Quote: التحية لصحابة السمو الملكي لتلبية نداء العودة
ونسال الله ان يديم المحبة بيننا جميعا
رمضان كريم وكل عام والجميع بالف خير
اللهم بلغنا رمضان واجعلنا من صوامه وقوامه
امين
شكرا وضاحة
شكرا لكم جميعا
التحية ليك انت يا ود الملوك يا ود الرجال والبتعرف الأصول وبتعرف تحترم النساء ويشهد الله ويشهد لك هذا المنتدى بقلبك الطيب النقى حتى لو اختلفنا معك فيما انت مقتع به من معتقداتك السياسية وتشهد لك الاخت نجاة ونساء البورد بذلك
ودا انعكاس لتربية السليمة ليك يا ود الاصول وانا لم اجد منك غير الاحترام الزايد والادب والعفة
ربنا يديك العافية عمر ود الباوقة الأصيل
07-07-2013, 07:44 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
Quote: ابشري بالخير وضاحة نسل امات عزاز ستات فراسة قبيل حافـظات العفاف الشرف ضربنبو موج النيل الان عزتن موجودة فيك يا بنت ملوك النيل اصيلة وطبيبة وللمكارم باقية نــــور ودليل
ود خالى ود المكوك تمساح جزائر الكرد
فارسنـا الكلـس البلكـرم معـروف كرمك في الرجال بايـن دوام مألـوف ما بتخشى الفقرحاشاك تعرف الخـوف يوم النار تبق تهجم عديـل مكشـوف
نعم هى وضاحة و لم اكن اتوقع غير الاستجابة لنداء الاخ ود الباوقة. المك حفيد المك على محمد الفكى على خلى بالك انا الا اجى اقبقبك تخلى الكمسيبة لغاية تنتهى و تكلمنى هى نان بعد داك الكلام ان معناتو
Quote: نعم هى وضاحة و لم اكن اتوقع غير الاستجابة لنداء الاخ ود الباوقة. المك حفيد المك على محمد الفكى على خلى بالك انا الا اجى اقبقبك تخلى الكمسيبة لغاية تنتهى و تكلمنى هى نان بعد داك الكلام ان معنات
يا مرحب بالاخ امجد
الكبسيبة الحصلت دى باقى ليك بتمر ساى
اصبر واترغب وحا تعرف عما قريب
الله فى
انت رايك شنو فى الصادق المهدى
07-07-2013, 07:55 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
بق بق بق جيتكم مسكسك بكراع واااااااااحدة ومشنق الطاقية في الهامة والحجبات في ضراعي يقولن تطق تتطق
وتاااااااااااااااح دقيت كراعي في الواطة وطلعت العراقي بتاعي برررررررة ورميتو في الهباب وبقيت اتلولح بالسروال الطويل يمين وشمال وبعاين فوق في النجم و راجي ود الباوقة يجي يهبدني بالسوط وعين ما ترمش .
الحرة الاصيلة مليانة ذوق واحساس الدارسة العلم ايده بتزيل الباس نورها الضاوي يبهر انوار جميع الناس وضاحة ووضوح واضح ختي الوسواس شاحد الله الكريم املاك صفا وايناس يابت الاصول قولي الجميع جلاس
بكل صراحة هجوم كانتونا ضدك لم يكن مبرر أبدا خصوصا أنه حشر أهلك في نقاشه معك أنت. أنتي الوداك تهبشي الصادق المهدي ده شنو؟ أنت ما سمعتي بأنو الزول ده ب يشع منه نورا بالليل؟
بق بق مزنوق في الباوقة والظاهر زنقة العيد السنة دي أتت مبكرا.
(عدل بواسطة Deng on 07-08-2013, 07:20 AM) (عدل بواسطة Deng on 07-08-2013, 02:11 PM)
07-08-2013, 02:33 AM
abas
abas
تاريخ التسجيل: 07-27-2002
مجموع المشاركات: 6255
فجر المشارق ممكن أعرف سر الريدة البينك وبين ود الباوقة مع انو كل واحد في بلد هههه. امشي فتشي أغنية بتقول سر الريدة البيني وبينك. أنتو الاتنين تحفة والله. كل واحد فيكم بنكهتو ههه ، تسلموا.....
07-08-2013, 05:19 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
Quote: Hassan Ali Abugroonو ضاحة الأصيلة النبيله ست البلد والقبيله عايني قدام يابنيه لاتلتفي أبدا لوراء أنت البدر والناس تعاين طلتك عارف قلبك الأبيض سريع مايستجيب لنداء ود الباوقه والكثير من الذين يحملون النقاء والصفاء ود الباوقه احبيب شوف كيف بتكون جميل لما تبعد من السياسه والمواقف المابتشبهك ملاحظ حتى دينق ماقال اختشي ياخوي كان داير الصوقير كملو هنا كلو تسلم ياخوي وتسلم وضاحه والجميع رمضان كريم وكل عام وأنتم بخير
*** منقول من تحت ... كلام صحيح ينم عن طيب أصل كاتبه و المكتوب عنهم بما فيهم دينق .
*** فـ شكرا مقدر ودالباوقة وشكرا مقدر د. وضـاحة ، يزداد احترامكم بيننا على الدوام .
07-08-2013, 07:32 AM
إدريس محمد إبراهيم
إدريس محمد إبراهيم
تاريخ التسجيل: 03-13-2006
مجموع المشاركات: 2762
ألف مرحب بسيدة النوارس الجميلة وهي تعود إلى شاطئها وبر أمانها ..... مرحباً آلاف بصاحبة أرق قلب ومن تحب تقديم يد المساعدة لكل ذي حاجة ملهوف ... بت العلم والأصول وضاحة ... تفعل ذلك كله وأكثر بلا من ولا تفاخر ... لأنه ديدنها التي تربت وجبلت عليه ..... شكراً وضاحة لاستجابتك لنداء أخونا الحبيب ود الباوقة .... ورجائي الخاص لكل من فهمها خطأ وفسر طيبتها الزائدة بسوء أن يحاول إعادة فهم هذه الإنسانة النبيلة صاحبة القلب الكبير الذي يسع الوطن بأكمله .....
وضاحة أول .... وتاني وثالث .....
وضاحه
يا أنت يا بدراً تلألأ في سماء العالمين ... قلباً تضمخ بالضياء وبالمحبة بالحنين ... أنذرت نفسك للنوال على دروب الآخرين ... وتألقت فيك الشموس نضارة عبر السنين ... وازدانت الدنيا بفيض سماحة .... كرماً بك لو تسمحين ... يا عذب وهج الأمنيات وندرة القلب الأمين .... يا ويح قلبك حين عشق المستحيل فلا يكون ... ما بال أهلك يمنعون النبض فيك يكبلون .... فالتصبرين أميرتي فالتصبرين .... ما أقسى صبر العاشقين .... فالتهدأ الأشواق فيك هنيهة والتستكين .... يا قبلة الأفراح بوتقة النهى فالتسعدين .. فالله لم يظلم ولن يظلم عباداً صالحين .. فغداً يفوح الورد يغشاك الصباح المستبين ... وضاحه يا شمس النهار وروعة الصبح المبين .... يا بدر مسكنه السماء اطل كالفجر الحزين .... يا قلب ينبض طيبة ينداح أرقّّه الأنين .... إخترت شهماً عبقرياً ماله أبداً قرين ... يا ويح من داوي القلوب براعة و(شطارة) في كل حين .... ما باله جرح الفؤاد بجذوة الحب الدفين .... عجباً لمن يشفي القلوب يصيبني بالحب كالداء اللعين .... هو أسمر القسمات أصلاً من (بدين) .... أبت القبيلة في أبي وهو البروف المستبين .... لا يا أبي أرجوك لا ... فالناس من ماء وطين ... لا تذبح الأشواق في قلبي وتورثه الأنين .... دع عنك مقصلة التعصب والدي ... فلقد عهدتك سامقاً خلقاً ولين .... وأراك قد أكرمتني علماً وأخلاقاً ودين .... وزرعت حبك في شغاف القلب وفي الحنايا من سنين ... هلا تذكرت الفقيدة أختنا ... ترجوك دمعاً أن تلين ... فالتصبري يا جاسمين .... أختاه يا أخت الجمال وقطعة الذهب اللجين .... فغداً يعود الفجر يشرق في رباك فتهنأين ... والمسك يعبق في شذاك تزغردين ... سيطل فارسك الوسيم على جواد النور والحب المزين ...
إدريس محمد إبراهيم 27 إبريل 2013م
07-08-2013, 02:27 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: ألف مرحب بسيدة النوارس الجميلة وهي تعود إلى شاطئها وبر أمانها ..... مرحباً آلاف بصاحبة أرق قلب ومن تحب تقديم يد المساعدة لكل ذي حاجة ملهوف ... بت العلم والأصول وضاحة ... تفعل ذلك كله وأكثر بلا من ولا تفاخر ... لأنه ديدنها التي تربت وجبلت عليه ..... شكراً وضاحة لاستجابتك لنداء أخونا الحبيب ود الباوقة .... ورجائي الخاص لكل من فهمها خطأ وفسر طيبتها الزائدة بسوء أن يحاول إعادة فهم هذه الإنسانة النبيلة صاحبة القلب الكبير الذي يسع الوطن بأكمله .....
وضاحة أول .... وتاني وثالث .....
إدريس صديقى الوفئ فى الزمن الصعب الجميل القلب والدواخل الشاعر الحنين المليان نقاء واحترام ومستف حب ووفاء
أشكرك على كلماتك الطيبة الجميلة تجدنى عاجزة عن التعبير فاعذرنى بالله عليك
كل الود والحب الخالى من المصالح وعاهات الزمن الصعب
07-08-2013, 07:41 AM
Artiga Gilani
Artiga Gilani
تاريخ التسجيل: 02-16-2013
مجموع المشاركات: 1073
Quote: نعم هى وضاحة و لم اكن اتوقع غير الاستجابة لنداء الاخ ود الباوقة. المك حفيد المك على محمد الفكى على خلى بالك انا الا اجى اقبقبك تخلى الكمسيبة لغاية تنتهى و تكلمنى هى نان بعد داك الكلام ان معناتو
وبما ان هذا منبر للحور فتاكدي ان لا تسلمي من سهام الغير لان هذه سنة الحياة الاختلاف
بس خليك علي نفس النقاء والمعدن الاصيل
وبارك الله فيك وتحياتي لكل المتداخلين
ورمضان كريم
حباب محمد
الله يبارك فيك
هذا المنبر المفترض للنقاش المحترم من غير اساءة حتى لو اختلفنا المفروض يكون فى احترام بين الناس والنقاش المقنع
انا لو النقاش تدنى ونزل لى مستوا ما محترم ما بنزل لى المستوا الواطى دا ابدا لكن عندى اولاد اهلى و رجال ياكلوا النار هنا بعرفوا يلزموا كلو ك ل ب وحشرة مكانة لحدى ما تخش جحرها
علشان تانى ما يطاولوا ويعرفوا حجمهم الحقيقي
اسعدنى مرورك يا ملك وشكرك ليك
كل عام وانت بالف صحة وعافية
07-08-2013, 02:03 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: فجر المشارق ممكن أعرف سر الريدة البينك وبين ود الباوقة مع انو كل واحد في بلد هههه. امشي فتشي أغنية بتقول سر الريدة البيني وبينك. أنتو الاتنين تحفة والله. كل واحد فيكم بنكهتو ههه ، تسلموا.....
يا حبيبة يا غالية مشتااااقين
الريدة دى انت ما عارفة معقول ههههه
الجمعنا القلب النقى والاحترام لى بعض يا نجو
بالله عليك يا نجو يوم واحد قريتى فى المنتدى دا بقً بقً دا نبز ولا شتم واحدة ولا واحدة ولا اساءة لى اهلوا
قولى الحق ؟؟
07-08-2013, 01:59 PM
وضاحة
وضاحة
تاريخ التسجيل: 01-16-2005
مجموع المشاركات: 9116
بكل صراحة هجوم كانتونا ضدك لم يكن مبرر أبدا خصوصا أنه حشر أهلك في نقاشه معك أنت. أنتي الوداك تهبشي الصادق المهدي ده شنو؟ أنت ما سمعتي بأنو الزول ده يسع منه نورا بالليل؟
حبابو حبابو دينق سيد الاسم
أهلى المسكين لانوا ما بعرفن يا ريت لو كان عرفن كان المسكين خجل من نفسوا لانوا حا يشعر بنفسوا اقل من النملة هو من الاصل لو راجل وعندوا نخوة رجولة ولا ذرة شرف بحشر اهلى ما كان ينبزنى انا أهلى الدخلن شنو ؟ لكن لما الواحد يكون متربي فى الشارع وماعندوا اصل ياهو دى بتكون أخلاقوا
والصادق المهدى مالوا ما بتكلموا فيه قفة ولا اضان قفة
مع انوا انا عرفت فى بوست سابق القفة مفيدة بشيلوا فيها الخضارة وكده
Quote: الحرة الاصيلة مليانة ذوق واحساس الدارسة العلم ايده بتزيل الباس نورها الضاوي يبهر انوار جميع الناس وضاحة ووضوح واضح ختي الوسواس شاحد الله الكريم املاك صفا وايناس يابت الاصول قولي الجميع جلاس
Quote: بق بق بق جيتكم مسكسك بكراع واااااااااحدة ومشنق الطاقية في الهامة والحجبات في ضراعي يقولن تطق تتطق
وتاااااااااااااااح دقيت كراعي في الواطة وطلعت العراقي بتاعي برررررررة ورميتو في الهباب وبقيت اتلولح بالسروال الطويل يمين وشمال وبعاين فوق في النجم و راجي ود الباوقة يجي يهبدني بالسوط وعين ما ترمش .
كع خالك يا وضاحة
الله يكتلك كتلتنى بالضحك يا المسنوح
طلعت ركازة اكتر من بقً بقً كنت فاكراك عريبي عنقالي ساااااى
07-08-2013, 01:23 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: هيثم على · جامعة السودان للعلوم والتكنولوجيا كسير التلج ده خليناه فى شبكة الجعليين .... كمان يظهر لينا فى سودانيز .. مثال ...(على الفكى + الجميعابى بكسروا تلج لوضاحه) رد · · منذ 8 ساعات
تعال آمك شوف عود الليل المسينيح بيقول فى شنو شكلو اخد على راسو
07-08-2013, 03:01 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: ويييييين يا وضاحة (الجادادة) :) شايفك كنتي مختفية.. وما ظهرتي الا بعد ما كتلوا الديك الرومي
وووووووووووووين يا حمادة سكر زيادة الجادادة اتادبت وعرفت حاجة هنا مافى لعب فى ترحيل 24 ساعة فقط دا لو عندك واسطة لو مافى طوااااالى المطار من دربك هههههههههههههههه
الديك الرومى التاري عندوا سوابق قالوا وكان مختفى سنة جبنا ليه الاسد النتر البصحى المرافعين هوب زعمطوا و نتش ريشوا ريشة ريشة لما جرى
تصدق وتامن بالله الزول دا من عيونوا انا قريتوا ما نصيح
Quote: كسير التلج ده خليناه فى شبكة الجعليين .... كمان يظهر لينا فى سودانيز .. مثال ...(على الفكى + الجميعاب بكسروا تلج لوضاحه)
كتب الاخ هيثم من نافذة الفيسبك ... يا خي الاخت وضاحة كل من يعرفها من قريب بذكر حسَن تعاملها وطيبتها واحترامها للغير ... ومساعداتها للغير في هذا البورد موجودة ... ومن خلال تجربتي المتواضعة في الحياة اي انسان بدخل يدو في جيبو ويدفع بدون ضوضاء او يرجي شكر من الناس دة زول ما ساهل ابدا عشان كدي الناس دي بتكتب في حقها كلمت حق وليس كسير تلج كما ذكرت وما بنعرفا معرفة شخصية (يشهد الله ) لاكين أعمال الخير البتعملا بتحكي عنها ...
07-08-2013, 03:34 PM
Asim Fageary
Asim Fageary
تاريخ التسجيل: 04-25-2010
مجموع المشاركات: 7810
Quote: كتب الاخ هيثم من نافذة الفيسبك ... يا خي الاخت وضاحة كل من يعرفها من قريب بذكر حسَن تعاملها وطيبتها واحترامها للغير ... ومساعداتها للغير في هذا البورد موجودة ... ومن خلال تجربتي المتواضعة في الحياة اي انسان بدخل يدو في جيبو ويدفع بدون ضوضاء او يرجي شكر من الناس دة زول ما ساهل ابدا عشان كدي الناس دي بتكتب في حقها كلمت حق وليس كسير تلج كما ذكرت وما بنعرفا معرفة شخصية (يشهد الله ) لاكين أعمال الخير البتعملا بتحكي عنها ...
شكرا يا محمد يا أصيل ياريت لو اقدر اسعد كل الناس واقدم ليهم مساعدة علشان ربنا يساعدنى انا زاتى ويسهل لى امورى
أهو بنحاول بس ربنا يتقبل
07-08-2013, 03:49 PM
وضاحة
وضاحة
تاريخ التسجيل: 01-16-2005
مجموع المشاركات: 9116
من ماقمت فوق ساجك مولّع ضيّك ماباريتي عر لافيه العطاش بي ريّك السرع والنّشاط ما بشبهن للزيّك تاتي المشية خلّي النّاس تموت بي غيّك
*
*
*
مشتُول القِرير السِيدُو مَتّن دَربُو إِسمِك ما بجِيبُو الناس تشِيلُو تخربُو سَهمِك مُدفَع ألمانيا البي قُوَتُو أعلن حَربُو قصدِي انا مِنِّك شبَّال واحد أتسحَّربُو
تحياتي الاخت وضاحة والشيخ عمر ود الباوقة
07-08-2013, 06:42 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
Quote: بق بق بق جيتكم مسكسك بكراع واااااااااحدة ومشنق الطاقية في الهامة والحجبات في ضراعي يقولن تطق تتطق
وتاااااااااااااااح دقيت كراعي في الواطة وطلعت العراقي بتاعي برررررررة ورميتو في الهباب وبقيت اتلولح بالسروال الطويل يمين وشمال وبعاين فوق في النجم و راجي ود الباوقة يجي يهبدني بالسوط وعين ما ترمش .
وانا جيت ابشر وبمنتهى الهدوء .. ولمده اربعة ثواني فقط لا غير .. مع ابتسامة خفيفة وهادئة ومطمئنة وواثقه وتماما كحال أي خرطومي أنيق في هذه الهوجه الغير مبررة علي الاطلاق
..
لمه جميله يا وضاحه ويا شباب ..
07-08-2013, 07:13 PM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
اهداء خاص لى ود شيقوق المطموس حالتو دى مناظر سااااى عشااان حقوق الانسان وكدا الف حمداً لله على سلامتك صاحبة السمو ورمضان كريم طولى بالك انتى فى ملجه شوفتى الناس ديل هنى عاقلم زى الدسيس دا شوفتى المحن دى كيف واطمنك بين اولاد اعمك تب ما بتجيك عوجه وكل حرائر السودان : : : : : مع التحيات لله الزاكيات
Quote: اهداء خاص لى ود شيقوق المطموس الف حمداً لله على سلامتك صاحبة السمو ورمضان كريم طولى بالك انتى فى ملجه شوفتى الناس ديل هنى عاقلم زى الدسيس دا شوفتى المحن دى كيف واطمنك بين اولاد اعمك تب ما بتجيك عوجه وكل حرائر السودان
طبعا يا اخوانا الحفلة دي في نص بلدنا .... السليمانية والضيقة على وجه التحديد كمان والناس ديل انا نصهم بعرففهم طبعا. قد يسأل المطموس يقول انتو النسوان وين؟ اقول لييهو: عارف يا الطيب اكان داير تاخد لك شبال , الا تركب لك حمارة تصل محل النسوان
07-08-2013, 07:40 PM
عمر صديق
عمر صديق
تاريخ التسجيل: 06-06-2008
مجموع المشاركات: 14776
اقسم بالله بوست يفتح النفس من الصباح التحية للاخت الدكتورة وضاحة وحبيبنا الراقي ودالباوقة وكل المتداخلين وبقول ليكم رمضان كريم وربنا يقدرنا واياكم علي صيامة وقيامة واتمني في هذا الشهر الفضيل ان تسود روح المحبة والاحترام والتقدير فالدنيا لاتستحق كل هذا العنت والعفو والعافية
07-09-2013, 01:21 PM
عثمان محمد كرار
عثمان محمد كرار
تاريخ التسجيل: 12-14-2008
مجموع المشاركات: 1736
Quote: اقسم بالله بوست يفتح النفس من الصباح التحية للاخت الدكتورة وضاحة وحبيبنا الراقي ودالباوقة وكل المتداخلين وبقول ليكم رمضان كريم وربنا يقدرنا واياكم علي صيامة وقيامة واتمني في هذا الشهر الفضيل ان تسود روح المحبة والاحترام والتقدير فالدنيا لاتستحق كل هذا العنت والعفو والعافية
حباب سليمان
أن شاء الله دون نفسك مفتوحة للفرح والسعادة
وكل عام وانت بالف صحة وعافية يا رب
اسعتنا بوجودك هنا
07-09-2013, 03:06 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: اهداء خاص لى ود شيقوق المطموس حالتو دى مناظر سااااى عشااان حقوق الانسان وكدا الف حمداً لله على سلامتك صاحبة السمو ورمضان كريم طولى بالك انتى فى ملجه شوفتى الناس ديل هنى عاقلم زى الدسيس دا شوفتى المحن دى كيف واطمنك بين اولاد اعمك تب ما بتجيك عوجه وكل حرائر السودان : : : : : مع التحيات لله الزاكيات
حبابك ود عمى محمد حمزة اسد البشارى أب غرّه أطرى الجيا لى الزول أب عطورا برّه عند الحاره ياكا السيل أب صواقعا كرّه يا فارس العركه أم لهيبا حـــــــرّه
والله يا محمد ما قادرة اوصف الفرحة الجواي بيكم و بى خوتكم وبالجد انا سعيدة بيكم رجال تملوا العين ربنا يحفظكم والله يخليكم لى
07-09-2013, 02:50 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: وانا جيت ابشر وبمنتهى الهدوء .. ولمده اربعة ثواني فقط لا غير .. مع ابتسامة خفيفة وهادئة ومطمئنة وواثقه وتماما كحال أي خرطومي أنيق.
ود البندر بركة البوست الجابك هههههههههه
عرضتك باردة ما بتنفع ياخى شوف ديل اتعلم منهم ياخى يعجبوا والله ولو كمان ركزت لقيت ليك سوط سوطين تكون تمام هههههههههه ترررررررررررررررررررر لو الواحد لقة ليه فدعة هنا يا ود المشرف والله تكون حاجة ما تخلص
07-09-2013, 02:40 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: من ماقمت فوق ساجك مولّع ضيّك ماباريتي عر لافيه العطاش بي ريّك السرع والنّشاط ما بشبهن للزيّك تاتي المشية خلّي النّاس تموت بي غيّك
*
*
*
مشتُول القِرير السِيدُو مَتّن دَربُو إِسمِك ما بجِيبُو الناس تشِيلُو تخربُو سَهمِك مُدفَع ألمانيا البي قُوَتُو أعلن حَربُو قصدِي انا مِنِّك شبَّال واحد أتسحَّربُو
تحياتي الاخت وضاحة والشيخ عمر ود الباوقة
يا سلاااااااااااااااااااااااااام يا امير
ضايعات الحروف فوقك فقد ميزاني جنني الكرّم هيلك كتييير آزاني انا الخلاني فيق وامسح جميع احزاني قولك في الشعر متل الإبر كزاني
أميرأخوا السمحات
دفَّاع نوق وواسع راي ووشو بشوش وحلال المصاعب فوق ضيوفو بهوش بعفي الدين وبكرم لو تــجيهو ديوش ماســـوالو خير كايس وراهو قــروش
كل عام وانت بخير الله يملاك فرح زى ما مليتنى بكلماتك الطيبة
07-09-2013, 02:28 PM
وضاحة
وضاحة
تاريخ التسجيل: 01-16-2005
مجموع المشاركات: 9116
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة