د. كرار التهامي...نريدك رئيسا للهلال.......ولكن ليس بهذه الطريقة

؟؟

ولانريد البرير رئيسا........ولكن ليس بهذه الطريقة

ونريدك هنا بمعني أننا لا نمانع في أن تكون رئيسا لنادي الهلال.....ولكن فقط عبر صندوق الانتخاب

ولا نمانع في أن تكون رئيسا يأتي من منطلق واحد فقط :








هو أنه لا يوجد في عرف الهلال ما يسمي ب: رئيس طوااااالي

وكنا نتمني أن يزول عن الهلال كابوس البرير.....ولكن ليس بهذا السيناريو

بل يسلم هو الراية لخلفه المنتخب...بعد أن يقدم له خطاب شكر طويل عريييض لكل ما قدمه للهلال.......




هذا هو ديدن الهلال......كنادي قيادي ...و مدرسة يتعلم منه الاخرين....بل و يستفيدون من ظله

رمضان كريم يا دكتور

كل طرق رئاسة الاندية السودانيه تصب في مجري واااحد (المؤتمر الوطني) فخليهم يختو الزول البريحهم ..انا ماعارف الفيفا دي مهمشانا كدا مالا ؟ولا عاجبا الحال الوصلت ليهو كورتنا دا

أهلا بيك يا با شمهندس معاوية بعد طول غياب


بل كل طرق الحياة في السودان الان تصب في مجري واحد.....


ولكن مازال الهلال هو الخيط الذي يربطنا .......فليأتو بمن يريدون....ولكن عبر الطريق العديل....وما أظنها صعبة عليهم



أما البرير.....فأعتقد إنو خابر درب الفيفا.....و حيحيب ليهم الهوا




تحياتي

يقوم نادي الهلال نهار اليوم بتصعيد شكواه ضد قرار الوزير بحل مجلس الهلال وتعيين لجن تصريف وذلك للمحكمة الادارية من اجل ايقاف قرار الوزير الى ذلك قدم كل من محمد المامون والفريق بحر استقالتيمها من لجنة التصريف ورد الفريق بحر على قرار الوزير ووصفه بالمنتهك للشرعية وقال ان الوزير لم يمنحني الامانة العامة بل جاءت برغبة انصار الهلال

منقول






ربنا يجيب العواقب سليمة

=

هذا هو ديدن الهلال......كنادي قيادي ...و مدرسة يتعلم منه الاخرين....بل و يستفيدون من ظله

يا أخي الدينا رمضان.. تصوم وتفطر على خير.
يتعلموا شنو بالله من الهلال؟! اللكمات وللا الفوضي؟!.. وللا فضيحة 2 = 12 وللا وللا.


فالج لا تعالج.

بكري بيجيب التحف أمثال أخونا دا .... من وين؟؟

هل سيعود البرير بأسرع مما نتوقع؟؟؟؟ أم سيكمل صديقنا د. كرار المهمة؟؟؟

ههههههههههههاي تُحف!!!! بدون حليفة .. مافى غيرك تحفة فى المنبر دا.
كتاباتك بتقول كدا .. وما عندك علاقة بالـ (د.).
راجع (بعض) كتاباتك ستجد أغلبها و(ربما) كلها أنت ذاتك ما مقتنع بالـ بتقولو!!!.
جبت (بعض) الأدلة التى تثبت عكس كلامك الزعل فى شنو !!!.. ما عندك روح رياضية
يا تُحفة بالرغم من كتاباتك كلها عن الرياضة؟!.
بعدين ما تنسي أنت من مواليد 2011 خخخخخ.
فالج لا تعالج.

رمضان كريم .. تصوم وتفطر على خير يا زول.

بالنسبة للسؤال: هل سيعود البرير بأسرع مما تتوقع.

أتمني من كل قلبي أن يعود البرير بأسرع مما تتوقع على الأقل
البرير رئس مُنتخب.

يبدو إنك مسكين أكتر من اللازم.......


هناك في البورد دا كتير من الناس الفاضية البينفع معاهم نوعك دا.......فبالله أديني عرض أكتافك

الخبر:


تسببت تاخير دفع رسوم الطعن الذي تقدم به الهلال في حصول مجلس الهلال على قرار وقف قرار المفوضية بشأن فقدان مجلس الهلال شرعيته حيث طلب لجنة الاستئناف من مجلس الهلال بضرورة سداد الرسوم من اجل الحصول على قرار الايقاف ونسبة لتاخر الهلال في دفع الرسوم وتقرر ان يتم دفعها بالاحد
الى ذلك قال مولانا الفاتح مختار مستشار مجلس الهلال بان القرار المتوقع هو شطب قرار الوزير والمفوضية واعادة مجلس الهلال.



يعني يالبرير إذا ما عايز تدفع رسوم الطعن........معناها المحترفين ديل كلامهم صاح

الخبر: وزع الاتحاد الدولي تعميما للاتحاد الوطنية بتاريخ 3- 6-2013 وهدد فيه ابعاد اي دولة تسمح بالتدخل الحكومي في عمل الاندية والاتحاد الوطنية والولائية وهو ما يضع السودان تحت طائلة الاقصاء من نهائيات الشان في جنوب افريقيا كما حدث مع المنتخب الكاميروني وتفيد متابعات كفرووتر ان هناك محاولات لاقناع الوزير ومجلس الهلال من اجل حل الازمة الاخيرة في اطار البيت الداخلي حتى لا يتطور الامر الى الفيفا الذي ربما يمنع السودان من المشاركات الدولية


التعليق: هذا ما كنا نخشاه.....


وإذا لجأ البرير للفيفا .....ستكون المرة الثالثة ...ولو نجح ( وهو وارد جدا ).......ناس محمد سيداجمد ديل إلا يفتحوا ليهم قهوة......

الخبر: اوقفت المحكمة الادارية قبل قليل قرار الوزير يتعيين لجنة تصريف واعفاء مجلس الهلال وذلك الى حين النظر في الاستئناف المقدم من الامين البرير واعضاء مجلسه وقررت ايقاف قرار المفوض واعادة المجلس السابق الى العمل بالنادي اعتبارا من تاريخ قبول الطعن .

رد الفعل: قال السيد الامين البرير ان المحكمة الادارية انصفت مجلسه بقرارها قبل قليل لانهم سلكوا الطرق القانونية مبينا ان المحكمة اعادت لهم الحق السليب وقال البرير في حديثه لعالم الرياضة انهم لن يسمحوا لاي عضو بلجنة التصريف العمل معهم لانهم قبلوا التكليف رغم علمهم بعدم شرعية قرار الوزير .

التعليق: من الاول .....ماكان في داعي.....

أولاً: يا أخي خلي عندك روح رياضية (شوية).. ليه ما بتقبل الرأي
الآخر .. جيت بـ كلام ما يدخل العقل .. رديت عليك ببعض الأدلة
ولو بتجهلها تبقي مُصيبة ولو عارفها وبتقول كلام ساكت تكون المُصيبة
مُصيبتين.
ثانياً: أنا مسكين أو أنت مسكين دا كلام مافى داعي ليهو بضاعة طرحتها هنا من حق أي
واحد عايز يرد ويشارك دا حق مكتسب طالما بعيد عن التجريح مُش زي ما بتعمل
أنت أي رأي مُخالف لرأيك تفقد أعصابك.
ثالثاً: أي عضو جديد هنا وأنت تسبقه بكم سنة ما بيديك الحق تطلق كلمات أنت ما بتقبلها.
رابعاً: هنا فى دكاترة بالكوم بدون ما يسبق إسمهم حرف الـ (د.).. وهم فى قمة الأخلاق والتعامل
الراقي وتقبل الرأي الآخر.
خامساً: زي ما بتعرف وشايف فى عضوية 2002 وما بيقولوا زي كلامك دا.. عضوية
2002 - 2010 ديل دفعة (جيل) .. 2011 - 2013 وما بعد 2013 دفعة .. بمعني أنت دفعتي.

فالج لا تعالج.
سلام.

الاخ الكريم:

لو كنت متداخل زيك و زي غيرك و طرحت رأيك و مشيت....ما كان في مشكلة مهما كان رأيك....

لكنك يبدو إنو عندك مشاكل عاملة ليك عقد...مشكلة ال د. ومشكلة تاريخ التسجيل في المنبر دا

الاولي حلها في العيادة بس ....ممكن نستقبلك مجانا ...بس إتصل بالاستقبال و أخد مواعيد

. التانية حلها كالاتي: إنك تفتكر إني من عضوية 2013 لكن بكري غلط و كتبها 2011


أها قصرت معاك



بعد كدا حاول تركز في الموضوع.....عشان والله ماعندي زمن للفارغة.

فجرت لجنة الاستئنافات مفاجأة من العيار الثقيل و رفضت الطعن الذي تقدم به مجلس ادارة نادي الهلال في قرار وزير الرياضة الطيب حسن بدوي بعد ساعة من تسلم الطعن بواسطة الفاتح مختار المستتشار القانوني لنادي الهلال . وكانت المحكمة الادارية جمّدت قرار الوزير بحل مجلس الهلال ظهر اليوم وتحديد موعد يوم 23 من الشهر الجاري للاستماع لافادات الوزير والفصل في القضية بشكل نهائي… يذكر أن الوزير الطيب حسن بدوي كان أصدر قراراً أعلن من خلاله حل مجلس ادارة نادي الهلال الذي يترأسه الأمين البرير وتعيين لجنة تصريف للنادي برئاسة الدكتور كرار التهامي نائب رئيس النادي.





وبعدييييييييييييييييييييين

الاولي حلها في العيادة بس ....ممكن نستقبلك مجانا ...بس إتصل بالاستقبال و أخد مواعيد
. التانية حلها كالاتي: إنك تفتكر إني من عضوية 2013 لكن بكري غلط و كتبها 2011
أها قصرت معاك

_________________

أبداً ما قصرت معاي .. عداك العيب.
بس الأولى ما وريتنا العيادة وين.. ومقدماً شكراً على مجانية العلاج.
يا (دكتور) خلي صدرك واسع وروحك رياضية ما تزعل وتقوم نفسك
والدنيا رمضان.
حسي النصيحة دي الواحد بلقاها فى العيادة؟!.

فجرت لجنة الاستئنافات مفاجأة من العيار الثقيل و رفضت الطعن الذي تقدم به مجلس ادارة نادي الهلال في قرار وزير الرياضة الطيب حسن بدوي بعد ساعة من تسلم الطعن بواسطة الفاتح مختار المستتشار القانوني لنادي الهلال . وكانت المحكمة الادارية جمّدت قرار الوزير بحل مجلس الهلال ظهر اليوم وتحديد موعد يوم 23 من الشهر الجاري للاستماع لافادات الوزير والفصل في القضية بشكل نهائي… يذكر أن الوزير الطيب حسن بدوي كان أصدر قراراً أعلن من خلاله حل مجلس ادارة نادي الهلال الذي يترأسه الأمين البرير وتعيين لجنة تصريف للنادي برئاسة الدكتور كرار التهامي نائب رئيس النادي.

________________
لا يضيع حق وراءه مُطالب.