ناس شارعنا

انا زولا بحب التراب
بى عشق البلد ماسور....
وساكن فى مدنى
حى مايو جنوب الخور...
وشارعنا والله ساكنو الشايقى
والمحسى الجنوبى والنوباوى
ناس الشرق والفور....
وجارتنا حبيبه وحوه وتيه
جميس اوشيك والنور....
وفى تشابه فى ملامحنا وطباعنا
حتى المبانى مافى زولا
معلى السور....
ومافى واحد بانى طايق او دور...
وعندنا فى الفريق قانون ودستور...
نعيش سوى واصلو الحال مستور...
ومافى واحد فينا زعلان
والله خاطرو مكسور....
من الصبح مع بعض
نشرب الشاى وننادى
بعضنا للفطور....
وجبنا النيل وشجر
فيهو القمرى والعصفور...
ونتكلم بكل اللغات واللهجات
ونطرب للمردوم ونسمع الطنبور....
وكلنا متفقين على حب البلد
وهمنا نعمر الارض البور...
وانا مابقدر اوصل كل الدايرو
باليراع او كتابه سطور....
دى حياتنا على مدى العصور..
بلدنا السودان قطعه من الجنان والحور...
بس هو محسود ومسحور....
تعالو جيبو البخور...
وكل زول بالبيعرفو
يدعو للبلد بالعلن او بالسرور
سلام لى بلدا انا دوام بيهو فخور...








تحية لى ناس شارعنا وشرعنا ومشرعنا ورمضان كريم