تعرف يا فاروغ الأيام دي عامل فيها عندي برنامج بتاع مشي إها نزلت لي زي مية حلقة تفسير القران للشعراوي في الجوال وفعلا مستمتع جداً بها وبتنسيك رهق المشي في حر جدة ورطوبتها المهم قبل كم يوم تصدق حلقة كاملة شيقة جداً بتكلم فيها عن ( لولا ، لو ما) مسك الكلمة دا وقال كلام عجيب ، بس في حنة صغيرة قال بعض العلماء يقولوا ليك ألما حروف زائدة وقعد ليهم في المحاضرة نجمهم عديل والله بعد انتهي قربت اهتف من المتعة كيف قال يجرؤ علي ان يقولوا انه ربنا ممكن يقول حرف ما له لازمة أو حرف زايد زي ما قالوا
آمنة النصيحة الفيديو دا انا سمعتوا أيام الثورة طازجة قبل سنة ونص أو سنتين والليلة اتذكرته مع الأحداث دي
يا امنة الثائر يثور ليهدم الفساد ثم يهدأ ليبني الامجاد ياخ دا كلام عجيب افة الثائر ان الثائر يظل ثائرا لا يهدا ودا بالظبط الحاصل في مصر لو كانت الحكومة علمانية مثلا اكيد كنت حتلهجي بالثناء علي حديث الشعراوي يا امنة
Post: #12 Title: Re: كلام عجيب جداً Author: أمين محمد سليمان Date: 07-03-2013, 11:59 PM Parent: #11
السماني يا حبيبنا، البتاع ده رسلو لي زول قبل فترة فيديو ...حيرني حيرة شديدة !! الرجل كان يرى بنور الله الذي لا يهدى لعاصي .
Post: #13 Title: Re: كلام عجيب جداً Author: سيف النصر محي الدين Date: 07-04-2013, 00:17 AM Parent: #12
طيب رأيكم في ده شنو...قبل اربعة شهور قالت ليك مرسي لن يبقى على الكرسي
Post: #14 Title: Re: كلام عجيب جداً Author: عمر الفاروق Date: 07-04-2013, 05:44 AM Parent: #13
عارف يا أساسي.. لحدي وقت قريب كنت ما بقدر أسمع الشيخ العلّامة الشعراوي لأسباب مرتبطة بالطفولة وإنو بيجيبوهو في أوقات إنت بتكون منتظر فيها مسلسل أطفال أو برنامج ترفيهي.. كان عندي فهم قاطعو من شبطي إنو الشعراوي مهما إتكلم فهو لن يقدم ما يقدمه الزنداني والدكتور مصطفى محمود.. لحدددي ما يوم نعلت الشيطان وقررت أحضر ليهو حلقة كاااملة عشان أشوف فرقو شنو من الناس البتشرح وتفسر قرآن.. ياااااه.. ياخ انا لقيت روحي أهبل كيف؟؟؟ ده شنو ده؟؟؟ الزول ده مختلف في أييي شي.. في فكرو في طريقة توصيلو للمعلومة في الأريحية في البساطة في الحضور..في بعد النظر في في في .. والله حقو أعمل ليك حركات سودانيز وأقول ليك صار كاتبي المفضل.. الشعراوي زول نضيييف ..نضيييف ..نضيييف.. تحس بيهو دواخلو دي نقييية وصااافية .. راجل ما ساااهل أبداص .. رحمة الله على الشيخ العلّامة ويسامحنا على الوقت الضيعناهو بدون ما نسمعو ونستفيد من الدرر المنثورة مجاناً دي.. ويجعلها الله في ميزان حسناته..
تخريمة : انا لمن مرة كده قررت أمشي نزلت أغاني لي تغريد جبرة ..
Post: #15 Title: Re: كلام عجيب جداً Author: وضاح عبدالرحمن جابر Date: 07-04-2013, 06:25 AM Parent: #14
القصة ما تنبؤ ولا وتنجيم فقط تحليل وفكر ومتابعة للثورات ونتائجها والقصة ما رجل دين لايفهم غير التاريخ والتقليد والنمطية بتاعت رجال الدين رجل دين مثقف متابع يحلل ويستنتج
Post: #16 Title: Re: كلام عجيب جداً Author: سامى عبد المطلب Date: 07-04-2013, 07:41 AM Parent: #15
يا سلام يا اساسى على الشيخ الشعراوى لا اعتقد ان هنالك من يوازى هذا الرجل فى فهمه للقران ولا فى سهوله شرحه وتفسيره بلغه بسيطه يسهل فهمها للجميع مع ربطه بحياه الناس اعتقد ان هذا الفيديو كان شعاراً لقنوات دريم او الحياه ايام ثوره 25 يناير ...... رحم الله الشيخ الشعراوى بقدر ما قدم لهذه الامه ......