخبرتوا في الحياة بعكس التمترس وراء مفاهيم معينة ورفض غير مبرر
للأخر .... الخوف من الاخر ده معناها أنك ما عندك البتقدر تقدموا ليهوا أو تخلق بيهوا تواصل معاهوا
وفي نفس الوقت ما بتدي نفسك أى فرصة تشوف حاجاتوا ...... وبالتالي حتكون إنسان جامد جدا
متبني صور نمطية عن الاخر ممكن تكون بعيدة كل البعد عن حقيقتوا البتصله بتعاملك معاهوا ......
# ما مشكلة تكون ثقتك بنفسك واعتزازك بيها قوي ........ أمير ود أمراء ......... يبقي مطلوب منك
هنا تقدم السلوك البخلى غيرك يلمس فيك الحته دي .... البرضوا ما من الحكمة تكون محور كلامك لانوا
الناس يا توفيق ما ليها بحته (( أنت منو )) كون التكونوا .......... بهمهم تعاملك معاهم شنو !!!!!!
باستمرار عندي تفاؤل كبير أنك قادر تعدل من الصورة الحّادة دي لصورة مقبولة وأكتر إعتدال
ولك أكيد التقدير
|
Post: #12
Title: Re: اعتذاااار ................. بس لكن للطفيليين ديل اموت وما اعتذر !!
Author: وضاح عبدالرحمن جابر
Date: 07-24-2013, 06:54 PM
Parent: #11
| Quote: معالي الباشا حفظك الله وايدك ووفقك لما فيه خير الرعية |
|
Post: #13
Title: Re: اعتذاااار ................. بس لكن للطفيليين ديل اموت وما اعتذر !!
Author: عبداللطيف شريف على
Date: 07-24-2013, 07:30 PM
Parent: #12
السودان 99% من شعبه امراء ...
فالمهدية جعلت من الكثيرين امراء ...
فشنو كمان فى حضارات وممالك فى كل انحاء السودان ...
هى اتذكرت حكاية التركى (المسئول ....
بتقول عمك نزل المعاش ...
جاب ليهو عدة قلل وعمل سبيل وصبغ هذة القلل بالوان ..
يعنى اصفر واحمر واخضر وكدة ..
اهاااااااا عمنا التركى قعد فى كرسيه المفضل تحت الشجرة الظليلة وامامه قلل السبيل ...
يجب واحد من الجمهور يشرب ويشل القلة الصفراء عمك التركي يكورك ليهو: لا شيل البيضاء ....
نحن اولادك يا وطن نقعد نقوم على كيفنا ...
|
Post: #14
Title: Re: اعتذاااار ................. بس لكن للطفيليين ديل اموت وما اعتذر !!
Author: Salah Habib
Date: 07-24-2013, 11:02 PM
Parent: #13
تحية
ياسلام الليلة الامير ابن الامراء اتكرم واتنازل من عليائه واعتذر للطفيليين اللى هم انحنا
وكان ماقبلنا الاعتذار , فالويل لنا .. بكرة حيطردنا من الخرطوم ال هى عزبه ابوه الباشا
ايه التخلف دا
انت عايش فى القرن الكم
امشى شوف ليك طبيب نفسى يخلصك من اوهام العظمة والمجد الزائل
اعتذارك ما بيلزمنا
ا
|
Post: #15
Title: Re: اعتذاااار ................. بس لكن للطفيليين ديل اموت وما اعتذر !!
Author: توفيق عيسى مكي
Date: 07-25-2013, 06:33 AM
Parent: #14
طبعا واضح من الردود طيبة وسماحة اهلنا ناس الضهاري
وواضح خروج من طورهم واسلوبهم الغير راقي الهمجي من الطفيلين من ناس الضهاري
|
Post: #16
Title: Re: اعتذاااار ................. بس لكن للطفيليين ديل اموت وما اعتذر !!
Author: توفيق عيسى مكي
Date: 07-27-2013, 04:11 PM
Parent: #15
UP
|
Post: #17
Title: Re: اعتذاااار ................. بس لكن للطفيليين ديل اموت وما اعتذر !!
Author: مازن الجمّال
Date: 07-27-2013, 07:07 PM
Parent: #16
|
Post: #18
Title: Re: اعتذاااار ................. بس لكن للطفيليين ديل اموت وما اعتذر !!
Author: عبداللطيف شريف على
Date: 07-27-2013, 07:08 PM
Parent: #16
Quote: طبعا واضح من الردود طيبة وسماحة اهلنا ناس الضهاري
وواضح خروج من طورهم واسلوبهم الغير راقي الهمجي من الطفيلين من ناس الضهاري |
ود عيسى ...
كيفنك واخبارك ...
الرعية والرعاع ديل زعلوك ...
يا اخى مش كده انت ذاتك غلطان البتعتذر ليهم ...
قالوا ليك اعتذارك ما بيفيدك ...!!!!
اسحب الاعتذار ده واديهم بالجزمة السمحة او القديمة ....
عالم تمحن وتحيرّ......!!!
|
Post: #19
Title: Re: اعتذاااار ................. بس لكن للطفيليين ديل اموت وما اعتذر !!
Author: مازن الجمّال
Date: 07-29-2013, 02:54 PM
Parent: #18
فوق .. كتحميش نيران مني وكدا 
|
Post: #20
Title: Re: اعتذاااار ................. بس لكن للطفيليين ديل اموت وما اعتذر !!
Author: عبدالله محمد احمد بلة
Date: 07-29-2013, 08:08 PM
Parent: #19
توفيق رمصان كريم ياخ
غايتو اعتذارك ده ذكرني بموقف كدة من زمن الطفولة
كنا ونحن اطفال قاعدين في الركوبة نشاهد في تلفزيون السودان
وكان مظهرنا مبهدل بهدلة شديدة
فجاة ظهر خالي وعاين لحلتنا المبهدلة
في نفس اللحظة كانت مذيعة التلفزيون تبتسم وتقول
" اعزائي المشاهدين نعتذر عن تقديم برنامج قرسان في الميدان ونقدم سهرة منوعات "
خالي عاين للمذيعة وقال
( والله اعزائك المشاهدين ديل لو شفتي خلقتم دي ما بتعتذري اصلو)
|
Post: #21
Title: Re: اعتذاااار ................. بس لكن للطفيليين ديل اموت وما اعتذر !!
Author: Mahjob Abdalla
Date: 07-29-2013, 08:11 PM
Parent: #20
| Quote: طبعا واضح من الردود طيبة وسماحة اهلنا ناس الضهاري |
شكرا توفيق
|
Post: #22
Title: Re: اعتذاااار ................. بس لكن للطفيليين ديل اموت وما اعتذر !!
Author: توفيق عيسى مكي
Date: 07-30-2013, 01:44 PM
Parent: #21
UP
|
|