الركوع للآى فون .. و السجود للجلاكسي !!!

Post: #1
Title: الركوع للآى فون .. و السجود للجلاكسي !!!
Author: يحي قباني
Date: 07-23-2013, 06:47 AM
Parent: #0

ما هذا الزمن العجيب ...!

شاءت الظروف ان اتوسط شخصين في صلاة التراويح مساء الاتنين 22 يوليو

لا اعرفهما ... ولكن من الشكل هما من الدول العربية ...

صلينا العشاء اولا ... استقر الوقوف بوجود هذين الشخصين علي يميني و يساري ..

انتظمت الصفوف و وضع المصلي الذي علي يميني جهاز الآيفون امامه و شاشته الي اعلي ( في اتجاه القِبلة ) ...

كبّر الامام ... و صلينا الركعة الاولي ... والثانية ...

و عند السجود للتشهد .. رن تلفون الشخص الذي علي يساري ...

فادخل يده في جيبه ... و قفل ( الرنة ) بسرعة و مهارة ...

ثم وضع جهازه ( الجلاكسي ) ذو الشاشة الكبيرة ايضا امامه بعد ان قرأ الرقم المتصل ...!!

في الركعة الثالثة ... رن الايفون برسالة...!!

وكنا وقوفا وجهازه علي الارض ..

ركعنا ... ثم سجدنا .. واذا بصاحب الايفون ( يلمس) الشاشة لمعرفة المتصل ...

قمنا من السجود و تاخر صاحبنا قليلا بعد ان اتم قراءة ( المسج ) ...!!!

بعد السلام ... التقطوا هواتفهم ... و رأوا ما رأوا ... ثم وضعوها مرة اخري امامهم ...

قلت الان في نفسي ... هم منصرفون في هواتفهم ... وحسابهم عند ربهم !!!

انا ... ما حسابيا ... وقد صورت ذلك المشهد !!!
___________________________________________________
ماذا لو وضع كل شخص هاتفه في وقت الصلاة داخل سيارته لمدة نصف ساعة !!!

Post: #2
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 06:56 AM

اين الخشوع في الصلاة !!!

أليست الطمانينة ركن من اركان الصلاة ؟

الطمأنينة في معناها

هي الطمأنينة و السكون في كل اركان الصلاة ..

وقد دل الكتاب والسنة على أن من لا يطمئن في صلاته ؛ لا يكون مصليا، ويؤمر بإعادتها‏.‏ !!!!!!!!!!!!!!!
_____________________________________________________________
فلا هم خشعوا و لا تركونا نخشع !!!

هل هي علامات اخر الزمان !!

Post: #3
Title: Re: الركوع للآى فون .. و السجود للجلاكسي !!!
Author: Asim Fageary
Date: 07-23-2013, 06:58 AM

يحيى قباني

رمضان كريم

إنتوا مشاكل الصلاة دي ما بتظهر ليكم إلا في رمضان ولا شنو؟

قصة الجوالات في الصلاة دي بقت ما ليها حل قدر ما كتبوا ونبهوا

إلى أن أصبحت في ربعض الأحيان جزئية ملحقة مع الإقامة إذ يعمد بعض الأئمة بعد الإقامة بالتذكير بقفل الجوالات

Post: #4
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 07:34 AM
Parent: #3

فقيرى يا صديقي

ما حصل صلاة واحدة مرت من دون سماع جرس جرسين ...

وعارف التنبيه دائم ... لكن في رمضان بتفترض انو الناس تكون اكثر حرصا و لا شنو ؟

الشفتو اليوم ده يا فقيري ... كان اخير ليهم اقعدوا في بيوتهم ... لانهم لا صلوا لا خلونا نصلي زي الناس ...

Post: #5
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 07:37 AM
Parent: #4

Quote: ستوووووووووا....استقيمووووووووا....اقفلوا الحوالات... الله اكبر

ياهو الحال يا ماهر ...

Post: #6
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 07:44 AM
Parent: #5

اتذكر حينما بدأنا العمل في السعودية في ثمانينات القرن الماضي

لم يكن لدينا هواتف جوالة ...

ثم جاءت البيجرات و كانت طفرة ...

الي ان ( انبهل ) عالم الجوالات ...

ومن ذلك الوقت ... راينا موضة الجوالات داخل لمساجد ...
____________________________________
كان لدي جوال نوكيا ... ما زلت أحتفظ بفاتورته حتي الان ...

لم يكتب البائع موديله او رقمه المتسلسل في الفاتورة ...

فقط كتب واحد جهاز ( نوكيا الرهيب ) ...

فطلبت منه كتابة التفاصيل ...

فقال لي يا رجّال هو اسمو كده ... وكل السوق يعرف ذلك !!!

Post: #7
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 07:54 AM
Parent: #6

في زمن الاغتراب في السعودية

انضم الي مكتبنا مهندس سعودي اسمه محمد اليحيا

كان يعشف الهواتف الجوالة و البيجرات ...

كان لديه بيجرين و جوالين ...

وكان يستخدم سماعات ... يشبك فردة في كل اذن و ( يدلدل ) الاخري علي كتفه ...

سالته لماذا كل هذه الوسائل ... قال لان لديه ( محمصة ) و يريد فصل عملها عن عمله معنا كمهندس ...

في مرة كنا في اجتماع و كان معنا مدير ادارة مالية ( حضرمي ) ساخر يدعي سمير ...

كنا كلنا جلوس ... ودخل ( اليحيا ) علينا وهو ( مفخخ ) بالاسلاك ... ويتحدث للمحمصة ... ويمسك ببيجر بيمينه و الجوال الاخر بيساره ...

فساله سمير قائلا ..... يا محمد ... ليش ما تعمل نظام اتصال مركزي علي جسمك ...

فقط تحتاج لـ Antenna بجانب الأذن الشمال ... وانت تستقبل كل المكالمات ...

ووالله لو كمان لو حطيت دِش علي قفاك ... تصير تتكلم دولي ...!!!

Post: #8
Title: Re: الركوع للآى فون .. و السجود للجلاكسي !!!
Author: Abdlaziz Eisa
Date: 07-23-2013, 08:21 AM
Parent: #7

الاخ العزيز/ يحي قباني

كل سنة وانت طيب

قبل سنوات نشر أحد الزملاء كاريكاتير يصور فيه الامام يحث المصلين بالاعتدال ثم قفل هواتفهم..
قامت عليه الدنيا ولم تقعد
ونهشوا كل شئ فيه حتى في خطب الجمعة قائلين بأنه يستهزئ بالصلاة!!!

اليوم صارت ظاهرة الهواتف في المساجد مصيبة لا يمكن السيطرة عليها
ولا ابرئ نفسي لانني وان وضعته على الصامت فيكون امامي لافتتحه بمجرد انقضاء الصلاة

نسأل الله عونه

مودتي

Post: #9
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 08:48 AM
Parent: #8

Quote: الاخ العزيز/ يحي قباني

كل سنة وانت طيب

قبل سنوات نشر أحد الزملاء كاريكاتير يصور فيه الامام يحث المصلين بالاعتدال ثم قفل هواتفهم..
قامت عليه الدنيا ولم تقعد
ونهشوا كل شئ فيه حتى في خطب الجمعة قائلين بأنه يستهزئ بالصلاة!!!

اليوم صارت ظاهرة الهواتف في المساجد مصيبة لا يمكن السيطرة عليها
ولا ابرئ نفسي لانني وان وضعته على الصامت فيكون امامي لافتتحه بمجرد انقضاء الصلاة

نسأل الله عونه

مودتي

استاذي عبد العزيز عيسي ...

المصيبة ان أئمة المساجد لا يكلون من تنبيه المصلين ...

و المصلين و كانهم لا يسمعون ... او لا يفهمون !!!
_______________________________________
الانسان عبد لعاداته ...

ومن اجمل العادات التي يمكن ان يعود الانسان نفسه عليها

هي ترك الهاتف في السيارة او المكتب عند الذهاب للصلاة ...

بضع دقائق لن ( تخرب ) مالطا ...
_____________________________________
عشنا زمن ... كنا نعمل و تسير اعمالنا في خير

و لم نملك موبايلات او غيره ....!!!

Post: #10
Title: Re: الركوع للآى فون .. و السجود للجلاكسي !!!
Author: أبو ساندرا
Date: 07-23-2013, 09:20 AM
Parent: #9

رمضان كريم يا أخو
والجاتك في صلاتك سامحتك

80% من مساجد الدوحة مزودة بأنظمة تمنع أي نوع من الإتصال بالجوال

لأصحابك الإتنين وزر فعلته
ولك الوزرين ، لأنك بطلت صلاتك وقعدت تراقب فيهما

Post: #11
Title: Re: الركوع للآى فون .. و السجود للجلاكسي !!!
Author: حسن مهدي
Date: 07-23-2013, 09:36 AM
Parent: #10

Quote: هي ترك الهاتف في السيارة او المكتب عند الذهاب للصلاة ...

بضع دقائق لن ( تخرب ) مالطا ...

واحد خليجي جاتو مكالمه وهو بيصلي . قام رد على المكالمه
قائلا ( الحين انا في الصلاة ) وواصل صلاته وكأنه لم يحدث شيء
رمضانك كريم يا باشمهندس

Post: #12
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 03:26 PM
Parent: #11

Quote: رمضان كريم يا أخو
والجاتك في صلاتك سامحتك

80% من مساجد الدوحة مزودة بأنظمة تمنع أي نوع من الإتصال بالجوال

لأصحابك الإتنين وزر فعلته
ولك الوزرين ، لأنك بطلت صلاتك وقعدت تراقب فيهما

بركاتك يا شيخ بركات ...

رمضان كريم مولانا ..

هنا عندنا المدارس مزودة بالانظمة دي ...

اما الاوزار يا شيخنا بركات ...فرأيك شنو ... قضاء و كفارة يعني !!!
___________________________________________
بعدين انا مساجد الدوحة دي تنفعني بي شنو وانا في كندا ..؟

يعني اعمل ليك زى الزول السغيل الرفع اصبعه السبابة وقال لأصحابو

الصينين بيستخدموا الاصبع ده في شنو ؟؟؟

الشبكو في الكتابة ... والشبكو في الاشارة ...

قال ليهم ...ابدا ... ما يقدروا يستعملوهو لانو ده أصبعي أنا ..!!!

Post: #13
Title: Re: الركوع للآى فون .. و السجود للجلاكسي !!!
Author: وضاح عبدالرحمن جابر
Date: 07-23-2013, 03:36 PM
Parent: #12

غايتو دى انا حسمتها نهائي

داخل الجامع .. ما بشيل معاى جوال نهائي

يا خليتو فى البيت لو جايي من البيت
يا فى المكتب لو جايي من المكتب
يا فى العربية .. لو جايي من الطريق ساااى

Post: #14
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 03:36 PM
Parent: #12

Quote: واحد خليجي جاتو مكالمه وهو بيصلي . قام رد على المكالمه
قائلا ( الحين انا في الصلاة ) وواصل صلاته وكأنه لم يحدث شيء
رمضانك كريم يا باشمهندس

الله اكرم يا حسن ...

انا الخليج ده خلعتي في قصة صلاتهم الفي المسجد بدت من نهاية التمانينات

اول صلاة جمعة اصليها كانت في السليمانية ... الزول الجنبي سعودي ...

كبر الامام و كبرنا ... وهو لسة ما بدا .. يستعدل في الغترة ...

يحرك العقال ... يميله لي ورا ... بعدين يجيبه قدام ...

ما كبر الا لما قربنا نركع ...

الركعة التانية ... مرة عاين للساعة ...

و مرة دخل ايدو في جيبو مرق ورقه صغيرة .. عاين ليها و طبقها رجعها تاني ...
__________________________________________________
اغرب شي كان بيحيرني ... لما يكون في ( أمير ) في الصلاة ...

الشباب بيخلو مسافة كبيرة فاضية علي يمينو و شمالو

عشان طويل العمر ما ينزعج او يشم ريحة كده ولا كده ...

Post: #15
Title: Re: الركوع للآى فون .. و السجود للجلاكسي !!!
Author: وضاح عبدالرحمن جابر
Date: 07-23-2013, 03:48 PM
Parent: #14

Quote: الله اكرم يا حسن ...

انا الخليج ده خلعتي في قصة صلاتهم الفي المسجد بدت من نهاية التمانينات

اول صلاة جمعة اصليها كانت في السليمانية ... الزول الجنبي سعودي ...

كبر الامام و كبرنا ... وهو لسة ما بدا .. يستعدل في الغترة ...

يحرك العقال ... يميله لي ورا ... بعدين يجيبه قدام ...

ما كبر الا لما قربنا نركع ...

الركعة التانية ... مرة عاين للساعة ...

و مرة دخل ايدو في جيبو مرق ورقه صغيرة .. عاين ليها و طبقها رجعها تاني ...

اظن شيوخ الدين بسموها الوسوسه .. واغلب السعوديييين ديل موسوسييين
ياخى تقيف جنب الواحد فى الصلاه .. ياكل اصابعيه ما يخلى فيهم حاجة
وطق طق طق يمسك ليييك الاصابع ديل اكسرهم تكسير
ويقبل على الحاجه البلبسوها فى الراس دى .. يكويها فى راسو كوى

ههههههههههههه
غايتو احنا صلاتنا معاهك زاتا ما ماااااشه

Post: #16
Title: Re: الركوع للآى فون .. و السجود للجلاكسي !!!
Author: وضاح عبدالرحمن جابر
Date: 07-23-2013, 03:54 PM
Parent: #15

Quote: ستوووووووووا....استقيمووووووووا....اقفلوا الحوالات... الله اكبر

بمناسبه استووووا دى

زماااااان عندنا فى الحله جامع انصار .. واعمامك الكباااار بقعدو فى الصف الاول ده .. وبتحكموا فى المسجد ومنو البصلى بالناس
اها فترة كده ما عندهم امام قامو واحدين منهم جابو واحد كوز كبير .. يصلى بيهم .. واعمامنا القصة دى ما عاجباهم

فى واحده من الصلوات الامام داير يكبر وقبل عليهم قال ليهم استوووو واستقيمو بى نهره كده
عمك اتضايق شدييييد .. قال ليه (ما بنستوييييش - جيب بندق تعال رصصنا )

Post: #17
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 04:00 PM
Parent: #16

Quote: غايتو دى انا حسمتها نهائي

داخل الجامع .. ما بشيل معاى جوال نهائي

يا خليتو فى البيت لو جايي من البيت
يا فى المكتب لو جايي من المكتب
يا فى العربية .. لو جايي من الطريق ساااى

ده الكلام يا وضاح ...

لانو بصراحة القصة بقت مبالغ فوقها ...

Post: #18
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 04:05 PM
Parent: #17

Quote: فى واحده من الصلوات الامام داير يكبر وقبل عليهم قال ليهم استوووو واستقيمو بى نهره كده
عمك اتضايق شدييييد .. قال ليه (ما بنستوييييش - جيب بندق تعال رصصنا )

هههه يا وضاح ...

قصص المساجد كتيرة ...

زمان كانت النكتة تنحكي و الناس تضحك ....

الان يجوك الناس بعدم جواز اطلاق نكتة في بيوت الله ...

في واحد قاعد في آآآآخر صف ما في زول شايفو الا الامام ...

و هو يشيل و يعمل في حركات للامام داير يشغلو عشان ينهي الصلاة سريع ...

وبدا يأشر و يعمل اشياء بايدو ... والامام شايف و ماقادر يقول شي ...

بس في نهاية الخطبة ... الامام قال :

لا يدخل الجنة ... شارب الخمر ... وآكل مال اليتيم

و قاتل النفس بغير حق ... و الحيوان القاعد في الركن الورا داك ...!!!

Post: #19
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 09:06 PM
Parent: #18

من عجايب السعودية و قصص الصلاة ...

احد الامراء الذين عملت معهم ...

كان يعمل لديه شاب يمني في مهنة ( لبيس ) ...

يعني يجهز الملابس لطويل العمر ... يكوي الجلاليب ...

يلمع الجزم .. ( مع انها اصلو ما بتتـوســــــخ ) ...

اها صاحبنا اليمني ده كان ولد ( لهلوبة ) ... و بي حركاته و بركاته

أسر قلب طويل العمر و اصبح من المقربين ...

واحده ما ابداعاته البهلوانية ... كنا حينما نهم للصلاة ...

يقوم طويل العمر في اتجاه المصلاية ...

و يخلع ( نعاله ) و يتقدم للوقوف للصلاة ...

حينما ننتهي من الصلاة ... و يلتفت طويل العمر خلفه للعودة الي مجلسه ...

يهرول ذلك الشاب اليمني ( برشاقة ) شديدة ...

و يمسك بنعلي طال عمرو و يعكس اتجاههما في اتجاه مسار سمو الامير ...!!!

يعني عشان طويل العمر ( ما يتعب ) و يقعد يستعدل في نعالو !!!

سموه يلبس علي طوووووول ...
___________________________________________
الامير ده لا عمرو استعدل نعال ...

ولا عمرو ( عشّق ) عربية خلف !!!

Post: #20
Title: Re: الركوع للآى فون .. و السجود للجلاكسي !!!
Author: محمد المرتضى حامد
Date: 07-23-2013, 09:37 PM
Parent: #19

لايمكنك تصور مدى الضيق الذي انتاب جمع من المشيعين أول أمس ، ففي اللحظة التي
فرغنا فيها من دفن أحد الصالحين وكان شيخ وقور يدعو للمتوفى والناس خشوع
يرفعون أكفهم بالدعاء ، في تلك الأثناء إنطلق هاتف أحدهم وكانت النغمة أغنية لا أذكرها
وما حدث أن صاحبنا لم يسارع إلى وقف المهزلة فورا بل بقي زمنا يبحلق في هاتفه ليتحقق
من شخص المتصل وكان كل كسر من الثانية ونحن على ذلك الحال كفيل بتخريب شبكة
أعصابك خلية خلية ..

هذا ربما يقودنا ايضا إلى الذين يتحدثون في الهاتف بصوت عال غض النظر عن مضمون
المحادثة وما يسببه ذلك من ضيق للحضور.

رمضان كريم يا باشمهندس.

Post: #21
Title: Re: الركوع للآى فون .. و السجود للجلاكسي !!!
Author: يحي قباني
Date: 07-23-2013, 11:24 PM
Parent: #20

Quote: لايمكنك تصور مدى الضيق الذي انتاب جمع من المشيعين أول أمس ، ففي اللحظة التي
فرغنا فيها من دفن أحد الصالحين وكان شيخ وقور يدعو للمتوفى والناس خشوع
يرفعون أكفهم بالدعاء ، في تلك الأثناء إنطلق هاتف أحدهم وكانت النغمة أغنية لا أذكرها
وما حدث أن صاحبنا لم يسارع إلى وقف المهزلة فورا بل بقي زمنا يبحلق في هاتفه ليتحقق
من شخص المتصل وكان كل كسر من الثانية ونحن على ذلك الحال كفيل بتخريب شبكة
أعصابك خلية خلية ..

هذا ربما يقودنا ايضا إلى الذين يتحدثون في الهاتف بصوت عال غض النظر عن مضمون
المحادثة وما يسببه ذلك من ضيق للحضور.

رمضان كريم يا باشمهندس.

الله أكرم يا وجيه ...

كمان في حاجة ... النغمات زاتها خشم بيوت ...

تلقي الراجل شكله محترم و ( ملو ) هدومة ...

تلفونه يضرب ... تسمع ليك نغمة تخجل الواحد ...

مرة سمعت ( بوس الواوة ) في محل .. في السوق ...

لما اتلفت اشوف ده منو ... وحياتك رجل ذو وجاء ... لكنو طلع مسنوح في ( نغمته ) ...
___________________________________________________________
مشكلة الصوت العالي يا طرش ...

يا فاكر انو الكلام لازم كده ...

Post: #22
Title: Re: الركوع للآى فون .. و السجود للجلاكسي !!!
Author: Abdlaziz Eisa
Date: 07-24-2013, 06:01 PM
Parent: #21

Quote: استاذي عبد العزيز عيسي ...

المصيبة ان أئمة المساجد لا يكلون من تنبيه المصلين ...

و المصلين و كانهم لا يسمعون ... او لا يفهمون !!!
_______________________________________
الانسان عبد لعاداته ...

ومن اجمل العادات التي يمكن ان يعود الانسان نفسه عليها

هي ترك الهاتف في السيارة او المكتب عند الذهاب للصلاة ...

بضع دقائق لن ( تخرب ) مالطا ...
_____________________________________
عشنا زمن ... كنا نعمل و تسير اعمالنا في خير

و لم نملك موبايلات او غيره ....!!!

عزيزي الاخ/ يحي قباني
كل سنة وانت طيب

حمل الجوال طول الوقت اصبح عادة وتقليد راسخ يتعمق يوم بعد يوم..
واعتقد انه من ومع كل يوم جديد تطلع الجوالات بمزايا تجعلها جزء من جسد الزول
أي يتعلق المرء بها وتتعلق به..
فالمسألة تتعقد يوم بعد يوم
وافتكر الحل هو في الاجهزة التي تشوش الاتصال بأي جوال داخل المساجد
وان كان هذا الحل قاسي لكن ربما يعفل ذلك وقت الصلاة فقط..

كنا حتى العام 1997 بدون جوالات
لكن ذلك زمان وانتهى ولا يمكن الرجوع اليه اطلاقا
الجوال فيه الاتصال
GPS الدليل
المنبه والنوتة
زمن المواصلات بصات ومترو
التقويم والمفكرة وكثير كثير...
الجوال صار من اهم ضروريات الحياة

مودتي

Post: #23
Title: Re: الركوع للآى فون .. و السجود للجلاكسي !!!
Author: يحي قباني
Date: 07-25-2013, 07:46 AM
Parent: #22

Quote: عزيزي الاخ/ يحي قباني
كل سنة وانت طيب

حمل الجوال طول الوقت اصبح عادة وتقليد راسخ يتعمق يوم بعد يوم..
واعتقد انه من ومع كل يوم جديد تطلع الجوالات بمزايا تجعلها جزء من جسد الزول
أي يتعلق المرء بها وتتعلق به..
فالمسألة تتعقد يوم بعد يوم
وافتكر الحل هو في الاجهزة التي تشوش الاتصال بأي جوال داخل المساجد
وان كان هذا الحل قاسي لكن ربما يعفل ذلك وقت الصلاة فقط..

كنا حتى العام 1997 بدون جوالات
لكن ذلك زمان وانتهى ولا يمكن الرجوع اليه اطلاقا
الجوال فيه الاتصال
GPS الدليل
المنبه والنوتة
زمن المواصلات بصات ومترو
التقويم والمفكرة وكثير كثير...
الجوال صار من اهم ضروريات الحياة

سلام استاذي عبد العزيز ...

بالفعل اصبح من ضروريات الحياة ...

التلفون اصبح جهاز كمبيوتر مصغر يصلك بكل شي ...

اصبحنا حينما نسال من شئ ...

يمد الجميع يده ( لقوقلة ) السؤال و الاتيان بالرد ...!!

اذكر يا عبد العزيز منذ سنوات كنا في اجتماع في مكتبنا العقاري ...

و تقرر في ذلك الاجتماع ان وسيلة الاتصال بكل العقاريين المسجلين بالمكتب سيكون عن طريق الايميل و ليس نظام البيجر القديم ...

وعلي الجميع الاتيان باجهزة مزودة باستقبال الايميل ...

احتج كبار السن احتجاج صارخ... وتكتلوا ضد القرار

ولكن لم يفلحوا ...

بعضهم اضطر ان يتعلم ... وبعضهم اصبح خارج الشبكة تماما ...

Post: #24
Title: Re: الركوع للآى فون .. و السجود للجلاكسي !!!
Author: جدو
Date: 07-25-2013, 09:28 AM
Parent: #23

Post: #25
Title: Re: الركوع للآى فون .. و السجود للجلاكسي !!!
Author: أبو ساندرا
Date: 07-25-2013, 09:42 AM
Parent: #24

يحي قباني :
Quote: قال ليهم ...ابدا ... ما يقدروا يستعملوهو لانو ده أصبعي أنا ..!!!

ههههههاي ، طلعت صيني يا ماو يحي تونغ
أضحك الله سنك ، موضوعك شربات زيك يا خفيف الروح و سليم الذوق

Post: #26
Title: Re: الركوع للآى فون .. و السجود للجلاكسي !!!
Author: يحي قباني
Date: 07-25-2013, 09:09 PM
Parent: #25

Quote: Basher Akasha · San Jose, California
استاذ يحي ياخ في ارحل ما شغالا في الابس بتاع وردي

ود عكاشة ..

الليلة بشوف ليك الآب الحاصل ليهو شنو ...

اسف ما شفت ردك الا اليوم يا ملك ...

Post: #27
Title: Re: الركوع للآى فون .. و السجود للجلاكسي !!!
Author: يحي قباني
Date: 07-25-2013, 09:46 PM
Parent: #26

Quote: ههههههاي ، طلعت صيني يا ماو يحي تونغ
أضحك الله سنك ، موضوعك شربات زيك يا خفيف الروح و سليم الذوق

اكرمك الله يا بركات يا زول يا حلو ...

مش الضحك اخير من العك ...

الله يقدر الجميع علي الصيام و القيام ...

Post: #28
Title: Re: الركوع للآى فون .. و السجود للجلاكسي !!!
Author: يحي قباني
Date: 07-26-2013, 07:59 AM
Parent: #27

فنون صلاة التراويح اليوم

موعد اذان العشاء الاصلي 10:35

كما هو معروف في رمضان تقوم المساجد باقامة صلاة العشاء قبل الموعد

لضيق الوقت و اتاحة الفرصة للتراويح

اها ...

اليوم دون كل الايام صلينا العشاء الساعة 10:25 و الحمد لله ما في جرس تلفون واحد ...

بدينا التراويح ... وبدات آذانات العشاء تنطلق من حوالي 5-6 تلفونات ...

شي الحذيفي ...

وشي ما بعرف منو ...

و بدل ما يوقفوها سريع كما يفعلون مع جرسات التلفونات ...

قرروا جميعا ( امكن والله اعلم ) ان توقيفها حرااام ...

فصلينا ... والاذانات تحاصرنا ...

حتي اخطأ الامام في القراءة اكثر من اربعة مرات ...
____________________________________
التكنولوجيا احيانا تلغي المنطق و الاحساس الفطري ...