دموع عصام البشير .. في حق مرسي دموع عجيبة.. والاعجب منها: انو فهم عصام البشير دا .. يكون للاسف الشديد مشوهو على عامة الشعب .. وهم قادرين طبعا .. اقل واحد فيهم بطلع المنبر يا في لمة صغيرة .. ويوصل فكرتو دي .. وبعد شوية .. بتلقى ليك دفارين اتشحنو ناس عشان يمشو مصر ميدان رابعة العدويـة والتحرير يموتو عشان مرسي وخاطر عيون مرسي وعشان مرسي يجي راجع .. والله صحي .. غايتو بي كل صراحـة اي زول عايز يسقط المربوطـة حقت الحكومـة .. اول حاجة يحاول يعالج الشعب السوداني من حالة التنويم المغنطيسي الهو فيها دي .. حتين بعداك يفكر يعمل ثورة .. لكن بالشايفو دا .. ما اعتقد .. الخوف بعد يومين تلقو مرسي هيم سيلف قاعد يتحاوم في شارع النيل وحبيبي مفلس وبياكل في تسالي .. ومعاهو الكورجـة السجنوها دي .. ونحن (ياحبة عيني) ايدينا في خشمنــا..
07-07-2013, 11:37 AM
tmbis tmbis
تاريخ التسجيل: 10-19-2002
مجموع المشاركات: 24862
الدليل على العجز الداخلي .. هو الفرق بين حركت تمرد التي هي في كفـة .. وبقية حركاتنا المسلحة .. وتنظيماتنا المختلفة جوه وبره في كفـة أخرى .. ما قام به تنظيم تمرد بجماعاته المختلفة .. خلال اقل من عام، فشل فيه الشق المعارض للانقاذ طيلة السنوات العشرينية السابقة .. سواء بقوة السلاح .. أو بالعمل السلمي المنظم .. ما هي الاسباب ..؟ الزهــد في البديل والخوف منـه ..؟ احقيـة الانقاذ وما صاحبها خلال مسيرتها وما فيها من قسوة وتشريد واحلال وابدال وإلخ إلخ من السلبيات القاتلة .. احقيتها من غيرها ..؟ تشرذم المعارضة والعمل بروح القطيع أو العمل من أجل خدمة المصلحة الواحدة للكيان الواحد أو الفرد الواحد المكرر لنفسـه خصما على المصلحة العامة ..؟ قوة خطاب الانقاذ وقدرتها على التأثير من كونها امتلكت كلمة السر لفهم المواطن السوداني البسيط جدا اي كانت تركيبته النفسية والاكاديمية والاجتماعية ..؟ ام أن .. سقطـات المعارضة بكامل كياناتها ... تصب دائما في مصلحة الحكومـة ..؟
07-07-2013, 12:10 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2735
Quote: سبب آخر : عدم قدرة المعارضه على طرح نفسها كبديل للنظام القائم وفشلها في إقناع الشارع السوداني بالألتفاف حولها. هذا بعد التحيات والسلام ...بالله ما تنسانا من صالح الدعوات وأنت في عمرة هذا الشهر الكريم. تحياتي "تامبا"
.. سلامات يا الشيخ .. كلامك مظبوط .. لذلك ـ كل المحاولات الممتعددة للمعارضـة تعتبر منتهيـة .. وهناك قاااب واسع وفجوة كبيرة ما بين المعارضة والشعب ، المحاولات العديدة من الجادين .. تم الالتفاف حولها .. ولا اعتقد ان الحركات الشبابية المتواجدة حاليا بالداخل على مقدرة على حسم الأمر في صالحها .. لطالما يتعاطون سياستهم النضالية من خلال زعماء من ورق .. خلقوا لانفسهم الزعامة .. من خلال نوافذ الفيس بوك والمنتديات .. والبقية كتبت ديباجة عريضة تسبق اسمها .. بينما اكتفى البقية من الزعماء .. بكاميرات التصوير الاحترافيـة وهم يبتسمون امامها .. كرا يا الشيخ ووصيتك معانا ربنا يبلغنا رمضان وعمرة رمضان .. ويجعلنا من العتقاء
07-07-2013, 12:21 PM
tmbis tmbis
تاريخ التسجيل: 10-19-2002
مجموع المشاركات: 24862
حركــة تمرد استطاعت ان تحشد بوعيها الملايين من اصوات سحب الثقة من مرسي .. في فترة وجيزة جدا .. وذلك بالرغم من حداثة اعمار موسسيها ومن حداثة تاسيسها .. بل ربما بقيام انقاذنا كان زعماء تمرد لا يستطيعون حتى ان يحبو ولا يعرفون الكلام .. علما بأن العمل كان يتم بشكل راتب ومن داخل مصر .. وما ادهشني ان المتحدث قال ان احد اعضاء حركة تمرد الذين كانو يقومون بجمع الاستمارات .. عمره سبــة سنوات .. ايـه الحلاوة دي .. ايه العظمـة دي ..؟ بعض الذين عملوا على اثارة الراي العام قبل فترات .. وقامو وقعدو .. للاسف معظمهم عملوا من أجل ان يبنو خطة واضحة المعالم لمستقبل مشرق .. النماذج كثيرة .. الســت لبنى .. السـت صفية .. ناهد الجمهوريـــة .. إلخ إلخ الغريبة معظم النماذج من النساء .. وكانت التجارب وجدت تأييد منقطع النظير على وجــه البورد ، وصور اعتصامات وربما صور ما ذالت حتى تاريخ كتابتي لهذه السطور معلقة على بروفايلات البعض .. العجيب في الأمر لم اسمع اي من افراد تمرد .. غادر مصر إلى كينيا أو يوغندا او باريس أو المملكة المتحدة .. أو لاجي سياسي في امريكا أو هولندا .. علما ان من خرج من أجل قضية .. تهون عليه نفسـه من أجل انجازها خاصة إذا كانت تتعلق بالأوطان والثورات والحقوق .
07-07-2013, 12:22 PM
adil amin adil amin
تاريخ التسجيل: 08-01-2002
مجموع المشاركات: 39487
كلام ذى الفل يا تمبس كبوة المصريين كانت في الانتخابات الاولى نامو في منازلهم وفاز الكيزان بالاقلية المطلقة 5 مليون كوز +7 مليون زعلانين= 12 مليون ولكن لمن بلغت الحلقوم نزلت القوة الانتخابية الحقيقية 50 مليون مصري وصعبت الامر واضحى فادح كما ترى وكبوة السودان في انتخابات 2010 انو قطاع الشمال(الامل) شرد مع المهرولين ونخبة السودان القديم وادمان الفشل(حزب الامة +الشيوعي) ######## اهم استحقاق لنيفاشا وتاكيد وجوده في الشمال وبذلك اعطى المؤتمر الوطني شرعية انتخابية لا يستحقها وغض العالم طرفه عن السودان... وترتبت كل المخازي من انفصال الجنوب واشتعال الحرب في مناطق قطاع الشمال الان على ذلك ومن واقع موقع المفوضية العليا للانتخابات السودانية كان قطاع الشمال ده حقق اصوات خرافية لو ما انسحب لان اي زول زعلان من المؤتمر الوطني حيصوت ليه(وعندي وثائق تثبت تصويت الناس ليه رغم الانسحاب ومن موقع المفوضية نفسه
وكان فرصة تصحيح الكبوة مبادرة نافع علي نافع وعقار وترجع قطاع الشمال وتوفر استقرار لحدي 2015 وفي دي غلط االمؤتمر الوطني ودفع بقطاع الشمال نحو الجبهة الثورية...اسقاطه لهذه الاتفاقية واثيت انه تنظيم عصابة وليس حزب مؤسسات فعلا وهذا هو الوضع المشوش الذى تراه الان والاحباط العام في السودان لكن بسقوط الكيزان الدولي ودي حتمية تاريخية في قطر ومصر وهلمجرا حتسقط الانقاذ براها من الداخل...والعالم كله حيعرف جرائمها في حق لشعب السوداني اذا ما اتصالحت مع نفسها ومع الشعب قبل 2015 وما يجي فاشل من ناس اعادة التدوير يقول لينا قول النملة انا والفيل هزينا الكبري
07-07-2013, 12:43 PM
جمال الباقر جمال الباقر
تاريخ التسجيل: 12-14-2008
مجموع المشاركات: 2237
تمبس اقول ليك حاجة نجاح تمرد شيئ مذهل وجبار مافي شك لكن هناك عوامل مساعدة .. خلينا نكون واضحين اهم عامل في نظري انو الجيش المصري مازال محتفظ بقوته وحياديتو (يعني لم يتم افراغه ) وانت عارف الحصل شنو في الكم وعشرين سنة العجاف ديل لجيشنا عشان كدة الشباب ديل كانوا معولين عليهو بعدين كدي شوف مداخلة الفيس التحت دي
07-07-2013, 01:49 PM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
من رحمة ربي على شعب مصر أنه لا يوجد بها احزاب طائفية ولا احزاب الوهم العقائدية الا في المنبوذين الاخوان المسلمين.. وما قامت به حركة تمرد يعد شئ من الخرافة بحكم الفترة الزمنية لتكوينها والانجاز الضخم الذي حققته.. المقارنة لا يمكن أن تكون موجودة بيننا والمصريين في نضجهم السياسي.. نحن مضخمين أنفسنا بوهم كبير.. اكتوبر وابريل.. كذبتا التاريخ!! لكن في الحقيقة هناك فارق كبير في الوعي السياسي والمام شعبنا بالقضايا التي تهمه.. شعب فطير يمكن ان تدغدغ مشاعره بعمة طائفية او شعارات دينية فيغيب بالكامل نحتاج لزمان طويل حتى نصل مرحلة صنع الثورة
تحياتي
07-07-2013, 01:53 PM
امين علي الشيخ امين علي الشيخ
تاريخ التسجيل: 08-21-2012
مجموع المشاركات: 320
والله يا علاء أنا المحيرني تاني يوم من عزل مرسي ، فتحت البورد لقيت ليك ناس الحكومة يبكو وناس المعارضة ينططو في الأول إفتكرت عمر البشير العزلوه:):) غايتو أحسن حاجة طلعت بيها هسي انه ناس الحكومة بقو ديمقراطيين وناس المعارضة قالوا (ليس بالدمقراطية وحدها يعيش الإنسان ) بلد تمحن
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
الشيخ سيد أحمد
adil amin
جمال الباقر
Abdlaziz Eisa
امين علي الشيخ
فيس بوك
تويتر
انستقرام
يوتيوب
بنتيريست