Post: #1
Title: فضيحة رمضانية ...... إهداء الى وزارة الخارجية
Author: الجنيد حمد
Date: 07-17-2013, 09:51 PM
Parent: #0
...
جمهورية السودان
وزارة الخارجية
مئات من السفارات
مئات من السفراء
واسرهم
الالاف يعملون بوزارة الخارجية وسفاراتها
,................................................
رغم ذلك
عجزت سفارة جمهورية السودان في الامارات
عن توفير جوازات سفر للمواطنين السودانيين
المقيمين في دولة الامارات .. ليترتب على البعض غرامات مالية بسبب قوانين الدولة المضيفة
رغم ذلك تتساهل دولة الامارات العربية المتحدة مع البعض وتخفف عنهم بتخفيض واعفاء الغرامات التي تسببت فيها دولتهم
متى يفهم موظفي الحكومة بأنهم يتقاضون الراتب نظير العمل
ادناه خطاب من سفاراتنا الموقرة يبرر عجزهم عن توفير الجوازات وحتى صياغته لم يحسنوها
اهداء الى شعبنا الفضل ايضاً
|
Post: #2
Title: Re: فضيحة رمضانية ...... إهداء الى وزارة الخارجية
Author: أيمن الطيب
Date: 07-17-2013, 10:02 PM
سلامات أخي الجنيد،
أو صلونا حدود القرف البعيدة فى كل شئ ،،،،
السفارات آخر همومها قد يكون المواطن السوداني،،
هم لا يخجلون ولا يرون ما يحدث عيوبا فقد تعودوا
على هذه المخازى وفقدوا خاصية الخجل،،،
مخجلين يأخي مخجلين ،
أما من نهاية لهذه المآسي؟؟
تحياتي
|
Post: #3
Title: Re: فضيحة رمضانية ...... إهداء الى وزارة الخارجية
Author: عبداللطيف شريف على
Date: 07-17-2013, 10:38 PM
Parent: #2
اخى الجنيد
تحية طيبة وشهرك مبارك ..
الوضع كذلك هنا فى الرياض عندهم بضع جوازات توفر للطلبة ..
عندنا عما لنا مريض من المفترض ان يسافر الى دولة اوربية رفضت السفارة الغربية منحه التاشيرة لان الجواز تعدت صلاحيته العشر سنوات ..
يا رجل العشوائية لن تفارقنا ابدا الدهر والبركة فينا وفيكم فى وطن كان يهز ويرز ...
|
Post: #4
Title: Re: فضيحة رمضانية ...... إهداء الى وزارة الخارجية
Author: Adam Omer
Date: 07-17-2013, 11:10 PM
Parent: #3
وحتى صياغته لم يحسنوها
ألاخ الجنيد حمد
تحية و الســــــــــــــــــــــــــــــــــــــــــــــــــــــلام.
تعرف يا أج الجنيد حدثنى احد ألاصدقاء .
فى تسعينات القرن الماضى و تحديدأ أيام بداية التمكين
وزارة الخارجية ارسلت الى بلاد فــــــــــــــارس 35 من اتباعها ألى معهد الدبلماسية فى طهران
و خضع الكل الى امتحان اللغة الانقيليزى. 34 صقطو فى ألاختبار الا واحد و هذا الواحد لو كان كوز لصقط مع الصاقطين
لكن هذا الواحد كان من ألاخوان الجمهوريين. اصحاب الفهم و العلم.
فتك بى عافية
|
Post: #5
Title: Re: فضيحة رمضانية ...... إهداء الى وزارة الخارجية
Author: سيف اليزل سعد عمر
Date: 07-17-2013, 11:21 PM
Parent: #4
الأخ الجنيد
ده أكبر دليل عملى على اهانة الشخصية والهوية السودانية بوصول الانقاذ للسلطة
دولة تحرر شهادة بموت الهوية السودانية بان لا هوية لهم
رداءة صياغة الخطاب توضح التدهور المريع فى كفاءة الموظف السودانى فى مهنة تتطلب لباقة الكتابة والخطابة
متى نصحى؟؟
تحياتى
|
Post: #6
Title: Re: فضيحة رمضانية ...... إهداء الى وزارة الخارجية
Author: سيف اليزل سعد عمر
Date: 07-17-2013, 11:21 PM
Parent: #4
الأخ الجنيد
ده أكبر دليل عملى اهانة الشخصية والهوية السودانية بوصول الانقاذ للسلطة
دولة تحرر شهادة بموت الهوية السودانية بان لا هوية لهم
رداءة صياغة الخطاب توضح التدهور المريع فى كفاءة الموظف السودانى فى مهنة تتطلب لباقة الكتابة والخطابة
متى نصحى؟؟
تحياتى
|
Post: #7
Title: Re: فضيحة رمضانية ...... إهداء الى وزارة الخارجية
Author: سيف اليزل سعد عمر
Date: 07-17-2013, 11:21 PM
Parent: #4
الأخ الجنيد
ده أكبر دليل عملى على اهانة الشخصية والهوية السودانية بوصول الانقاذ للسلطة
دولة تحرر شهادة بموت الهوية السودانية بان لا هوية لهم
رداءة صياغة الخطاب توضح التدهور المريع فى كفاءة الموظف السودانى فى مهنة تتطلب لباقة الكتابة والخطابة
متى نصحى؟؟
تحياتى
|
Post: #8
Title: Re: فضيحة رمضانية ...... إهداء الى وزارة الخارجية
Author: الجنيد حمد
Date: 07-18-2013, 10:02 AM
Parent: #7
الافاضل
ايمن الطيب
عبداللطيف شريف علي
.
Adam omer
سيف اليزل سعد عمر
Mu Sab Musab
تحياتي ورمضان كريم
افيدكم علماً بأن الغرامات المالية ستكون بحساب 55 درهم في اليوم اي ما يعادل 100 جنيه
يعني الزول ده حيدفع ربع راتبه غرامة والسبب سفارة بلاده
هل ستدفع السفارة او وزارة الخارجية هذه الغرامة ... مستحيل
طيب ذنبه شنو ...
................................................................
قبل سنة مشيت السفارة عشان اعدل الاسم ودفعت رسوم استخراج جواز جديد
حكمة ربك الجواز المعدل جابوه لي نفس القديم يعني بس غيرو رقم الجواز
ياجماعة الخير الشغلة دي نية وانا كده ما عملت حاجة
الزول البسلم الجواز قال لي اتصرف؟؟؟؟؟؟؟؟؟؟؟؟؟؟؟؟؟؟؟؟
اي والله اتصرف ؟؟؟؟؟؟؟؟؟؟؟؟؟؟؟
مشيت جوه المكاتب برضوا قالوا لي اتصرف ؟؟؟؟؟؟؟؟؟؟؟؟؟؟؟؟؟؟
مشيت للطباعين والساعة عملت اتنين قالوا لي ما بنقدر هسي
نحن كده حندفع من جيبنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياجماعة انا دفعت رسوم يعني ما شاحد وطبعتوا لي زي ما هو ما عدلتوه ......
المهم باركوها ياناس
ونحن سودانيين
وابشر
والله
وماف مشكلة
المهم اقنعوني اجي بكرة استلم جواز جديد معدل
بعد ما وصلت المحطة اتذكرت انو الجواز لو عدلوه او ما عدلوه ما مهم
لانو الشغلة الدايرها ليه طرشقت خلاس بدليل الساعة اتنين فاتت
المهم تاني يوم مشيت استلم الجواز وبعد ما طلعت لقيت كاتبين لي فيه اكرامي
اكرامي ياخ ................؟؟
والدفعتهن ديل بياض يعني
انا لله
........................
على السفارة التعجيل بتوريد دفاتر جوازات من الصين من السودان
من اي سفارة مجاورة لانو الوضع صعب واي غرامات بتخرب ميزانية سنتين لي قدام
واخيراً
ليت وزارة الخارجية تحاسب ولو مرة واحدة من تسببوا في هذه الكوارث ....؟؟
|
Post: #9
Title: Re: فضيحة رمضانية ...... إهداء الى وزارة الخارجية
Author: Asim Fageary
Date: 07-18-2013, 10:08 AM
Parent: #8
دا موضوع خطير وعاجل جداً
مارسوا كل وسائل الضغط الممكنة
|
Post: #10
Title: Re: فضيحة رمضانية ...... إهداء الى وزارة الخارجية
Author: Haju Muktar
Date: 07-18-2013, 03:35 PM
Parent: #9
الاخ العزيز الجنيد سلامات
اسف جدا لم انتبه للبوست
ولك كل الشكر للتنبيه
وحقك في رقبتي
وحقك عن ناس حريات
خلينا نهبشم بي لكزه لكزتين
نشوف اخرهم شنو؟؟؟؟؟؟؟؟؟
ههههههه
شكرا يا صديق
|
Post: #11
Title: Re: فضيحة رمضانية ...... إهداء الى وزارة الخارجية
Author: الجنيد حمد
Date: 07-19-2013, 00:09 AM
Parent: #10
العزيز / هجو مختار تحياتي
وياريت كلو يجيب حاجة من ناس سفارتنا
ولسة الغرامات مدورة في المساكين الما لقوا جوازات عند السفارة
حسب تقديرات البعض هنا أن عدد السودانيين المقيمين بالامارات 70000 نسمة سبعون الف نسمة
يعني خمسمائة جواز مع اقرب زول بتحل المشكلة
بس نقول شنو ...
الله في
|
Post: #12
Title: Re: فضيحة رمضانية ...... إهداء الى وزارة الخارجية
Author: الجنيد حمد
Date: 07-21-2013, 09:55 AM
Parent: #11
اخيراً
وددت أن اشكر سفارتنا لقيامها بواجبها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شفت محن الدنيا دي كيف ؟؟؟؟؟؟؟؟؟؟؟؟؟؟؟؟؟؟؟؟؟؟؟
نشكر الزول عشان قام بواجبه علماً بأن هذا الواجب يتقاضي نظيره راتب
ولكن نحن في زمن الانقاذ وعجائبها
(المهم)
(حسب مصادرنا) قامت اليوم سفارة السودان بابوظبي بمنح المواطنين السودانيين جوازات سفر
بعد أن استعصى الامر لايام مضت (دون أن تبين السفارة اسباب التأخير ودون أن يتم محاسبة احد حتى الان
ودي خطوة كويسة ونقول لسفارتنا في ابوظبي
(العترة بتصلح المشي ) ونتمني تكون دي اخر عترة ......
وللسفارات عموما وموظفيها
ياجامعة انتوا بتاخدوا الراتب ده عشان تخدموا السودانيين البرة البلد
لو ما عاجبكم الشغل امشوا بيوتكم ولكن طالما انكم بتاخدوا راتب من خزينة الدولة
تخدمونا وتقدموا لينا التساهيل اللازمة ومن غير صرة وش كمان
تحياتي
|
Post: #13
Title: Re: فضيحة رمضانية ...... إهداء الى وزارة الخارجية
Author: محمد الرفاعى
Date: 07-21-2013, 11:02 AM
Parent: #12
| Quote: فضيحة رمضانية ...... إهداء الى وزارة الخارجية |
الأخ الجنيد رمضان كريم
و الفضيحة الأكبر الشهادة
Quote: شهادة لمن يهمه الأمر
بهذا تشهد سفارة جمهورية السودان بأبوظبى لعدم وجود جوازات سفر بالسفارة حتى تاريخه
حررت هذه الشهادة لتقديمها لمن يهمه الأمر بدولة الأمارات العربية المتحدة .
ع/السفير
|
الأمر ماهماكم إنتو يهم منو ؟!!
هنا السفارة تشهد لعدم وجود جوازات سفر بها
و إذا إعتبرنا السفارة شاهد ... تشهد على القصور فى أداء مهامها ؟
طيب الشهادة فى شنو ؟ وما الفائدة منها هنا ؟؟
وكيف تكون الشهادة على ورقة مكتوبة و يوقع عليها آخر عن السفير ؟؟
وهل لدى الشخص الموقع عن السفير توقيع بالخارجية هناك ؟؟
وما الدليل على صحتها ؟؟
و من الذى يهمه الأمر هنا ؟
المغترب ؟ أم السفارة نفسها ؟ أم جهة ما بدولة الأمارات ؟
وهل هذه الشهادة تصلُح للتقديم فى كل الأحوال والظروف ؟؟
|
Post: #14
Title: Re: فضيحة رمضانية ...... إهداء الى وزارة الخارجية
Author: الجنيد حمد
Date: 07-21-2013, 11:54 AM
Parent: #13
استاذي محمد الرفاعي اسعد الله اوقاتك ورمضان كريم
| Quote: وهل هذه الشهادة تصلُح للتقديم فى كل الأحوال والظروف ؟؟ |
هذه الشهادة لا تساوي ثمن الحبر الذي كتبت به وحسب عملي هنا لا تعفي صاحبها من الغرامات
....
قبل اسبوع زارني صاحب الوثيقة مستفسراً هل (يرقد قفى) وما بتجيه العوجة طالما السفارة منحته اثبات !!!!!!!!!!!
عاينت في الخطاب ووجدت (كارثة)
اي سفارة هذه ؟؟؟؟؟؟؟؟؟؟؟ التي لا تحترم نفسها ومواطنيها ..
واي موظف هذا ؟؟؟ الذي لا يستحق أن يكون واجهة للسودان في الخارج ؟
لو لم تكن الامور كما هي من فترة طويلة لقلت أن هناك صراع بين السفير الجديد والمحاربين القدامى ...؟؟؟؟؟؟؟؟
وحتى تصحو سفارتنا هنا
قمت بنشره هنا (سبق صحفي لسودانيزاونلاين كما يقول اهل الصحافة )
ومن ثم تم تداوله في الفيسبوك وعدة منتديات الامر الذي ازعج سلطات السفارة (حسب مصادرنا)
ويظل السؤال موجه الى السفارة مرة اخرى
هل من تفسير لما حدث ؟؟؟؟
هل تمت المحاسبة ؟؟
ام أن الامر سيذهب تحت دعاوى أن هذا كيد سياسي وغيره
علماً بأنني لا اعرف من هو السفير الجديد او القديم حتى يقال كيد سياسي وصراع شنو ما عارف ...
هل نتعشم في رد واعتذار من الوزارة والسفارة
غايتو
في انتظار توضيح واعتذار من وزارة الخارجية و سفارة السودان في ابوظبي
[email protected]
.....................
هل يوجد ملحق اعلامي ؟؟؟ وما دوره ؟؟؟
|
Post: #15
Title: Re: فضيحة رمضانية ...... إهداء الى وزارة الخارجية
Author: mustafa bashar
Date: 07-21-2013, 02:55 PM
Parent: #14
,والله دي محن دي..
والسفير قاعد بلا خجله؟ ياخي انتو الدبلوماسيين السودانيين ديل بعينوهم كيف في الوظائف دي؟
اعوذ بالله منهم ..
|
Post: #16
Title: Re: فضيحة رمضانية ...... إهداء الى وزارة الخارجية
Author: عبدالكريم أحمد الامين
Date: 07-21-2013, 03:15 PM
Parent: #15
| Quote: فضيحة رمضانية ...... إهداء الى وزارة الخارجية |
** الأخ الجنيد..
** سلام ومساءك خير..
## دى النتيجه الطبيعيه لسياسة التمكين ... الولاء وليس الكفاءه هى معيار التوظيف ... هل المتواجدون بالسفارات والقنصليات هُم دبلوماسيون أم ضباط أمن (من التنظيم) ؟؟؟؟ لربما يكون من الخارجيه فرد واحد أو إثنين ومن دون صلاحيات !!!!!!
## السفارت والقنصليات أصبحت مكاتب فرعيه لجهاز الأمن وكذلك مكاناً لجباية العُُمله الصعبه ,, وخدمة الرعايا الذين يحملون الجواز الأخضر البلومى هى آخر إهتمامتهم##
## أما شهادة لمن يهمه الأمر فدى فضيحه ,,, حتى فى صياغة الرساله فاشلين فمابالك بالأمور التى تتعلق يالكياسه والدبلوماسيه !!!!
(اللهم أنقذنا مِمن أتوا لإنقاذنا)
|
Post: #17
Title: Re: فضيحة رمضانية ...... إهداء الى وزارة الخارجية
Author: الجنيد حمد
Date: 07-25-2013, 06:57 AM
Parent: #16
العزيز / مصطفى بشار تحياتي
قد تعلموا بأن من تكثر اخطاوه يرتقي درجات على
لذلك لا يحاسبون انفسهم ولا يحاسبون
..............................
العزيز/عبدالكريم أحمد الامين - تحياتي
| Quote: فمابالك بالأمور التى تتعلق يالكياسه والدبلوماسيه !!!! |
طيلة الاربعة والعشرين العجاف يعيشون على ما صنعه السابقون من علاقات مع الدول الاخرى
...................................
لم تتكرم السفارة باخراج بيان يوضح المهزلة التي حدثت ..
وكان عليها أن تتحمل مسؤوليتها بدفع الغرامات عن الذين احتسبت عليهم لا أن (تصهين)
حقيقة السفارة في ابوظبي تحتأج الى من يخبراها بأنها لخدمة ما يسمى المواطن السوداني ؟؟؟؟؟؟؟
ايضاً لم تتكرم الخارجية بتوضيح في حين أنها مستعدة لاخراج بيانات التاييد والنفرات قبل أن يطلب منها
ما حدث امتهان لكرامة المواطن السوداني وخطأ اداري فادح يستوجب الاعتذار عنه ومحاسبة من تسبب فيه
وتحمل ما ترتب عن غرامات بدلاً عن المواطن ...
|
|