Post: #1 Title: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 03:54 AM
أمشوا كدي حاولوا أعملوا ليكم مظاهراة قدام الحرس الجمهوري في الخرطوم!! وللا فلعوا عساكر الجيش الواقفين قدام القيادة و وزارة الدفاع بالطوب و الملتوف... شوفوا بقدموا ليكم حلاوة و زهور وللا لا!!... ... دا جيش...قايلين الحكاية لعب؟؟
Post: #2 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 03:57 AM Parent: #1
Quote: فلعوا عساكر الجيش الواقفين قدام القيادة و وزارة الدفاع بالطوب و الملتوف
Post: #3 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 04:02 AM Parent: #2
Quote: عساكر الجيش الواقفين قدام القيادة و وزارة الدفاع بالطوب و الملتوف.
و بالمرة أمشوا أصلوا ناس الدفاع الجوي...قالوا عندهم حلاوة كاراملة سمحة خلاص...بدوها للمتظاهرين!!! ...عشان يدفنوكم في الخلا غرب أمدرمان دااااك في عز النهار!!!
Post: #4 Title: Re: للناس الهاوسننا بي مجزرة الحرس الجمهوري المصري... Author: خالد العبيد Date: 07-09-2013, 04:09 AM Parent: #3
الاخوان المسلمين في مصر اغبياء جدا الصراع الان اتحول بين الاخوان والجيش يلا خمو وصرو
Post: #5 Title: Re: للناس الهاوسننا بي مجزرة الحرس الجمهوري المصري... Author: د.ماجدة ميرغني Date: 07-09-2013, 04:38 AM Parent: #4
أسدُ عليّ وفي الحروبِ نعــــــــــــــــــــــــــــــــــــــــــــــــــــــــــــــــــامة قال ديكتاتورية قال... مهازل
Post: #7 Title: Re: للناس الهاوسننا بي مجزرة الحرس الجمهوري المصري... Author: صلاح عباس فقير Date: 07-09-2013, 04:52 AM Parent: #5
يا جماعة لكن ...
Post: #20 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:30 AM Parent: #7
ابو
Post: #21 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:31 AM Parent: #7
Quote: جماعة لكن
ابو الصلح لكن تفتح عمل الشيطان و كدا :) سعيدين بمرورك
Post: #19 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:29 AM Parent: #5
Quote: أسدُ عليّ وفي الحروبِ نعــــــــــــــــــــــــــــــــــــــــــــــــــــــــــــــــــامة قال ديكتاتورية قال... مهازل
د. ماجدة ازداج معايير والكلام برضو لي وليد البتكلم عن المعيار
Post: #18 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:28 AM Parent: #4
Quote: الصراع الان اتحول بين الاخوان والجيش
الصديق خالد كيفنك يا حبيب ماهو دا مربط البغل زاتو يا ابو الخلد...حسبوهو لعب... دايرين يهاجموا الجيش...والجزيرة تحرش فيهم :)
Post: #6 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 04:52 AM Parent: #3
بعيد عن اخوان المسلمين وللا غيرهم!! قيادة وحدة عسكرية في دولة من دول العالم التالت...تمشي ترجمهم بي حجارة و ملتوف و دايرهم يعملوا ليك شنو يعني؟؟ والله دا لو في أمريكا زاتا بملوك نار!!!
Post: #8 Title: Re: للناس الهاوسننا بي مجزرة الحرس الجمهوري المصري... Author: أمين محمد سليمان Date: 07-09-2013, 04:55 AM Parent: #6
مبالغة يا زياد ... حيرتني و أنا القايلني تاني ما بحتار !!
Post: #9 Title: Re: للناس الهاوسننا بي مجزرة الحرس الجمهوري المصري... Author: كمال عباس Date: 07-09-2013, 05:24 AM Parent: #8
أخطأت جماعة الأخوان بحشد هذه الجموع - التي يحمل بعضها سلاحا بغية إقتحام الموقع ,وأخطأت خطأ فادحا في بالتهديد عبرأحد قيادتها بإقتحام مبني الحرس الجمهوري: وأعني صفوت حجازي:-
Quote: سنخرج محمد مرسي من الداخل وستكون هناك خطوات تصعيدية ضخمة لا يتخيلها أحدًا". وأكد صفوت حجازي أنهم لن يتحركوا من أمام الحرس الجمهوري حتي ينالوا الشهادة في سبيل الله, قائلا: "سنخرج محمد مرسي سواء كان في دار الحرس الجمهوري أو وزارة الدفاع".
التعليق مصحوب بفيديو ببوابة الوفد- http://www.alwafd.org/%D8%A3%D8%AE%D8%A8%D8%A...87%D9%88%D8%B1%D9%89 وأعتقد أن هذه الجموع المشحونة بالتحريض قد حاولت فعلا إقتحام المنشاة العسكرية ومحاولة إخراج مرسي العياط منها بالقوة -والتحرش بالجيش كما ورد في بعض الإفادات, ومن جانب آخر إعتقد أنه كان هناك إفراط في إستخدام القوة من قبل العسكر لذا يصبح من الضروري إجرأ تحقيق شفاف بواسطة جهة مستقلة بغية كشف ملابسات الحادثة ومحاسبة كل من يثبت تورطه وتجاوزه ... فالحادثة فعلا مؤسفة ومستهجنة..
Post: #23 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:38 AM Parent: #9
؟؟؟ يعني القصة رجالة مع الجيش!!! عشان كدا يا كمال انا قلتا الفاكر انو في جيش ممكن يمشي موكب ملكية لي قيادته و يضربوها بالملتوف وهو يقعد يتفرج فيهم...بالله يدلنا عليهو ووريناهم اقرب مثل...ياهدااااك الجيش السوداني..عشان يدوهم ورود و ازاهير!!!
Post: #10 Title: Re: للناس الهاوسننا بي مجزرة الحرس الجمهوري المصري... Author: الصادق الخالدى Date: 07-09-2013, 05:39 AM Parent: #8
تعالوا يا الما هاوسسنا انتوا يا ربى البصلوا ديل فى العريش وفى صلاة العصر مالم هبشن الحرص الحارس الوثنى الحارس غيرم وفى بلدم هم كاتلن وقارصم
Post: #12 Title: Re: للناس الهاوسننا بي مجزرة الحرس الجمهوري المصري... Author: محمد جلال عبدالله Date: 07-09-2013, 06:20 AM Parent: #11
قتلوهم وهم يصلون ما رأيك في ذلك يا زياد؟؟
Post: #13 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 07:16 AM Parent: #12
يا شباب هوووي مافي زول يجي يحرف لينا البوست دا عن مساراته المرسومة بدقة!!! و دقداقة ... البوست عن الشباب العاملين لينا خوته في راسنا من الصباح بي مجزرة الحرص الجمهووووري... كلامي وااااضح...أي زول بفتكر إنو الحرس الجمهوري عندنا في السودان ما حيفتح فيك نار لو جيتو بي طوب و ملتوف واللذي منه...يرفع لي إيدو طواااالي! غير كدا خلف دور كلك و إنصرف يا مستجد!! ... الصادق الخالدي...معليش يا أخوي..لكن فيديوك الجبتو دا ما محل سؤالي هنا...ولا ديمغراطية و كمونية..فما تجهجه لينا باكاتنا والله يدينا و يديك.. ... وليد يا فردة...يهندييييييك القاعدة الجوية و منطقة أمدرمان العسكرية... لو كلامي القلتو دا ماصاح...من الصباح شيل طوبك و ملتوفك...و صور لينا بالفيديو العساكر بوزعوا ليك في الحلاوة..وانا ليك علي أمسح البوست دا و اعتذر كمان
Post: #14 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 07:19 AM Parent: #13
خلصنا الدوام و الدوامة بتغدى و اشرب لي كباية شاي..و بجيكم يا سادة ... تحياتي لكل المتداخلين الكرام
Post: #15 Title: Re: للناس الهاوسننا بي مجزرة الحرس الجمهوري المصري... Author: عماد حسين Date: 07-09-2013, 07:24 AM Parent: #13
زياد بن أمه وأبيه
الناس ديل كتلوهم وهم يصلون
Quote: كلامي وااااضح...أي زول بفتكر إنو الحرس الجمهوري عندنا في السودان ما حيفتح فيك نار لو جيتو بي طوب و ملتوف واللذي منه...يرفع لي إيدو طواااالي! غير كدا خلف دور كلك و إنصرف يا مستجد!!
يا زول دي علينا نحنا؟
تبرير فطير لهذا البوست المبرراتي
ما دمت تبرر لباطل، فلا تجمع انحيازاً وكذباً
Post: #16 Title: Re: للناس الهاوسننا بي مجزرة الحرس الجمهوري المصري... Author: محمد البشرى الخضر Date: 07-09-2013, 07:42 AM Parent: #15
هي لكن يا زياد كانت طوب وملتوف ولا حسب رواية الجيش جماعة ارهابية و قبضوا منها ميتين نفر مسلحين؟
Post: #17 Title: Re: للناس الهاوسننا بي مجزرة الحرس الجمهوري المصري... Author: عماد حسين Date: 07-09-2013, 07:47 AM Parent: #16
Quote: شوية إتساق لا يضير
حمدو في بطنو
Post: #27 Title: Re: للناس الهاوسننا بي مجزرة الحرس الجمهوري المصري... Author: Dr.Elsadig Abdalla Date: 07-09-2013, 10:55 AM Parent: #17
تحياتي اتفق معاك إن أي وحده عسكريه تمشي تعمل مظاهرات جنبها حايضربوك بكل ماتقع يدهم عليه..ولا استغرب ذلك لان الجيش في السودان عمل انقلاب عسكري وقال أخدناها بالقوه قلعناها بالقوه والعاوز يجي ياخذا بالقوه.ومافي حق تظاهر .عشان كده يحسبون أي هجمه عليهم هو العدو..اتفق معاك .... بالنسبه لمصر الوضع يختلف ..الجيش قال أنا جيت دفاعا عن الديمقراطيه ..وجيت عشان أقيف على مسافه واحده من كل الأطراف ...وحق التظاهر مكفول للجميع بالتساوي ... رواية إن في مهاجمين عاوزين يقتحموا دار الحرس الجمهوري أشك فيها لانو منذ بداية الأحداث ظهرت جليا ممارسات نظام مبارك من تعتيم إعلامي ..وتكميم الأفواه ..وتلفيق أحداث وما أشطرهم في ذلك .... معظم شهود العيان حتى من سكان المناطق المجاوره تطابقت أقوالهم عكس رواية الناطق العسكري ...حتى الآن لم يظهر المتحدث العسكري أي فيديو يوضح هجوم المجموعه الارهابيه ..وعندهم كميه من المصورين المزودين بكاميرات متطوره على السطوح بجانب القناصه بالاضافه لتصوير طائرات الهيليكوبتر التي تجوب السماء . أين كان هذا الحرس الجمهوري عندما حاول المتظاهرين خلع باب قصر الاتحاديه بواسطه الونش على الهواء مباشرة ... ماحدث أمام نادي الحرس الجمهوري فضيحه ومجزره وعلى الريس الجديد أن يستقيل وان يحاكم السيسي أليست هذه هي الديمقرطيه ... الآن عبدالمنعم أبو الفتوح الذي جلس مع الانقلابين الآن يدين ماحدث ويطلب من الرئيس الجديد أن يستقيل
رفض الحكومه المنتخبه ديمقراطيا لمطالب الشعب يقابل بمزيد من الوسائل الديمقراطيه ..تظاهر سلمي ..عصيان مدني ..إضرابات مهنيه لو عندهم شعبيه ..وليس بالاستقواء بالجيش وقوة السلاح عشان تجبر الطرف الآخر لحمل السلاح كما هو حاصل في السودان وادى لانفصال الجنوب وحرب ممتده من النيل الأزرق حتي دارفور ....
الجيش المصري ليس سوى الشعب المصري لابس لباس عسكري وبيده السلاح فيهو وفيهو المؤيد جدا للشرعيه ولمحمد مرسي والاسلاميين وفيهو المعارض جدا لمرسي والاسلاميين .. وفيهم المسيحي وفيهم المعارض للديمقراطيه وفيهم المؤيد لمبارك والسادات وعبدالناصر عشان كده إنقسام الجيش حايكون هو القشه التي قصمت ظهر البعير
لو أصلهم بينادوا بالديمقراطيه كان يطالبوا بواحده من اتنين : 1-إنتخابات رئاسيه مبكره بوجود الرئيس المنتخب .. 2-إستفتاء على إستمرارية الرئيس Vs إنتخابات مبكره بوجود الرئيس واحد هذين الخيارين سيفضي للصندوق والي حل يرضي جميع الأطراف ،،، ولامجال ولاوجود للجيش في هذه المعادله بتاتا
لديمقراطيه في دولنا هنا هي عباره عن كشف عورات من يدعون أنهم يدعمون الديمقراطيه ويهتفون ويصرخون ويعبدون كلمة ديمقراطيه ..وبمجرد فوز الاسلاميين ..يكفروا بالديمقراطيه ويتحالفوا مع الشيطان (العسكر في هذه الحاله )لاسقاط الديمقراطيه والامثله :الجزائر....فلسطين.....الآن مصر وهي كشف لعورات الاسلامين لانهم إما يستخدمونها كمطيه للوصول للسلطه ثم التمكين والسيطره على مفاصل الدوله ..أو الإنقلاب علىها كما حدث في السودان !!!!
Post: #30 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-10-2013, 06:22 AM Parent: #27
Quote: تحياتي اتفق معاك إن أي وحده عسكريه تمشي تعمل مظاهرات جنبها حايضربوك بكل ماتقع يدهم عليه..ولا استغرب ذلك لان الجيش في السودان عمل انقلاب عسكري وقال أخدناها بالقوه قلعناها بالقوه والعاوز يجي ياخذا بالقوه.ومافي حق تظاهر .عشان كده يحسبون أي هجمه عليهم هو العدو..اتفق معاك .... بالنسبه لمصر الوضع يختلف ..الجيش قال أنا جيت دفاعا عن الديمقراطيه ..وجيت عشان أقيف على مسافه واحده من كل الأطراف ...وحق التظاهر مكفول للجميع بالتساوي ... رواية إن في مهاجمين عاوزين يقتحموا دار الحرس الجمهوري أشك فيها لانو منذ بداية الأحداث ظهرت جليا ممارسات نظام مبارك من تعتيم إعلامي ..وتكميم الأفواه ..وتلفيق أحداث وما أشطرهم في ذلك .... معظم شهود العيان حتى من سكان المناطق المجاوره تطابقت أقوالهم عكس رواية الناطق العسكري ...حتى الآن لم يظهر المتحدث العسكري أي فيديو يوضح هجوم المجموعه الارهابيه ..وعندهم كميه من المصورين المزودين بكاميرات متطوره على السطوح بجانب القناصه بالاضافه لتصوير طائرات الهيليكوبتر التي تجوب السماء . أين كان هذا الحرس الجمهوري عندما حاول المتظاهرين خلع باب قصر الاتحاديه بواسطه الونش على الهواء مباشرة ... ماحدث أمام نادي الحرس الجمهوري فضيحه ومجزره وعلى الريس الجديد أن يستقيل وان يحاكم السيسي أليست هذه هي الديمقرطيه ... الآن عبدالمنعم أبو الفتوح الذي جلس مع الانقلابين الآن يدين ماحدث ويطلب من الرئيس الجديد أن يستقيل
رفض الحكومه المنتخبه ديمقراطيا لمطالب الشعب يقابل بمزيد من الوسائل الديمقراطيه ..تظاهر سلمي ..عصيان مدني ..إضرابات مهنيه لو عندهم شعبيه ..وليس بالاستقواء بالجيش وقوة السلاح عشان تجبر الطرف الآخر لحمل السلاح كما هو حاصل في السودان وادى لانفصال الجنوب وحرب ممتده من النيل الأزرق حتي دارفور ....
الجيش المصري ليس سوى الشعب المصري لابس لباس عسكري وبيده السلاح فيهو وفيهو المؤيد جدا للشرعيه ولمحمد مرسي والاسلاميين وفيهو المعارض جدا لمرسي والاسلاميين .. وفيهم المسيحي وفيهم المعارض للديمقراطيه وفيهم المؤيد لمبارك والسادات وعبدالناصر عشان كده إنقسام الجيش حايكون هو القشه التي قصمت ظهر البعير
لو أصلهم بينادوا بالديمقراطيه كان يطالبوا بواحده من اتنين : 1-إنتخابات رئاسيه مبكره بوجود الرئيس المنتخب .. 2-إستفتاء على إستمرارية الرئيس Vs إنتخابات مبكره بوجود الرئيس واحد هذين الخيارين سيفضي للصندوق والي حل يرضي جميع الأطراف ،،، ولامجال ولاوجود للجيش في هذه المعادله بتاتا
لديمقراطيه في دولنا هنا هي عباره عن كشف عورات من يدعون أنهم يدعمون الديمقراطيه ويهتفون ويصرخون ويعبدون كلمة ديمقراطيه ..وبمجرد فوز الاسلاميين ..يكفروا بالديمقراطيه ويتحالفوا مع الشيطان (العسكر في هذه الحاله )لاسقاط الديمقراطيه والامثله :الجزائر....فلسطين.....الآن مصر وهي كشف لعورات الاسلامين لانهم إما يستخدمونها كمطيه للوصول للسلطه ثم التمكين والسيطره على مفاصل الدوله ..أو الإنقلاب علىها كما حدث في السودان !!!!
بسسسس يا د. الصادق عبدالله عليك الله أمسك لينا في كشف العورات دي قوي و دا المغزى من البوست !! إثبات إنو دي ثورة وللا إنقلاب وللا إحتلال...دا ما موضوع البوست...كلام كتير إتكتب و محللين حللوا فيهو... وليد بتكلم عن المعيار..و بتفق معاهو في بعض ما ذهب اليه....وأنا هنا بتكلم برضو عن المعيار!! بس من زاوية أخرى!! الناس البتغمض عيونا من ممارسات الجيش لمن يكون الحاكم في صالحهم!!! بنقول ليهم: الجيش جيش...و الديمقراطية ديمقراطية...و الحرية حرية...و الجبخانة البتقتل العزل ياها وااااااحدة ...مافي جبخانة سمحة و جبخانة كعبة و الزول البغض الطرف عن ممارسات ما يجي ينتقدا عند التانين...و العكس بالعكس!! للناس الفهموا دوس لايك...و الناس المافهموا: أعمل سكرول داون و ريح بالك... ... رمضان كريم للجميع...اول يوم دا عدم القهوة عامل لينا طشاش...فبنجيكم بعد الفطور لو زول عاوز clarification و كدا
Post: #29 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 11:01 AM Parent: #16
Quote: هي لكن يا زياد كانت طوب وملتوف ولا حسب رواية الجيش جماعة ارهابية و قبضوا منها ميتين نفر مسلحين؟
محمد البشرى ازيك يا حبيب والله يا ابو حمي انا في البوست دا مشيت بي اخف الروايات كان ملتوف وللا سلاح..كلوا عند الجيش تمرد و وين في مقر قيادة الجيش؟؟؟
Post: #28 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:58 AM Parent: #15
Quote: زياد بن أمه وأبيه
الناس ديل كتلوهم وهم يصلون
Quote: كلامي وااااضح...أي زول بفتكر إنو الحرس الجمهوري عندنا في السودان ما حيفتح فيك نار لو جيتو بي طوب و ملتوف واللذي منه...يرفع لي إيدو طواااالي! غير كدا خلف دور كلك و إنصرف يا مستجد!!
يا زول دي علينا نحنا؟
تبرير فطير لهذا البوست المبرراتي
ما دمت تبرر لباطل، فلا تجمع انحيازاً وكذباً
شيخ عماد حسين كتلوهم و هم يصلون؟؟؟؟ ياخ تخ!!! بالله!! يعني ناس الجيش في مصر بقت دي شغلتم...يدخلوا المساجد و يكتلو في المصلين!؟؟؟ ناسك ديل شالوا طوب و ملتوف ومصور كللو و مشو الحرس الجمهوري يحرروا مرسي!!! تنكر دي؟؟؟ مشو الحرس الجمهوري يصلوا يعني؟؟ ليه ؟؟ ادارة الحرس اعلنوه مسجد وللا شنو؟؟؟
Quote: ما دمت تبرر لباطل، فلا تجمع انحيازاً وكذباً
شيخ عماد..الله يسامحك بركة الشهر الكريم من ما دخلت المنبر دا ما حصل نبزت لي زول ولا زول نبزني...انت اول واحد ليك يا شيخنا قصب السبق!!!! أنت من الناس البحترمهم يا مولانا...فما تنبز بالله
Post: #26 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:50 AM Parent: #12
Quote: قتلوهم وهم يصلون ما رأيك في ذلك يا زياد؟؟
محمد جلال راجع ردي علي الصادق في الفيديو الجابو بعدين انا بتكلم هنا على الملكية الماشين يهاجموا مقر الحرس الجمهوري بالملتوف
Post: #25 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:48 AM Parent: #11
Quote: هاهاهاهاهاهاهاهاهاهاهاها
وليد يا ولدنا اتذكرت النكت بتاعت اضحك يا بوي ما ضمنت :) رمضان كريم يا حبيبنا و يعودو بالخير عليك و علي الاولاد
Post: #24 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:40 AM Parent: #10
Quote: ورمضان كريم عليكم
الصادق رمضان كريم عليك يا حبيب ... فديوك دا فيهو نفس...و ناس الجيش ماضربوا نار على المصلين...صوت الجبخانة من بعيد يا حبة
Post: #22 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-09-2013, 10:33 AM Parent: #8
Quote: مبالغة يا زياد ... حيرتني و أنا القايلني تاني ما بحتار !!
بروف أمين سلامتك من الحيرة يا بروف كان كلامي ما منطقي ورينا يا بروف... رايك والله بهمنا
Post: #31 Title: Re: للناس الهاوسننا بي مجزرة الحرس الجمهوري المصري... Author: Yassir Tayfour Date: 07-10-2013, 07:16 AM Parent: #22
يا زيدون الحصل شنو امام مقر الحرس الجمهوري؟ ----- الفيديو بتاع الخالدي، الفيهو الجماعة بيصلو، واحد من ابان دقون أطلق ساقيه للريح بسرعة غير قانونية ؛) ناس مجاهدين دايرين الجنة، سمعو صوت الزخيرة، قامو جارين، ولاد ام زقدة، دايرين الجنة وخايفين من الموت ؛) الداير الجنة ما يجري من الموت، مافي زول بدخل الجنة قبال يموت ؛)
Post: #32 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-10-2013, 11:41 AM Parent: #31
Quote: يا زيدون الحصل شنو امام مقر الحرس الجمهوري؟ ----- الفيديو بتاع الخالدي، الفيهو الجماعة بيصلو، واحد من ابان دقون أطلق ساقيه للريح بسرعة غير قانونية ؛) ناس مجاهدين دايرين الجنة، سمعو صوت الزخيرة، قامو جارين، ولاد ام زقدة، دايرين الجنة وخايفين من الموت ؛) الداير الجنة ما يجري من الموت، مافي زول بدخل الجنة قبال يموت ؛)
أب تفة حبيبنا كيفنك و رمضان كريم يا ياسر...عليك الله لو كلامي دا ما منطقي قول لي ما منطقي! مجموعة من الناس (أخوان وللا غيرو) هجموا بالطوب و الملتوف ..بل والله شاهدت فيديو شايلين اسلحة عديييل!! هجموا على مقر الحرس الجمهوري!! الحرس الجمهوري من الوحدات ذات الشرف و الهيبة في أي دولة!! الجماعة الملكية ديل هجموا على العساكر دايرين يفكوا شيخم مرسي بمن الجيش بالقوة! ناس الجيش فتحوا فيهم نار و قتل بعض المهاجمين!! في ناس هنا من السودان و من المؤيدين للحكومة في السودان...جو عملوا فرش متاع...كيييييف ناس الجيش المصري يضربوا الناس جيت أنا هنا قلت ليهم يا شباب...عندنا في السودان..لو حصل نفس الحدث..و شلنا ملتوفنا و طوبنا و رجمنا أي وحدة عسكرية..الحيحصل شنو؟؟؟ ماااافي واحد فيهم قبل التحدي بتاعي..و كلهم عملوا رايحين من كلامي... و جاني شيخ عماد حسين و شتمني و نحن على ابواب رمضان!!! طبعاً شيخ عماد أول زول يشتمني و يسيء لي في بنبر بكري دا :) لكن أنا مسامحو و بدعو ليهو بالهداية...وبذكرو إنو ليس المؤمن بطعان ولا لعان و لا فاحش ولا بذيء ... بالنسبة للفيديو الجابو الصادق و فرحان بيهو دا...والله لو شفتا فيهو عساكر بطلقوا النار والله ما ببهت و لا بنكر لكن كل الفي الفيديو ناس بصلوا...و واضح إنها مظاهرة أكتر من إنها صلاة عادية...اها في صوت ذخيرة في الخلفية..والجماعة كبوا السيجة فيا ياسر كل زول في المنبر دا عامل فيها حريف و يجيب في الصور و الفديوهات و يقنبر في الجماعة بس يذهب الزبد جفاء و أما ما ينفع الناس فيمكث في الارض
اوعة يا زياد تخرخر بزعل منك اخونا احمدونا جاب ليك الفديو كامل وهاك دى المناظر من وتعال انت واب تفة المعاك دة ( رمضان برضو مبارك عليه ) وان عندو فلاحة الامشى الشرق عشان اشوف بت مختار شن بتثو فيو
الفديو
المجزرة كاااااااااااملة ولا حظ انها فى الشارع وصحى تعال هنا يا زياد انتو حق التظاهر دة لقيتو ولة البتيخ عندكم كمل عالم خرخارة بشكل وكمان فرحان بالانقلاب وداير تلبس فى عماد انو شتمك ياخى تاخ
وشوفو وجهة المقارنة بين من فارحانيين بيهم وجماعة حسنى مبارك
(سبب التعديل ) الفديو الآخير
مع الادانة الكاملة لكلام صفوت حجازى
Post: #34 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-11-2013, 05:55 AM Parent: #33
هووووي يا الصادق ياسر دا صاحبي و ما برضى فيهو...البعجبني في ياسر دا إنو بختها ليكم حااااااامضة ....تاااخ لمن الواحد فيكم تمسكو حمى :) ...
Quote: وداير تلبس فى عماد انو شتمك ياخى تاخ
أياااااااا الصادق يا خوي!! الشتيمة دي كيفنها!! إلا الزول يقول ليك يا ######## و للا يا ########## صاحبك شيخ عماد جا قال لي كضاااب!!! ....أنا جيت هنا إتحديت و قلت رأيي يقول لي كضاب؟؟ طيب لو أنا كضاب ..يقبل التحدي...وعتقناهو من ناس الحرس الجمهوري و مظلات بحري...يمشي يفلع لينا ناس نقطة بوليس الشمالي...و كان ملوهو جبخانة يكون شهيد التحدي و حرية الرأي و كدا و إنت حقو تمشي تآزرو...مش صاحبك؟
Quote: (سبب التعديل ) الفديو الآخير
أريتك كان ما عدلت...والله دا فيديو شافع ما يغشه
Quote: مع الادانة الكاملة لكلام صفوت حجازى
تصوم و تفطر على خير يا حبيب
Post: #35 Title: Re: للناس الهاوسننا بي مجزرة الحرس الجمهوري المصري... Author: أمين محمد سليمان Date: 07-11-2013, 04:53 PM Parent: #34
Quote: بروف أمين سلامتك من الحيرة يا بروف كان كلامي ما منطقي ورينا يا بروف... رايك والله بهمنا
الله يسلمك و يديك العافية يا زياد و كل سنة و إنت و المعاك طيبيبن يا سيدي كل يوم بنقرأ البحير و ما بنعلق، لكنك مرجوا فينا عشان كده علقنا !! و مكمن الحيرة - و إن شئت قلت الألم - إنو كلامك ده ممكن يكون مبرر لاي قتل و عمل عنف من جهة العسكر.. كان في مصر كان في السودان كان في أي مكان !! و ممكن ننسخ مداخلتك الأولى و نبرر بيها قتل الانقاذ لناس دارفور و شهداء رمضان و مجزرة بورتسودان و أي زول رفع راسو ساي و تم قتله بواسطة العسكر و نكتب تحت : (( دا جيش...قايلين الحكاية لعب؟؟))
Quote: أمشوا كدي حاولوا أعملوا ليكم مظاهراة قدام الحرس الجمهوري في الخرطوم!! وللا فلعوا عساكر الجيش الواقفين قدام القيادة و وزارة الدفاع بالطوب و الملتوف... شوفوا بقدموا ليكم حلاوة و زهور وللا لا!!... ... دا جيش...قايلين الحكاية لعب؟؟
الأخ زياد كلامك صحيح وعداك العيب
وعشان كدة يا جماعة هوي
أي زول يطلع مظاهرات ولا يطالب بي حقو من حكومة الإنقاذ دي وناس الجيش يرسلوا الآنتنوف وتحرق قريته عليه ان يعرف ان الموضوع ((جيش مش لعب)).
عشان كده هسه أهلي في النيل الأزرق وجبال النوبة ودار فور نقول ليهم برأيكم هبشتم الجيش وهسه لمن كتلكم وعمل ليكم تصفية عرقية بديتو تجقلبوا؟ يعني كنت متوقعين يقدموا ليكم حلاوة ولا زهور؟
فشكرا ليك الآن امتلك إجابة لكل من يفتح خدموا ويقول لينا (الجيش كتلنا والجيش سوي لينا) ناس تقعد تطالب بي حقها وتتهم الجيش ومتوقعة الزهور والحلاوة؟
Post: #38 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-12-2013, 02:49 AM Parent: #36
الصادق اسماعيل رمضان كريم يا حبوب و تصوم و تفطر على خير ...
Quote: أي زول يطلع مظاهرات ولا يطالب بي حقو من حكومة الإنقاذ دي وناس الجيش يرسلوا الآنتنوف وتحرق قريته عليه ان يعرف ان الموضوع ((جيش مش لعب)).
سنة 95 يا الصادق كنت طالب فيمن خرجوا في مظاهرات ما عرف بهبة سبتمبر وقتها... المظاهرات خلال يومين إتسع نطاقها و تعبوا ناس الاحتياطي من المساككة!! قاموا نزلوا لينا الجيش..و تمت إعادة إنتشار قطع مدرعة في الخرطوم..و شفنا عساكر الجيش عاملين خطوط صد بدل ناس الشرطة ولازلت أذكر الناس إتفرزعوا في كل إتجاه عند سماع صوت الجبخانة...و لازلت أذكر رؤية الدماء في شارع الظلط بعد إنتهاء المعمعة...الله اعلم سيدا حي وللا ميت! طبعاً الوكت داك ماكانت في فضاءيات منتشرة ولا فيس بوك ولا سودانيز ولا غيرو...و حقنا وحق التوثيق للكلام دا راح في حق الله!!! المهم..واحد كوز قريبنا كنا بنتونس...قال لي معلق فيما معناه: ( يازول الحكاية جيش وللا حاجة تانية؟؟ دا جيش البلد ماسكها و حاميها...أي زول يطلع عليهو خاين و يستاهل البحصل ليو) وتيب!!!! الجد شنو على المخدة!!! ما ياهو دا جيش وداك جيش!! وداك شرف البلد و دا شرف البلد..وديك مظاهرات (حتى والله ما قربنا من قيادة عسكرية!!) و دي مظاهرات (مع انهم جو للجيش فييييي محلو!!!) وللا هو الموضوع شنو بالظبط؟؟ أتمنا يا الصادق تكون الفكرة وقعت ليك...لأنو لا أنت لا بروفنا أمين لا أغلب من تداخلوا هنا كانوا حقيقة من المعنيين ب(ماوراء التحدي بتاعي) ولا حتى وليد صاحبي بتاع المعيار
Post: #37 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-12-2013, 02:30 AM Parent: #35
Quote: لله يسلمك و يديك العافية يا زياد و كل سنة و إنت و المعاك طيبيبن يا سيدي كل يوم بنقرأ البحير و ما بنعلق، لكنك مرجوا فينا عشان كده علقنا !! و مكمن الحيرة - و إن شئت قلت الألم - إنو كلامك ده ممكن يكون مبرر لاي قتل و عمل عنف من جهة العسكر.. كان في مصر كان في السودان كان في أي مكان !! و ممكن ننسخ مداخلتك الأولى و نبرر بيها قتل الانقاذ لناس دارفور و شهداء رمضان و مجزرة بورتسودان و أي زول رفع راسو ساي و تم قتله بواسطة العسكر و نكتب تحت : (( دا جيش...قايلين الحكاية لعب؟؟)
حبيبنا بروف أمين و يديك العافية و يتقبل صيامكم و قيامكم إن شا الله...و كل عام و إنت بألف خير ماهو دا مربط البوست يا بروف...و أنت من الأذكياء الذين لا تفوت عليهم مابين السطور! الناس الفي السودان البتتباكى لمن الجيش ضرب المتظاهرين في مصر, بنقول ليهم الكلام دا... دي جيوش العالم التالت كدا في الدول غير الديمقراطية...والمسألة إتساق! و الولوة و اللعوتة ماصعبة على زول...و التكذيب و التخوين و الإتهام بالعمالة مافي أسهل منه.. دا جيش و دا جيش...ورونا الفرق شنو الله ينور عليكم!!! الصمت و التبرير في أحداث و الهيجان و الحملات الإعلامية في احداث مشابهة...ليه؟؟ أرجو إنو فكرة البوست كدا وضحت ليك يا بروف
Post: #39 Title: Re: للناس الهاوسننا بي مجزرة الحرس الجمهوري المصري... Author: Yassir Tayfour Date: 07-12-2013, 04:20 AM Parent: #37
يا زيدون انت عارف رأيِّي، لكن أصلو ما ببرد ليك بطن لأن الأمر متعلق بمصر وأنا زاهد فيها حد الإيثار؛) __ يا صادق جيش المؤتمر الوطني (وحده) وجيش مصر مصر (كلها)، الفروقات كبيرة وعديدة.
زياد بتكلم عن ناس مدنيين يمشو يهاجمو الجيس في قيادته
Post: #40 Title: Re: للناس الهاوسننا بي مجزرة الحرس الجمهوري المصري... Author: زياد جعفر عبدالله Date: 07-12-2013, 05:13 AM Parent: #39
Quote: يا زيدون انت عارف رأيِّي، لكن أصلو ما ببرد ليك بطن لأن الأمر متعلق بمصر وأنا زاهد فيها حد الإيثار؛)
أب تفة يا صاحب...عاااارفك ما بتبرد لي بطني...أصلك إنت ووليد المبارك من عينة وااحدة..(أصحاب حُساد). والله يا ياسر...بي حليفة صائم...أنا مصر و المصريين ما بهموني إلا بالقدر البأثر في سوداننا... وحتى الآن معظم ما نجد من المصريين في رأيي محبط للغاية(النفوذ السياسي السلبي..إحتلال الأراضي السودانية...الإستهبال و اكل حقنا كسودانيين في مياه النيل من قبل المصاروة-زي ما بقولوا الليبيين)
Quote: يا صادق جيش المؤتمر الوطني (وحده) وجيش مصر مصر (كلها)، الفروقات كبيرة وعديدة.
زياد بتكلم عن ناس مدنيين يمشو يهاجمو الجيس في قيادته
