اليـــــــــــــــــــــــــــــــانكي .. النــص نـص

عندما يقوم بإرهابنــا أولاد اليانكي من العالم الأول .. نستخدم نحن ابناء العالم الثالث اولاد القرف كل صلاحياتنا واسلحتنا نستدعيها في سبيل الدفاع عن انفسنـا .. واضعف الايمان الارهاب اللفظي .. امريكا روسيـا قد دنـا عذابهـا إلخ إلخ ..
لكـن ما بال ابناء اليانكي الجد جدا يرهبوننا في صمـة خشمنــا ..؟
لاحظ عزيز بشاشا القاري قلنـا اولاد اليانكي الجد جد .. ما اليوانكي النص نص ..

عند بدايـة برنامج الهجرة الأمريكيـة بشكله الحالي .. اذكر اننا في السودان.
كانت السفارة الامريكيـة أو الشارع المؤدي للسفارة الأمريكيـة مكتظا بعددية مهولة من البشر .. العميان شايل المكسر ..
كل سيدة تحمل مرضعتها .. وكل شيخ يتوكأ على عكازتـه .. وكل شاب شــب عوده حمل احلامـه واستعد للحلم الأمريكي .
وقتها كانت الفكرة بسيطـة حتى طريقة التقديم بدائية بمكان .. ما عليك إلا أن تكتب بياناتك في ورقـة يمكنك ان تقطعها من اي نص كراس عربي ابو اربعة وستين ورقـــة ..
هاداك الوقـت كان العديد من الجماعة المعانا في الكنيسـة دي .. أو بوردي بكري دا .. الشغال منهم في السعودية ليهو كم سنـة كدا ..
أو المشى سويسرا يا اسبانيا مع احد الأمراء العرب من دول الخليج وقد السلك بي وشـو وعمل زغبير ..
..
القلة القليلة من الذين تواجدوا في أمريكا وقتئذ .. قذفت بهم الظروف الاكاديميـة او البعثات الدراسية أو البعثات الدبلوماسية ..
وتلك الفئة كانت تعد على اصابع اليد الواحدة .. حتى وانت داخل الولايـة الواحدة لا تستطع ان تجد من الوقت متسع لمصافحـة اقربهم لك حال ان توفر لك من ابناء وطنك .. ( هكذا وفق ما يحكى عن الحال وقتها ).

تطور البرنامج .. مع تطور الزمان والامكانيات وحركة التقنية ..
حتى اصبحت فرص الحصول على الكارد الأخضر .. مبذولـة مع اي كلك للماوس
لكـن الشاهد في الأمر .. أن هناك فرق كبير جدا ما بين تلكم الذين كتب الله لهم الحصول على الجنسيـة الأمريكيـة عن طريق برنامج التهجير .. وتلكم الذين هم ابناء البلد مواليدهـا والذين يخبرون طرقاتها واذقتها وحواريهـا ..
حتى المهاجرين انفسهم .. هناك فئة خبرت تماما وتحسست مكان قدمها وافادت شعوبها .. وفئات أخرى كثيرة كانت وبال على نفسها وعلى شعوبهـا وما زادهم البرنامج الأمريكي إلا جهلا فوق جهلم القديم ..
لا هم استفادوا من تقدم الدول المتقدمـة التي ايحت لهم الفرص الواسعة لزيارتها ولا هم طوروا انفسهم .. اكاديميا ولا اجتماعيا
كل ما هناك انهم .. تتوركوا اكتر من التركي .. وتيأنكو اكتر من اليانكي ..
حتى صارت المعادلة الجديدة ..
التركي ولا المتورك .. واليانكي ولا المتيأنك ..

أنا حضور يا كاتبى المفضل
بستفهم ... ولا تأخذنك بهم رأفة
رمضانك كريم وتقبل الله منا ومنكم صالح الاعمال
:
:
:
مع التحيات لله الزاكيات

سلامات يا محمد حمزة تصوم وتفطر على الف خير ..
..
الليلة عايزين نكتب من الشمال لليميـن .. نشوف الامريكان حقننا ديل برنامجم شنو معانا وقدمو لينا شنو زاتو وقدمو للبشرية شنو؟

أذكر انه عند حصولي على القبول للبرنامج قبل سنوات عديدة خلت .. اذكر انه وانا بصدد اكمال جميع الاوراق والمتطلبات الخاصة بالبرنامج والمستندات التي تثبت احقيتي للبرنامج من كشوفات طبية وصور بمختلف الاوضاع للوجـه ، ومقابلة لمسؤول الهجرة بالسفارة ..
اذكر انني كنت حريص وانا اقوم بكل خطوة ان اتفكر واتأمل ما هو العائد الذي سيعود لي من هذا البرنامج وبالمقابل كيف لي ان افيد تلك البلاد وانا انحدر من قارة متخلفـة ..
ثم
ماهي الادبيات التي ستغزوني وبلا شك انها موضوعة بقدر عالي من الفهم بعد أن خبروها وتداولوها علماء علم النفس وعلماء الاقتصاد .. وعلماء الاجتماع .. والمخابرات العسكرية .. وربما شخصي الضعيف كلفهم ملايين الدولارات حتى يضعوا له رسم بياني خاصتة وتحليل سلوكي وإلخ إلخ حتى يخرجوا به إلى حيث ارادوا له .. ولا اعتقد ان الجانب الانساني هو هدفهم في المقام الأول .. بقدرما هو تصدير التجربـة الأمريكيـة إلى بقية بلدان العالم خاصة العالم المريض ,, الذي يصدر مزيدا من المرضى ..
..
وانا على اعتاب الدخول في مقابلة مع مسؤول الهجرة في مقابلة استمرت لمدة (7) ساعات كنت فترة الاستراحة فيها تتراوح ما بين خمسـة إلى ستة دقايق محسوبـة .. لاحظ فيها تتبعه والشخص المرافق له لكل حركاتي وسكناتي حتى طريقة جلوسي على الكرسي وحركـة عيني ووضعية ارجلي ..
شد انتباهي احدهم .. كثيرا ما اقارن بينه وبين عددية كبيرة من المتيأنكين هنا معنا في البورد ..
اضحكني بشدة .. وصرت من المتابعين له .. والصدفـة وحدها هي التي جمعتني به من بعد ذلك ..

تمبس ازيك يا غالي
الكتابة من الشمال لليمين تعجبني خااااالص
بس وضح الحروف عشان رمضان والنظر

Quote: بس وضح الحروف عشان رمضان والنظر

شنو يا عمدة ..
رمضان دخل العضم واللا شنـو ..؟
والله انا عرفتو ليك من أول يوم
الليلة يا عمدة عايز اكتب ليهم كمواطــن امركي كامل الدسم .. عشان الناس دي قايلننا قاعدين ساااي ..
الليلة بالذات ح نوريهم القرم التفاحـة منو ..؟

يا تمبس نادي اليانكي ده ما في زول بدخلو غير يانكي ولد يانكي تقول بطاقة خدرا هههههه
و الله البلد تقعد فيها مية سنة في كل مرة تفتح فيها خشمك و تبدا تنظر ينط واحد يسألك :الاخو من وين
و كمان كان بقيت من الناس اللي جو صغار و لسانهم بقى زي لسان أهل البلد من ما يشوفوا اسمك
برضو حيسألوك نفس السؤال.

Quote: ينط واحد يسألك :الاخو من وين

ههههههه..
والله يا دكتور دا الجنن عبد القادر زاتو ..

Quote: عشان الناس دي قايلننا قاعدين ساااي ..

آي يا تمبس وريهم عشان فعلاً الناس دي قايلانا قاعدين ساي !!
وبالمرة كده نوريهم لمن كنا بنقدل في الريفر ووك في سان أنتو نيو في تكساس سنة الفيضان (88) ..
هم كانوا وين ؟؟

على فكرة ..
توجد صور وشهود بورداب ...
تصدق !!

Quote: آي يا تمبس وريهم عشان فعلاً الناس دي قايلانا قاعدين ساي !! وبالمرة كده نوريهم لمن كنا بنقدل في الريفر ووك في سان أنتو نيو في تكساس سنة الفيضان (88) .. هم كانوا وين ؟؟

...
ههههه .. عليك الله يا كمندان دقيقـة .. انا الليلة بشتغله ليك معاهم انقليزي وترجمـة واي حاجة .. م حن خلي تكساس ما ح نخلي تولسـا .. ما ح نخلي اريزونـا ..
الصور .. طوالي يا كمندان اصلو ما تتلفت .. ما شفت وليد الشفت اتجدع كيف في الجماعة

Quote: يا تمبس ... هو بالله انت اتاريك (أخضر) علي قول النكتة بتاعت المصري السعودي ضرب عربيتو من ورا ... جا واحد سوداني تووووشك حاشر نفسو و واقف مع المصري شابكو ليك اوووع تخلي حققك ..ز حققك ما تخليهو .. و المصري شابكو ليك انت اطلع منها يا ابن النيل ما تنيلهاش معانا يعني البيه برضك مواطن ...المهم جاهم شرطة المرور و شبكو ليك الكل هويتك هويتك قام صاحبنا السوداني طلع امريكي ... قال ليهو مش توول يابيه من الصبح انك اخضر ((((:::: رد · أعجبني· منذ ‏16‏ دقيقة

.هههههههه .. والله يا مازن المنظر دا مر علينا كتير خلاص ..
..

Quote: Yousif Amin · Jyvandauml;skylandauml;, Finland كل سيدة تحمل مرضعتها ... دة من علامات الساعة ولا شنو (ان تلد الامة ربتها) رد · أعجبني· منذ حوالي ساعة

لالالا دي ما ليها علاقة بي علامات الساعو ولا بي علامات المرور .. المسالة وما فيها انها صيغة مبالغة .. حتى حبوباتك عمر كم وستين وكم وسبعين كانن حضور في الصف الواحد جايه ومعاها امها وواحدات معاهن حبوباتن

شد انتباهي الشخص الذي تزامن وجوده مع وجودي لمقابلة مسؤول الهجرة ..
شد انتباهي بطريقـة لبسه العجيبة . مع العلم ان وقتها لم تظهر ثقافة (دق السستم) ولا ثقافة الكدش تعاود الاطلالة مرة أخرى من حقبة السبعينات ..
ارتدى هذا الشخص اجنز بنطلون جينز يمكن ان يصادفك في حياتك الموضيـة .. حتى وانه كثر على طابعه الحديد والكباسيل والابزونات
عليه خيلا واضحـة وقدلة في مشيته تدل على تغيير المشية حال ان تم اختياره في البرنامج الأمريكي ...
باعد بين يديـه بشكل قوس .. ورفع صدره قليلا إلى الأعلى فهو وقتها كان يتدرب على مشيته في شوارع بروكليـن.
امثال هؤلاء سادتي الكرام .. يطيب لي الجلوس معهم حيث ان الواحد فيهم ممكن تطلع منو بي فلسفـة عجيبة للدنيا دي .. النوع المتشبس بالحياة دا بديك دفعة انك تكتشف نوعية أخرى من البشر لم تلتقيها فهو الوسيط الفعلي الذي ينقلك من مكانك إلى حيثما يفعل المتيأنكين هناك ما عجزو عنه في اي اماكن أخرى بفهم ان امريكيا بلد الحريات ..
في تلكم اليوم .. غسلت هذا الحالم .. غسيل السنين ، جعلت منه مشروع قروي في مدينة كبرى ، حتى خرجت بفكرته الكسيحـة جدا لمفهوم الحياة .. وجدته مرة أخرى وهذه المرة اشد تشبسا من قبل .. وكنت انا اكثر اصرارا ان اطلع منه ارقوزا كامل الدسم أو احرض ارقوزه الداخلي على الحوار .. ثم كانت المفاجأة الكبري ..

..مع أعتذار كبر ,أتذكرت قصة ترباس فى دار الفنانيين قالوا فى يوم جا والجو هادى وظريف الأجاويد صالحوه مع موظف فى دار الفنانين وعازف وفنان..اها بعد تم العفو والعافية بتاعتو جا قعد قال ليهم ياجماعة ماكتلتونى أصالح لى تلاته فى يوم واحد..

كدى شوف لينا الديش الأمريكى بشيلونا بعد العمر ده ان شاء ندرسهم (الفية بن مالك)..على الأقل الناس يغنوا لينا (سواقنا زينه وحالف مايدلينا)



-
الكلام ده مامترابط..عارف

Quote: الكلام ده مامترابط..عارف

بالعكس يا حاتم .. دا اربط كلام قريتو الفترة الاخيرة دي .. اصلو المثقفين الزيكم ديل ما بكتبو حاجة ساكت إلا يربطوهـا
بالنسبة لي الحتة بتاعت الديش دي والله يا حاتم إلا اكلم ليك السيناتور دينق هو الماسك التعيينات .. وممكن يعدين ينفعك في الحتة بتاعت المشمعات والحاجات دي .. الدنيا ما معروفـة احتمال تجيب ليها مطرة ..
لو شخشخ معاك .. ما عندك مشكلة يا زول .. بديك بطاقتي .. اصلو الجماعة ديلاك ما بيفرقو بين ابيض واسود إلا بالدي إن ايــه.
بس بطاقتي دي يا حاتم الله يرضى عليك .. تصرف بيها السكـر والزيت والصابون والسجاير المارلبورو والتونـة وترجعه لي ..
المثل بقول اخوك كان بقى يــانكي .. ما تضغط عليهو

المفاجأة ان المتيأنك هذا اتضح ان له صلة قرابـة وثقة جدا بأحد اصدقاء كانت لي معرفه بهم من خلال ازقـة الحياة ..
واكتشفت ذلك وانا في زيارة لصديقي هذا بعد طول غياب .. ما ان ضغطت على الجرس حتى خرج لي نفس الشخص اليانكي كحارس بنايـة ضخمة في واشنطون يقوم بفحص المارة .. ويتبع كامل اجراءات السلامـة .. غير ان هندامـه لا يدل على ذلك .. رداء جينز موصول بعدة اسلاك مترابطة مع بعضها البعض .. جزمــة ضخمة اقسم صادقا انه عانى ما عانى حتى يحشر قدمه حشرا بداخلها ..
ما ان انفتح الباب حتى دفعني من الدهشـة بإحدى يديـه على صدري .. اندهش وهو يدفعني عندما وجدني امامه بعد ان تقابلنا في ادارة الهجرة .. دفعني بشدة وصرخ هييييييييي مان .. طرت مسافة ليست بالقريبة .. وبعدها اذكر ان كان تشخيص الطبيب ان هناك كسر في الترقوة اليمين وتم شد المنطقة شدا واستعملت انواعا من المراهم ومسكنات الالم .. هذا كله من دهشـة متيأنك لم يستلم تاشيرته بعد ..

اما المفاجأة الأخرى فكانت بعد استلام التاشيرة ...

يا حيدر الحساسيـة من اليانكي بتعمل اكتر من كدا ..
..

مثلاً :

مسعولين من الخير لية امريكا دي سموها بلاد اليانكي

مسعولين من الخير لية امريكا دي سموها بلاد اليانكي

مسعولين من الخير لية امريكا دي سموها بلاد اليانكي

أحيي الفيديكس ذاتو.....



رمضان كريم

Quote: مسعولين من الخير لية امريكا دي سموها بلاد اليانكي

حبيبنا الزبير صالح .. عيدك مبارك .
شايف جاك الرد من ناس الحجاب الحاجز التحتاني .. نرجو الاعتماد ..

Quote: مثلاً :

يا كوموريد صلاح .. انت مته قبل كدا . في امريكا؟؟
طبعا حكاية مته قبل كدا دي .. حصلت لي اخوك .. كان عندنا واحد صاحبنا ربنا يتولاه بعنايتو .. كان عندو فردو اتنين طوالي ماسكين نار من الصباح لحدت المساء .. هو الوحيد البصحى فيهم مرات مرات ..
عندنا جارنا في الحلة قام اتلحس اسم العائلة المشهورين بيهو ابو الروس .. فكنا ماشين المقابر ، الجماعة جو كلموهو قالو ليهو فلان دا اتوفى .. قام بطل البعمل فيهو وبي حالتو ديك مشى .. والاتنين التانين سردبو لانو وضعهم كان ما بسمح اضف لذلك صاحبنا دا زول واجبات ..
المهم لف الزمن ودار.. اخو الزول الاتوفى دا قام برضو اتوفى ..
وبرضو كنا ماشين المقابر فقمت لاقيت صاحبنا دا .. ومنعنش شويتين .. فتطوعت وقلت ليهو ياخ والله ابو الروس دا اتوفى وحقو بي دربك دا تمشي معاي طوالي ..
فقال لي بكل حسن نيـه ..
انت ابو الروس دا مش اتوفى قبل كدا ..؟
..
الحديد الجايبو لينا دا يا سعادتك بذكرني افلام اليانكي بتاعت فيتنام .. الواحد يلحسو ليك في كمين بي كجامة حقت عيدان وبوص الجماعة يشيلو الخبر لي اهلو ويقولو ليهم ويي آر سووو سوووري .. والواحد يمد ليهم الحدايد دي بكل دم بارد

الفلم دا أصلو ما بجليهو ..
بس والله زي ما قال زولك الفيسبوكابي " انت طلعتا أخضر " ههههههههه ...

جاني مرة في المكتب واحد بيبحث عن وظيفة عندو الجنسية الفرنسية حكى لي نكتة ظريفة حصلت معاهو ..
قال في السعودية قرأ اعلان مطلوب مترجم فرنسي الجنسية ، قام تقدم للوظيفة وطوالي اتصلو عليهو للمعاينة اليوم التاني ..
صاحبنا جاء داخل على السعودي في مكتبو ، السعودي اتهجم قال ليهو يا زول انا عايز فرنسي بي عيون خضر خضر ..


بوست ما بتفات يا تمبس ، بالله متع حناننا زاتو ..

تمبس يارائع .. متعه ياخي

غايتوا انا والله بقيت لى واحد من اصحابنا ديل سبب في ان يتخارج من السودان في التمانينات وهسع الراجل ظبط اموروا مية المية الحمد لله . الحكاية انو انا وهو من الناس الكانوا ساكين اللوترى من زمن كراساتك يا تمبس والحظ ابى يضرب معانا كلو كلو .. المهم صاحبك بعد ما زهج قال لى شوف انا فاضل لى كرت اخير بجازف العب بيهو وخلاص ... قلت ليهو كيف ؟؟ قال لى شوف انا عندى I-20 قديم بتاع واحد من اصحابو من نمرة 3 ..وفعلا الراجل جاب لى الورق ولقيتو من شدة ما قديم لمن لونوا بقى اصفر ..
المهم بديت فيهو وانا عارف كمية الكتابة والمربعات بتاعت الاختيارات دبك . اخد منى وقت كمية كده .. انت عارف ظبطت الحكاية كلها ووقفت في نوع خط مفرع ما لقيتو في جهازى ابدا .. وصاحبنا كل يوم يجبنى بعد ما ارجع من الدوام .. الزمن داك انا كنت شغال في مبنى ( الفيحاء ) المهم قمت قلت شوف الورقة زبطت لكن نوع الخط ده انا ما لاقيهو والله اخونا ده لفة المعاهد دى لف شديد وفي الاخر لقينا نوع الخط في معهد في شارع الجمهورية .
المهم رجعت المكتب وفعلا زبط معانا .. المشكلة التانية كانت نوع الورق وكانت اعرض من الورقة A4 اها قلت ليهو يا صاحبى لازم تقوم تدبها جكة تانبة .. لفك لفك لفك ما خلى ليهو مكتبة ما مشى ليها ... اتخيل يوم بالصدفة دخلت لى ناس بنك فيصل الاسلامى وكانوا جيرانا في نفس الدور في الفيحاء .. لقيت ليك نفس الخامة من الورق عندهم .. المهم ما اطول عليكم طبعت الورقة ورجعت لى صاحبنا في الحلة وملينا الورقة والاختيارات كلها ... ياخى حتى توقيع الخواجه جانيفر زبط معاى زى الورد .... طبعا القبول كان لى دراسة في جامعة ميرلاند .. وصاحبنا كان من خريجين الهند .. اقتصاد بس احسن حاجة نفعتوا اللغة الانجليزية بتاعتوا كانت بمستوى جيد جدا في المعاينات في السفارة . المهم صاحبنا كان اخوهو الاصغر منو شعال في البنك الزراعي .. ساعده بى خطابات من البنك بأنو هو موظف في البنك وطلع ليهو بطاقة .. المهم شال الورق واتوكل على الله وقدمو للسفارة وادوه مواعيد .
اها يوم المواعيد جانى في المكتب الساعه حداشر وزولنا كان خايف جدا وشبكنى ياخى لازم تمشي معاى وطبعا السفارة الامريكية ما بعيدة نفس الشارع قلت ليهو ياخونا هوى انا سويت ليك الحاجات كلها وانت قلت بتشيل شيلتك براك لو الموضوع اتكشف .. المهم مشيت معاهو .. والسفارة اليوم داك زحمة عوائل .. ندهو اسموا للمقابلة وصاحبنا اتوكل ودخل ... ياخى انا قعدت لى 10 دقائق قلبى اكلنى طوالى وقلت خلاص صاحبنا ده انكشف .. ومرت تانى 10 دقائق .... المهم اشوف ليك صاحبنا جاى شايل جوازو وماشى شديد لاقيتو اسأل فيهو اشنو ياخى اسد ولا ضبع وهو شابكنى امشى امشى ياخوى ورينا الحاصل طبعا في مكان للفول مشهور بعد اللفة وهناك وقف وورانى الفيزا ... ياخى والله انا زاتو ما صدقت ... والمهلة كانت 17 يوم ويتخارج لانو تاريخ الدراسة بتبدأ .. وادهو خطاب ما يفتحوا الا في المطار وسلموا لاقرب موظف في المطار .. المهم رجعت وبالمساء اتلاقينا قلت ليهو لازم نفتح الخطاب ده ..وشابكنى لا لا الخطاب ده والختم وبعرفوا انو اتفتح .. المهم الكفتيرا والمويه الحارة وفتحنا الخطاب ... المحتوى بتاعوا جميل وفيهو مساعدة ليهو لو كانت اوراقهو رسمية ... المهم مسكت الخطاب وقطعتوا ليهو حتت حتت ... وقلت ليهو يازول الخطاب ده كان بجيبك راجع من مطارك وللسودان . ا

الأخ معتصم محمد
غايتو انا حاسي انو قصتك دي ما مفروض تكتبها لانها ممكن تعمل ليك أو لزولك داك مشاكل أنتو في غنى عنها
كيف ما تسألني لأنو ده مجرد إحساس .

اخونا سيف النصر

والله ياخى كلامك ممكن يكون في محلو ... بس ياخى الحكاية دى طولت شديد وليها زمن ... وبعدين انت لو لاحظت انا ما جبت أسماء ابدا في القصة دى تحسبا لفكرتك دى . على العموم أشكرك وتحياتي

Quote: الأخ معتصم محمد غايتو انا حاسي انو قصتك دي ما مفروض تكتبها لانها ممكن تعمل ليك أو لزولك داك مشاكل أنتو في غنى عنها كيف ما تسألني لأنو ده مجرد إحساس .

.. شكرا يا دكتور سيف .. اتفق معاك ..
على الاقل في البورد هنا دا .. لان التصفيات الجارية حاليا يمكن ان تصل حد لا يمكن ان نتوقعه .. وهناك من تخصص في مثل هذه الأمور ايضا لدي تجارب عديدة عن التصفيات التي تمت من خلال هذا المكان لاشخاص فقدو الكثير ..

Quote: الحكاية انو انا وهو من الناس الكانوا ساكين اللوترى من زمن كراساتك يا تمبس والحظ ابى يضرب معانا كلو كلو

هههههههههه ..
والله يا معتصم المتعة في كتابتك دي .. لانو رجعتني بيها فترة زمنية سمحـة خلاص .. والاماكن الذكرتها دي كلها انا خابره تمام . وبتحرك فيها بنفس الاريحية حقتك دي ، بس انا بفرق منك انو ما كنت موظف كنت على باب الله .. وود سوق ومرات اقرا ومرات ابطل هههه اصلو الفترة ديك كانت بداية فترة الضياع
بعدين وبي كل صراحة التصرف بتاعكم دا انا عايشت تصرفات كتيرة جدا ، فيها الحظو ضرب وامورو مشت وفيها الهرش قبال ما يتتم الفكرة وفيها .. البقدم الورق وبعملو ليهو دائرة حمراء حوالين الحتة المضروبة ويدوهو ورقو معزز مكرم..
طبعا كتار جحدا ضربت معاهم وحسع دي الواحد فيهم يجي ماري فيك في اي ملف يعمل ليك فيها مولود هناك .. والمشكلة انو يتطنقع عليك انته ذاتك الدفنتو معاهو ..
الفترة يا معتصم كانت فترة مجازفـة شديدة .. يا اما شغلك يكون مكرررب ونضيف يا اما يكون مكرررب ونضيف لانو اي غلطة ح تضيق ليك مساحة الفرصة المطروحـة ..
عندي نوادر كتيرة جدا والله متعلقة بالحاجات دي والمجاسفات .. ولأوراق المضروبـة ..
لكن زي ما قال دكتور سيف ، خلينا نسردب بيها ..

Quote: السعودي اتهجم قال ليهو يا زول انا عايز فرنسي بي عيون خضر خضر ..

اوووو حبيبنا هشام ياخ ..
اخبارك ..؟
حاجات عجيبة جدا والله يا هشام ..
كنت مرة شغال في شركة هنا ليها فرع في امريكا وفرع في ايطاليا .. الأمريكي جا جديد جدا واستلم الشغل في المكتب الجمبي مباشرة وانا كنت مسؤول عنو بطريقة مباشرة وبعرفو بي طبيعة الشغل والحاجات دي
صاحبك راشي معاي انقليزي شديد جدا .. وعايز يطلع بي الجو زي ما طالع بي بقية الجماعة الفي الشركة مع انو انقليزيتو دي مااا بتغباني.. مرة لقيتو قاعد مع الهندي بيضرب في (البيض بالطماطم) والفول مع التميس ..
قلت ليهو في سري حقو ترمي بياضك ، وحركاتك دي اعمله لي زول ما عندو حديدة ..
المهم لعبت ليك معاهو ضاغط عكسي .. طلع ابن نيل جدا .... كمان لمن بقى يقولي واخد بال حضرتك

تمبس يااااااا
معقولة في ناس ساكة التصفيات دى وفي المكان ده ؟؟؟ وليه يعنى ديل بياخدوا بدل ( سعرته ولا شنووو ) حولاااا ...
ياخى اهم حاجة انو اللعب كان نضيف جدا ومشت فيهم الكيتة ...
قلت لى صاحبك عمل ليك فيها ود بوووش زاتووو هههههههههههه .... عصرت عليهو لكن ... هو زاتو الوداهووو يأكل في الفول شنووو ... ود بمبا ما بنسى أصلووو ههههههههههههههه قلت لى قال يا ابن النيل خخخخخخخخخ

تمبس ياخى نسيت
هاك قزقز بالحاجة دى .... أكيد سمعتها كتير لو كنت ساكى حفلات اخوانا الراحو مننا ( غايتو عندى معاها زكريات بجيها ليك تانى )

http://www.youtube.com/watch?v=5D5kq-BqeYE

يا اخ والله بهجة ومسرة
والله لا جاب سيرة المضرة
هههههههههههه


متعة يا تمبس واليوانكية اللابدين
متعة والله


واصل يا ابن النيل
وبدون فواصل
بالله

Quote: قلت لى صاحبك عمل ليك فيها ود بوووش زاتووو هههههههههههه .... عصرت عليهو لكن ... هو زاتو الوداهووو يأكل في الفول شنووو ... ود بمبا ما بنسى أصلووو ههههههههههههههه قلت لى قال يا ابن النيل خخخخخخخخخ

والله يا معتصم اسمعه من اخوك في نوعية كدا هنا دا .. لو لقو فيك فرصـة .. ممكن يدفنوك حي .. انعدمت فيهم المروة ، حتى الكلمة الطيبة بقت تطلع منهم مع خراج الروح ..
..
هههههههه طبعا صاحبك ود بمبــا بعرف ليهو كويس انـا .. وعلى ميـة بيضه
يللا بعداك بقيت امتعو ليك بي كشري .. وبط وحمام محشي .. يمشي يتملي لمن يقول يا غربتي .. طلع بطيني جدا جدا .. المهم درعتو ليك في مطاعم العضة بتاعتم دي وارتحته من نقتو الكتيرة ..
..

Quote: أكيد سمعتها كتير لو كنت ساكى حفلات اخوانا الراحو مننا ( غايتو عندى معاها زكريات بجيها ليك تانى )

ههههه .. والله يا معتصم بتبالغ .. طبعا انا عرفتك الوكت داك عامل كيفن هههه
وطالما جابت ليها استفزاز .. وعايز تهيج اشجاني .. خليني اديك ميزة صغيرة من الزمن نداك ,.. امسك دي اغنيتي المفضلة جدا زي اغنيتك دي وعندي معاها حكاوي كتيرة جدا .. زي ذكرياتك دي

يا اتمبس يا اخدر
تحياتي
ومتابعين بمزاج

أهاااا جيتك يا تامبا

قلت لى بدفنوا الناس ( يااااااااااااى شريرين جدا جدا ) ياريتك لو تعطش ليها الجيم كمان ... يا مان دبل ما عليك منهم اخوك بعرف للعينة دى كويس ..
الـ third world - عالم جميل في زمن اجمل ... وكنا بنهاجر غشان الواحد يمشي ينسخ ليهم شريط طبعا الزمن داك زمن الـ No-Net , وال Net-TeK
المهم الجدعة الرمبتها ليك ديك كانت واحدة من الاغاني الاخوك كان بعزفها بالجبتار النورمال ومعاها كم اغنية بتاعت زايكوو .
اها طبعا مرات الاخوان بكونوا مقشطين للدين وحق السنة تك تاك .... اها ما يحلنا الا الجبتار ده نقوم نمشى بيت امينا وهناك تعال شوف ليك جنس رقيص وزايكوو أها وعلى حس كده الجسنة تجبنا لحدى عندنا ومجاني كمان .. بجيك راجع بي رواقة كده

Quote: يا اتمبس يا اخدر تحياتي ومتابعين بمزاج

حبيبنا الكرار هاشم ..
حكاوي الخضر دي ممتعة ياخ .. واهو الواحد لما يفضى ليهم .. بجيهم ليك
مزيد من المتعة والمزاج العالي ..

Quote: متعة يا تمبس واليوانكية اللابدين متعة والله واصل يا ابن النيل وبدون فواصل بالله

ههههههههه .. والله يا بلة نحن دافنين دقــن سااي لكن كان قمنا صعبين جدا ههههههههههههههه

غيب وتعال تلقانا نحن يانا نحن

حكيك حلو برشة يا تمبس

Quote: غيب وتعال تلقانا نحن يانا نحن حكيك حلو برشة يا تمبس

يديك العافية يا ابو فتحيــة .. بس الله يطلق لينا ايدنا

Quote: . واهو الواحد لما يفضى ليهم .. بجيهم ليك مزيد من المتعة والمزاج العالي ..

بالله تمبس نصيحة من برلوم متابع جيد للبل بتاعك
لمن تكون ما أخضر أقصد ما فاضى ما تكتب
:
:
:
:
:
:
مع التحيات لله الزاكيات

شوف كلام اخوك محمد حمزة ده

الله يخضر راسك وضراعك يا سان

أين المدعو تمبس
يا علاء ياخى انا شخصياً جنى وجن البى يبدوهو وما يتموووو
القصه معروفة وبتكون لا قتك فى زقاقات امدرمان
:
:
:
:
مع التحيات لله الزاكيات

ها
تقوليهو تم تم عليك الله
يقوليك مشغوليات ومسعوليات
ومزاجات وأي حاجات مارات بالجنبات
عمك دا تاني ما تسعلوهو البتتتتتة
يمكن
أقول يمكن






يا تمبس ديشك زاتو يا اخي