Post: #1
Title: يا صلاح شتات أنا برضو ما عارف أنا من ياتو جيل
Author: الهادي ابوبكر
Date: 07-20-2013, 10:06 PM
لكن بدون شك من الجيل الضاع بين الرجلين
بين جيل اكتوبر وبين جيل الانقاذ
يعني انا يقولو علي جيل مايو مثلا ..... وللا اخر جيل اكتوبر أم أول جيل الانقاذ .....
قضينا طفولتنا في مايو ..... وبدأنا النضج مع بداية الديموقراطية الثالثة ، لكن ما اتهنينا بيها .....
جو الكيزان قلبوها لينا فوق راسنا .....
اها دي بالله مش حاجه تعمل كلاكيع نفسية ....
لكن في كل الكلام القيل في الندوة انو نحن نعيش في ازمة فعلا دي حقيقة.
شكرا كتير لانفعالك وتسخينك للمنبر.
|
Post: #2
Title: Re: يا صلاح شتات أنا برضو ما عارف أنا من ياتو جيل
Author: الهادي ابوبكر
Date: 07-20-2013, 10:30 PM
Parent: #1
اذا سلمت واقتنعت باني من جيل مايو شنو يعني الانجاز اللي اقول من صنع جيلنا ده يعني ،،،
انتفاضة مارس ابريل .....
نعم شاركنا فيها ونحن في المتوسط ولكن ما بعد الانتفاضة لا يجعل لها مفخرة صراحه، واعتبره مجهود ضاع او مجهود سرق بليل .
او كما قيل في البرلمان ، (ديموقراطية لو شالها ###### مافي زول يقول ليه جر).
عشان كده بقينا نتحاشا حتى الحديث عن الانجاز الوحيد اللي حدث في جيلنا
قيل ان جيل مايو هم من اسقط مايو اذا صح .. ولكن برضو ضيعو الانجاز الوحيد في ذلك الزمن (الانتفاضة).
سلموها للديناصورات وكل زول مشى في حال سبيله في حين كان الواجب المحافظة على المكتسب الثمين ده.
|
Post: #3
Title: Re: يا صلاح شتات أنا برضو ما عارف أنا من ياتو جيل
Author: عبداللطيف شريف على
Date: 08-02-2013, 01:46 AM
Parent: #2
الاخ الهادى ابوبكر
تحية طيبة .
انا جيلى جيل مايو وكنت فى طلائع مايو اتذكر الاستاذ عبدالله عبيد كان بيحاضرنا عن الميثاق ..
التقينا بالاب القائد جعفر نميرى فى حدائق الباقير ..
الجمعة الاولى المطر خرب اللقاء واُجل للجمعة التالية والله جنس عز وخمج بس ان شاء الله يكون فى زميل معى فى البورد هنا عشان نتذكر سوى ..
المهم الموضوع والاجيال ......
عارف اسواء جيل مر على السودان هو جيل (ايام الصادق بقى متاهل لرئاسة الوزراء) ما بعد ثورة اكتوبر وبرلمانها (1964 -1965) رجال البرلمان فى ذاك الوقت هم من جعل الديموقراطية تستاهل ال ك ل ب يجرها
ولا حد يقول ليهو جر...!!!
رفضوا الاعتراف بحكم المحكمة الدستورية وترتب على ذلك انهيار القيم والعدالة ...
الصورة اقرب اليوم لما يحدث فى مصر اقصاء الاخر برغم انه رقم وله انصار ...
اهاا ومن الزمن داك الجماهة مكنكشين فى السلطة وجارين وراءها بكل قوة ..
ناس جبهة الميثاق الاسلامى فى الجرى يبدلوا ويطمبجوا ..
انشقوا وقالوا الاخوان المسلمين ,ودخل الترابى وقال الجبهة الاسلامية , والمصيبة كل ما ينشقوا يزدادوا قوة بدل عن الضعف , وعليك امان الله من ديك وما فى اى فرصة لشخص غيرهم ..
الجبهة الاسلامية قلبت الحكومة الهزيلة بتاعت ود العز (الصادق) ..
باسم الانقاذ ....
وعيييييييييييييييييييييييييييييييييييييييك نحنا جيلنا ولا جيلك ولا جيل اكتوبر وكل الاجيال تعتبر صفر كبييييير ...
والسؤال الى متى يكنكش الكوز ويلهط ويسف ويدمر البلد ويشوه الجمال ويفرق الاخاء ..؟؟؟
|
|