شكرالله عزالدين فضحتنا

الأخ محمد طه الحبر ـ لك التحية

ياخ النيل من سمعة الأخرين دون وجه حق ظلم ، وتجاوز للأعراف ، وتجاوز يمكن أن يعرضك للمسألة القانونية

يا حبيب هل مجرد وجود خلفية موسيقية بصوت الفنان شكر الله يجعلك تجزم أن الشخص الذي يراقص هذه الفتاة هو الفنان شكر الله عز الدين

يا حبيب هذا الفيديو لا يوضح ملامح هذ الشخص وبالتالي لا يمكن لأي حد أن يجزم أنه للفنان شكر الله

ثانياً : ماهى الفضيحة في هذا الشريط لو أفترضنا أنو الزول دا هو شكر الله :

شاب يراقص فتاة بصورة عادية ممكن أن تحدث في حفل زفاف أو أي مناسبة خاصة

هل الرقص دا تم في مسرح ؟

في حفل عام ؟

تم في مكان مفقول ـ وأي زول حر في حياتو الخاصة

واضح إنو في أصوات ناس حولهم ، ودا ينفي وجود شبهات حول الموضوع

لكن بعود وأقول ليك أعتذر لشكر الله يا الحبر ، عشان الزول الظاهر دا ما شكر الله حتى لو كان شكر الله

بوست غير موفق يا الحبر. ارجو حذفه والاعتذار عنه


لك الود

اخي محمد طه .. تحياتي لك ..
عندما قرأت العنوان افتكرت انك بتقصد ترديد شكرالله لأغنية وردي الطير المهاجر ..
صدقني اخي محمد اي حاجة انا شخصياً اقبلها من شكرالله .. فقط يتوقف عن ترديد هذه الاغنية لأنها صعبة عليه
يا اخي بصراحة اخونا شكرالله أنا ما عندي معاه اي قضية لكنني سمعته يردد اغنية الطير المهاجر في قناة البحر الاحمر
في حفلة في بورتسودان .. يا ريت لو غنى نور العين ، قمربوبا ربما يحيدها ..

شكراً اخي محمد طه .. لك التحية ..

هسع فضحك هو
ولا فضحتو انت ؟

أخانا الفاضل الحبر
لا أعرف الفنان شكر الله. لا صوتاً ولا صورة.
ولكني أقول: حتى ولو كان هو الظاهر في هذا الفيديو، فأنت الذي تفضحه الآن.. إن كان في الأمر فضيحة.
الشخص الظاهر في الصورة ـ أيا كان ـ يمارس شأناً خاصاً بين أربعة جدران.
بافتراض أنه بيعمل في شي غلط، هلا سترناه ... فيسترنا الله؟

فضحك فى شنو يا أخى محمد طه...إنت ظاهر فى الفديو ده؟ ......يا أخى عليك الله إعتذر للزول ده مع إنى مابريدو ولا بريد غناهو....لكن حياتو الخاصة يعمل فيها الدايرو......