Post: #6 Title: Re: الباقي كم يوم ؟ Author: وضاحة Date: 07-11-2013, 03:07 PM Parent: #5
Post: #7 Title: Re: الباقي كم يوم ؟ Author: وضاحة Date: 07-11-2013, 03:08 PM Parent: #6
ليه يا عمر بقولوا الجعليين عورة
Post: #8 Title: Re: الباقي كم يوم ؟ Author: عمر صديق Date: 07-11-2013, 07:41 PM Parent: #7
Quote: ليه يا عمر بقولوا الجعليين عورة
خلي قولهم ياوضاحة
انتي رايك شنو؟
Post: #9 Title: Re: الباقي كم يوم ؟ Author: محمد حمزة الحسين Date: 07-11-2013, 09:08 PM Parent: #8
والله يا عمر صديق البعرفو ليك العيد كبس والما لبس الاولاد لسع يكون دقس إت شاء الله تشوفك فى إفطار ذو اليد سليمان تجدنى حضور رمضان كريم وتقبل الله الصيام والقيام : : : : مع التحيات لله الزاكيات
Post: #10 Title: Re: الباقي كم يوم ؟ Author: محمد البشرى الخضر Date: 07-11-2013, 09:35 PM Parent: #9
100-42 = 58 days
Post: #11 Title: Re: الباقي كم يوم ؟ Author: محمد حمزة الحسين Date: 07-11-2013, 09:56 PM Parent: #10
ود البشرى يا خطير رجعت البوست لى مساروا الطبيعى رمضان كريم وتقبل الله منا ومنكم : : : : مع التحيات لله الزاكيات
Post: #14 Title: Re: الباقي كم يوم ؟ Author: عمر صديق Date: 07-15-2013, 08:07 PM Parent: #11
Quote: ود البشرى يا خطير رجعت البوست لى مساروا الطبيعى رمضان كريم وتقبل الله منا ومنكم : : : : مع التحيات لله الزاكيات
ما مشكلة يامحمد
البوست دا بحتمل تعدد المسارات
Post: #13 Title: Re: الباقي كم يوم ؟ Author: عمر صديق Date: 07-12-2013, 09:44 PM Parent: #10
Quote: 100-42 = 58 days
ود البشري تحياتي
بس اظن رمضان ماداخل في المية يوم دي
وننتظر راي ود الباوقة
Post: #12 Title: Re: الباقي كم يوم ؟ Author: عمر صديق Date: 07-12-2013, 09:13 PM Parent: #9
Quote: والله يا عمر صديق البعرفو ليك العيد كبس والما لبس الاولاد لسع يكون دقس إت شاء الله تشوفك فى إفطار ذو اليد سليمان تجدنى حضور رمضان كريم وتقبل الله الصيام والقيام : : : : مع التحيات لله الزاكيات
محمد حمزة رمضان كريم وتصوم وتفطر علي خير
وان شاء الله نلتقي في الافطار
Post: #15 Title: Re: الباقي كم يوم ؟ Author: عمر صديق Date: 07-16-2013, 01:12 PM Parent: #12
يا ود الباوقة
نحن في انتظارك
Post: #16 Title: Re: ود الباوقة : الباقي كم يوم ؟ Author: عمر صديق Date: 07-17-2013, 10:16 AM Parent: #15
فوق
Post: #17 Title: Re: ود الباوقة : الباقي كم يوم ؟ Author: ود الباوقة Date: 07-17-2013, 11:15 AM Parent: #16
شيخنا عمر ... المهاة الفعلية باقي منها27 يوم لكن تحت الحاح المعجبين حسبنا ليهم رمضان والعيدين اوفرتابم يعني تنتهي بالضبط في غرة صفر.. مشتاقووووون
Post: #18 Title: Re: ود الباوقة : الباقي كم يوم ؟ Author: عمر صديق Date: 07-17-2013, 11:39 AM Parent: #17
Quote: شيخنا عمر ... المهاة الفعلية باقي منها27 يوم لكن تحت الحاح المعجبين حسبنا ليهم رمضان والعيدين اوفرتابم يعني تنتهي بالضبط في غرة صفر.. مشتاقووووون
ما كتيرة ياود الباوقة
تديهم رمضان وبين العيدين ؟ يعني مية يوم تاني؟
Post: #19 Title: Re: ود الباوقة : الباقي كم يوم ؟ Author: ود الباوقة Date: 07-17-2013, 11:53 AM Parent: #18
شيخنا عمر... راعينا عامل السن ناس فاروق ابو عيسى ديل حركتهم في رمضان صعبة شوية
Post: #20 Title: Re: ود الباوقة : الباقي كم يوم ؟ Author: عمر صديق Date: 08-07-2013, 02:04 PM Parent: #19
Quote: شيخنا عمر... راعينا عامل السن ناس فاروق ابو عيسى ديل حركتهم في رمضان صعبة شوية
كل سنة وانت طيب يا ود الباوقة
اها رمضان اتوسد تقيل
الراي شنو
والحسا كيف
Post: #21 Title: Re: ود الباوقة : الباقي كم يوم ؟ Author: ود الباوقة Date: 08-07-2013, 02:10 PM Parent: #20
المجاهد عمر .. اعتقد نقوم بالغاء الفترة السابقة ونبدأ باحتساب المية يوم من اخر ايام التشريق القادمة باذن الله
Post: #22 Title: Re: ود الباوقة : الباقي كم يوم ؟ Author: صلاح غريبة Date: 08-07-2013, 03:01 PM Parent: #21
عمر صديق ولا تشيل هم ....
حبوبتي ماسكة العدد .....
صلاح غريبة - الحبوبته حاسبة باقي كم للمية يوم .
Post: #25 Title: Re: ود الباوقة : الباقي كم يوم ؟ Author: كمال سالم Date: 08-07-2013, 03:17 PM Parent: #22
والله يا عمر حقو بدون حساب ناسكم ديل يبقى عندهم ضمير وإحساس ويتخارجوا براهم ! يأخ بلد غرقانه والناس كلها أصبحت بدون مأوى وحكومتك المابتخجل دى واقفه تتفرج , وحتى لما الناس الضميرها صاحى عملت النفير .. عشان يعطلوهم طالبوهم بتصديق بتاع منظمات . وفى الظروف دى ما يختشوا كل يوم يفطروا فى الموائد الرمضانيه ذات الخمسه نجوم ورئيسكم كان عايز يسافر ( غمتى لإيران ) بعد ما عمل فيها إنو معتكف .. وبعد ما طردوه السعوديين شر طرده .. مشى بعد سته أيام آجر ليهو طيارة تانى عشان يتفرج بيها على المساكين ديل من فوق ! يأخ والله إنت وحكومتك وود اتلباوقه ده لو ماعارفين الحاصل ده كلو تبقوا ناس دلاديل ساى . يا أخوى المسأله (على بالطلاق) بقت ما دايره ليها حساب ولا يحزنون .. المؤتمر الوطنى بقى زى لوح الثلج .. خاتينو فى تربيزه وماهى إلا شويه وبسيح كلو . وكل عام وأنت بخير .
Post: #23 Title: Re: ود الباوقة : الباقي كم يوم ؟ Author: عبدالفتاح أبوشيمة Date: 08-07-2013, 03:09 PM Parent: #21
يا كيزان
بطلوا شماتة
الدنيا قبايل عيد ما تبقالكم غباين زيد
-
هن قالولكم
المية يوم
لي كتابة البرنامج النظري لإعداد البرنامج العملي لتكوين اللجان حقة التنظير
وبعد ما تنتهي الكتابة والتنظير أو ينتهيان الله كريم
يحلها الحلاّل
كل عام وأنتم بخير
تحياتي
لوضاحة الدكتورة أولاً ولي أبو حتوت البطل ثانياً ولبقية الضيوف وبعدين للعمرين جعل الله أيامكم كلها أعياداً
وفرحاً وسروراً ولكل أبناء السودان
Post: #24 Title: Re: ود الباوقة : الباقي كم يوم ؟ Author: وليد شريف Date: 08-07-2013, 03:13 PM Parent: #23
