يا مغتربين البشير عايز يبيع ليكم بنك النيلين الراي شنو؟؟؟؟؟؟؟؟؟

الريس البشير يأمل فيكم يا مغتربين وتجو تستثمروا عندوا

الراي شنو

Quote: "ابوجا 15-7-2013(سونا)" وافق المشير عمر البشير رئيس الجمهورية على بيع بنك النيلين للمغتربين مؤكدا اهتمام الدولة وحرصها على تقديم كل التسهيلات للمغتربين لتوظيف اموالهم داخل البلاد دفعا للاقتصاد الوطنى جاء ذلك لدى لقائه الجالية السودانية مساء امس، فى اطا زيارته الى العاصمة القومية لنيجيريا للمشاركة في أعمال القمة الأفريقية الخاصة بأمراض الإيدز والسل والملا ريا والتي تستمر حتي الثلاثاء القادم.

وافق دي زي التكنو المغتربين ضاغطنوا وهو كان رافض ياربي

اين بنك المغترب الذى ضاعت اموالنا فيه ولم نعرف اين هى حتى اللحظه

هم وين المغتربين العايزين يبيعوا ليهم بنك النيلين .. ومؤتمر الجاليات أوصى بإنشاء بنك للمغتربين !!!
اليجوا يشوفوا المساكين التعبانين خلال الثلاثة أشهر الماضية بالقنصلية السودانية بجدة (18 ألف جواز هروب) دا غير الناس القاعدة بدون عمل .. والله كان وزعوا ليهم شهادات أسهم مجانية باسمهم ما أظن بوافقوا بيها ..
هم لسه فاكرين الغربة زي زمان ؟؟
اتهرينا مؤتمرات وورش عمل وندوات وتوصيات .. هم في وادي والمغتربين في وادي .. وبرضوا الروح للروح بتنادي ..
والتحية والتقدير لصاحب البوست والمتداخلين ..
ويا مثبت العقل والدين

علي حسب علمي أن بنك النيلين قد تم بيع 60% منه لمجموعة السلام الإماراتية التي يتبع
لها مصرف السلام بالسودان و ذلك عام 2006م بما قيمته 80 مليون دولار ،،، فهل ال 60% تمثل
حصة حكومة السودان كلها أم أنها كانت جزءا منها و إذا كانت كذلك ما هي الحصة المطروحة
للبيع حاليا،،،
أرجو ممن له معلومات دقيقة أن يتكرم علينا بها ،،،
مع خالص الشكر