تربال ومهاجرية

فى بيت
من طين
وحوشو ذبال
عند النيل
سكن التربال
ماهو بينو
بين الجرف
عشق ووصال
وكلام للنيل
والنخيل
اصمد
وشد حليلك
واقيف طولك
ووساوى البنيان
وبتجيك عصافير
من كل البلدان
عشما فى نيلك
وجمال ليلك
والزرور بيهديها
كلام وسلام
وقمرية بتنقد
فى حبوب الريد
من ايدا
غبشة
وماسكة طوريه
وجبين مزدان
بى عرق
وعلامة السر
فى جبينو
واضحة وماها
ممحية
زولا قام
والدنيا بدرية
وسال مصلاتو
اتوضا صلى
فجرية
صابر ومكافح
مبعاين لى نفسو
وكل الجاهو
حاجتو مقضيه
عمرو ماخاف
الفقر ولا كانت
ايدو مرخية
ولامن العندو
كمل
وعارف العند الله
مابكمل
تمتم قرا
وبسمل
كلامو
يلا ياحورية
مع نسيمات
الصباح قوليلا
بيجوك من
هناك مهاجرية
وريهم سرالريدة
مابين التربال
ومهاجرية
وبشريهم
بالشوق والفرح
عودة كل
العصافير
والايام الندية
واغرى السلام
لى كل تربال
ومهاجرية














لمن لا يعرف التربال هو المزارع فى شمال بلدى والمهاجرية هم الصبية الذين يهاجرو لى دراسة القران فى دار فور