Post: #1
Title: حليل رمضان .. خلاص باقي ليهو عشرتين و ستة !!!
Author: يحي قباني
Date: 07-13-2013, 08:08 AM
حليل رمضان .. خلاص باقي ليهو عشرتين و ستة
كنا نقول رمضان قرب ... انتو الليلة كم رجب؟
و كمان نقول رمضان خلاص زنق .. تصدقوا بعد بكره نص شعبان !!!
ألفي كندا يقول 17 ساعة دي حنصومها كيفن؟
و ألفي بريطانيا يقول أنتو 17 بس ؟ انحنا اكتر منكم بي ساعة !!!
و ألفي السعودية يقول انحنا 14 ساعة لكن الساعة بي يوم من عندكم !!!
و ألفي السودان يقول أنتو مدلعين البلدهم بارده و البلدهم مكندشة
و كمان متجرسين ؟؟ تعالوا شوفوا صيام ( الرجال ) هنا ده !!!
و كمية من الجرسة المغلفة بالإيمان ...
لغاية ما جانا رمضان ... بشحمو و لحمو !!!
و مروا تلاااااتة يوم اهو ...
و باقي ليهو بسسسس عشرتين و ستة !!!
يعني الحصل لينا شنو ؟؟؟
|
Post: #2
Title: Re: حليل رمضان .. خلاص باقي ليهو عشرتين و ستة !!!
Author: يحي قباني
Date: 07-13-2013, 08:23 AM
Parent: #1
طبعا فلسفة العد التنازلي و تبسيط الأمر
ما بعرف ليها إلا قدامي الصائمين المحاربين
|
Post: #3
Title: Re: حليل رمضان .. خلاص باقي ليهو عشرتين و ستة !!!
Author: ABUHUSSEIN
Date: 07-13-2013, 08:36 AM
Parent: #2
إنت بتهظر يا أبو اليا و ل شنو ...؟؟؟
ياخ إنتو ناس المناطق الباردة ديل ضاربين لي الطراوة و قاعدين...
ياخ ناس السودان قالو سخانة و قطع كهرباء ......
في الستة عندهم رأي تجي تزيد عليهم عشرتين...؟؟؟
بعدين مالو حسابك زي حساب ناس البكرا ....
ثم رمضان كريم و تصوم و تفطر على خير
|
Post: #4
Title: Re: حليل رمضان .. خلاص باقي ليهو عشرتين و ستة !!!
Author: يحي قباني
Date: 07-13-2013, 08:44 AM
Parent: #3
قبيل فاطر مع جماعة يابو حسين
قلت ليهم خلاص رمضان كمل
باقي ليهو عشرتين و ستة
واحد قال لي نوم علي كده ما تجر ليك أربعة تطلع بيش !!!
أما ناس السودان ما انا قلت الزينا الصامو في السودان زمان
مفروض يعفونا من باقي الصيام الفضل لينا لأنو صمنا السنة بي عشرة سنين
|
|