Post: #1
Title: منو الزيّك
Author: إدريس محمد إبراهيم
Date: 07-22-2013, 10:16 AM
Parent: #0
منو الزيّك ....
كم استقصيت سماوات الرؤى الحالمه ...
بكوس لو نجمه تشبه ليك ....
وكل بستان مضمخ بي أريج أزهار ....
بقتش زهره تحلم بي عبير خديك ....
وكم نقبت في جوف المعاني الزاخره بالإبداع ....
عشان وصفاً يشابه نظره من عينيك ...
وجبت أبحث بحار الدنيا كان ألقى ....
ولو بس دره تتطاول تماثل لابتسامة فيك ....
وفي كل الحنان الهاموا في الدنيا ....
كتير لفيت على قلباً بينبض بالحنان الفيك ....
كتير دورت في أجمل حسان الدنيا ما لقيتك ...
ولا لقيت المشابه ليك .....
***
منو الزيّك حصافه وذوق ....
مشاعر راقيه طيب إحساس ....
ومين غيرك على الأجيال بيتفرد ....
بوصفك دهشه باهره الناس ....
وكم تاه فيك الخيال ودّر ...
وللمعنى الجميل أصبحت هالة نور وضي نبراس ....
بهواك يا بنية العز أصاله وزهو ....
سجايا فريده أغلى من الدهب والماس ....
جمال منداح على فلذة فؤاد الكون ....
وهج يمنح قصايد دمي عمق المعنى والاحساس ....
ومين زيك .....
إدريس محمد إبراهيم
|
Post: #2
Title: Re: منو الزيّك
Author: ياسر السر
Date: 07-22-2013, 03:18 PM
Parent: #1
بالجد كلام جميل ورائع استاذنا ادريس وبالجد ( منو الزيك) يا شفيف ,,
واصل في سيل الابداع المعتق ولا تبخل علينا ..
تحياتي : ياسر العيلفون
|
Post: #3
Title: Re: منو الزيّك
Author: إدريس محمد إبراهيم
Date: 07-23-2013, 08:24 AM
Quote: بالجد كلام جميل ورائع استاذنا ادريس وبالجد ( منو الزيك) يا شفيف ,,
واصل في سيل الابداع المعتق ولا تبخل علينا ..
تحياتي : ياسر العيلفون |
فناننا الجميل / ياسر العيلفون ....
لك أستاذي كل الحب ...والشكر أجزله على ما تفضلت به من جميل الكلم ....والله يسلمك ويخليك ياسر أخوي ......
* خارج النص : عليك الله لز لي تلفونك .... تلفوني في البروفايل .....
مع خالص ودي وتقديري ؛؛؛؛؛
|
Post: #4
Title: Re: منو الزيّك
Author: إدريس محمد إبراهيم
Date: 07-28-2013, 08:22 AM
Parent: #3
بهواك يا بنية العز أصاله وزهو ....
سجايا فريده أغلى من الدهب والماس ....
جمال منداح على فلذة فؤاد الكون ....
وهج يمنح قصايد دمي عمق المعنى والاحساس ....
ومين زيك .....
|
|