من أسرار القرآن فى ليلة القدر ، هدية للأحبة فى السودان وما جاورها

ياجماعة شوفو إعجاز القرآن ، أنا قاعد أكتب الكلام ده كل رمضان ، وهو عن رمضان وفيه ليلة القدر وهى مخفية ما معروفة ياتو ليلة ، بس خليكم معاى نحسبها سواء ، سورة القدر فيها ثلاثين كلمة بعدد أيام رمضان وكل ليلة نديها رقم ، يلا نبدأ ، إنا (1) أنزلناه (2) فى (3) ليلة (4) القدر (5) وما (6) أدراك (7) ما (8) ليلة (9) القدر (10) ليلة (11) القدر (12) خير (13) من (14) ألف (15) شهر (16) تنزل (17) الملائكة (18) والروح (19) فيها (20) بإذن (21) ربهم (22) من (23) كل (24) أمر (25) سلام (26) هى (27) حتى (28) مطلع (29) الفجر (30) ، يلا شوفو ليلة (27) شنو؟ تلقوها (هى) ويا سبحان الله ، يلا شدو حيلكم وأدعوا لينا معاكم يمكن ربنا يفتحها علينا ببركة دعواتكم فى تلكم اللية المباركة ، سلام (26) هى (27) يا أهلى الطيبين

أخوكم هشام شيخ الدين

حياك الله أخي هشام،
وشهر مبارك إن شاء الله!
وطبعاً ليلة القدر هي أعلى قمة في هذا الشهر العظيم!
وبحسب هذه الطريقة التي ذكرتها، تكون ليلة القدر عند من يصدق بها،
دايماً ليلة 27!
وعموماً طبعاً المسألة محل خلاف كبير!
عامة العلماء على أنها مخفاة في الليالي الفردية من العشر الأواخر!
أنا عاوز أذكر في هذا السياق اجتهاد توصل إليه شاب سعودي
اسمه ممدوح الجبرين (رحمه الله)،
وكانت ثمرته أنه حدد اليوم الذي تكون فيه ليلة القدر دائماً!
مفروض أذكر تفاصيل، وأجيب رابط، لكن اسمح لي وليسمح لي
الأخوة القراء، مشغول شوية،
لكن على من يهمه الأمر أن يكتب في محرك البحث اسم (ممدوح الجبرين)!

الأخ صلاح عباس

أشكرك على الإضافة المميزة ، جعلنا الله وإياكم ممن يكون لهم نصيب فى ليلة القدر

أكرر الشكر والتحايا العطرة

هشام

الحبيب هشام

لك من الحب لمن تقول خلاص كفاي حب
ومن التقدير مثله وأزيد أما الاحترم فلا نهاية له

شكراً شوية لما كتبته عن ليلة القدر

جعلك الله ومعك أنا والحاضرين في هذا البوست من اهل ليلة القدر ومستجيبي الدعاء

سلام يا زول

الزول الجميل الصادق صديق

ياخ تسلم كتير والله ، حضورك هنا أسعدنى كتير والله

أخوك هشام