|
|
 أنا ومرتي والصداقات:
|
كنت جالسا مع احد الاصدقاء نتسامر رن هاتفه الجوال لم يرد ثم رنه مرة اخري وهكذا حتي صار مزعجا فبادرته:
ياخينا رد علي الجوال أو اعملو صامت منو المزعج ويصر علي الاتصال وعارفك ما عايز ترد عالم عجيبه!!!!
رد الراجل ...اعصابك يا فرده البتتصل دي المدام اعمل نايم خليها تتصل لما تفتر براها بتقيف...
اندهشت الراجل كبكابه والمدام فجختو بصله قبل ما ابقي اصلة.
ثم واصل السمر والحكاوي... تعرف يا عبس قالو هنا في الرياض في البنات الغير شرعيات السعوديات الواحده عينه قدر الفنجان وشعرها تتوطي فيهو بي رجليها لو مشيت جبته ليك شهادة من امام مسجد مواظب علي الصلوات واتقدمت لي واحده منهم بعد تعرس بدوك سلفية من البنك تشتري فيلا وبعد سنتين كان حملت وولدت بدوك الجنسية.
ثم عاود جواله الرنيين مرة اخري بصورة مزعجة.....
يا ابو الشباب رد علي مرتك رحمه بيها الظاهر انت شوفته ليك شوفه بقيت تعامل المدام كده.
يا عبس انت بقيت زول داقس ما تشيل هم المدام خليها تتصل المراقه في الزولة دي انا كم مرة قلت ليها عملو غرامة لو الزول سايق وبتكلم بي الجوال.....
اتونس ونستك وكانو احنا في مرور سريع.
نواصــــــــــــــــــــــل
|
|
 
|
|
|
|
|
|
|
|
Re: أنا ومرتي والصداقات: (Re: مجاهد محمد الهادي)
|
Quote: هههههههه واصل من دون فواصل ولا إشارات
بوستيك دا ختينا من هسي في القائمة العليا للمفضلات المبهرات
مبالغة - الدنيا دي محن
لا أحد فيها راضي |
حبيبنا مجاهد كل عام وانت بخير
من كلامك اتضح لي انت من العينة العايزه ليها فتحه بسيطه وانذغم منها
حكاية السعوديات عحبتك !!!
خليك معاي تشوف العجب
وصية ليك ابعد المدام من خطرفاتي البعمل فيها
اكون كويس لو ما شافت المفترع
تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
أنا قبل كده يا فرده كنت بتصفح في الانترنت ياخ الخواجات ديل عجيبين خالص قريت ليك:
زوجين من الخواجات ديل اشاكلو...
أها الخواجة قال ليها يا زوله شيلي من البيت اعز ما تملكي وخلاس فرتقي لي اهلك البينا انتهي !!!
قامت المرأة فكرت ودبرت خدرت ليك الراجل بي مخدر وشالتو معاها...
الراجل لما صحي لقي ليك روحو في نص بيت اهلها قال ليها :
يا مرأة شنو العملتي ده ؟؟؟
قالت ليهو انت اعز ما املك....
ياخ دي لو سودانية كانت اتصلت بي اخوانها وجابو الكنتر وشالو العفش وجدعو ليهو هدومو ولقطت دهيباته وثيابها.
وهي في باب الشارع تحك في راسها يا ربي انا نسيت شنو!!!!
ايواااااااا شاحن الجوال.
انت معاي ما تقول نسيت حكاية البنات الغير شرعيات يا عبس
أها بالله استمر لينا فيها واهو معاك لسع في المرور السريع الموضوع اتبتر من رنة الجوالات...
نواصل.........
| |
|
|
|
|
|
|
|
|
|
Re: أنا ومرتي والصداقات: (Re: ناصر حسين محمد)
|
Quote: Ummoayad Moayad · الأكثر تعليقا
ما عارفة بس حسيت بيك بتستخف بالحريم مش ممكن الزوجة تكون قلقانة علي زوجها او محتاجة ليه او واحد من العيال حصل ليه حاجة . الحريم الفي الغربة ديل ما تستخفو بيهم هم والله بيعانو اكتر من الرجال يعني التلفون دا بيكون ليه على الاقل بيتفرج بيه كبت وقلق بتعيشو المسكينة دي ..
ر |
الأخ عباس الدسيس بعد السلام.
كلام أم مؤيد صاح ما ترميه واطا. واصل لينا في باقي الموضوع.
تحياتي.
كبـّاشي الصـّـافي
| |
|
|
|
|
|
|
|
|
Re: أنا ومرتي والصداقات: (Re: cantona_1)
|
ويستمر السمر.....
الغربة ما طلعنا منها بي أي شيء وفارقنا درب المتعه القريشات البتوفرا من الشغل الجماعه اشبكوك لازم تبني بيت في السودان عشان بعد ترجع تقعد فيهو المصيبه انك ما بترجع ولا بتقعد فيهو عشان كده الواحد إروس علي الشبر بتاع هنا ...
أها الواحد لو مات بقولو ليهو ما بندفنك و ل بعدين في سؤال القبر بسألوهو من الاقامة وتصحيح الاوضاع .
بادرته بمداخله:
عشان الموضوع ما تشعب نشوف درب المتعه والزواج من الغير شرعيات اخاف تبقي علي حكاية:
ما قلنا ليك الحب طريق قاسى و صعيب من اولو ما رضيت كلااامنا و جيت برااك اهو دا العذاب ...
ثم واصل:
خلينا من كلام الشعر والخيال انت قلبك قوي تخش معاي التجربة الصعبة واكيد حا نجتازها اهو البلد هنا ممكن تغيب لي الصباح كم يوم في الاسبوع لو سألوك تقول شغال في ماموريه لما الله افرجا وتتاكد من حكاية السلفية والفيلا والجنسية بس في مشكله:
طريقة الاختيار قبل النظرة الشرعية عايزين لينا زول تنقي لينا تقلب لينا العروس وتجسها لينا هنا المشكله...
لو ما لقينا زوله نجيضة ((كمان دي القوها وين )) بنتورط تعرف العريس بخاف من حاجتين...
لمبات العرس او الزينه لو ركبوها ... خلاس تاني مافي رجعه
لو مشي علي النسوان لقاهم بزغردو .... بطنو تركبك مغص وغازات
الموضوع لازم الزول اكربو شديد ول بتبقي عليهو حكاية التوم الشاف اخوه قاليهو وينك يلعن شكلك يا زفت ؟ ابوي طهرني مرتين....
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: فوق ونحن معاك يا ركس رمضان كريم
تحياتي. |
حبيبنا كباشي
كل عام وانت بخير
ما تشوف لينا معاك فرقة في بلد الخواجات انشاءالله متسكعين احسن من الحالة العلينا
ما شايف الناس تفتش للحلول كيف
اخبارك والاسرة الكريمة
مع تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: إذن نحن موعودون بحكي طاعم ... والله صحي
ازيك يا عبس |
صديقي امين مشتاقين ... والله صحي
اخبارك والاسرة والكريمة
كل عام وانت بخير
في اطعم من طلتك ومتابعتك
شاكر ومقدر مع فائق تحياتي
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
| Quote: والله يا عبس الساعة 3:22 عصرا ،، يا دوووووووووووووب قدرت أفك كام ضحكة كده فى هذا اليوم الطويل ،، قلت لى أتخيل أنك فى طريق سريع هههههههههههههههه غايتو دى فكرة جهنمية سنطبقها منذ اليوم |
ماهر يا حبيب اخبارك
وكل عام وانت بخير
حكاية المرور السريع عجبتك....
لو باريتني اديك خطط تريحك لي يوم الدين ما تخرش منها الميه ونتائجها الكمده بي الرمده
مع فائق التقدير والاحترام
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: ياعبس سلامات ياعبس
بالله نظام بجيكم بعدين ده ما بخارج
اكشح الشغلانه كلها ياخ
الموبايل متعب في الرفريش
وبعد تعمل رفريش تلقى القصة زي ما خليتها |
ناصر يا وجيه اخبارك يا حبيبنا والاسرة الكريمة
العام الجاي نتمني ليك كثير السعادة والرفاهيه والمتعه ((ياخ حكاية المتعة جميله خالص العالم كلو جاري وراها ))
يا حبيبنا مع نهار رمضان السخانتو اكثر 50 درجة وانت سيد العارفين يا دوبك تكشح ليك سطر و ل سطرين نفسك اقوم
ولو قلته تستمر بي الليل في البيت بالله من تشرب الموية تتمبل جسمك اموت عشان كده شغالين بالاقساط.
تحياتي وتقديري
| |
|
|
|
|
|
|
|
|
 Re: أنا ومرتي والصداقات: (Re: هويدا شرف الدين)
|
عباس يا حبيبنا ....
خالص التحايا والود ....
موضوع جميل وشيق للغايه بأسلوبك المبهر الجذاب ...لكن أحذرك يا صديقي ..... ما تفك آخرك كلو .... ناس هويدا شرف الدين ديل بيلحقوك أمات طه .....
* خارج النص : بالأمس في إفطار البورداب التقيتك لأول مره .... وبالمناسبه صورتك بالبدلة الكاملة تظهرك أكبر من عمرك الحقيقي بكثير ....كدي جرب أصوّر كجوال كده ...وله أمش اقلع صورة إفطار البورداب ديك وشوف الفرق .
مع خالص ودي وتقديري ؛؛؛؛
| |
|
|
|
|
|
|
|
|
|
Re: أنا ومرتي والصداقات: (Re: هويدا شرف الدين)
|
يا دسيس يجازي محنك وزولك المخستك دا
اها اسمع دي:
قالت السودانية سألت اللبنانية ليه زوجك بيجيب ليك كل حاجاتك من بندة ؟
اللبنانية قالت . لاني بكتب ليه في الورقة جيب تفاح زي خدودك جيب عصير مانجو زي دمك جيب شطة زي حبك لي
جيب عسل زيك كدة
قامت السودانية ما كضبت كتبت لستة لي راجلا
جيب بطيخة زي كرشك جيب لفة فجل زي شنبك جيب بصل زي ريحتك جيب طماطم زي عيونك
باين الراجل كان كابي ليه خطين وعيونو حمرا وشرارا
| |
|
|
|
|
|
|
|
|
|
Re: أنا ومرتي والصداقات: (Re: جمال عبد الناصر محمد)
|
| Quote: ما عارفة بس حسيت بيك بتستخف بالحريم مش ممكن الزوجة تكون قلقانة علي زوجها او محتاجة ليه او واحد من العيال حصل ليه حاجة . الحريم الفي الغربة ديل ما تستخفو بيهم هم والله بيعانو اكتر من الرجال يعني التلفون دا بيكون ليه على الاقل بيتفرج بيه كبت وقلق بتعيشو المسكينة دي .. |
Quote: الأخ عباس الدسيس بعد السلام.
كلام أم مؤيد صاح ما ترميه واطا. واصل لينا في باقي الموضوع.
تحياتي
|
كباشي يا وجيه أهو مواصلين...
أم مؤيد الظاهر عليها زولة طيبة كلامها والله ذكرني حبوبتي صفية الله ارحمها لما تقرب مواعيد الوالد إجي من الشغل بتقعدنا في نص العنقريب وبتقول لينا ما عايزة أي ازعاج عشان ابوكم جاي تعبان.
الرد لي أم مؤيد برضو بي لسان صاحبي...
تكون قاعد في الشغل في امانة الله اجيك تلفون من البيت:
الو... معاك ورقة وقلم
ترد: معاي يا روح عمري طلبتاك شنو؟؟
اكتب بالله بسرعة انا مشغولة ... وهاك يا لستة ((بيرقر ، جبنه ، طماطم، خيار، موز، تفاح، لحمة بانواعها من المفرومة لي المتفوفه.......الخ))
انت تشيل وتكتب لما تملي ليك صفحة ونص ومن الشغل للاسواق تشيل وتفتش والغريبه احيانا إختو ليك ماركات مثلا جبنة بوك مرة في حاجة اسمها نوتيلا بفتشا ليها ساعات ما لقيتا وما عرفته بياكلوها و ل بغسلو بيها.
الغربيه الورقه القالوها ليك بالجوال ممكن تديك ليها من البيت جاهزة بدل الاتصالات والصرف .... نقول شنو!!!!
في رأي اخر بقول ليك احسن اقولوها ليك بالجوال وتكتبها بي يدك مرات لما هي تكتب ليك الورقه بتلقي فيها مقالب كلمة تفاح ممكن اتحزف منها التاء وتبقي انتي تكابس وتسأل في البياعين عندكم تاح.
أها بعد معاناه وانت جاي البيت ومحمل بكل الاغراض والاشياء المطلوبه وتناهد والمشكله لو ما عندكم اصانسير وتكون ساكن في الدور الرابع ترفع الحاجات كلها فوق في مشوارين او تلاتة وتختها بره الباب عشان تدخلها دفعه واحده .
في اللحظه ديك اكون قام عليك الضهر والمخروقه قربت تتفك والكتف عمل ميلان .... تفتح الباب تلقي الجماعه منتظرنك..
عليك الله جوه المطبخ عشان ما تملي لي الصالة .. تنتقل من مرحلة الصالة للمطبخ وبعد تنتهي من المهمة تأخذ ليك ابتسامة بالانجاز العظيم وتتلفت للمدام بنشوة الانتصار علي الورقة واللسته!!!
ترفع عينها المدام وتقول ليك الله بالله نسيت اقول ليك ما عندنا عيش ((رغيف)) !!!!!!!!!!!!!!!!!!!!
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
| Quote: متابعه وبي مزاج طلعو طلعو ايو ه طلعو باقي الحاجات منكم نستفيد |
الاخت هويدا سلام تحية
كل عام وانتي بخير
عارفين لازم القطر اكون فيهو مفتش
الف مراحب بيك في المفترع نورتي
رمضان يا هويدا مرات بخلي الزول اتكلم بره من راسو لا تؤاخذي العطاشا بما يقولون.
لو كنتي عايزة تستفيدي جد كان رمضان امدوهو شهر تاني مع سخانة الخليج والجرسة تلقي كل الحاجات في السهلة والشارع.
شاكر ومقدر المتابعة والمرور
مع فائق التحايا
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
حبيبنا عبس ياخ امس في الافطار ما استمتعنا بي الجلوس معك بس جينا ويا دوب انت اشرت للحكم علشان يبدلك وطلعت من الملعب ،، قصدي طلعت من الصالة ،،
ياخ على كل حال عطشك جميل ذي بدلتك .... واصل كلام العطش الجميل ده .. بس شوف لي اخوك موضوع الغير شرعيات ده ...
تحياتي : ياسر العيلفون
| |
|
|
|
|
|
|
|
|
|
Re: أنا ومرتي والصداقات: (Re: ياسر السر)
|
| Quote: حبيبنا عبس ياخ امس في الافطار ما استمتعنا بي الجلوس معك بس جينا ويا دوب انت اشرت للحكم علشان يبدلك وطلعت من الملعب ،، قصدي طلعت من الصالة ،، |
عباس خذلني يا ود السر.. في الحفلة بتاعت الفطور.. كنت عايزو يقعد للنهاية عشان يستمتع بالغنا الجميل..
واضطريت في النهاية اتصلت عليهو وفتحت ليهو الاسبيكر عشان يسمع ليهو حاجة جميلة..
| |
|
|
|
|
|
|
|
|
|
Re: أنا ومرتي والصداقات: (Re: أيمن دياب)
|
| Quote: ترفع عينها المدام وتقول ليك الله بالله نسيت اقول ليك ما عندنا عيش ((رغيف)) !!!!!!!!!!!!!!!!!!!! |
اها في الحتة دي .... الدال ممكن تطلع منك بشكل طبييييييييعي وكمان ممكن تشوت اقرب حاجة ليك
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
الاخ عباس تحية ورمضان كريم
| Quote: ترفع عينها المدام وتقول ليك الله بالله نسيت اقول ليك ما عندنا عيش ((رغيف)) !!!!!!!!!!!!!!!!!!!! |
الرغيف هين .. كويس ما قالت ليك انبوبة الغاز خلصت !!!!
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: يا دسيس يجازي محنك وزولك المخستك دا
اها اسمع دي:
قالت السودانية سألت اللبنانية ليه زوجك بيجيب ليك كل حاجاتك من بندة ؟
اللبنانية قالت . لاني بكتب ليه في الورقة جيب تفاح زي خدودك جيب عصير مانجو زي دمك جيب شطة زي حبك لي
جيب عسل زيك كدة
قامت السودانية ما كضبت كتبت لستة لي راجلا
جيب بطيخة زي كرشك جيب لفة فجل زي شنبك جيب بصل زي ريحتك جيب طماطم زي عيونك
باين الراجل كان كابي ليه خطين وعيونو حمرا وشرارا
|
جيمي يا صديق اخبارك مع سخانة رمضان
انت زول بتاع محن ... بجد والله
جبتها من وين بتاعت اللبناني
لو مشينا في خطك المفترع بتكون نهايتو غير سعيده تجيك حله و ل صينيه طايرة تشيل ليك الراس بره
زي ما قال ادريس بتلحقنا امات طه
عجبتني يا جيمي خاصة بتاعت البطيخه زي كرشك حلوة
| |
|
|
|
|
|
|
|
|
|
Re: أنا ومرتي والصداقات: (Re: محمد يوسف طه)
|
Quote: حبيبنا عبس ياخ امس في الافطار ما استمتعنا بي الجلوس معك بس جينا ويا دوب انت اشرت للحكم علشان يبدلك وطلعت من الملعب ،، قصدي طلعت من الصالة ،،
ياخ على كل حال عطشك جميل ذي بدلتك .... واصل كلام العطش الجميل ده .. بس شوف لي اخوك موضوع الغير شرعيات ده ...
تحياتي : ياسر العيلفون |
صديقنا وحبيبنا ياسر
الفنان المجامل طيب الاخلاق
والله يا حبيبنا كان في النية بعد الغنا نجلس ونتونس ونتذكر القديم
انت زي ما شايف حصل العكس الحكم هو الاشر لي يا حليل زمن كنا حكام حسي خلاس رجعنا لعيبه تاني شقلبت يا الحبيب
تأمن بالله يا ياسر لما كنت بتونس مع الزول عن الغير شرعيات طوالي جيت علي بالي في حكاية التجربة قلته ياسر حربي لو كلمناهو ادخل لينا راسو ونشوف النتيجه شنو !!!
كمان لو دخل معاك الملعب ايمن في التجربة تكون فلم نهايتو هنديه
خليك مستعد يا الحبيب
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: عباس خذلني يا ود السر.. في الحفلة بتاعت الفطور.. كنت عايزو يقعد للنهاية عشان يستمتع بالغنا الجميل..
واضطريت في النهاية اتصلت عليهو وفتحت ليهو الاسبيكر عشان يسمع ليهو حاجة جميلة.. |
الوجيه الرائع ايمن
كانت امنياتي اوصلها الصباح والاقدار شاءات يا الحبيب
خلاس انتهينا امرنا اصبح ما بيدنا
بعد اتصلت علي وسمعت الغنا الجميل ندمت لو تصدق كان ما الوقت فات قربت ارجع تاني
السمر معاكم جميل
تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
| Quote: اها في الحتة دي .... الدال ممكن تطلع منك بشكل طبييييييييعي وكمان ممكن تشوت اقرب حاجة ليك |
حبيبنا عمر كل عام وانت بخير
من رأي مصايب الناس يستعد لمصيبتو....
البعدو ما حا ايكون احسن من القبلو، الطريق مفتوح للبعده شئنا أم أبينا، قاعده مهمة للناس يعرفوها البعدو حا ايكون افضل بمشيئة الله ، لانو مافي اكعب من القبلو ومافي مصيبه اكثر من الاحنا فيها ......
اقوال زوج ممكون وعايز اطينها بالزواج تاني.
الدال اقلبها بالزين وخليها هي تشوت كان عندك قدره وراجل وكان بقيت زينا عضي اصبعك وعتل انبوبتك.
ياخ حقو ندخلك في تجربو الغير شرعيات معانا منها اجر ليك ومنها احسان بفائدة فيها سلفية وجنسية
تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
| Quote: صديقنا لما شافا اتربك عايز انزل رجليهو من الشجره وقع علي ضهرو بالكرس وجات الزوله هاجمه عليهم تعال شوف الشكل والاساءات طلعت ليهو بيع الجركانات والملح والشطه وعراقيهو الملان زيت وسروالو الطويل المقطع وعنقريبو المقدد من تحت. |
أضحك الله ايامك ياعباس؛؛
كل عام وانت بخير ورمضان كريم...
ياخي أنا منتظر مرحلة
انبوبة الغاز قطعت
والموية كملت ...(للمغتربين )
للناس الساكنين ما فوق الدور الاول.
| |
|
|
|
|
|
|
|
|
|
Re: أنا ومرتي والصداقات: (Re: بشير أحمد)
|
| Quote: وكان بقيت زينا عضي اصبعك |
عماً لينا عليه رحمة الله ، من قمنا يهاتي بالدبل وعمتنا ما مديهو فرقة أصلو .. مرة في مناسبة في الحلة شاف ليك البنات وقعد يتوحوح قلت ليهو ما تعرس يا عمي !!! عضى سنونو وقال لي:
أنا مااااااااااااااا مكتّف ...
دحين انا حتي زيو كدا 
| |
|
|
|
|
|
|
|
|
|
Re: أنا ومرتي والصداقات: (Re: عمر السلمة)
|
| Quote: الرغيف هين .. كويس ما قالت ليك انبوبة الغاز خلصت !!!! |
حبيبنا صلاح كل عام وانت بخير
حكاية الانبوبة واحد في الاثنين يا حساده منك يا ممكون وصابر
قلنا نخليها رغيف وانت طالع للدور الرابع عشان الناس نفسها ما إقوم
انبوبة غاز بعد كده فيها قولان
تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: شنو يا عباس ياخي
حتبقى لينا أنت و العطش
والله روحنا محرقانا
واصل ياخي ...وبدون فواصل.
..................
لك خالص الود و رمضان كريم. |
حبيبنا محمد يوسف
رمضان كريم يا الحبيب
انت زي رمضان بجرسك تصدق وتأمن بالله لما رمضان انتهي عايز لي ثلاثة شهور عشان افك كرمشت الوش ومن صمت الخشم بقينا نتنفس بي نخرينا واضنينا
خليك معانا يا حبيبنا وسوف نواصل بمشيئة الله
| |
|
|
|
|
|
|
|
|
|
Re: أنا ومرتي والصداقات: (Re: الأمين كامل الأمين)
|
| Quote: سحبت البت شويه شويه لما جينا في محل شغل صاحبي لقينا قاعد في نص عنقريب مهتك من تحت مغبر من الدقيق وزحمه السوق شكلو بقي زي الدحش المتمردق في الواطه |
جننتو جن يا ريكسونا ... لو كانت شافت كيس التمباك أكان هربت ليوم الليلة..
شكرا عبس على الحكي
الشغيل
| |
|
|
|
|
|
|
|
|
|
Re: أنا ومرتي والصداقات: (Re: عبد العزيز محمد عمر)
|
Quote: عماً لينا عليه رحمة الله ، من قمنا يهاتي بالدبل وعمتنا ما مديهو فرقة أصلو .. مرة في مناسبة في الحلة شاف ليك البنات وقعد يتوحوح قلت ليهو ما تعرس يا عمي !!! عضى سنونو وقال لي:
أنا مااااااااااااااا مكتّف ...
دحين انا حتي زيو كدا |
حبينا عمر سلام وتحية
التكتف انواع واستراتيجيات كل مرة بتظهر استراتيجيه جديده مثلا:
في الفترة الحالية لما البت تتزوج حكاية من اول اعملي حمار وختي البردعه واركبي في ضهرو وحاية افجغي بصله قبل ما ابقي اصله من الادوات القديمة مثل السيف والحربه والسكين في الحروب انتهت ظهرت تكتيكات نوويه خطيره .
أول ما تزوج بتدخل عليك بي حكاية أنا زوله من انصار الولاده المبكرة لاكبر عدد ممكن حتي ثلاثة او اربعه عشان مرة واحدة اتفرغ ليهم للقراية وكمان أنا عايزة اساعدك بعد الولادة اعمل ماجستير عشان نشيل عش الزوجيه سواء لحدي هنا كويس، تقوم طااااااااااخ طاااااااااااخ تلبس فيك ثلاثة وراء بعض ......
خلاس كده انت انتهيت أي والله ، شوف بمبرس ميزانيتو كم ولاحظ من اول ولاده ما بتتفك من حكاية البمبرس والحليب لمدة سبعة سنوات ((المستوصفات ما نطرق ليها عالم براهو)) .
بعد السبعة سنوات تنتهي ولو الله فتحها عليك بي قريشات تبدأ المرحلة التانية تسمي مرحلة الاستنزاف المدرسة لو ما مدارس اجنبيه لازم خاصة قول حكوميه كلو بقي قريب بعض وانت في مشوار المدرسه ده وراء ده اطلع ليك موضوع اسمو البيت والبناء بدون الدخول في تفاصيل فرعيه تانية انت لو خلصت المدرسه والبناء وسلمت روحك لي الكريم وختيت راسك صعيد في الجابرة قطع شك بتخش الجنة .............. ما معروف تكتيكات الاجيال الجاية شنو
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: جننتو جن يا ريكسونا ... لو كانت شافت كيس التمباك أكان هربت ليوم الليلة..
شكرا عبس على الحكي
الشغيل |
عبدالعزيز سلام يا وجيه
فعلا الجزء المفقود من النص هو حكاية كيس التمباك ما عارف فاتت علي كيف .... الله انصر دينك
ياخ انت زي الزول ده بتعروفو شخصيا ما حصل يوم انا شوفتو شلاليفو فاضيات يا عايز اخت سفة يا بدردم في واحده وبتف في التانية
مرة بناقش معاي حكاية الجكس والحب زعلان قال مكلفة اقتصاديا الزول لازم إشتري ليهو خمسة سجارات برنجي لما البت تتعود عليهو وتقع في حبو حتي اطلع كيس الساعوط وإخلف رجلو.
تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
حبيبنا الدسيس سلامات
بوست ممتع كالعادة تعرف ياعباس
انا بوستاتك بقراها من الغلاف للغلاف
لانو الردود في حد زاتها روعة ربنا
يديك الصحة والعافية
بس عايز اعرف الماشرعيات ديل
خبرهن شنو وانت بتتكلم ساي
ماخائف من الحكومة تدخل البوست
وتوريك القرم التفاحة منو
تسلم
| |
|
|
|
|
|
|
|
|
|
Re: أنا ومرتي والصداقات: (Re: سليمان القرشي)
|
الأخ عباس لك السلام و المودة
دوماً أقرأ بوستاتك و تكفيني كتاباتك و مداخلات الشباب عن التعليق
لكن المرة دي بالغت في الدغالة و الغتاتة الناس كلها منتظرة منك تكتب ليهم
عن كيفية الحصول على المرّاقة بأسرع طريقة و إنت عامل نايم
أصحى يا أخي في ناس ليها ثلاثة يوم بتقيم في الليل و صاحبوا أئمة المساجد و أقنعوهم
إنو قيام الليل السنة دى يكون عشرين يوم بدلاً من العشر الآواخر و ده كلوا
عشان خاطر المرّاقة و المستقبل و تصحيح الأوضاع على أكمل وجه
بلا كفالة بلا كفيل الغير شرعيات و بس.
أصحى يا بريش أصحى يادسيس
| |
|
|
|
|
|
|
|
|
|
Re: أنا ومرتي والصداقات: (Re: ALWALEED ALSHEIKH)
|
Quote: حبيبنا الدسيس سلامات
بوست ممتع كالعادة تعرف ياعباس
انا بوستاتك بقراها من الغلاف للغلاف
لانو الردود في حد زاتها روعة ربنا
يديك الصحة والعافية
بس عايز اعرف الماشرعيات ديل
خبرهن شنو وانت بتتكلم ساي
ماخائف من الحكومة تدخل البوست
وتوريك القرم التفاحة منو
تسلم |
سليمان قرشي يا حبيب البي
اخبارك ورمضان كريم
ما دام متسرع لي معرفة الما شرعيات عندك النية تتدخل في التجربة عايز الحلاوة وخايف من وجع الضرس
يا زول طلع راسك وما تخاف موت موت حياة حياة.
حكومتي معاي زي المؤتمر الوطني مع قوش تلطشني وتبهدلني وتعتقلني وتفكني عارفاني جعجاع وما برمي لي قدام لانو وراء ما مؤمن .
الحكاية لسع في طور التحريات والتحقيق عايزين نجيك بالنجيضة خلي عندك صبر ابل الابري مخاطره زي دي لو ما فيها مغريات عواقبها وخيمة
نتاكد اول من المغريات حكاية السلفية والجنسية شيل الصبر يا زول الاسبوع العلينا بنهي ليك الموضوع
لو داير تخش معانا قبل النهاية ما عندنا مانع بس انت يا الاخو راجوفه وبتخاف من حكومتك
ودخولك ده الله استر عليك كان احسن ليك تتلبت زي الجماعه التانيين البتاوقو لما المفترع وصلت مشاهداتو كم الف
تصدق وتأمن بالله زميل البورد الدرديري معاي بالتلفونات شوفتا الملاوزيه شفوت كيف وغيرو كثار.
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
شكراً ليك يا عباس ع الحكي الطاعم ...............
Quote: التكتف انواع واستراتيجيات كل مرة بتظهر استراتيجيه جديده مثلا:
في الفترة الحالية لما البت تتزوج حكاية من اول اعملي حمار وختي البردعه واركبي في ضهرو وحاية افجغي بصله قبل ما ابقي اصله من الادوات القديمة مثل السيف والحربه والسكين في الحروب انتهت ظهرت تكتيكات نوويه خطيره .
أول ما تزوج بتدخل عليك بي حكاية أنا زوله من انصار الولاده المبكرة لاكبر عدد ممكن حتي ثلاثة او اربعه عشان مرة واحدة اتفرغ ليهم للقراية وكمان أنا عايزة اساعدك بعد الولادة اعمل ماجستير عشان نشيل عش الزوجيه سواء لحدي هنا كويس، تقوم طااااااااااخ طاااااااااااخ تلبس فيك ثلاثة وراء بعض ......
خلاس كده انت انتهيت أي والله ، شوف بمبرس ميزانيتو كم ولاحظ من اول ولاده ما بتتفك من حكاية البمبرس والحليب لمدة سبعة سنوات ((المستوصفات ما نطرق ليها عالم براهو)) .
بعد السبعة سنوات تنتهي ولو الله فتحها عليك بي قريشات تبدأ المرحلة التانية تسمي مرحلة الاستنزاف المدرسة لو ما مدارس اجنبيه لازم خاصة قول حكوميه كلو بقي قريب بعض وانت في مشوار المدرسه ده وراء ده اطلع ليك موضوع اسمو البيت والبناء بدون الدخول في تفاصيل فرعيه تانية انت لو خلصت المدرسه والبناء وسلمت روحك لي الكريم وختيت راسك صعيد في الجابرة قطع شك بتخش الجنة .............. ما معروف تكتيكات الاجيال الجاية شنو |
كتالوج محفوظ --- الله يستر
| |
|
|
|
|
|
|
|
|
|
Re: أنا ومرتي والصداقات: (Re: ahmedona)
|
Quote: في ناس ليها ثلاثة يوم بتقيم في الليل و صاحبوا أئمة المساجد و أقنعوهم
إنو قيام الليل السنة دى يكون عشرين يوم بدلاً من العشر الآواخر و ده كلوا
عشان خاطر المرّاقة و المستقبل و تصحيح الأوضاع على أكمل وجه
بلا كفالة بلا كفيل الغير شرعيات و بس.
أصحى يا بريش أصحى يادسيس
|
ALWALEED ALSHEIKH يا حبيبنا كل عام وانت بخير
صحوبية امام المسجد عندي ليها دراما واقعية عجيبه:
بيوت العذابة بتلم زول صاحبنا ليهو قريبو احيانا بجي اقعد معانا كم يوم وامشي مننا مشكلتو من اشوف ليهو زول طالع البس جزمتو وإطلع ليهو بي مشوار عشان إوصلو من ناحية اللبس جاهز 24 ساعة عندو مشكله تانية بتاعت اعاقة خفيفه في رجلو ركز معاي في خفيفه ما بتشوف العرجه بتاعتو الي تدقق شديد.
في عيد الضحية قدمت لينا دعوة غداء أنا كسلت من اسوق العربية ركبت مع واحد بعد الغداء الراجل عندو شربوت قاعد اكثر من اسبوعين إكب لينا ونشرب غايتو أنا براي تقول شارب لي عبار (( العبار جردل المريسه الصغير)) الجماعه السايقين عربات خايفين من مشاوير صاحبنا الاعرج براحه اتسلسلو.
فجأة ومع نعنشت الشربوت لقيت روحي أنا والنجم والمسا ((سيد البيت والاعرج وأنا)) ورطه عجيبه.....
قلتا خربانه خربانه قمت ليك بي اخر جك للشربوت ((ون قو)) تصنقعه واحده ولعت لي سجارة راسي صفر قولت للراجل يلا نمشي ودعنا صاحب العيزومة .
وقت طلعنا الشارع قلت ليهو البيت قريب نمشي كداري..... بالله الاعرج قام فيني تنهر وقلبت لي نبذ انت وقت ما سايق عربية مطلعني من جوه ليه يا صفتك ...يا صفتك... نبذ عجيب ما لاقاني زول نباذ زيو ، الشربوت لاعب بي راسي اتحيرت اعمل معاهو شنو مسكت في جملة واحدة اقول ليهو فيها ((كل ذي عاهة جبار)).
لسؤ حظنا في طريقنا مكاتب شرطة المخدرات مع باب الشرطه والراجل إربرب وتكلم كثير دقش ليهو حجر وقع في الواطه ثلاثة عساكر جو جارين علينا....
اقيف يا زول متعاطين ايش ؟؟؟؟
أنا قلته خلاس الاعرج جاب اجلي والشربوت سكرنا عديل اصلو ما فتحت خشمي.
بالله زولي الاعرج قام من الواطه اخذ ليهو تدمعه بسيطه اتكل في واحد من العساكر قعد احكي ليهم قصة انو قبل كده عمل حادث كان سبب في مشكلة رجلو لما إنتهي من القصة العساكر فيهم واحد عيونو دمعت وجابو ليهو كرسي وواحد جري البقالة جاب موية وعصير عرضو علينا خدمات اوصلونا قصة طويله.....
أها بعد ده فكونا ومشينا والراجل بعد الوقعه وفكونا بالله جدع كراعو بي طريقة أنا ذاتي حنيت عليهو ممثل بارع.....
أها قصة الشربوت السكرني وحكاية الشرطه مسكني بيها أول حاجة كلم اي زول بعرفني وضاف ليها شمارات ثانيا لو شافني وقفت ساكت إنط لي بي مشوار يعني الود عمل فيني جميله.....
يوم راكب معاي في رمضان جينا بي قصر الوليد بن طلال لقينا ناس واقفين صفوف، بصيغة امر قال لي وقف هنا!!!
قلت ليهو ديل الناس البوزعو ليهم صدقات عايز شنو منهم؟؟؟
نهرني ودقه الطبلون قلته ليك اقيف!!
وقفت ليهو...
بالله الراجل نزل من العربية وجدع كراعو لو شافو الوليد بن طلال اديهو عربية لكزس وقف في الصف مع الجماعه لما وصل الشباك ، البوزع في القروش ادهو عشرين ريال ،،، باله الزول ده جدعه ليهو في وشو لما داك نطه لي جوه من الشباك وقال ليهو أنا ازحف من قبيل تديني عشرين ريال.... قرف اقرفك .
وجاني راجع يا زول ده شنو العملتو؟؟؟
قال لي انت قايل جدعت كراعي هينه الوهم ده اديني عشرين ريال اخر مرة انا جدعتها جابت عشرة الف ريال.
مشينا للمشوار الموصلو ليهو السفارة السودانية اتضح ماشي اجيب ليهو قروش من السفارة المعوقين بدوهم نصف مبلغ التذكره ((أمنت زول إطلع قروش من السفارة ما هين وقعدته اردد ...كل ذي عاهة جبار)) .
وصلنا السفارة ماشي كويس من دخلنا جوه جدع كراعو قالو ليهو اطلع الدور التاني في السلم زولي اتجدع عشان اصل الدرج السادس قاعد ليهو نص ساعة السفارة كلها حنت عليهو أنا صدقت الزول ده بستحق طيارة خاصة خلي نصف تذكره.
رجعنا الميز اتفكيت منو قعد معانا كم يوم لاحظت حاجة غريبه فيهو الاذان لما اقول الله اكبر الراجل جري للمسجد الخمسة اوقات بقي فردة زول مولانا معانا في الميز الغريبه الاعرج ما عندو اي علاقة بالدين يومو كلو اسخط والع واسب فجأة قلب بتاع صلاة ومن قولة تيت. سالت مولانا الزول ده عملت ليهو حاجة؟؟
قال لي يهدي من يشاء والله فلان ده ما بصلي الي في الصف الاول وخلف الامام مباشرة!!!!
بعد كم يوم الاعرج وقف من الصلاة بدون اي مقدمات والحاجة دي حارقة مولانا شديد ومحيراني انا راح مولانا سالو يا شيخنا مالك وقفت من الذهاب للمسجد الامام بسأل عنك ؟؟؟؟
رد عليهو امامك عايز اعمل فيها صاحبي ما خلاس اداني الشهادة انو انا بصلي الاوقات الخمسة بالمسجد وقدمتها لجمعية المعوقين عشان باقي تذكرة السفر .
عايزني انوم ليهو في المسجد ول شنو. !!!!!
البلد هنا لو عندك فيها رخصة قيادة وشهادة صلوات خمسة ما بتجيك عوجة. ..
| |
|
|
|
|
|
|
|
|
|
Re: أنا ومرتي والصداقات: (Re: سليمان القرشي)
|
| Quote: كتالوج محفوظ --- الله يستر |
حبيبنا ahmedona
رمضان كريم ... وكل عام وانت بخير
خشيت الفلم الهندي يا زول بطل ما بموت
شفقت عليك خلينا معانا امكن نلقي ليك حل
تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
حبيبنا عبس ياخ اسبوع تمام انا كنت عايش في الخيال انسج حروف سيالة ذي دمعا حزين من عيني سال ..
ياخوي الموضوع ماشي كيف انا في رجالك ضاعت سنيني ,,, اها نقول في العيد ده ولا لسه ؟؟
اصلها خربانه خربانه ... كمان ما تقول اخوك عدل المهنة يعني نجيب الاهل زيارة ونتوكل على الله الحي الدائم ,, يا اما لقينا الحبيب يا اما وديتونا سليمان الحبيب ... ههههههههههههههه
تحياتي : ياسر العيلفون
| |
|
|
|
|
|
|
|
|
|
Re: أنا ومرتي والصداقات: (Re: ياسر السر)
|
Quote: عباس سلام
حاول انجز سريع عشان الحكومة
الايام دي داخلة علي وضوع دايرين
نستفيد من فترة الاربعين دي نعمل
حاجة قبلي ماتجي ونربع يدينا
ملانات قصب |
سليمان القرشي يا حبيبنا سلام
الظاهر عليك اليومين لاقي براحك
ما دام خشيت في حكاية اربعينات انشاءالله تصل ليك العيد المناسبات في الاعياد لمة
ذهابي للعمرة وقف الموضوع شوية ...صبرا ال ياسر
تحياتي وتقديري
| |
|
|
|
|
|
|
|
|
|
Re: أنا ومرتي والصداقات: (Re: عباس الدسيس)
|
Quote: حبيبنا عبس ياخ اسبوع تمام انا كنت عايش في الخيال انسج حروف سيالة ذي دمعا حزين من عيني سال ..
ياخوي الموضوع ماشي كيف انا في رجالك ضاعت سنيني ,,, اها نقول في العيد ده ولا لسه ؟؟
اصلها خربانه خربانه ... كمان ما تقول اخوك عدل المهنة يعني نجيب الاهل زيارة ونتوكل على الله الحي الدائم ,, يا اما لقينا الحبيب يا اما وديتونا سليمان الحبيب ... ههههههههههههههه
تحياتي : ياسر العيلفون |
ياسر يا صديق اخبارك يا حبيبنا ه
نالك علاقات دوليه متينه تربط الحكومات
كما أن وحدة مياه النيل وثقة العلاقات بين الحكومتين
ولهذه الاساب يستحيل تخريب العلاقات الاذلية
وبعد الشر عليك من سليمان الحبيب خليك في بيتك ((نائما مطمئنا ، ماكلا ، شاربا ،)) عشانالامل ما اضيع منك ونحن نسكر بنشوي استقراركم.... بالله المقطع الاخير رايك فيهو شنو !!! خطير
| |
|
|
|
|
|
|
| |
عباس الدسيس
مجاهد محمد الهادي
cantona_1
الامين موسى البشاري
ناصر حسين محمد
هويدا شرف الدين
إدريس محمد إبراهيم
جمال عبد الناصر محمد
ياسر السر
عمر السلمة
محمد يوسف طه
بشير أحمد
سليمان القرشي
ALWALEED ALSHEIKH
ahmedona
فيس بوك
تويتر
انستقرام
يوتيوب
بنتيريست