الدكتور صلاح البندر يخرج من البطاطس أخضر اللون .. صورة رجل أخضر!!

صراحة لم أكن أتوقع أن أقابل دكتور صلاح البندر ولكن شاءت الأقدار أن يتم ذلك ... حدث ذلك يوم السبت الماضي في عزاء الأخ الهادي بشير الذي توفيت والدته الإسبوع الماضي في السودان ... ربنا يرحمها ويغفر لها ويدخلها الجنة مع الصديقين والشهداء ...

المهم فجأة أراه أمامي .. سألته يا راجل إنت كنت غاطس فين؟؟ إبتسم قائلاً كنت غاطس في البطاطس يا أخي ... وعلمت منه أنه قام برحلة طويلة زار خلالها الهند وأمريكا وكندا ... وأكد أنه سيسافر قريباً أيضاً ... هذه المرة صراحة بدا لي دكتور صلاح البندر وسيماً جداً وأخضراً جداً ...

الصورة أعلاه هي أحدث صورة لدكتور صلاح البندر وجلس بجانبه الأخ طارق مكاوي في صالة القرن الأفريقي (هورن أوف آفريكا) بحي (شيفاردز بوش) بغرب لندن يوم السبت الماضي ..

تحياتي

سلامات ود هارون
تحية لـ د. صلاح
ورمضان كريم

Quote: تحية لـ د. صلاح ورمضان كريم

أخونا حيدر حسن ميرغني سلام ورمضان كريم ... يا أخي الراجل الأخضر دا بقى زول غامض ...

قال لي أسمع يا شيخ محمد أنا جني وجن الزول يوعدني ويخلف وعده معاي ... أنا في الحقيقة وعدته بزيارته في كيمبردج وحتى الآن لم أوف بوعدي معه ...

تحياتي

يا محمد هارون يأخ إنت ذاتك زول أخضر ووسيم بركه الشفناك .
تحياتى ليك وللصديق صلاح بندر ولكل اللندناب ,

غايتو قلت الظروف ما معروفة أحسن آخد لي صورة تذكارية معاهو ... قال لي دي حا تكون أخطر صورة في التاريخ ... يا أخي الراجل دا مضحك بشكل!!

تحياتي

رمضان كريم ود هارون و للدكتور ود البندر... عندنا نبة سياحة للندن فكونوا حاضرين

Quote: يا محمد هارون يأخ إنت ذاتك زول أخضر ووسيم بركه الشفناك . تحياتى ليك وللصديق صلاح بندر ولكل اللندناب ,

أخونا كمال سالم سلام ورمضان كريم وتصوم وتفطر على خير ... عليك النبي شفت الزول الخدوري أبو سبح دا!!

أنا أشوفو كدا بس تمسكني هستيريا الضحك ...

تحياتي

Quote: رمضان كريم ود هارون و للدكتور ود البندر... عندنا نبة سياحة للندن فكونوا حاضرين

أخونا أنور آدم سلام ورمضان كريم والله أكرم ... يا أخي مرحب بيكم في لندن ... الأيام دي درجة الحرارة في لندن وصلت 31 درجة ... الناس قربت تموت من السخانة ... شوف بالله!!

دي طراوة بالنسبة لينا ...

تحياتي

....
...
...

...
...
...
...
...
... رمضان ...اخضر ...و .....كريم ....
...
...علي الناس و عليكم و علينا ...
...
...

....
...

...
...
...
.
.
.
.
.
.
.
.
.
.
.
.
.
.
.
.
....
...
.
.
.
.معليش ...يا ود هارون ... استدركت لاحقا ...و قلت ..
..
..
..احسن اصحي للـــ اللون ....و اغيِّرو ...للاخضر ...
...
...لزوم الخضره ...و البطاطس و البامبي ...
...
...
...عشان تلفق الحكايه مع تعالي هتافات اهالينا في ام ضريوه الغيّروها ...من ....
..
..
..
...(روسيا امريكا ) ...(قد دنا عذابهما ......)
..
..
..
..
...الي ....
....
....
...
....
(فرنسا ....بريطانيا ....)
...
...
(دردقني في الجليد.)....مع حر الصيام ده؟؟؟!!!
..
..
..
..
..
..
..رمضان .........كريم ...مره تانيه
..
..
..
..تصوموا و تفطرو علي بطاطس .....مخضرْ.....(انشاء الله في مطعم الباشا ....)
..
..
..قول امين ..
...
...اّاّاّاّمين ...يارب العالمين ...
...

Quote: رمضان ...اخضر ...و .....كريم ... علي الناس و عليكم و علينا ...

يا أخونا هولولي سلام ورمضانك أخضر وكريم وكله تمام ... زولك دا شكله منتحل شخصية صلاح البندر ... يا أخي دا بابا نويل ضارب نفسه بوهية زرقاء ...

تحياتي

Quote: ... أنا في الحقيقة وعدته بزيارته في كيمبردج وحتى الآن لم أوف بوعدي معه ..

لا حولالالالا سنتين عديل يعني !!! لانى شاهد على الوعد ده.
رمضان مبارك عليكما اينما حللتم

Quote: لا حولالالالا سنتين عديل يعني !!! لانى شاهد على الوعد ده. رمضان مبارك عليكما اينما حللتم

أستاذ كمال إدريس سلام ورمضان كريم وكل سنة وإنت طيب

يا أخي كل مرة نقول نآخد (هبرة) على الزول دا تطلع لينا ستين شغلة ... يا أخي الزول دا ما بينسى خالص ... ليك علي أمشي يوم أتلفزوا ليكم وأبث التلفزة حية من كيمبردج ..

تحياتي لناس جدة الحلوين ...

ود هارون يا حبيب

رمضان كريم وكل العام وانتم بالف خير

مع تحياتي لك ولدكتور صلاح............................ لكن مالك بقيت لي شكلك مصقفاتي زي دكتور (منصور خالد)!
تحياتي للصدبق احمد حلفا وجماعة المطعم بتاع السحور العجيب داك .

Quote: مع تحياتي لك ولدكتور صلاح............................ لكن مالك بقيت لي شكلك مصقفاتي زي دكتور (منصور خالد)! تحياتي للصدبق احمد حلفا وجماعة المطعم بتاع السحور العجيب داك .

أوووه العمدة ودهباني سلام ورمضان كريم وليك وحشة والله

دكتور منصور خالد دا دربه عطش أنا ما بقدر عليهو ... دكتور منصور خالد قال (السودانيون هم جوهر الإلتقاء بين العرب والا فارقة) ... خلي بالك من كلمة (جوهر) دي بس ...

والله مشتهين لينا مشية لي مطعم أهلنا الطيبين ... ما عندك جية السنة دي ... غايتو السنة الجاية عاوز أزوركم في أمريكا ... ربنا يطلق القدم بس ...

تحيات أخوك ودهارون

ود هارون ودكتور صلاح البندر

رمضان كريم وتصوموا وتفطروا بخير

بعدين صلاح البندر ده ما شغال ولا شنو؟
يقضيها حايم في دول العالم من هند لكندا لأمريكا ..

الزول ده أوع يكون ياخد في البنيفتس .. وقاعد يتفسح بقروس التاكس بتاعنا؟

بالله حقق لي في الحتة دي يا ود هارون .. عشان نعرف قروش التاكس بتاعنا بتمشي وين ..

أخونا ودهارون ودكتور البندر منورين المنبر بصوركم وفرحتكم الرمضانية دي
تقبل الله منكم الصيام والقيام ودائما فرحين ومبسوطين

-------
ودكتور البندر درويش قادرية بس ناقص حمرة اللياقة والايادي في الحلابية

الزول الجميل الاستاذ محمد هارون سلامات وتحية
ورمضان كريم
دوام الود مع ضيفك المفكر والسياسى الضليع صلاح آل بندر
الرجل جدير بالاحترام وبلا شك موسوعه
اخى لا اريد ان افسد عليك البوست الجميل دا لكن مسؤل من الخير
انا متابع لبوست اخر كنت تسرد فيه عن زولك القاعد 40 سنه امفكو فى بريطانيا
ولكن البوست لم يكتمل عسى ان يكون المانع خير مع مشغوليات الزمن دا
اتمنى ان تكمل لنا سرد الحكاية الجميلة دى

تحياتى وودى لكم

Quote: بالله حقق لي في الحتة دي يا ود هارون .. عشان نعرف قروش التاكس بتاعنا بتمشي وين ..

أخونا على عبد الله حسن سلام ورمضان كريم ... يا أخي دكتور صلاح البندر شكله كدا راجل بيزنيس مان ... لوك الصبر حا أجيب ليك أخباره لما أزوره في كيمبردج ...

بس المشكلة أنا نسيت آخد تلفونه الثابت ... جواله المعاي ما بيرد ... غايتو لو غلبت حيلة حا أمشي المطعم بتاعه في شيفاردز بوش ... بكون عندهم خط ساخن معاهو ...

تحياتي

Quote: ودكتور البندر درويش قادرية بس ناقص حمرة اللياقة والايادي في الحلابية

أخونا محمد المسلمي سلام ورمضان كريم وتصوم وتفطر على خير إن شاء الله ... أنا شخصياً متحفظ جداً في وصف شخصية الدكتور صلاح البندر ... أكثر شيئ يميزه عن غيره الوضوح ... يعني واضح وضوح الشمس ... مرة ضربت ليهو تلفون ... سلام يا دكتور ... حق الله بق الله ... سألته وين أراضيك؟ قال لي أنا حالياً في لندن .. قلت ليهو طيب أنا عازمك عشاء الليلة ... قال لي حاضر بس أنا أختار المطعم اللي حا نتعشى فيهو ... قلت ليهو فليكن ...

في المساء إلتقينا وتعشينا في مطعم لبناني في إجوار روود ... وكانت الونسة معاهو حلوة خالص ... بس لو حاولت (تدردقه) في الكلام ما بيدردق بسهولة ... غايتو بتطلع منه بمعلومات مفيدة لم تخطر لك على بال ...

تحياتي

ود هارون وود البندر منورين المنبر بصوركم الجميلة
ورمضان كريم وتصومو وتفطرو على خير
بالله دردق الزول ده خليهو يرجع يكتب هنا ...
ما شايف المنبر الفترة الفاتت خالي من الاكشن والاثارة هههه
وتقبل تحياتي ...

Quote: دوام الود مع ضيفك المفكر والسياسى الضليع صلاح آل بندر الرجل جدير بالاحترام وبلا شك موسوعه اخى لا اريد ان افسد عليك البوست الجميل دا لكن مسؤل من الخير انا متابع لبوست اخر كنت تسرد فيه عن زولك القاعد 40 سنه امفكو فى بريطانيا ولكن البوست لم يكتمل عسى ان يكون المانع خير مع مشغوليات الزمن دا

أخونا محمد حمدان سلام ورمضان كريم والبحبو كلو كريم ... تشكر يا أخي على التمنيات الحلوة دي وإن شاء الله ربنا يديم المحبة والود بين كل أبناء الشعب السوداني الفضل ...

يوم رمضان في بريطانيا طويل خالص ... يعني لما تفطر الساعة تسعة وربع وتصلي وتشرب الشاي والقهوة تلقى الساعة 11 جات ... لكن حا أتم ليكم القصة بتاعة صاحبي القاعد لي يوم الليلة أم فكو ...

تحياتي

Quote: بالله دردق الزول ده خليهو يرجع يكتب هنا ... ما شايف المنبر الفترة الفاتت خالي من الاكشن والاثارة هههه

أخونا محمد عبد الله الأمين سلام ورمضان كريم ... الزول دا غايتو إلا يدردق لوحده ... لكن دردقته قاسية بلحيل ...

غايتو إفتقده الكثيرون ...

تحياتي

Quote: رمضان كريم استاذ محمد تصوم وتفطر علي وانت فاكهة وحكيم البورد ده ربنا يعطيك الصحة وطول العمر

أخونا Mu Sadig سلام ورمضان كريم وإنت كما تصوم وتفطر على خير ... يا أخي تشكر على الكلمات الطيبات والدعوة الحلوة بالصحة وطول العمر .. شخصياً مقتنع تماماً بأن الدكتور صلاح البندر يحظى بشعبية كبيرة خالص وغيابه يترك فراغ ما عادي ...

تحياتي